Piku (2015) | මෙහෙමත් තාත්තා කෙනෙක්!!! [සිංහල උපසිරසි සමඟ]

අම්මයි තාත්තයි කියන්නෙ මේ ලෝකයේ දරුවන්ට ලැබෙනා වටිනාම දේ කියලා මං කිව්වොත් ඔයාලා මං කියන දේට එකඟ වේවි. ඒකට ආයෙත් හේතු පැහැදිලි කරන්න අවශ්‍ය නෑ. දෙමව්පියන් වයසට යනකොට එයාලට තමන්ගෙ වැඩ කටයුතු කර ගන්න බැරි තත්වෙකට පත්වෙනකොට දරුවන් ඒ දෙමව්පියන් වෙනුවෙන් ඉන්න ඕනෙ. එයාලව ජීවත් කරවන්න කැපවෙන්න ඕනෙ. නමුත් අද කාලයේ අපිට අහන්න දකින්න ලැබෙන්නෙ වැඩිහිටි නිවාස වල තනිවෙලා ඉන්න අම්මලා තාත්තලා අසරණ වෙලා ඉන්න හැටි. මොන දේ උනත් පොඩි කාලෙ ඉඳන් අපි කරන කරදර, දඟ වැඩ ඉවසාගෙන අපිට කන්න බොන්න දීලා අපිව උස්මහත් කරපු දෙමව්පියන් වෙනුවෙන් අපි මොනවද කරන්න ඕනෙ?

ආයුබෝවන් යාළුවනේ, ඔයාලා කල්පනා කරනවා ඇති මේ මොනවද උදේ පාන්දරම කියලා තියෙන්නෙ කියලා. උඩින් කිව්ව දේවල් පදනම් කරගෙන නිර්මාණය උන හින්දි චිත්‍රපටයකට උපසිරැසි අරගෙන ඔන්න අද මං ඔයාලව මුණ ගැහෙන්න ආවා. මෙච්චර කාලයක් උපසිරැසි නිර්මාණය කළාට, හින්දි චිත්‍රපටයකට උපසිරැසියක් නිර්මාණය කරපු පළවෙනි වතාව මේක. ඇත්තම කිව්වොත්, මේක මුලින්ම වෙන් කරගනිද්දි මෙහෙම එකක් කියලා හිතුවෙ නෑ. ඒත් IMDB මීටරයේ 7.9ක් ගන්න මේ චිත්‍රපටයට පුළුවන් වෙලා තියෙනවා. හාස්‍ය සහ නාට්‍ය කියන ගනයට අයත් වෙන මේ චිත්‍රපටයට උපසිරැසිය කරන්න බාර ගෙන දැන් සතියක් වෙනවා. අද තමයි ඉවර කරලා දෙන්න පුළුවන් උනේ. පරක්කු උනාට සමාවෙන්න යාළුවනේ.

කතාව ගැන පොඩ්ඩක් කියන්නම්. සම්පූර්ණ කතාවම ගෙතෙන්නෙ බස්කොර් බැනර්ජි කියන වයසක පියෙක් සහ ඔහුගේ දියණිය වන පීකූ දෙන්නගේ ජීවිතය ගෙවන හැටි ගැන. බස්කොර් බැනර්ජි කියන්නෙ මළබද්ධය කියන රෝගයෙන් පීඩා විඳින ටිකක් දඩබ්බර ගති තියෙන තාත්තා කෙනෙක්. පීකූ කියන්නෙ ඉක්මනින් කේන්ති යන කසාදයක් වත් නොබැඳ තමන්ගෙ තාත්තව රැක බලාගෙන ඉන්න දියණියක්. තාත්තට තියෙන මේ ලෙඩේ නිසා පවුල ඇතුලෙ ලොකු ලොකු සිද්ධීන් ඇති වෙනවා. මේ අතරේ තාත්තට දිල්ලියේ ඉඳන් කොල්කටා වලට යන්න ඕනෙ වෙනවා. ඒත් ඔහු වාහනයක යන්න ඕනෙ කියලා බල කරන නිසා රානා චෞද්රිට අයත් ටැක්සි සේවයෙන් වාහනයක් අරන් මේ ගමන යනවා. රානා චෞද්රි කියන්නෙත් පීකු වගේම කසාද නොබැඳ අම්මව සහ නංගිව බලාගෙන ජීවත් වෙන ටැක්සි සේවයක හිමිකරුවෙක්. ඉතින් තව කිව්වොත් කතාවෙ රසය නැති වෙනවා. ඔයාලම බලන්නකෝ මොකද වෙන්නෙ කියලා.

වෙලාවකට බඩ අල්ලන් හිනා වෙන්න පුළුවන්, තවත් වෙලාවකට ඇහැට කඳුලක් උනන සිදුවීම් රාශියක් මේ කතාව පුරාම ඔයාලට දැක ගන්න පුළුවන්. බස්කොර් බැනර්ජිගේ චරිතයට පණ පොවන්නෙ අප සැම සියළු දෙනාම ආදරය කරන ප්‍රවීණ නළු අමිතාබ් බච්චන්. පීකුගෙ චරිතයට පණ පොවන්නෙ අපි කවුරුත් ආදරය කරන දීපිකා පදුකෝන්. ඒ වගේම රානා ගේ චරිතයට පණ පොවන්නෙ ඉර්ෆාන් කාන්. මෙයාව නම් ළඟදි තිරගත උන ජුරාසික් වර්ල්ඩ් හොලිවුඩ් නිර්මාණයෙත් දකින්න ඇතිනෙ. එහෙනම් ඉතින් හැමෝටම බලන්න පුළුවන් මේ කතාව රසවිඳින්න කියලා මං හැමෝටම ආරාධනා කරනවා.

කතාවේ එක තැනක මේ පියා බොහොම ආත්මාර්ථකාමී කෙනෙක් හැටියට හඳුන්වනවා. ඒ නිසා මාතෘකාව දැක්කම සහ කතාව බලලා ඉවර උනාම ඔයාලට දැනෙන හැඟීම ගැන වචන දෙක තුනක් අදහසක් විදියට පහළින් ලියලා යන්න කියලත් මං ආරාධනා කරනවා. එහෙනම් තවත් උපසිරැසියකින් මුණ ගැහෙන තුරු සැමට ජය!!

බයිස්කෝප් අඩවියට ජය!!!

491 MB (DVD) කොපිය මෙතනින් බාගන්න

702 MB (DVD) කොපිය මෙතනින් බාගන්න

980 MB (DVD) කොපිය මෙතනින් බාගන්න

1.53 GB (DVD) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ෂෙරින් සමාධි ගිනිගේ” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.