Rocky (1976) with Sinhala Subtitles| ජයග්‍රාහකයෙකුගේ ඇරඹුම [සිංහල උපසිරසි සමඟ]

හායි. කොහොමද? හැමදාමත් වගේ මුලින්ම සමාව ඉල්ලලා කතාවට බහින්නම්. දැන් ඉතින් දිගටම ටිකක් ප්‍රමාද වෙයි. ඒත් අනිවාර්යෙන් සබ් දෙන එක නම් නතර කරන්නේ නෑ. මම අද ගෙනාවේ ඔයාලා කවුරුත් ආදරය කරන Sylvester Stallone ගේ අති විශිෂ්ටතම නිර්මාණය වන Rocky චිත්‍රපටයයි.

මේක අධ්‍යක්ෂණය කරලා තියෙන්නේ John G. Avildsen. ඒ වගේම රචනයත් මෙයාගේ සහ Sylvester Stallone එකතුවෙලා තමයි කරලා තියෙන්නේ. කතාව ගැන විස්තරයක් කරන්නම්. රොකී කියන්නේ දුප්පත්, වැඩ කරන පංතියේ නූගත් තරුණයෙක්. එයා මුදල් උපයගන්න පුංචි පහේ චන්ඩි වැඩත් කරනවා. නමුත් හිත හොඳයි. මෙයා පොඩි ජිම් එකක බොක්සින් ගහනවා. ඉතින් මේ කාලයේ බොක්සින් ලෝක ශූරයා වෙලා ඉන්නේ ඇපොලෝ ක්‍රීඩ් කියලා කලු ජාතික පුද්ගලයෙක්. ඉතින් රොකීට අහඹූ අවස්තාවක් ලැබෙනවා. මොකද එයා පාවිච්චි කරපු නම නිසා. ඒ නම් තමයි, The Italian Stallion කියන නම. ඉතින් මං මේකට සිංහල පරිවර්තනය දුන්නේ “කඩවසම් ඉතාලි ජාතිකයා” කියන එක.මට හිතුනා මේක ගැලපෙනවා ඇති කියලා. ඉතින් වැඩි විස්තර කිවුවොත් කතාවේ තියන රසය නැතිවෙනවා. මේ කතාවෙන ජීවිතයට හොඳ පාඩමක් කියාදෙනවා. උත්සහය තියනවනම් තමන්ට උවමනා ඉලක්කය කරා හඹායන එක ඒ තරම් දෙයක් නෙවෙයි කියන එක තමා ඒ.

ඇත්තටම මේ කතාව පරණ උනාට IMDB අගය 8.1 ක ජයග්‍රාහී වාර්තාවක් පිහිටුවලා තියනවා. මේ චිත්‍රපටය හදන්න ගිය වියදම ඇමරිකානු ඩොලර් මිලියන එකක් කියලා තමා සඳහන් වෙන්නේ නමුත් ඇ.ඩො.මිලියන 225 ක ආදායමක් ලබන්න සමත් උන චිත්‍රපටයක්. මේ චිත්‍රපටය තමා 1976 වැඩිම ආදායමක් උපයපු චිත්‍රපටය උනේ. ඒ වගේම තෙවතාවක් ඔස්කාර් සම්මාන දිනන්නත් සම්ත් වෙලා තියනවා. ක්‍රීඩාව හා බැඳූන චිත්‍රපට තුලින් ලොව අංක එකේ ච්ත්‍රපටය හැටියට නම් දරන්නෙත් මේකම තමයි. මේක කියන්න වචන නැති තරම් තාත්වික ඒ වගේම විශිෂ්ට අධ්‍යක්ෂණ්යක්.

එහෙනම් අනිවාර්යෙන් මේක බලන්න. බලලා comment එකකුත් දාලම යන්න. අඩුපාඩු තියනවනම් ඒවා පෙන්නලා දෙන්න. ලඟදිම හමුවෙමු. ජයවේවා!

Due to copyright issues, we do not provide any torrent links.

Rocky (1976) 720p BrRip x264 YIFY

මෙම ලබා දී ඇති උපසිරසි ඉහත පිටපත සඳහා ආදාළ වේ.

මේ ලබා දී ඇති සිංහල උපසිරැසි පිළිබද “KASUN [කසුන්]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.