Saints and Soldiers: Airborne Creed (2012) Sinhala Subtitles | ශාන්තුවරයෝ සහ සොල්දාදුවෝ: වාසර බළකාය [සිංහල උපසිරැසි සමඟ]

ඉතින් යාලුවනේ අද මම ඔයාලට ගෙනාවේ මේ වසරෙ නිකුත් උන තවත් අලුත් බයිස්කෝප් එකක්. මේකට අන්තර්ජාතික බයිස්කෝප් දර්ශකයේ 5.1 වගේ අගයක් ලැබිලා තියනවා.රේටින් අඩු උනාට මේක එක දිගට කම්මැලි නැතිව බලන්න පුළුවන් බයිස්කෝප් එකක්.මගේ අදහසේ හැටියට නම් ඩොලර් මිලියනයක් වගේ අඩු බජට් එකකින් හදපු බයිස්කෝප් එකක් හැටියට මේක ඉතා හොඳ තත්වයකින් තියනවා.

මේ කතාව පැත්තට හැරුනොත් මේකෙන් කියන්නේ දෙවෙනි ලෝක යුද්ධයට සහභාගි වුන වාසර සේනාංකයක්  ගැනයි. තේරෙන සිංහලෙන් කිව්වොත් පැරෂුට් සේනාංකයක් ගැනයි.  ඉතින් පැරෂුට් සේනාංකයසම්බන්ධ උන සුප්‍රසිද්ධ D-DAY මෙහෙයුමෙන් මාස දෙකකට පස්සේ 517 වෙනි පැරෂුට් බළකාය නැවත් යුධ බිමට කැඳවනවා. ඔවුන්ට ඩ්‍රැගූන් නම් මෙහෙයුමක් පැවරෙනවා. මෙහි අරමුණ වෙන්නේ ප්‍රංශය ආක්‍රමණය කරපු ජර්මානුවන්ගෙන් එහි දකුණු කොටස ගලවා ගැනීමයි. ඉතින් මේ කතාවේ ප්‍රධාන චරිත වන්නේ මෙසේ ප්‍රංශය මුදවා ගැනීමේ මෙහෙයුමට යන සොල්දාදුවන් තුන් දෙනෙක්. ඔවුන් තුන් දෙනාම ගොඩ බැසීමේ කළාපයෙන් කිලෝමීටර් 20ක් පමණ ඈතින් පිහිටි සතුරු භූමියකටයි වැටෙන්නේ.

ඉතින් හතරවටින්ම සතුරන්ගෙන් වට වෙලා ඉන්න භූමියක ඉන්න ඔවුන් තුනදෙනාගේ අරමුණ වෙන්නේ කෙසේ හෝ ලේසාර්ස් නම් ප්‍රදේශයේ පිහිටි තම සේනාංකය වෙතට ගමන් කරන එකයි. ඒ වගේම ඔවුන්ට තවත් එක අරමුණක් තියනවා. ඒ තමයි මේ ගමන අතරතුරදි ජර්මානුවන්ට පුලුවන් තරම් කරදර ඇති කරන එක. ඒ වගේම ඔවුන්ට ජර්මානුවන් එන්න කලින් එම ප්‍රදේශයේ පදිංචි වෙලා සිට පසුව ගරිල්ලා සටන්කරුවන් බවට පත් වුන කුඩා ප්‍රංශ ජාතික කණ්ඩායමක සහයත් ලැබෙනවා. ඉතින් කාලතුවක්කු සහය සහ වෛද්‍ය සහයකින් තොරව සතුරු භූමියක සතුරාගේ පිහිටීම හා භූමිය ගැන හරි හමන් අවබෝධයකින් තොරව සිටින කුඩා කණ්ඩායමක් කොහොමද මේ අභියෝගය ජයගන්නේ? ඔවුන් මොන විදිහේ කරදර ගොඩක් ජර්මානුවන්ට ඇති කරයිද? ඔවුන්ගෙන් කී දෙනෙක්ට දිවි ගලවා ගැනීමට පුලුවන් වෙයිද? ඒ වගේම යුධ බිමේ දෙපිළක සිටින සොල්දාදුවන් සිය ප්‍රතිවාදීන්ට කුමන ආකාරයකින් සලකයිද? ප්‍රශ්න ගොඩයි නේද? කලබල වෙන්න එපා මේ කතාව අවසානයේ මේ සියලුම ප්‍රශ්න වලට උත්තර ලැබෙයි. 😀

ඒ වගේමයි යාලුවනේ මේකේ ඉංග්‍රීසි සබ් ෆයිල් එකේ සෑහෙන්න අඩුපාඩු තිබ්බා. සමහර වෙලාවට කතාවේ කියන දේ නෙමේ සබ් ෆයිල් එකේ තියෙන්නේ. ඉතින් මම පුලුවන් තරම් ඒ අඩුපාඩු මග හරවල සබ් දැම්මා. ඒත් මම අතිනුත් සමහර විට යම් යම් අඩු පාඩු වෙලා ඇති. එහෙම වෙලා තිබ්බොත් ඒ ගැන මම සමාව ඉල්ලනවා. 😀

ප.ලි – මෙහි පළමු කොටස මෙතැනින් බලපු නැති කට්ටියම සිංහල උපසිරස එක්කම බලන්න 😀

Due to copyright issues, we do not provide any torrent link.

මෙම ලබා දී ඇති උපසිරැසි DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “පුබුදු සුපුන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
NEW MEMBER
JOINING DATE – 2012/09/30