Rescue Dawn (2006) | සතුරන්ගෙන් මිදී… [සිංහල උපසිරසි සමඟ]

සත්‍ය කතාවක් පදනම් කරගෙන නිර්මාණය වූ සලරුවකි. Dieter Dengler යනු 1938 දී ජර්මනියේ දී උපත ලද , පසුව ඇමෙරිකානු ගුවන් නියමුවෙක් ලෙස 1957 සිට 1968 දක්වා කාලය තුල ඇමෙරිකාව වෙනුවෙන් සේවය කල විශ්ෂ්ටයෙකි. සිනමා නළු Christian Bale ඩීටර් ඩින්ග්ලර් ලෙසින් විශිෂ්ට රංගන කාර්යයක් ඉටු කරයි. මෙම චිත්‍රපටයේදී , ඇමෙරිකානු ගුවන් නියමුවෙක් වන ඩීටර් ඩින්ග්ලර් විසින් වියට්නාම් යුද්ධය පවතින අතරේදී ප්‍රහාරක ගුවන්යානයක් පදවයි. මෙය සතුරු වෙඩි ප්‍රහාර හමුවේ ලාඕසයට ඉහල අහසේදී කඩා වැටෙන අතර ඩීටර් ඩින්ග්ලර් ජීවග්‍රහයෙන් අල්ලා ගැනීමට සතුරු සොල්දාදුවන් සමත් වෙයි. සතුරන්ගේ හිර අඩස්සියකට රැගෙන යන මොහුට මීට පෙරදී සතුරු ප්‍ද්ශවලට කඩා වැටුනු ගුවන් යානා පැදවූ තවත් සොල්දාදුවන් හත්දෙනෙක් සිරකරුවන් ලෙසින් හමුවෙයි. මේ Pathet Lao සිරකඳවුරේදී මාස හයක් තිස්සේ ඔහු සහ ඔහුගේ සඟයින් වධහිංසාවලට ලක්වෙමින්, බඩගින්නෙන් සහ අසනීපවලින් පීඩා විඳිමින් පැනයාම සඳහා සුදුසුම අවස්ථාව එලඹෙන තෙක් සිරභාරයේ රැඳී සිටියි. ඔවුනගේ පැනයාම සැලසුම් වන්නේ කෙසේද? පැනගැනීමෙන් පසු ඔවුන්ගේ ගැලවීම උදෙසා ස්ථානෝචිතව ක්‍රියා කරන්නේ කෙසේද? දින විසිතුනක් පුරා ගැලවීම උදෙසා කැලය පුරා දුවමින් සිටි මොවුන්ට සැලසුම් කල පරිදි සියල්ලන්ටම නිවෙස් බලා යා හැකි වෙයිද? ආදී සියල්ල කුතුහලය දනවමින් අප ඉදිරියේ ගෙන හැර පාන අනගි සිනමා සිත්තමකි. මේ සත්‍ය කතාවට පදනම් වූ Dieter Dengler ගුවන් නියමුවා ඔහු විසින් එතෙක් දිනාගන්නා ලද පදක්කම් එකතුව හැරදමා 2001 වර්ෂයේදී මෙලොවින් සමුගත්තේය.

Werner Herzog විසින් අධ්‍යක්ෂණය කරන ලද මේ සුපිරි සලරුව IMDB දර්ශකයේ 7.4ක තරම් ඉහල අගයක් රඳවා ගෙන තිබීමම මෙහි ඇති විශිෂ්ටත්වය කියාපායි. ඩීටර් ඩින්ග්ලර් ලෙසින් මෙහි රංගනයෙන් Batman චිත්‍රපටිවල = Christian Bale එක්වෙයි. මෙම චිත්‍රපටය රූගත කිරීම සඳහා යොදාගෙන ඇති පරිසරය ඉතාමත් රමණීය හරිත පැහැති පරිසරයකි. සම්මාන හතකට යෝජනා වෙමින් එක් සම්මානයක් දිනාගත් මෙය විශිෂ්ට ගණයේ නිර්මාණයක් බව නැවතත් කිව යුතුමය.

352 MB (BR) කොපිය මෙතනින් බාගන්න

800 MB (BR) කොපිය මෙතනින් බාගන්න

1.74 GB (BR) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “දමිත් තරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.