Thursday , October 1 2020
Breaking News

Penny Dreadful [S03 : E09] with Sinhala Subtitles | අන්ධකාරයේ අවසානය… (18+) [සිංහල උපසිරැසි සමඟ]

Rating: 10.0/10. From 3 votes.
Please wait...

2014 මැයි 11 දින SHOWTIME නාලිකාව මඟින් විකාශනය කරන ලද  කතා සමයන් තුනකින් සමන්විත “PENNY  DREADFUL” කතා මාලාව මේ වන විට කතාංගයන් 27 විකාශය කරලා හමාරයි. ඉතින් එදා ඉඳන් අද වෙනකන් මේ කතාවත් එක්ක එකතු වෙලා හිටිය ඔයාලා හැමෝටම අද දවසේ  අවසාන කතාංගයත් මෙන්න මෙහෙම අරගෙන එනවා. කතාවේ ප්‍රධාන නිෂ්පාදකවරයෙක් වන ජෝන් ලෝගන් පවසන පරිදි නැවත හතරවැනි කතාමාලාවක් ගැන ඔහුගේ අදහසක් නැහැයි කියලයි කියන්නේ.

“I can absolutely confirm it is really over,the end- that’s all she wrote.”

ඉතින් අවසාන කතාංගයට යන්න කළින්  “PENNY DREADFUL” කතාමාලාවේ නිෂ්පාදනය සහ ප්‍රවර්ධනය ගැන පොඩ්ඩක් කතා කරන්න ඕනි. 2013 වර්ෂයේ මෙම කතා මාලාව තිරගත කිරීම සඳහා විශාල කැපකිරීමක් කරන්න වුණා කියලයි සඳහන් වෙන්නේ. ලෝගන් (Jhon Logan) සහ මෙන්ඩ්ස් (Sam Mendes) මීට කළින් “SKYFALL” රචනා කර අධ්‍යක්ෂණය කරන ලදී. ලන්ඩන්හීදි නිෂ්පාදන කටයුතු 2013 වර්ෂයේ දෙවන භාගයේ තමයි පටන් අරන් තියෙන්නේ. තිරගත වන අවස්ථාවේ ඩේවිඩ් නෙවින්ස් (David Nevins) කියලා තියෙන විදියට කතා මාලාව ඉතා තාත්වික සහ විශාල පදනමක් සහිතව ගොඩනැගුණු එකක් බවත්,  එය Bela Lugosi පමණක් නොව ලන්ඩන්වල සිටින සියළු ජීවීන් සහ මිනිසුන් ශතවර්ෂ ගණනාවකම අතීතයට අරගෙන යන්නක් බවද ඔහු පවසා ඇත. “PENNY DREADFUL” කතා මාලාව නිෂ්පාදනයේදී සිදුවන සංගීතයන් සහ ශබ්ද තුළද එය අන්තර්ගත බවයි ඔහුගේ අදහස. ඒ වගේම ලෝගන් සෑම විටම කතා අවස්ථාවන් පිටුපසට ඇදීම හෝ ගෙන ඒම බොහෝම තාත්විකව සිදු කළා කියලයි සඳහන් වෙන්නේ. ලෝගන් දීර්ඝ කාලීනවම සාහිත්‍යමය පැත්තෙන් යක්ෂ, භූත, පිසාච සහ විරූපීන් පිළිබඳව රසිකයෙක් වගේම කතා මාලාවේ තිරපිටපත රචනා කිරීමේදී බහුතරයක් පිටපත් එහි ආභාෂය ලබා තිබීම විශේෂ අවස්ථාවක් වෙනවා. ඒවගේම මෙන්ඩ්ස්  මෙය අධ්‍යක්ෂණය කිරීමට නියමිතව තිබුණත් කාල වේලාව පිළිබඳව ඇති ගැටලුවක් නිසා එය වෙනස් වූ බවද සඳහන් වෙනවා.

ජුවාන් ඇන්ටෝනියෝ (Juan Antonio) මුල් කතාංගයන් දෙක අධ්‍යක්ෂණය කරන බව නිවේදනය කළ අතර පළමු කතා මාලාවේ ඉතිරි කොටස් ඩියර්බ්ලා වොල්ෂ්, කොකී ජිඑඩ්‍රොයික් සහ ජේම්ස් හාවේස් (Dearbhla Walsh, Coky Giedroyc,  James Hawes) යන අය අධ්‍යක්ෂණය කළා කියලයි සඳහන් වෙන්නේ.

2013 මාර්තු මාසයේ මෙය එංගලන්තයේ රූගත කිරීමට නියමිත වුණේ එහි පැවති 25% නව ප්‍රතිපාදන බදු සැලසුම් නිසාය. එය සියළුම උසස් රූපවාහිනි නිෂ්පාදනයන්ට අදාළ කාරණාවක් වුණා. කොහොමහරි අගෝස්තු මාසය වන විට එය “Bray’s Ardmore” මැදිරිය තුළ සහ අයර්ලන්තයේ ඩබ්ලින් නගරය අවට ප්‍රදේශයේ රූපගත කිරීමට තීරණය වුණා. ඒ සඳහා රටේ පැවති 481 බදු ප්‍රතිපත්ති හේතු වුණා. රූගත කිරීම ඔක්තෝබර් 07 ආරම්භ වූ අතර එය මාස 05ක් පුරාවටම සිදු වීමට හේතුව වුණේ එවකට ලන්ඩන් නගරය තුළ දැවැන්ත චිත්‍රපටියක රූගත කිරීම් සිදුවූ නිසා සහ මෙහි රූගත කිරීම් වලට ප්‍රමාණවත් ඉඩකඩ වෙන්වී නොතිබීම නිසා බව සඳහන් වෙනවා.

2013 දෙසැම්බර් මාසය වෙද්දී තිරගත කිරීමේ කාලය තුළ ලෝකයේ පළවෙනි වතාවට මෙ සඳහා බ්ලොග් අඩවියක් නිර්මාණය වුණා. එය “Penny Dreadful Production Blog” ලෙස නම් වුණා. මේකෙදි ප්‍රේක්ෂකයින්ට කතා මාලාවේ තිරය පිටුපස සිදුවීම්, අයර්ලන්තයේ සිදුවන රූගත කිරිම් මෙන්ම සම්මුඛ සාකච්ඡා ඇතුළු සියළු කරුණු අන්තර්ජාලය හරහා දැනගැනීමේ හැකියාව ලැබුණා.

2014 පෙබරවාරි 14 වෙනි දින වන විට පළමු දිගුව පෙර දර්ශනය (full-length trailer) නිකුත් කළා.

ලෝගන් 2014 San Diego Comic-Con ජාත්‍යන්තර හමුවේදී ප්‍රකාශකර සිටියේ ඔහු ඉතා ආශා කළ වදන් කීපයක් ඉදිරි කතා මාලාවේ “The Island of Doctor Moreau” ඇතුළත් කිරීමට බලාපොරොත්තු වන බවයි. ඒවගේම “Entertainment Weekly” කියන සම්මුඛ සාකච්ඡාවේදි ලෝගන් ප්‍රකාශ කර සිටියේ Doctor Moreau වෙනුවට ඩොක්ටර් හෙන්රි ජේකිල් (Dr. Henry Jekyll) යොදාගන්නා බවයි.

SHOWTIME නාලිකාව 2015 ජූනි 16 වන් දින “PENNY DREADFUL” හි තුන්වන අදියරේ නමවන කොටස නැවත නිර්මාණය කරන ලදී. එය 2016 මැයි 01 විකාශනය වුණා. ලෝගන් දෙවන කතා මාලාවේ අර්ධයක් වන විට තුන්වන කතා මාලාවෙන් එය අවසන් වන බව දැනගෙන සිටි අතර ඔහු එය SHOWTIME නාලිකාවේ සභාපතිතුමන් වන “David Nevins” හට ප්‍රකාශ කර සිටියේ තුන්වන කතා මාලාව සකස් කරමින් සිටි අවස්ථාවේදීය. මොවුන් මෙම පුවත නිවේදනය නොකිරීමට තීරණය කළ අතර Nevins ප්‍රකාශ කළේ, “එය ඉතා ආශාවෙන් කතා මාලාව නරඹන ප්‍රේක්ෂකයින්ට සිදු කරන අගෞරවයක් සහ එය ඉතා විශාල බිඳවැවීමක් විය හැකි බවයි”.

මෙහිදී ලෝගන් ප්‍රකාශකර සිටියෙ අවසානය ඉතා ප්‍රබල, ශක්තිමත්, අර්ථාන්විත සහ යථාර්ථවාදී විය යුතු බවයි. එමෙන්ම අවසානය පිළිබඳව කළින් දැනුවත්ව සිටීම නරක විස්වාසය පිළිබඳ ක්‍රියාවක් බවයි.

පළමු කතා මාලාවට හොඳ ප්‍රේක්ෂක ප්‍රතිචාර ලැබුණු අතර “Metacritic” හි  70% පමණ ඇගයුමක් (Rating) ලැබුණි. ඒ සඳහා සමාලෝචනයන් (reviews) 37 පාදක විය. “Rotten Tomatoes” හි 10 ත් 7.3 අතර ප්‍රතිශතයක් හිමිවූ අතර ඒ සඳහා සමාලෝචනයන් 55 පාදක විය. “The Guardian” හි Ben Hewitt පෙන්වා දී ඇති පරිදි හොදින් රූගත කරන ලද, හොදින් රඟපාන ලද  “PENNY DREADFUL” කතා මාලව මදක් හාස්‍යජනක වුවද පළමු කතා මාලාව දරුණුබවේ අන්තයටම ගොස් තිබූ බවය.

දෙවන කතා මාලාවේද හොඳ ප්‍රතිචාර ලැබුණු අතර “Metacritic” හි 77% පමණ ඇගයුමක් ලැබුණි. ඒ සඳහා සමාලෝචනයන් 14 පාදක විය. “Rotten Tomatoes” හි 7.6 ත් 10 අතර ප්‍රතිශතයක් හිමිවූ අතර සමාලෝචනයන් 19 පාදක විය. එහිදී සඳහන්ව තිබුණේ  “PENNY DREADFUL” කතා මාලාවේ ඇති ත්‍රාසය තව දුරටත් රඳවා ගනිමින් එක් ආකාරයක විශේෂ ලෙස සැකසුණු ක්‍රමයකට විකාශනය වන බවයි.

තුන්වන කතාමාලාවේ හොඳ විචාරක අදහස් හිමිවූ අතර, “Metacritic” හි 83% පමණ ඇගයුමක් ලැබුණි. ඒ සඳහා සමාලෝචනයන් 9 පාදක විය.  “Rotten Tomatoes” හි 8.1 ත් 10 අතර ප්‍රතිශතයක් හිමිවූ අතර ඒ සඳහා සමාලෝචනයන් 11 පාදක විය. එහිදීද සඳහන්ව තිබුණේ “PENNY DREADFUL” කතා මාලාව එහි තිබූ ත්‍රාසය සහ බියසුළු බව තවත් වැඩිකරමින් එය අශිෂ්ට බවක් ලබාගෙන ඇති බවයි. “Ben Travers” ඒ සඳහා (B+) ලබාදුන් අතර ඔහු ප්‍රකාශකර සිටියේ කතා මාලාව තුළ සම්ප්‍රදායයන් හා ඇමරිකානු මතයන් මුසුවී එහි තිබූ ආකාරය වෙනස්ම ආකාරයකට පෙරලා තවත් ත්‍රාසය සහ බියසුළු බව කතාවට එක්කිරීමට නිෂ්පාදන කණ්ඩායමට හැකිවී ඇති බවයි.

ඒවගේම කතා කරන්න ඕනි “PENNY DREADFUL” කතා මාලාව සඳහා යෝජිත සහ ලැබුණු සම්මාන පිළිබඳවත්. සියළු සම්මානයන් 11 සමඟ තවත් සම්මානයන් 41 සඳහා මේ කතා මාලාව යෝජිත වෙලා තියෙනවා.

ඇමරිකාවේ “2016 Golden Globes සම්මාන උළෙලේදී  “Best Performance by an Actress in a Television Series” සම්මානයට අපේ කතා නායිකාව Eva Green නිර්දේශ වෙලා තියෙනවා. ඒ වගේම “Bafta TV Craft 2015” දී හොඳම නිෂ්පාදනය (Jonathan McKinstry, Philip Murphy) හොඳම වේශ නිරූපණය සහ කොණ්ඩා මොස්තරය යන අංශයන් (Nick Dudman , Vincenzo Mastrantonio, Stefano Ceccarelli) ඒවගේම Best Original Music වෙනුවෙන් (Abel Korzeniowski) යන අය ජයග්‍රහණය කළා. ඒවගේම “British Film Designers Guild Awards 2016” දී Best TV 2016 වෙනුවෙන් (Jonathan McKinstry, Jo Riddell, Philip Murphy) යන අය සම්මාන හිමිකරගත්තා. ඒවගේම “Camerimage 2015” දී (Best Pilot) වෙනුවෙන් (Penny Dreadful: Night Work (2014)  ජයග්‍රහණය කළා. ඒවගේම “Canadian Cinema Editors Awards 2015” උළෙලේදී Best Editing in Long Form Television Series වෙනුවෙන් (Christopher Donaldson) සම්මාන හිමිකරගත්තා. ඒවගේම “Critics Choice Television Awards 2014” උළෙලේදී Most Exciting New Series එක විදියට “PENNY DREADFUL” කතා මාලාව සම්මාන හිමිකරගත්තා. ඒවගේම “Fangoria Chainsaw Awards 2016” උළෙලේදී Best TV Actress විදියට Eva Green සම්මාන හිමිකරගත්තා. ඒවගේම “Fangoria Chainsaw Awards 2015” උළෙලේදී Best TV Actress ලෙස Eva Green දෙවන ස්ථානයද Best TV Supporting Actress ලෙස Billie Piper තුන්වෙනි ස්ථානයද හිමිකරගත්තා.  ඒවගේම “Irish Film and Television Awards 2016” උළෙලේදී Best Actress in a Supporting Role in Drama විදියට Sarah Greene සම්මාන හිමිකරගත්තා. ඒවගේම “Satellite Awards 2014” උළෙලේදී Best Actor in a Supporting Role in a Series, Miniseries or Motion Picture Made for Television විදියට Rory Kinnear ජයග්‍රහණය කළා. මීට අමතරව එකී නෝකී සම්මාන රාශියක් සඳහා “PENNY DREADFUL” කතා මාලාව නිර්දේශ වෙලා තියෙනවා.

හරි, එහෙනම් ගියසතියේ කතාව පැත්තට යමු. කතාව ආරම්භයේදීම රේන්ෆීඩ් සහ ඩොක්ටර් සුවර්ඩ් එක්ක පැටලෙන්න හදලා මොකද වුණේ කියලා දැක්කනේ. සර් මැල්කම්, ඊතන් සහ කයිටනේ මැල්කම් මන්දිරයට එනවා. එතනදි පොඩි අකරතැබ්බයක් වෙනවනේ කට්ටියට. මෙතන්දි වන සිදුවීම මැඩපැවැත්වන්න මිස් හාර්ඩගන්ගේ උදව් ලැබනවා. ඒවගේම වික්ටර් සහ ජේකිල් එකතුවෙලා ලිලීව සනීප කරන්න හදනවනේ. පස්සේ ඉතින් ලිලීගේ බොරු ඇහැ පෙන්නලා කොහොම හරි එතනින් පැනගන්නවා. මිස්ටර් ක්ලෙයාර්ගේ පුතාගේ අසනීපය එන්න එන්නම වැඩිවෙනවා. ඒවගේම ඩෝරියන් කළින් බේරගත්ත ජස්ටීන් කියන ළමයාව මරනවා. අවසානයේ ඊතන්ට ඩ්‍රැකියුලා මුණගැහිලා පොඩ්ඩක් කතා බහ කරනවනේ අතින් පයින්, නේද? කතාව අවසාන වුණේ තවත් වෘකයෙක් කතාවට එකතු වෙලා.

මෙන්න එහෙනම් අවසාන කතාංගය…සර් මැල්කම් සහ ඔහුගේ පිරිස වැනේසාව ඩ්‍රැකියුලාගෙන් බේරගැනීමේ අවසාන සටනට යනවා. අවානයේදි ඊතන්, වැනේසා වෙනුවෙන්  තමංගේ තේරීම ඉටු කරනවා. හරි, මම අද කතාව මෙන්න කිව්වා. ඒ වගේම මතක් කරන්න ඕනි  “PENNY DREADFUL” කතා මාලාව කරන්න කියලා සමීර අයියා තමයි අපිට මතක් කළේ. ඉතින් සමීර අයියා වගේම ඉසුරු සහෝත් ගොඩාක් ආදරයෙන් මේ වෙලාවේ මතක් කරන්න කැමතියි. ඒවගේම අපේ බයිස්කෝප් අඩවියේ ඉන්න සියළුම සාමාජික සාමාජිකාවන් හැමෝමත් මේ වෙලාවේ මතක් කරන්න කැමතියි. ඉතින් මේ අවසානය වෙනකන්ම උපසිරසිය කරගෙන යන්න වගේම හැමදාම වගේ අමතක නොකර පොඩි හරි කමෙන්ටුවක් දාපු පිරිසකුත් ඉන්නවා. ඒ අයත් මේ වෙලාවේ බොහෝම ගෞරවයෙන් මතක් කරන්න කැමතියි. මොකද ඒ අය නැත්තම් අද අපි මෙතන ඉන්න විදියක් නෑනේ. ඒ වගේම අද අවසාන කතාංගය ගැන ඔයාලාගේ අදහස් නොවරදවාම එකතු කරන්න කියලත්  ඉල්ලනවා. ඉතින් තවත් මේ වගේම කතා මාලාවකින්, උපසිරසියකින් ඔයාලව නැවත මුණගැහෙනකන් ගිහින් එන්නම්. හැමෝටම ජයෙන් ජයම වේවා. හෝව්…ගොඩක් දිග හැඳින්වීමක් මම දැම්මේ අනිවාර්යයෙන්ම කියවන්න කියලා ආරාධනා කරනවා…

ජය…!!!

                        “♪ මම තරුණ කාලයේ ඉද්දි ♪
                         ♪ දෙවියන් වහන්සේ ගැන තැතිගත්තා ♪
                         ♪ මගේ මව මට ගිතයක් ගායනා කළා ♪
                         ♪ ඒ තනුව මම පිරිසිදු තැනක තියාගත්තා ♪
                          ♪ මොකද මම දන්නවා මගේ ජීවිතය 
                          ගොඩක් කාලයක් තියෙන එකක් නෑ කියලා ♪
                          ♪ ඒකෙන් කියන්නේ ඔයා යන්න ඕනි දිහාව ගැන ♪
                          ♪ ලෝකය අතරින් ඔයාගේ වෙලාව ආවහම ♪
                          ♪ අපි ලස්සනයි කියන ඒ දිව්‍යලෝකයට ♪
                          ♪ ඒක ඇත්තක් ♪
                          ♪ අනේ දෙවියනි මම අයදිනවා
                         ඒක ඇත්තක් වෙන්න කියලා ♪
                          ♪ ‘මොකද එකපාරක් මේ පොළව 
                          දිව්‍යලෝකයක් වෙලා තිබුණ නිසා ♪
                         ♪ කොළ පාට කඳු හැම එකක්ම
                         අපිට බලන්න පුලුවන්කම තිබුණා ♪
                         ♪ ඒත් දැන් ඒවා දැලි සහ ගඩොල් බවට පත්වෙලා ♪
                         ♪ ඒක ගොඩාක්ම මට අපායක් වගේ ♪
                         ♪ හැම දවසකම තව තවත් වේදනාව විතරයි ලැබුණේ ♪
                         ♪ එවැනි රාත්‍රින් වල හුදෙකලාව සහ තැතිගැනීම දැනුණේ ♪
                          ♪ මම ඔයාගේ හඬට ඇහැරුණාම ♪
                          ♪ ඔයා යන්න ගිහින් ♪
                          ♪ ඇයි ඔයා මෙතන නැත්තේ? ♪
                          ♪ ඉතින් මම දැන් නින්දට යන්න හදන්නේ ♪
                         ♪ මම දෙවියන්ගෙන් ඉල්ලන්නේ ♪
                          ♪ මගේ ආත්මය රැකබලා ගන්න කියලා ♪
                          ♪ අනේ මට ඇහැරෙන්න කළින් මියයන්න දෙන්න ♪
                          ♪ එතකොට දෙවියන්ට මගේ ආත්මය ගන්න පුලුවන් වෙයි ♪
                          ♪ සමහරවිට මම ඔයාව හොයාගනීවී ♪
                          ♪ ‘පාරාදීසයේ අලංකාරයන් බලන අතරතුරේ ♪
                          ♪ එතකොට ඔයා ගායනා කරයි ජීවත්වෙලා ඉද්දි ♪
                          ♪ ඒක හොඳ දෙයක් වෙන්නේ නැද්ද? ♪
                          ♪ ඒක හොඳ දෙයක් වෙන්නේ නැද්ද? ♪”

 

 

 

 

 

Penny Dreadful (2014– ) on IMDb

 

 

Due to copyright complications, we no longer provide torrent links. We hold no responsibility about how you come to obtain video & there are no obligation to actions you take with it among the copyright of the movie.
 
මෙම ලබා දී ඇති උපසිරසි HD පිටපත් සඳහා අදාළ වේ.

 

මේ ලබා දී ඇති සිංහල උපසිරැසි පිළිබද ප්‍රදීප් මධුසංඛ සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

  << Previous Episode                   All Episodes                        Next Season >>

Check Also

Abhay (2019-) [S02 : E05] Sinhala Subtitles | ජල භීතිකාව වැලඳුනු සුනඛයා [සිංහල උපසිරැසි සමඟ]

‘දැන් එයා මොනවද කරන්නෙ?’ ‘වෙස් මාරු කරගන්නවද?’ – ‘එයාගෙ වෙනසක් පේන්නෙ නැද්ද?’ – ‘සෑහෙන්න වෙනස්.’ …

Leave a Reply

Your email address will not be published.

17 comments

  1. Harindra kumara

    thanx bro…….

  2. thankZZZ bro!!!

  3. Thanks Bro…

  4. බොහොම ස්තූතියි සහෝ සිංහල උපසිරැසියට. ජය෴෴ 😛 😛

  5. අද තමයි ඔක්කොම ටික ගත්තෙ ඔන්න. උපසිරැසට බොහොම ස්තූතියි සහෝ………….

  6. උපසිරැසට බොහොම ස්තූතියි සහෝ………….අද තමයි ඔක්කොම ටික ගත්තෙ ඔන්න.

  7. Thank you saho kathawa dunnata ………..jayawewa,……..!

  8. Thanks bro!

  9. උපසිරැසියට තුති…
    ඊළඟ උපසිරසියෙන් හමුවෙමු..
    ඔබට ජය


    #Hail_Hydra

  10. බොහොම ස්තුති සහෝ !

  11. niayamai…thanks saho..sub walata..digatama sub demu.jaya wewa……

  12. ප්‍රතිචාර අඩු උනත් කතාව අවසානය තෙක් රැගෙන ආවාට බොහෝම ස්තූතිය්. ලිපියටත් එසේමයි. එහෙනම් අවසාන කොටසත් අරගන්නවා ජයවේවා

  13. සුපුන් බුද්ධික

    නියමයි මචන්..හොඳ ලිපියකුත් තියෙනවා..
    එහෙනම් ගොඩක් ස්තූතියි සහෝ..
    මේ කතාවට දිගටම උපසිරැසි අරගෙන ආවට..
    මේ වගේ හොඳ කතා බලන කට්ටිය අඩුයි..
    අපේ අය රැල්ලට සුපර් හිරෝ කතා බලනවා කියන්නේ 😀
    පුලුවන් කෙනෙක් ඉන්නවනම් Outlander සීසන් 2 එකට උපසිරැසි කරන්න..

    ජය වේවා !!!

  14. ඉසුරු දිල්ශාන්

    බොහොම ස්තූතියි සහෝ මේක ඉවරවෙනකම් කලාට!
    සීසන් තුන එලටම තිබුනා! ජය!!

  15. Ela saho ela.godak thank hode.ikmaninma aluth akakin aye habemuko.ts

error: Alert: Content is protected !!