Saheb Biwi Aur Gangster (2011) | ස්වාමියෙක්,බිරිඳක් සහ චන්ඩියෙක් [සිංහල උපසිරැසි සමඟ]

5 වෙනි නිර්මාණයයෙන් මා ඔයාලා හමුවෙන්නේ නැවතත් හින්දි සිත්තමක් එක්කයි. Action | Drama | Crime | Thriller ගණයට දාන්න පුලුවන් මේ නිර්මාණය පට්ටම පට්ටයි.ඒ කියන්නේ මීටරේ කැරකෙනවා හරියටම 7කට.අන්තිම මොහොත වෙනකම්ම මේකේ හිතාගන්න බෑ මොනා වෙයිදෝ කියලා.නාට්‍යමය ස්වරූපය වැඩි මේ සිත්තමේ ආදරයට මිනිසෙක්ව කොච්චරනම් අන්ද කරන්න පුලුවන්ද,ඒ වගේම ගැහැනියක්ට තමන්ගේ අරමුණ අරඹයා කොච්චරක් දුර යන්න පුලුවන්ද කියන කාරනා මැනවින් පිලිබිඹු වෙනවා.මේ සලරුවෙන් කියවෙන්නේ ඉන්දියාවේ රජ පවුලක් ගැනයි.හිතාගන්න පුලුවන් නේ එහෙනම් මේකේ පසුබිම ගැන.මේක නිකුත් වෙලා පලමු දවස ඇතුලත මිලියන 11ක පමණ මුදලක් ඉපයීමට සමත් වෙලා තියෙනවා.ඔයාලත් මේක අනිවා බලන්න.එතකොට තේරෙයි මේකේ තියෙන වටිනාකම.සම්මාන ප්‍රධාන උළෙලවල් 6කට මෙය තේරීපත්වුන අතර ඉන් එකකින් හොදම අධ්‍යක්ෂණයට හිමි සම්මානය හිමි කරගැනීමට මෙය සමත් වී තිබේ.

කතාව මේකයි,මේකේ ස්වාමියා තමයි ආදිත්‍ය ප්‍රතාප් සිංග්(සහීබ්) එයාගේ පලමු කසාද බිරිඳ මියයාමෙන් පස්සේ ඔහු තවත් කසාදයක් කරගන්නවා.ඒ චෝටේ රානි.ඇයට මානසික ප්‍රශ්නයක් තියෙනවා.කෙසේවෙතත් සහීබ්ගෙයි මේ චෝටේ රානියි අතර අබුසැමි සම්බන්දයක් නෑ.ඒ ඇයි කියලා ඔයාලම බලන්න. සහීබ්ගේ ප්‍රදාන එදිරිකාරයා තමයි ගයින්දා සිංග්.අහ් කියන්න අමතක වුනා.සහීබ්ගේ පෙලපත හොඳ නිසා සමාජයෙන් හොද පිලිගැනීමක් තියෙනවා.ඇමති ප්‍රබූ තිවාරිට අපේ බාශාවෙන් කීවොත් ගොට්ට අල්ලන මෑන් තමයි ගයින්දා සිංග්.රසවත්,කුතුහලයෙන් පිරුනු සිද්දි කීපයකට පස්සේ ගයින්දා සිංග් සහීබ්ගේ මාලිගාවට මිනිහෙක්ව යවනවා.ඒ තමයි මම අර කලින් කියපු චන්ඩියා.අන්න එයා තමයි මම අර කියපු ආදරයෙන් අන්දවුන මිනිහා.මිනිහගේ නම තමයි බබ්ලෝ හෙවත් ලලිත්.මේ ආදරේ හින්දා මිනිහා ආපු වැඩෙත් අමතක වෙනවා.ඒ වගේම මේ ආදරේට පුලුවන්කම ලැබෙනවා බබලෝ කරන්න ආපු වැඩේ කනපිට හරවන්න.කව්ද මේ බබ්ලෝගේ හිත ගත් යුවතිය?මමනම් කියන්නේ නෑ.අන්තිමේට අන්තිමේට වෙන දෙ ගැන මට ඔයාලට කියන්නත් හිතයි ඒත් ඕනේ නෑ.ඔයාලම බලන්නකෝ.

තව දෙයක් මේකේම තවත් කොටසක් 2013 නිකුත් වෙලා තියෙනවා.මම ඒකත් ඔයගොල්ලෝ මේක බලපු සැණින් දෙන බලාපොරොත්තුවෙන් මම සමුගන්නවා. එහෙනම් තවත් බයිස්කෝප් එකක උපසිරැසි අරගෙන එනකම් හැමෝටම ජය වේවා!!!

මේ ලබා දී ඇති සිංහල උපසිරැසි පිළිබද “චතුර මදුසංක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.