Saathi (1968) with Sinhala subtitles |පැරණි හින්දි සිනමාවේ, ඉතාමත් ජනප්‍රිය චිත්‍රපටයක් නැරඹීමට ආරාධනා! [සිංහල උපසිරැසි සමඟ]

මෙය හින්දි සිනමාවේ ජනප්‍රියතම චිත්‍රපට වර්ග කිරීම් අතර ඉහළ ස්ථානයක් ලබා සිටින, තුන්කොන් ප්‍රේමයක් ගැටෙන, සංවේදී කතා පුවතක් රැගත් හින්දි චිත්‍රපටයකි. මෙයට සිංහල උපසිරසි ලබාදෙනමෙන් “බයිස්කෝප් වෙබ් අඩවිය” තුළින් රසික රසිකාවියන් ඉල්ලීම් කර තිබෙනවා මා දුටුවා. මෙතෙක් බිහි වූ හින්දි සිනමාව තුළ මා පෞද්ගලිකව ඉතාමත්ම ප්‍රිය කරන චිත්‍රපටයක්. එම නිසා ඉතාමත් ආශාවෙන් උපසිරසි කළේ. ඉතාමත් මියුරු ගීත සහ කූතුහලය පිරි කතාවක් රැගත් මෙම ලස්සන හින්දි චිත්‍රපටය ද, ඔබ ඉතා කැමැත්තෙන් නරඹනු ඇතයි මා සිතන්නෙමි. මෙය ද ශ්‍රී ලංකාවේ ඉතාමත් ජනප්‍රිය වූ චිත්‍රපටයකි. එමෙන්ම මෙහි ඇතුළත් හින්දි ගීත දැනට ද ශ්‍රී ලංකාවේ ඉතා ජනප්‍රියව පවතී.

මෙහි ප්‍රධාන චරිත වන්නේ රවී, ශාන්ති, සහ රජ්නි ය. අනාථ දරුවෙකු වූ රවීට හොඳ අධ්‍යාපනයක් ලබා දී වෛද්‍යවරයෙකු කරන රජ්නිගේ පියා, තම දියණියව රවීට යෝජනා කරයි. ඒ වනවිට රවී තමා සේවය කරන රෝහලේ හෙදියක් වූ ශාන්ති සමඟ ප්‍රේමයෙන් වෙලී සිටියි. පසුව ඒ දෙදෙනා විවාහවේ. ටික කලකින් බලාපොරොත්තු නොවූ ලෙස ශාන්තිට පිළිකාවක් සෑදී රෝගී තත්වයට පත්වේ. ඇයට නිතර සාත්තු කරමින් තම නිවසේ සිටින රවීගේ අතින්, වෛද්‍යවරයෙකු ලෙස රෝහලට කළ යුතු සේවය ක්‍රමයෙන් මඟ හැරේ. රවීට තමා නිසා පත් වී තිබෙන තත්ත්වය වටහාගත් ශාන්ති රහසින් නිවසින් පිට වී යයි. මෙහි දී ඇය ගමන්ගත් දුම්රිය ගඟට වැටී විශාල පිරිසක් මරණයට පත්වීම සහ අතුරුදහන්වීම සිදුවේ. දුම්රිය පෙට්ටියක් තුළින් ඇයගේ ගමන් බෑගය හමුවීම නිසා ඇයත් මරණයට පත් වූ අයෙකු ලෙස සැලකේ. තනිව ජීවත් වන රවීට, රජ්නිව විවාහකර ගැනීමට සිදුවේ. එහෙත් එය සාර්ථක විවාහයක් බවට පත් නොවේ. මරණයට පත්වූවායයි සිතූ ශාන්ති ද ආපසු පැමිණේ. එතැන් සිට පටන් ගන්නා ආදර ගැටළුව කෙසේ විසඳේ ද? මෙහි දී එක් අයෙකුට කුමක් සිදුවේ ද? එය නරඹලාම දැනගන්නට සුහදව ආරාධනා කරන්නෙමි!

මා විසින් මීට පෙර සිංහල උපසිරසි යෙදූ “බයිස්කෝප් වෙබ් අඩවිය” තුළ ඇති “දෝස්ති”, “ආයි මිලන් කී බේලා”, ඇන් ඊවිනින් ඉන් පැරිස්”, බූට් පොලිෂ්”, “සංගම්” යන පැරණි හින්දි චිත්‍රපට පහ සිංහල උපසිරසි සහිතව ඩී.වී.ඩී. අලෙවි සැල්වල ප්‍රදර්ශනය කර තිබෙනු දැකීමෙන් මා හට අපමණ සතුටක් දැනේ. එක්තරා යුගයක අතිශය ජනප්‍රිය වූ මෙම චිත්‍රපට පසුගිය කාලයේ ඇහැට දකින්නටවත් නොතිබූණි. ජනප්‍රිය පැරණි හින්දි සිනමා චිත්‍රපට ගොනුව හැකි තරමින් රට පුරා සිංහල උපසිරසි සහිතව ව්‍යාප්ත කිරීම මාගේ උපරිම උත්සාහයයි.

මෙය මාගේ “බයිස්කෝප් වෙබ් අඩවිය” හරහා දෙනු ලබන හත්වන සිංහල උප සිරසිකරණයයි. මේ චිත්‍රපටය පිළිබඳව ද ඔයාලාගේ අදහස් දක්වන්න. ස්තූතියි!

1.47 GB (DVDRip) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “විතානගේ ප්‍රියන්ත දයාකීර්ති” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.