Prison Break [S01 : E11 to E22] Sinhala Subtitles | නිදහස සොයා… [සිංහල උපසිරැසි සමඟ]

මම හිතනවා අපේ බයිස්කෝප් සිංහලෙන් හා එකතු පහදු වෙලා ඉන්න හැමෝටම මතක ඇති; අපේ ධනුෂ්ක ලක්මාල් ධනා සොහොයුරා වරක් භාරදූර උපසි‍රැසි වැඩකට අත ගැහුවා. Prison Break. ඔහු විතරක් නෙමෙයි අන්තිමේ ඔහුගෙ සහෝදරයා වන ලක්මාල් සොහොයුරාත් එහි උපසි‍රැසි නොකඩවා ඔබ වෙනුවෙන් ලබා දෙන්න දරපු උත්සාහයත් අමතක නැතුව ඇති. කොහොම වුණත් අන්තිමේ මෙහෙව් පතරංගයකට උපසි‍රැසි දෙන්ඩ කරගැහුවට අන්තිමේ ඒ වැඩේ දිගට ගෙනියන්ඩ බැරුව ගියා. එහෙම වෙලා තියෙද්දී මේ කතා මාලාවට උපසි‍රැසි ලබා දීම සම්පූර්ණ කරන එක කරගන්ඩ බැරුව අපි හිර වුණා. ඒ කියන්නෙ අපට මේක Prison එකක් බවට පත් වුණා. ඒත් මේ වෙනුවෙන් ඔබ කළ ඉල්ලීම් නම් නැවතුණේ නෑ. ඔබ දිගින් දිගටම කරපු ඒ ඉල්ලීම් වෙනුවෙන් හිත උණු වුණ; හිත හොඳ කට්ටියක් ආපහු මේ ගැන හිත යොදවල මෙදා පාර මේ සූදානම ඒ හිර ගේ බිඳින්ඩයි. ඒ කියන්නෙ නියම Prison Break එක සිද්ධ වෙන දවස අදයි! :ඪ් එහෙමනම් මිතුරනේ, මෙන්න පිළිගන්න Prison Break!

ගියපාර අපේ සහෝලා දෙන්න එක්කම අමාරුවෙන් ඇදගෙන ඇවිදිල්ලත් දෙන්ඩ හැකිවුණේ කොටස් 10ක උපසි‍රැසි විතරනේ! මේ පාර එතන සිට ඉදිරියට තිබෙන කොටස් 12ත් සමගම පළමු කතා සමයෙහි අඩංගු කොටස් 22ටම උපසි‍රැසි එකවර නිකුත් කරන්නයි අපි මේ සැරසෙන්නේ. ධනා සහෝ මේක සිංහල කරන වැඩේට අත තිබ්බෙත් ඔබගේ විවිධ ඉල්ලීම් සලකා බලලම තමයි. ඒ වුණත් මේ සිංහල උපසි‍රැසි ගන්වන උදවිය හැමකෙනෙක්ම මේවා කරන්නේ ස්වේච්ඡාවෙන්! ඒ අය ඒ වෙනුවෙන් කැප කරන්නේ අනිත් බොහෝ දෙනෙක් විවේක වෙන්ඩ විනෝද වෙන්ඩ ගත කරන නිදහස් කාල වේලාව. ඒ අය එහෙම කරන්නෙ මේ විදිහට අනික් අය වෙනුවෙන් වෙහෙසිලා, ඒ අයට සතුටක් ගේන්ඩ කරන මේ කැපකිරීම එයාලට හරිම උතුම් දෙයක් වෙන නිසයි. ඒ වුණත් ඇතැම් වෙලාවක ඒ අයටත් මේ වෙනුවෙන් කැප කරන්ඩ තියෙන කාලය සීමිත වෙනවා. තමන්ගෙ ‍රැකියාවෙ/ ජීවිතේ ප්‍රශ්න ගැටළු එද්දි, වැඩ කඳු ගණන් ගොඩ ගැහෙද්දි අකමැත්තෙන් වුණත් ඒ දේවල් අත්හැර දමන්නටත් ඒ අයට සිද්ධ වෙනවා ඇතැම් වෙලාවල. අපේ ධනාට ඉහගහගන්ඩ බැරි තරම් වැඩ ගොඩවෙන කොට, එයාගෙ අයියත් මේ වැඩේ දිගට ඇදගෙන යන්ඩ මලයට උදව්වෙන අදහසින් මේකට උරදුන්නෙ වැඩේ ලෙස්සලා යන්ඩ නොදී කොහොමහරි දිගටම ගෙනියන අදහසින්. නමුත් කුමන හේතුවක් නිසා වුණත් ඒ වැඩෙත් අතර මග ඇණහිටියා. ඔහොම තමයි අපිට හෙමවෙලේම හැමදේම බලාපොරොත්තු වෙන විදිහට ඉවර කරගන්ඩ ලැබෙන්නෙ නැහැනෙයි!

ඉතිං ඒ අය මේ ආරම්භ කරපු අනගි වැඩේ සම්පූර්ණ කරලා ඉදිරියටත් කරගෙන යන්ඩ කියලා හිතාගෙන තව කට්ටියක් මේ වැඩේ භාරගත්තා. ඒ අය තමා චින්තක සහ ගිහාන් මධුසංක යන සොයුරන් දෙදෙනා. ඒ අය හිතුවෙ මෙච්චර දැඩි ඉල්ලීම් මැද මෙච්චර කල් වැඩේ කල් පමා වෙච්චි නිසා ටික ටික එක එක දෙනව වෙනුවට එකපාර ඔක්කොම දෙන එක හොඳයි කියලයි. ඉතිං ඒක නිසා ඔවුන් ඉතුරු උපසි‍රැසි ගොනු සියල්ල සම්පූර්ණයෙන්ම අහවර කරලා දුන්නා. දැන් අද තමා ඒ ටික ඔබ අතට පත්කරන දවස. ඉතිං ඒ අය මෙහෙම අතරමග නැවතුණ වැඩේ කෙළවරක් කරල දෙන්ඩ භාරගන්නකොට මේ වැඩේට මුලපුරපු අපේ ධනා සහෝටත් ලොකු සන්තෝෂයක් ඇති. මොකද කිව්වොත් කොච්චරවුණත් මේ වැඩේ එයා ආරම්භ නොකරන්ඩ කවදාවත් නොවෙන්ඩත් ඉඩ තිබුණ නිසා. එහෙමනම් අපි මේ වෙලාවේ ධනාවයි ඔහුගේ අයියණ්ඩියවයි ආදරයෙන් සිහි කරනවා ස්තුතිපූර්වකව.

මෙදා පාර වැඩේ කෙළවරක් වෙනාම්ම ඇදගෙන යන්ඩයි කාගෙ කාගෙත් අදහස. ඒ වුණත් නොසිදූ විදිහට නොසිතූ වෙලාවට එන බාධක ගැන සැලසුම් අපි ළඟ නෑනෙ… ඊටත් මේ වගේ දඩෝරි වැඩක් මේ දෙන්නතුන්දෙනා විතරක් ඉවර කරන්ඩ ලෑස්ති වුණොත්නම් ඒකටත් මහා කාලයක් ඕනි වෙයි. ඒ නිසා මේ වැඩේට එකතු වෙන කට්ටිය වැඩි වෙන තරමට හොඳයි. ඉක්මන්, ලේසියි වගේම ස්ථිරයි! ඒ නිසා අපි කැමතියි ඔබෙන් මේ විදිහේ ඉල්ලීමක් කරන්ඩ. ඔබ කැමතිනම් මේ වැඩේදී අපට සහයෝගය දෙන්ඩ මේ [email protected] ලිපිනයෙන් අපෙන් විමසන්න. කලින් සැරේ මුළු කතා සමයක්ම එක්කෙනෙක් භාරගත් නිසානෙ ඒ අවුල ඇති වුණේ. මේ පාර එහෙම නොවෙන්ඩ කැමති අය අතරේ කොටස් බෙදල හදල දෙන්ඩ ව්‍යාපෘතියකුත් අපේ අදියුරන් ක්‍රියාත්මක කරන්ඩ යන්නේ. ඒ නිසා බය නැතුව එකතු වෙන්ඩ ඇහැකින්! අනික බය නැතුව බලන්ඩත් ඇහැකි! හහ්

හරි එහෙමනම් ඔන්න අතගහපු වැඩක් ඉවර කරන්ඩ ලැබීමේ සන්තෝෂෙකුත් එක්ක අපි හැමෝම අද මේක ලබා දෙන්නෙ. ඒ නිසා අපි ගැන විශ්වාසයෙන් දිගටම ‍රැ‍ඳෙන්න කියන ආරාධනාව අන්තිමේදි ඔබ වෙත කරනවා. ඒ එක්කම නොකියාම බෑ; අපිත් එරිල හිටිය මේ වැඩේ ගොඩදාගන්ඩ Prison Break එකකින් අපට සහය පළ කරාපු මේ අපේ උපසි‍රැසි ශිල්පීන්ටත් මේ අවස්ථාවේ හද පිරි අවංක ස්තුතිය සමග ප්‍රශංසාව ප්‍රකාශ කරන්ඩත් මේක අවස්ථාවක් කරගන්නවා…

• පළමු කොටස සිට හය වන කොටස දක්වා  ධනුෂ්ක ලක්මාල් | ධනා සොයුරා
• හත් වන කොටස සිට නව වන කොටස දක්වා සදීප් ලක්මාල් සොයුරා
• දස වන කොටස  ධනුෂ්ක ලක්මාල් | ධනා සොයුරා
• එකොලොස් වන කොටස සිට දෙලොස් වන කොටස දක්වා ගිහාන් මධුසංක සොයුරා
• දහතුන්වන කොටසේ සිට විසි දෙවන කොටස දක්වා චින්තක බස්නායක සොයුරා