Riddick (2013) | ජීවත්වීම උදෙසා පළිගැනීම…[සිංහල උපසිරැසි සමඟ]

හරි ඔන්න එහෙනම් ආයුබෝවන් කියලා ටික කාලෙක නිවාඩුවකට පස්සේ ඔයාලට ඉංග්‍රීසි චිත්‍රපටියක් ලබා දෙනවා. අද පාන්දර තමයි මේ Riddick චිත්‍රපටියේ DVD rip එකක් නැත්නම් හොඳ කොපියක් ආවේ. කලින් Web rip එකක් ඇවිත් තිබ්බත් ඔයාලට ඒක දුන්නෙ නැත්තේ, මේ වගේ චිත්‍රපටියක් ඒ වගේ අඩු ගුණාත්මක භාවයක් එක්ක බලලා ඇති වැඩක් නැති හන්දයි. මේ චිත්‍රපටියට කලින් තව චිත්‍රපටි දෙකක් ඇවිත් තියෙනවා. ඒ Pitch Black (2000) සහ The Chronicles of Riddick (2004) යන චිත්‍රපටියි. මේ චිත්‍රපටි වලින් Pitch Black කියන පලවෙනි කොටස අද උදේ ඔයාලට අපේ සහෝදරයෙක් විසින් ලබා දුන්නනේ. ඉතින් දෙවෙනි කොටසත් ඉක්මනටම ඔයාලට ලබා දේවි. හරි එහෙනම් චිත්‍රපටිය දිහාවට හැරෙමු.

රිඩික් (Riddick) කියන්නේ බ්‍රිතාන්‍ය සම්භවයක් ඇති ඇමරිකානු විද්‍යා ප්‍රභන්ධ චිත්‍රපටියක්. The Chronicles of Riddick කියන චිත්‍රපටි පෙලේ තුන්වෙනි චිත්‍රපටිය. මේ චිත්‍රපටිය නිෂ්පාදනය කරන්නේ, මෙම චිත්‍රපටියේ ප්‍රධාන චරිතය රඟපාන Vin Diesalම තමයි. එතකොටම මේ Riddick කතාව ලියන්නේ සහ අධ්‍යක්ෂණය කරන්නේ David Twohy කියන කෙනයි. මෙයාම තමයි Pitch Black සහ The Chronicles of Riddick කියන චිත්‍රපටිත් රචනය කරේ වගේම අධ්‍යක්ෂණය කරෙත්. මේ චිත්‍රපටිය ප්‍රදර්ශණයට පැමිණියේ 2013 සැප්තැම්බර් 4 වෙනිදා. ඒ එක්සත් රාජධානියේ සහ අයර්ලන්තයේදීයි. ඇමරිකාවේ මේ චිත්‍රපටිය ප්‍රදර්ශණය ආරම්භ වුනේ 2013 සැප්තැම්බර් 6 වෙනිදා. කියවෙන විදිහට එක්සත් රාජධානියේදී 2014 ජනවාරි 13වෙනිදාලු DVD එකයි Blu-ray එකයි පිටත් වෙන්නේ. 😀 😛 ඒත් දැනටමත් මෙහේ DVD එක ඇවිත් තියෙද්දි ආය බ්ලූරේ ගැන මොන කතාද 😛

මේ රිඩික් චිත්‍රපටියට ප්‍රසිද්ධ නලු නිලියන් කිහිප දෙනෙක්ම එකතු වෙනවා. ප්‍රධාන චරිතයට පණ පොවන්නේ Vin Diesal. තව එතකොට කවුරුත් දන්න WWE වීරයෙක් වන Batistaත් මේකේ චරිතයකට පණ පොවනවා.

2013 ඔක්තෝම්බර් 20වෙනිදා වෙනකොට රිඩික්හි ආදායම උතුරු ඇමරිකාවේ විතරක් ඩොලර් 42,025,135ක් වුනා. ඒවගේම අනිත් රටවල් වල මුලු ආදායම ඩොලර් 51,603,759ක ආදායමක් වුනා. මුලු ලෝකයේම ආදායම වුනේ ඩොලර් 93,628,894ක්. උතුරු ඇමරිකාවේ මේ රිඩික් චිත්‍රපටිය ප්‍රදර්ශණය කරන්න පටං ගත්ත මුල් සතිය ඇතුලතදී විතරක් ඩොලර් 19,030,375ක් හොයල තියෙනවා.
කතාව මෙහෙමයි.

රිඩික්ගේ වර්ගයේම අය ඔහුට ද්‍රෝහි වෙලා එක විනාශ වීගෙන යන ලෝකයක අතරමං කරලා දානවා. රිඩික් ඒ ලෝකයේ ඉන්න පිටසක්වල විලෝපිකයන් සමඟ සටන් වදිනවා තමන්ගේ ජීවිතය වෙනුවෙන්. ඒවගේම නෙදටත් හිටියටත් වැඩිය ඔහු ශක්තිසම්පන්න අතින් වැඩිවෙනවා. රිඩික්ව ගෙනත් දෙන කෙනෙකුට විශාල ත්‍යාගයක් දෙනවා කියන නිසා, මේ ත්‍යාගය ගන්න බලාපොරොත්තුවෙන් රිඩික්ව හොයාගෙන දඬයක්කාරයෝ වගයක් මේ රිඩික් ඉන්න ලෝකෙට එනවා. ඒවගේම තවත් දඬයක්කාරයෝ පිරිසක් එනවා. හැබැයි ඔවුන් එන්නේ ත්‍යාගය වෙනුවෙන් නෙමෙයි. ඒ රිඩික් ඒ කණ්ඩායමේ නායකයාගේ පුතාව මැරුවා කියන චේතනාව මත රිඩික්ගෙන් පළිගන්නයි ඔවුන් එන්නේ. ඉතින්, කතාව දිවයන්නේ රිඩික් මොවුන්ගෙන් බේරිලා, ඒ වගේම මේ ලෝකේ ඉන්න විලෝපිකයන්ගෙන් බේරිලා, තමන්ගේ ජීවිතය උදෙසා පළිගැනීම ආරම්භ කරන හැටි ගැනයි. ඉතින් රිඩික්ට මොකක් වෙයිද, ඒ වගේම මේ ආපු කණ්ඩායම් රිඩික්ට මොනවා කරයිද, රිඩික් මේ ලෝකෙන් යයිද, නැත්නම් මොනවා වෙයිද, මොන වගේ විලෝපික ගොඳුරු වලට මොවුන්ට මුහුණ දෙන්න වෙයිද.

බලන්න කියලා ආරාධනා කරනවා චිත්‍රපටිය.

මම දන්නේ නැහැ කොපමණ වතාවක් මරණයේ ලැයිස්තුවට මාව යෝජනා වෙලා, එයින් මාව ඉවත් කරලා තියෙනවද කියලා. ඒ නිසා… මට මේ සිඳුවීමත් ලොකු දෙයක් නෙමෙයි.

නරඹන්න…. රිඩික්…. ජීවිත වෙනුවෙන් පළිගැනීම ආරම්භ කරන වීරයා. පේන විදිහට මේ කතා මාලාවේ 4වෙනි කොටස සහ 5ස් වෙනි කොටසුත් ඔන්න ලඟ ලඟම එනවලු. එතකං බලාන ඉමු නේ 😛 එහෙනම් හැමෝටම ජයවේවා!

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.