Psycho (1960) Sinhala Subtitles | ඝාතකයකුගේ ඇතුලාන්තය [සිංහල උපසිරැසි සමඟ]

ඔන්න යාලුවනේ අද මම ඔයාලට කියන්න යන්නේ ලෝක සිනමාවේ මෙතෙක් බිහිවූ අද්විතියම සිනමා නිර්මාණයක් ලෙස හැඳින්වෙන Psycho චිත්‍රපටය ගැන. මේ චිත්‍රපටය ගැන කතා කරද්දී එහි අධ්‍යක්ෂක ගැන කතා නොකරම බෑ. ඔහු තමයි ශ්‍රීමත් ඇල්ෆ්රඩ් හිච්කොක්. කුතුහලය තුල ප්‍රේක්ෂකයා වල්මත් කරලීමට සමර්තභාවය නිසාම ඔහුව “Master of Suspense” යන අන්වර්ථ නාමයෙන් හැඳින්වුනා. Psycho යනු ඔහුගේ සිනමා දිවියේ මෙන්ම විශ්ව සිනමා වංශකතාවෙත් හැරවුම් ලක්ෂ්‍යයක්. 

බොහෝ “හිච්කොකියානු” සිනමාපට වලමෙන් මෙහිදීද රන්වන් කෙස්කළඹක් හිමි සුරූපිණියක් විරවරියගේ චරිතයට පනපොවන අතර සාමාන්‍ය සියුමැලි කාන්තාවකගෙන් බලාපොරොත්තු නොවියහැකි අන්දමේ ක්‍රියාවක් ඇය විසින් සිදුකෙරෙනවා. වීරත්වය, අධමත්වය යන දෙකම එකම කාසියක දෙපස බව නිරූපණය කෙරෙමින් වීරචරිතය සහ අධම චරිතය සඳහා රුවින් මඳක් සමානවූ කඩවසම් නළු යුවලක් යොදාගෙන තිබෙනවා.

“සිග්මන් ෆ්‍රොයිඩ්ගේ “ගේ “ඉඩ්, ඉගෝ, සුපර්ඉගෝ” ත්‍රිත්වය  පිලිබඳ සංකල්පය මෙහිදී යොදාගෙන ඇති ආකාරය අපූරුයි. චිත්‍රපටයේ අධමයා ” නෝමන් බේට්ස්”ගේ නිවසේ උඩුමහල ඔහුගේ මනසේ “සුපර්ඉගෝ” කොටස සංකේතවත් කරන අතර එහි තමයි “මව” හෙවත් “අධිකාරීත්වය” සෑමවිටම පෙනී සිටින්නේ. “බේට්ස්” නිතර පෙනෙන්නට සිටින පහලමාලය තමයි “ඉගෝ” කොටස නිරූපණය කරන්නේ. ඔහුගේ මනසේ ගැඹුරුම සහ අඳුරුම රහස්  සැඟව පවතින බිම්මහලෙන් තමයි “ඉඩ්” සංකේතවත් වෙන්නේ. බේට්ස්ගේ මවගෙන් ප්‍රශ්න කිරිමට නිවාස තුලට යන “මාරියන්”ගේ සොහොයුරිය “ලයිලා”ට නිවසේ මෙම කොටස එහෙම නැතිනම් “බේට්ස්”ගේ මනසේ අන්ධකාරම ස්වරූපය දකින්නට ලැබෙන්නේ අහම්බයකින්. හරියට අපිටත් කෙනෙක්ගේ සිතේ අන්ධකාරම ස්වභාවය සැමවිටම හෙළිවන්නේ අහඹුවකින් වගේ

“අහඹුව” මේ චිත්‍රපටයේ මුල සිටම දක්නට ලැබෙනවා. සිනමාපටය ආරම්භයේදී නගරයේ ගොඩනැගිලි අතර ඔබමොබ සරන කැමරාව අහඹුලෙස එක ජනේලයක් වෙත යොමුවෙනවා. අපේ වීරවරිය සහ පෙම්වතා දක්නට ලැබෙන්නේ එහිදීයි. තම රථයේ නැගී නගරයෙන් පිටවන “මාරියන්” බේට්ස් නවාතන්පලෙහි නවාතැන් ගන්නේ අහම්බයකින්. එහිදීත් ඇය ඉරා විසිකළ කොලයේ එක කොටසක් අහම්බෙන් ඉතිරිවෙනවා. අවසානයේදී ලයිලා බිම්කාමරය දකින්නේ අහම්බෙන්

මේ චිත්‍රපටය රේටින්ග්ස් 8.6ක් IMDB top 250 වල 29 වෙනි තැනට  ඇතුලත් වෙනවා. ඒ වගේම කුණු තක්කාලි වෙබ් අඩවියේ (rottentomatoes) මේ සඳහා ලැබී ඇති ඡන්ද ප්‍රතිශතය 98%ක්. ඒ වගේම ඇමෙරිකානු සිනමා ආයතනය(American Film Institute) විසින් වසර සියයක ඇමෙරිකානු  සිනමා වංශකතාවේ සිටි සියලුම අධමයන් අතරින් දෙවැනි තැනට මෙම චිත්‍රපටයේ අධමයා “නෝමන් බේට්ස්”ව නම් කර තිබෙනවා.

උසස් නිර්මාණ කෙරෙහි පිපාසාවෙන් පෙලෙන ඔබට මේ කදිම අත්දැකීමක් වේවි. මේ මගේ පළමු ලිපිය. වැරදි  ඇතොත් සමාවෙන්න.

මීට පෙර මනීෂ් ගමගේ සොහොයුරා විසින් පළ කළ ලිපිය.

ලොව බිහිවූ සම්භාවය චිත්‍රපටි අධ්‍යක්ෂවරුන් අතරින් Alfred Hitchcockට හිමි වන්නේ ප්‍රමුඛ තැනකි. ඔහුව ලෝක සිනමාව හදුන්වන්නේ Master of suspense ලෙසය. ඒ ඔහුගේ චිත්‍රපට සැකය හා අවිනිශ්චිත බව පදනම් කරගත් නිසාය.

Alfred Hitchcock නිර්මාණය කල Psycho ඔහුගේ අග්‍රගණයම කෘතිය යැයි හදුන්වන අතර එය ලෝක සිනමාව හදුන්වන්නේ mother of all modern HORROR suspense films ලෙසය.

Imdb ratings 8.7/10 දිනාගනිමින් ලොව හොදම චිත්‍රපටි අතර 22 වන තැන දිනාගන්නා මේ නිර්මාණය ඔස්කාර් සම්මාන 4කටද නිර්දේශ වී ඇත.

හොලිවුඩ් නිමැවුමක් වුවද නිරුවත විකුනාගෙන නොකා එම දර්ශන බොහෝම සංවර ලෙස ඉදිරිපත් කර ඇති අතර.. කලු සුදු චිත්‍රපටියක් වුවද කලු සුදු වර්ණ යොදා ගැනීම අවස්ථාවට උචිත ලෙස යොදාගන්නා වර්ණ පරස්පරතාව අග්‍රගණය සිනමාකරුවාගේ හැකියාව මනාවට පෙන්වයි.

අපේක්ෂා භංගත්වයෙන් ජීවත්වන මේරියන් විවාහක පිරිමියකු ඇසුරු කරන්නේ හුදෙක් ලිංගික ආශ්වාදය උදෙසාය. එයිනුදු එතරම් සතුටක් නොලබන ඇය සිය සේවා ස්ථානයට අයත් විශාල මුදලක් රැගෙන පලායයි. නුමුත් ඇය ලැගුම් ගන්නා නවාතැනේ හිමිකරු ඇයව ඝාතනය කරන්නේ කිසිවකු බලාපොරොත්තු නොවන පරිදිය…

එතැන් පටන් සිදුවන්නේ කුමක්ද? අවසානයේ කුමක් වෙයිද? බාගෙනම බලන්න…
(දත්ත GO සගරාව ඇසුරින්)

ශ්‍රීමත් ඇල්ෆ්රඩ් හිච්කොක් ගැන මංසලේ පළවූ ලිපිය මෙතනින් කියවන්න

Due to copyright issues, we do not provide any torrent link.

මෙම ලබා දී ඇති උපසිරැසි DVD / BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “සචිත් රූපසිංහ” සොයුරාට  අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
NEW MEMBER
JOINING DATE – 2013/02/11