Planes (2013) | හිත ඇති නම් පත කුඩාද? [සිංහල උපසිරැසි සමඟ]

ඉතින් කොහොමද යාළුවනේ ගොඩ කාලෙකට පස්සේ මේ එකතු වෙන්න යන්නේ තවත් ත්‍රිමාන සජීවිකරණ චිත්‍රපට උපසිරසක් සමඟ. මම හිතන්නේ මම අවසන් වතාවට දුන්න උපසිරස Escape from Planet Earth (2013). මේ මගේ දායකත්වය යටතේ ඔබට ලැබෙන 6 වන ඇනිමේෂන් චිත්‍රපට උපසිරස. මැයි වලින් පස්සේ මේ එකතු වෙන්න යන්නේ මාස 5ට පසුවයි. මොකද දැන් අපේ වෙබ්අඩවිය තුල ඇනිමේෂන් ලෝලීන් වැඩි වෙලා ඒ නිසා ඒ ගැන වග කියන්න සැහෙන්න පිරිසක් මඟ බලා ඉන්නවා.එහෙනම් මේ චිත්‍රපටය නිෂ්පාදනය කර තිබෙන්නේ ඩිස්නි නිවසින්. මතකනේ කලින් එයාලගේ නිර්මාණ දෙකක් ආවා Car 1 සහ 2. දැන් මේ අතගහල තියෙන්නේ ගුවනට. මෙහි අධ්‍යක්‍ෂණය සිදු වෙලා තියෙන්නේ Klay Hall විසින් ඒ වගේම හඬ දායකත්වය Carlos Alazraqui, Dane Cook, Stacy Keach සහ ඉන්දියානු නිලි Priyanka Chopra පවා දායකත්වය ලබා දි තිබෙනවා. චිත්‍රපටය බලනකොට හින්දි සින්දුවක් එහෙමත් අහන්න ලැබේවි ඔයාලට. ඒ වගේම පසුගිය අගෝස්තු 09 දින තිරගතකල මේ සලරුවේ පිරිවැය ඩොලර් මිලියන 50ක් ඒ වගේම ඔක්තෝබර් 27 වනවිට සම්පූර්ණ ඇමෙරිකානු අදායම පමණක් ඩොලර් මිලියන 88 කට අධික ප්‍රමාණයක්. ඒ වගේම IMDb අගය වාර්තා වෙන්නේ 5.2ක් විදිහටයි.ඒ වගේම ඉදිරි දිගහැරුම තුලින් සම්පුර්ණ විස්තරයක් දීලා තියෙනවා ඔයාලටත් මෙතනින් ඒ විස්තරත් බලාගන්න ඇහැකි.  

කතාව ගැන කියනවා නම්, කෘමිනාශක ඉසින කුඩා ගුවන් යානයක් ඉන්නවා ටිකක් පිටිසර ඉරිඟු හේනක වැඩ කරමින්. එත් මෙයාගේ හීනය වෙන එකක්. මට මේ ප්ලේන් හාදයාගේ නම කියන්න බැරි උනානේ. මෙයා තමා ඩස්ටි ක්‍රොප්හොපර්. ඉතින් මේ ඇඹිල්ල ඇටේ වගේ හිටියට මෙයා හීන දකින්නේ ජෙට් එක්ක රේස් යන්න. ඒ නිසා මෙයාගේ යාළුවා චග් එක්ක එකතු වෙලා කරන වැඩේ තමා රාජකාරි වේලාවෙන් පස්සේ රේස් පුරුදු වෙන එක. ඉතින් මෙයාල සූදානම් වෙන්නේ ලෝකයේ වේගවත්ම ගුවන් යානය තෝරන තරඟයට ඇතුල් වෙන්න. ඉතින් මේ තරඟයට එන්නේ එසේ මෙසේ අය නෙමෙයි. ලෝකේ වටේම විසිරිලා ඉන්න සුපිරිතම රේස් ධාවකයන්.

ඉතින් මෙතනින් එහාට භාර කරනවා ඩස්ටි එක්ක හීන එලිකරගන්න යන ගමනට ඔබේ දායකත්වය දෙන්න කියලා. ඒ වගේම බලන්න ඒ අතරේදී ඩස්ටි හීන් වලට යන විදිහ සහ හැමදාම වගේ ඇනිමේෂන් චිත්‍රපට වල ලැබෙන උපදේශයත් හිතට ගන්න බලන්න. ඒ වගේම මම කරපු ඇනිමේෂන් චිත්‍රපටි වලින් වැඩිම ලයින් ගානක් තියෙන උපසිරසත් planes. මෙහි ලයින් 1450 ට ආසන්න ප්‍රමාණයක් සිංහලට හරවන්න සිද්ධ උනා. ගුවන් යානා උනාට පුදුම කියවිල්ලක් තමා කියවන්නේ. 😉  එහෙනම් ගිහින් එන්නම් හැමෝටම ජයෙන් ජය!!!

” Due to copyright issues, we do not provide any torrent links. “

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.