Saving General Yang (2013) | සෙන්පති යන්ග් සහ සත් පුත්‍රයින්.[සිංහල උපසිරැසි සමඟ]

සෙන්පති යන්ග් යේ සොන්ග් රාජ්‍යයේ සිටින විශිෂ්ටතම රණ ශූරයෙක්.ඔහු අතින් මැරුම් කෑ සතුරු රාජධානියක සෙන්පතියෙක්ගේ පුත්‍රයෙක් වන සෙන්පති යෙලු යුආන් එම රාජධානිය ආක්‍රමයට සැරසෙනවා,නමුත් ඔහුගේ යටි අරමුණ වෙන්නේ සෙන්පති යන්ග් ගෙන් සහ ඔහුගේ පවුලෙන් පලි ගැනීමයි. යුද්ධයට යන සෙන්පති යන්ග් ට හිමිවන්නේ ඉදිරිපෙළ ආරක්ෂා කිරීමටයි. සටනේදී නොසිතු විරූ ලෙස ඔවුන් සතුරන්ට මැදි වනවා එසේ වන්නේ ඔහුත් සමඟ සහයට ගිය සේනාවේ අණදෙන නිලධාරීයා ඔවුන්ව අනතුරේ හෙලා සහයට නොපැමිණ පසු බැසීම නිසයි. තමන්ට සෙන්පති යන්ග්ව මැරීමේ හැකියාව තිබියදීත් යෙලු ඔහුට පලා යාමට ඉඩ හරිනවා.නමුත් ඔවුන්ට සිදු වෙන්නේ වෘක කන්ද නම් කන්දක සැඟවීමටයි.

මේ අතරේ සෙන්පති යන්ග් ගේ පුතුන් සත් දෙනා ඔහුව බේරා ගැනීමට සේනාවක් සමඟින් පැමිණෙනවා. නමුත් තම පියා ලඟට ගිය පසුයි ඔවුන්ට තේරෙන්නේ මෙය තමන්ගේ සතුරන් තම පවුල විනාශ කිරීමට අටවපු උගුලක් බව. ඉතින් ඔවුන් තමන්ගේ පියා ව නැවතත් නිරුපද්‍රිතව නිවසට රැගෙන යාමට සටන් වදිනවා.නමුත් කලින් යුධ පිටියේදී විෂ හීයකින් තුවාල ලබා සිටින සෙන්පති යන්ග් මිය යනවා. තම මවගේ ඉල්ලීම වූ පියාණන් කෙසේ හෝ නිවසට ගෙනයාමට ඔවුන් උත්සාහ ගන්නවා.නමුත් ඔවුන්ගේ සතුරා ඔවුන්ව අත්හැරීන්නේ නැහැ, ඔවුන් පසුපස පලිගැනීම වෙනුවෙන් හඹා යනවා.

තම පියාව බේරා ගැනීමට පැමිණීමට පෙර ඔවුන්ගේ මව දැකපු සිහිනයක් ගැන විමසීමට යාමේදී එහි සිටින අදුරුතුමෙක් ඇයට අනාවැකියක් ලබාදෙනවා. එහි සඳහන්ව ඇත්තේ “පුත්‍රයින් සත පිටව යනු ඇත,සය(ක්) නැවත පැමිණෙනු ඇත” නමුත් චිත්‍රපටය නරඹන විට ඔබට පෙනේවි මේ අනාවැකියේ යම් පටලැවිල්ලක් තියෙන හැටි. ඒ සත් දෙනාම පැමිණෙන නිසා නම් නෙවෙයි. අවසානයේ ඉතිරි වන්නේ එක් අයෙක් පමණක් නිසා. තම ජීවිත කැප කරමින් තම මවට වූ පොරොන්දුව රැකීමට ඇයගේ අපේක්ෂාව ඉටුකිරීමට ඔවුන් ගන්නා වෙහෙස අපමණයි. පිය පුතු සෙනහස, සහෝදර ප්‍රේමය මනාව මේ චිට්‍රපටයෙන් කැපී පෙනෙනවා.විශේෂයෙන් තමන්ගේ සහෝදරයන් වෙනුවෙන් මියයාමට වුනත් සූදානම් සහෝදරයින් සත් දෙනෙකුයි මේ. මෙම සහෝදරයින්ට තම පියාව නිවසට ගෙනයාමට හැකි වේවිද? ඔවුන්ගේ සතුරා වන සෙන්පති යෙලු යුආන් හට ඔහුගේ බලාපොරොත්තුව ඉටු කරගත හැකි වේවිද? අදුරුතුමන්ගේ අනාවැකිය ඇත්තටම අසත්‍යයක් වන්නේද?

චිත්‍රපටය Savig Genaral Yang (忠烈楊家將). 2013 වසරේ අප්‍රේල් මස 4 වෙනි දින තිරගතවීම ආරම්භවුනු මෙය මෙය හොන් කොන්ග් සිනමා පටයක්.මෙය 9 වෙනි චිත්‍රපටය වගේම මගේ ප්‍රථම කොරියන් නොවන උපසිරැසි ගැන්වීම. විකියා සහෝගෙන් ලැබුණු ඇරයුමක් අනුවයි. මෙයට උපසිරසි දැමීමට යොමු වුනේ එයට මගේ ඔහුට ස්තුතිය පුදකර සිටිනවා . IMDb දර්ශකයේ අගය 5.3 ලෙස දිනාගැනීමට මෙම සිනමා පටය සමත්ව තිබෙනවා.චිත්‍රපටය අධ්‍යක්ෂණය කලේ Ronny Yu නම් හොන් කොන්ග් සිනමා අධ්‍යක්ෂකවරයායි..තවත් උපසිරසි සටහනක් සමඟින් නැවතත් හමුවෙමු! ජයවේවා!

මේ ලබා දී ඇති සිංහල උපසිරැසි පිළිබද “දිනුක මධුශාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.