Robin Hood (TV Series 2006–2009) [S03 : E12] Sinhala Subtitles | සටන් කරන්න තරම් වටින දෙයක්… [සිංහල උපසිරැසි සමග]

කොහොමද හැමෝටම. ඉතින් දැන් අපි කතාවේ අවසානයට ඇවිත් තියෙන්නේ. තව එක කොටසකින් කතාව ඉවරයි. ඉතින් දැන් කතාව පැත්තට හැරෙමු.

පසුගිය කොටසින්

රොබින් ගිස්බන්ව තමන්ගේ කණ්ඩායමට පිළිගත්තට, අනිත් අය ඒකට සූදානම් නෑ. මොකද ගිස්බන් මෙච්චර කාලෙකට කරපු දරුණු වැඩ අපිත් දැක්කනේ. කොහොම වුනත් රොබිනුයි, ගිස්බනුයි යෝක්වලට යනවා. මේක දැනගන්න ඉසබෙලා, තමන්ගේ පණිවුඩකාරයෙකුත් එහාට යවනවා, දෙන්නවම අල්ලගන්න. කොහොමහරි ගිස්බන් අත්අඩංගුවට පත්වෙලා හිරගෙට ගිහින් ආචර්ව හොයාගන්න අතරේ, රොබින් එයාලව එළියට ගන්න සමත් වෙනවා. හිරකාරයෝ ඔක්කොම අරගෙන පැනලා යනකොට, කට්ටියම යෝක් හි ෂෙරිෆ්ට අහුවෙනවා. අවසානයේදි ඒ ෂෙරිෆ්, සහෝදරයෝ තුන්දෙනාම එල්ලලා මරන්න යද්දි, රොබින්ගේ කණ්ඩායමත්, ආචර් එක්ක සම්බන්ධයක් තියෙන යෝක් හි ෂෙරිෆ්ගේ බිරිඳත් ඇවිත් එයාලව බේරගන්නවා. ඒත් ආචර් රොබින්ලා තරම්ම සටනටත්, විදින්නත් දක්ෂයෙක් වුනත්, විශ්වාස තියන්න බැරි කපටියෙක් බව හැමෝම දැනගන්නවා. අවසානයේදි ආචර්, තමන්ගේ අක්කා වන ඉසබෙලාව හොයාගෙන නොටින්හැම් යන අතරේ, ගිස්බන් රොබින්ගේ කණ්ඩායමත් එක්ක නවතිනවා.

මෙවර කොටසින්

ආචර් එදා දැනගත්ත නේ එයාගේ අක්කයි, නොටින්හැම්වල ෂෙරිෆ් කියලා. ඉතින් කෙලින්ම එයාව හම්බවෙන්න එනවා, මොනවාහරි වාසියක් ගන්න බලාගෙන. ඒත් ඉසබෙලා කියන්නේ කවුද කියලා ඔයාලා දන්නවනේ. එයාඑකෙන්ම ආචර්ව මාලිගාවේ හිරකරලා දාන්න අණ දෙනවා. ආචර් එතනින් බේරුනත්, ආපහු මාලිගාවට රිංගන්නමයි උත්සාහ කරන්නේ. මේ අතරේ ජෝන් කුමාරයා නියෝගයක් එවනවා, රිචඩ් රජු ආපහු ගෙදර එන නිසා, එයාට විරුද්ධව සටන් කරන්න මිනිස්සු එවන්න කියලා. රොබින්ලා ඒකෙන් තේරුම් ගන්නවා, මේ තමයි අන්තිම සටන දෙන්න වෙලාව කියලා. ඉතින් එයාලා මාලිගාව අල්ලන්න සැලසුම් කරන අතරේ, ඉසබෙලා සැලසුම්කරනවා ඉතාම සූක්ෂම විදියට රොබින්ගේ කණ්ඩායම භේද කරන්න. මේ වතාවේ මොනවා වෙයිද, කණ්ඩායමේ කී දෙනෙක් පණ පිටින් ඉඳියිද කියලා ඔයාලම බලන්න. මොකද කතාව දැන් ඒ තරමටම සීරියස් වෙලාතියෙන්නේ. අන්තිම කොටසින් හමුවෙනකම් හැමෝටම ජයවේවා!

Due to copyright issues, we do not provide any torrent links.

මෙම ලබා දී ඇති උපසිරසි HDTV පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ බොබී ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-12-05
SUBMAKER RATING BY ADMINS