අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Scoob! (2020) Sinhala Subtitles | ස්කූබ් [සිංහල උපසිරැසි] (50)

Rating: 8.6/10. From 219 votes.
Please wait...

අද මගේ උපසිරැසි ජීවිතේ ගොඩක් වැදගත් දවසක්. 2013 සා/පෙළ ඉවරවෙලා ෆිල්ම් බලන අතරේ ඒ ෆිල්ම්වල සබ්වල බයිස්කෝප් සිංහලෙන් කියන නම දැක්කාම මට හිතුනා මේ මොකක්ද කියලා පොඩ්ඩක් හොයලා බලන්න. සයිට් එකට ඇවිල්ලා බලද්දි දැක්කා සයිට් එකේ තිබුන ඔබටත් ඉඩක් කියන තීරුව. ඉතිං ඒක කියවලා බැලුවාම මටත් ආසාවක් ආවා උපසිරැසියක් කරන්න. ඒ අනුව මගේ මුල්ම සබ් එක සයිට් එකේ පළ වුනා 2014 සැප්තැම්බර් 1 වෙනිදා. ඉතිං එදා ඉඳන් අද වෙනකම් මේ පළවෙනි කඩඉමට එන්න මට අවුරුදු 5 යි මාස 8 ක් ගත වෙලා තියෙනවා. ඒ ගැන පොඩ්ඩක් විතර ලැජ්ජාවකුත් තියෙනවා ඉතිං නෑ කියන්නෙ නෑ. ආයේ ඉතිං කවදා නම් 100 ට යයිද දන්නැති හින්දා ස්තූති කතාවක් නම් කරන්නම වෙනවා. අහන් ඉන්න කම්මැළි අය කෙළින්ම පහළට ගිහින් සබ් එක ගත්තට පොඩ්ඩක්වත් තරහා නෑ.

මුලින්ම ස්තූති කරන්න ඕනි මට උදව් කරන මගේ අම්මා, තාත්තා වගේම නන්ගිට. ඒ වගේම මේ සයිට් එකේ නිර්මාතෘ ඉසිර අයියා. ඒ වගේම බයිස්කෝප් සිංහලෙන්, බයිස්කෝප් ඩව්න්ලෝඩ්ස් සහ බයිස්කෝප් මංසල සයිට් තුනේම ඇඩ්මින් මඬුල්ල වෙනුවෙන් මුලින්ම මගේ කන්කෙඳිරිය අහලා මට මේ සබ් එක බාර දුන්නු සිසිල අයියා, හසන්ත අයියා, විමා අයියා වගේම මංසලට සින්දු දෙන්න ගිහින් අඳුරගත්තු තිසර අයියා. ඒ වගේම නොවරදවාම කමෙන්ට් කරන රොයිලි අයියා. චාමර අයියා, නිර්මාණි අක්කා, සමන් අයියා, යශෝධ අයියා, අසංක අයියා, ආසිරි සහ සුධීර අයියලා වගේම කන්ජූරින්ග් අධිපති දිල්ශාන් සචින්ත, පීටර් අයියා වගේම ඉමේෂ් සහ නවෝදනී අක්කා ඇතුළු නම් කී නොකී සමස්ථ ඇඩ්මින් මඬුල්ලටම ස්තූතිවන්ත වෙනවා.

ඒ වගේම මට ලැබුන ලොකුම දේ තමයි ලංකාවේ වගේම පිටරටවල පවා විසිරුණ යාළුවෝ ගොඩ දෙනෙක් අඳුරගන්න ලැබුන එක. හැමදාමත් වගේ ඕනිම ප්‍රශ්නෙකදි මාත් එක්ක ඉන්න මයුර අයියා වගේම චාමිකර අයියා. ඒ වගේම දසන් අයියා. මලේ ඉක්මනට 50 දීපන් කියලා දිරිමත් කරපු මලිත් අයියා. ටීවී සීරීස් එකකට කතා කළාම බෑ නොකියා සප් එක දෙන පසිඳු මදුමාල්, නෙෆ්ට්ලික්ස් අධිපති රවිඳු ව‌ගේම කවීශල්. Man in the High Castle සීරීස් එකෙන් සෙට් වුන කළිඳු අයියා. කැම්පස් එකේම සහෝදරියක් වෙලත් අඳුරගෙන හිටියෙ නැති, මේ සයිට් එක නිසා ෆිට් වුනු සොනාලි. ස්කූබි සබ් කරන්න ගිහින් සෙට් වුන චමෝද්. කපල් වලට හොඳ පාර්ක් ගැන ස්පෙශලිස්ට් ඉසුරු දිල්ශාන්. ඒ වගේම චැට් කරලා ෆිට් එකේ ඉන්න පූර්ණි අක්කා, දමින්ද අයියා, මැ‌සෙන්ජර් ගෲප් වලින් ෆිට් වුනු සෙව්මිණී නන්ගි, උදය සමන් අයියා, යුරාන් වගේම කාලිංග අයියා.

ඒ විතරක්යෑ තව කොච්චර නම් ඉන්නවද? හසිත මදුශාන්, උදයංග සම්පත්, ළහිරු ප්‍රසාද්, ප්‍රණීත් චින්තක, දහරක්කා, ඉසුරු සම්පත්, ඩොක් අයියා, ටියුබ් ලයිට් නිලුපුල්, ලියෝ, නලින් අයියා, අචින්ත උදයංග, රසිත ප්‍රදීප්, ශසිත් අයියා, සජීවී අක්කා, සුරේනි අක්කා, හිරාන් මලයා, කවිනු, රඛිත, නාවලඇල්ල අයියා, රෂින් මන්සිල්, චන්දිම සර්, හෙළිලි අක්කා, ස්නේක්රාජ්, විහඟ පියුමාල්, මගෙ වගේම බඩක් තියෙන රංග ප්‍රසන්න අයියා, වෙත්තසිංහ අයියා, තරිඳු රුක්ෂාන්, තාරක නුවන් වගේ එකී මෙකී නොකී සෑහෙන මිත්‍ර සංගමයක් හදාගන්න පුළුවන් වුනා. අනේ කාගෙම හරි නමක් මිස් වුනා නම් දහස් වාරයක් සමාවෙන්න කියලා ඉල්ලනවා. ඒ වගේම ෆේස්බුක් හරහා ෆිට් වුන රවිඳු අයියා වගේම අමල්ක හිමේෂාන්. ඒ වගේම මං සබ් කරන ෆිල්ම්ස් බලලා මාව දිරිමත් කරන සමිල, සාකේත, ක්‍රිෂාන් අයියා සහ අපේ හොස්ටල් එකේ, කැම්පස් එකේ හැමෝම මතක් කරනවා.

ඒ වගේම විශේෂම ස්තූතිය හිමි වෙන්න ඕනි හැමදාම කමෙන්ට් එකක් දාලා සබ් ඩව්න්ලෝඩ් කරන් යන ඔයාලා හැමෝටම. ඔයාලා නිසා තමයි අපිට සබ් කරන්න ආසාවක්, උනන්දුවක් ඇතිවෙන්නේ. මොකද මේක මූල්‍යමය වාසි මත කරන දෙයක් නෙමෙයි හිතේ සතුට වෙනුවෙන් කරන දෙයක්. ඇත්තමයි සබ් එකක් කරලා පළ වුනාම වැටෙන කමෙන්ට්ස් දකිද්දි හිතට එන සතුට කියාගන්න තේරෙන්නෙ නෑ. පැය ගාණක් කාපු කට්ටේ මහන්සිය දිය වෙලා යන්නෙ ඔයාලගේ කමෙන්ට්ස් දකිද්දී. ඉතිං මේ දෙන සහයෝගේ දිගටම ලබා දීලා හැමදාමත් අපිත් එක්ක රැඳිලා ඉන්න කියලා ඉල්ලනවා. දැන් එහෙනම් ඉතින් අපි ‌ෆිල්ම් එක දිහාට හැරෙමු.

COVID 19 වසංගත තත්වය ‌මේ වෙද්දි මුළු ලෝකෙම අඩපණ කරලා තියෙද්දී, ජන ජීවිතයට ව‌‌ගේම ගෝලීය ආර්ථිකයටත් වෙලා තියෙන බලපෑම සුළුපටු නෑ. මේ තත්වෙ නිසා චිත්‍රපට කර්මාන්තයටත් උදා වුනේ එච්චර හොඳ කාලයක් නෙමෙයි. ඒ හින්දා තමයි සිනමාහල්වල ප්‍රදර්ශනය වෙලා මුළු ලෝකෙම ලොකු කුඩා කාගෙත් ආදරයට, ජනප්‍රියත්වයට පාත්‍ර වෙන්න තිබුනු Scoob (2020) කියන ඒ හැමෝම ආසාවෙන් බලාගෙන හිටපු සුපිරි චිත්‍රපටය ඩිජිටල් මාධ්‍ය ඔස්සේ රිලීස් වෙන්නේ. ස්කූබි ඩූ චිත්‍රපට මාලාවේ සිනමාහල් ප්‍රදර්ශනය වෙනුවෙන්ම නිකුත් කිරීමට තිබුනු මුල්ම ස්කූබි ඩූ ඇනිමේටඩ් චිත්‍රපටය තමයි මේක. වාසනාවකට හෝ අවාසනාවකට ඒ සැලසුම් අසාර්ථක වුනා. ඒ කොහොම වුනත් මේ චිත්‍රපටය වෙනුවෙන් මොන තරම් දැවැන්ත ප්‍රචාරණයක් දියත් වුනාද කියනවා නම් SCOOB නමින් නිල වෙබ් අඩවියක් පවා නිර්මාණය වුනා.

චිත්‍රපටය ගැන ටිකක් කියනවා නම් සුපුරුදු හඬ නළු Fred Welker ඇරුණම මෙහි අනිත් හ‌ඬ කැවීම් ශිල්පීන් විදිහට දායක වෙන්නේ අතිශය ජනප්‍රිය නළු නිළි කැළක් වෙන Will Forte (ශැගී), Mark Wahlberg (බ්ලූ ෆැල්කන්), Jason Isaacs (ඩික්), Gina Rodriguez (වෙල්මා), Zac Efron (ෆ්‍රෙඩී) සහ Amanda Seyfried (ඩැෆ්නි) වගේ අය. මෙහි අධ්‍යක්ෂණය ස්කූබි ඩූ හා ටොම් ඇන්ඩ් ජෙරී ඇනිමේෂන් චිත්‍රපට විශාල සංඛ්‍යාවක් අධ්‍යක්ෂණය කරපු Tony Cervone විසින්. ස්කූබි ඩූ චිත්‍රපට මාලාවේ රීබූට් චිත්‍රපටයක් රිලීස් වෙනවා කියලා Warner Bros. සමාගම දැනුම් දීම් කළේ 2014 ඉඳන්. ඒත් අන්තිමේදී ස්කූබි රසිකයන්ට ඒ තෑග්ග ලැබුනේ 2020 දී. ස්කූබියි, ශැගීයී සෙට් වුනේ කොහොමද, ඒ දෙන්නා වෙල්මා, ඩැෆ්නි, ෆ්‍රෙඩී තුන් දෙනා එක්ක සෙට් වුනේ කොහොමද කියන එකට උත්තරයක් හම්බෙන්නේ මේ ෆිල්ම් එකෙන් කියන දේ ඇරුණාම චිත්‍රපටයේ කතාව ගැන වෙන මුකුත්ම නොකියා මේක රස විඳීන්න ඔයාලටම භාර කරන්නම්. මොකද අතිශය ජනප්‍රිය නළු නිළියෝ යොදාගෙන කරපු මේ වගේ දැවැන්ත, සුපිරි ඇනිමේටඩ් ස්කූබි ඩූ නිර්මාණයක් දකින්න ලැබෙන්නෙ ඉතිහාසයේ ප්‍රථම වතාවට හින්දා.

මේ වෙද්දී ස්කූබි ඩූ චිත්‍රපට 43 ක්, ටීවී සීරීස් 14 ක් සහ වීඩියෝ ගේම්ස් 21 ක් නිකුත් වෙලා තියෙනවා. 1968 අවුරුද්දෙි CBS නාලිකාවේ විධායක තනතුරක් හොබවපු Fred Silverman ගේ ඉල්ලීමක් මත, Iwao Takamoto කියන චරිත නිර්මාණ ශිල්පියාගේ සංකල්පයකට අනුව, Hanna-Barbera Productions වෙනුවෙන් මේ කතා මාලාව නිර්මාණය කිරීමේ ගෞරවය හිමි වන්නේ Joe Ruby සහ Ken Spears දෙදෙනාට.


ඒ වෑයමේ ප්‍රථිඵලයක් විදිහට තමයි 1969 අවුරුද්දෙි CBS නාලිකාව හරහා මුල්ම ස්කූබි ඩූ නිර්මාණය Scooby Doo Where Are You සීරීස් එක විකාශය වීම ආරම්භ වුනේ. ඒත් 1976 අවුරුද්දෙ ඉඳන් ආපු ස්කූබි ඩූ සීරීස් විකාශය වුනේ ABC නාලිකාව ඔස්සේ. ඉතිං 1969 ඉඳන් අද වෙනකම් වසර 51 ක් තිස්සේ තාමත් ලොකු කුඩා කාගෙත් ආදරේ දිනාගන්න සමත් වෙලා තියෙන ස්කූබි ඩූ ගැන කරුණු කීපයක් ඔයාලත් එක්ක බෙදාගන්න මට හිතුනා.

1. ‍මුලින්ම මේ කතා මාලාවේ චරිත වලට දාන්න අදහස් කරගෙන හිටියේ ජෝෆ්, මයික්, ලින්ඩා, කෙලී සහ W.W. කියන නම්. ඒත් ඒ නම් ගැළපෙන්නෙ නෑ වගේ හිතුන හින්දා ඒ අදහස ඉවත් කරගෙන තියෙනවා.

2. ස්කූබි ඩූ කියන නම හැදෙන්න හේතු වෙලා තියෙන්නේ ෆ්‍රෑන්ක් සින්ට්‍රා නම් ඇමෙරිකානු ගායකයගේ Strangers in the Night කියන සින්දුවේ තියෙන ”Doo-be-doo-be-doo” කියන වාක්‍ය කණ්ඩය.

3. ස්කූබි ඩූ නිර්මාණවල හ‌ඬ කැවීම් ශිල්පීන් කාලෙන් කාලෙට වෙනස් වුනත්, A Pup Named Scooby Doo කියන සීරීස් එකේදි හැර, වසර 50 ක් තිස්සේ මේ දක්වා සිදු වූ සෑම ස්කූබි ඩූ නිර්මාණෙකදිම Frank Welker තමන්ගේ හඬ දායකත්වය ලබා දීලා තියෙනවා. දැන් එයාගේ වයස අවුරුදු 74 ක් වෙනවා.


Frank Welker

4. ෂැගී කියන චරිතය මස් වර්ග ආහාරයට ගන්න චරිතයක් විදිහට ඉදිරිපත් කරන්න නිෂ්පාදකයෝ ගත්ත තීරණයට විරුද්ධ වෙලා ෂැගීගේ චරිතයට මුලින්ම හඬ කැවීමෙන් දායක වුන Casey Kasem අවුරුදු 28 කට පස්සේ හඬ කැවීමෙන් ඉවත් වෙලා තියෙනවා.

5. පහුගිය අවුරුදු 50 ඇතුළත ස්කූබි ඩූගේ විශාල නෑදෑ පරපුරක් විවිධ ස්කූබි ඩූ කතා තුළින් අපිට දැකගන්න පුළුවන් වුනා.


ස්කූබි ඩූ පරපුර

6. 2002 වසරේ නිකුත් වුන ස්කූබි ඩූ චිත්‍රපටය එහි ඇතුළත් ඇතැම් දර්ශන හින්දා ළමයින්ට සුදුසු නෑ කියලා තරමක් මතභේදයට හේතු වෙලා තියෙනවා.

7. ඒ වගේම තමයි Scooby Apocalypse නමින් විනාශ වුන ලෝකයක් පදනම් කරගනිමින් වෙනස්ම කොමික් පොත් මාලාවක් 2016 අවුරුද්දෙ ඉඳන් නිකුත් වෙලා තියෙනවා. අපි හිතමු ඉස්සරහ කාලෙකදී මේ කතා ඇසුරිනුත් වෙනස්ම ස්කූබි නිර්මාණ බිහි වෙයි කියලා.


Scooby Apocalypse

එහෙනම් කමෙන්ට් එකක් දාගෙනම යන්න, වැරදි ඇතොත් සමාවෙන්න කියලා ඉල්ලන ගමන් මම සමුගන්නවා. හැමෝටම ජය වේවා!

 

 

 

 

Due to copyright issues, we do not provide any torrent link.

මෙම ලබා දී ඇති උපසිරසි HD / WEB / Blu-Ray පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “සොහාන් ජයසූරිය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2014-09-01
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

159 thoughts on “Scoob! (2020) Sinhala Subtitles | ස්කූබ් [සිංහල උපසිරැසි] (50)

  • 50 වන උපසිරැසියට උණුසුම් සුභ පැතුම් අයියෙ.

    Reply
  • උපසිරැසියට ගොඩක් ස්තුතියි. ජය වේවා!

    Reply
  • thanks a lot saho sub ekata

    Reply
  • Thanks bn …ikmnatama 100 weni subtitle akath danna labewa kiyl prarthana karanava ..

    Reply
  • 50 ta suba pathum saho…thanks api wenuwen sub denawata…
    jaya weva…

    Reply
  • සුභ පැතුම් සහෝ කඩයිමට.. ඒවගේම බොහොම් ස්තූතියි උපසිරසියටත්

    Reply
  • එල අයියේ සබ් එකට

    Reply
  • බොහොම ස්තූතියි සහෝ.ජය වේවා!

    Reply
  • පළමු කඩයිමට සුබ පැතුම් මල්ලි 🙂
    දෙවෙනි කඩඉමටත් ඉක්මනින්ම ළඟා වෙන්න හැකි වේවා කියල ප්‍රාර්ථනා කරනවා.
    ජය..!

    Reply
  • fttttttt thanks

    Reply
  • Thanks for the subtitles. Keep up the good work.

    Reply
  • Thanks kollo. Issarahata suba pthnawa.
    Dannetbi ewa denagaththa
    Hamotama thanks

    Reply
  • All the best bro.. keep it up.. we always with you

    Reply
  • Ft hamadama me wage sub denna godaak thanks thava thavath vada katauthu diunuwewa!

    Reply
  • elakiri. thank you wewa

    Reply
  • උණුසුම් සුභ පැතුම් . උපසිරැසියට බොහොම ස්තුතියි සහෝ ….!

    Reply
  • මුල්ම උපසිරැසි කඩයිමට සුභපැතුම් මල්ලි.
    අලුත්/පරණ භේදයක් නැතුව ස්කුබි-ඩූ චිත්‍රපට වලටම වැඩි හරියක්ම උපසිරැසි ගෙනාපු කෙනාට සුදුසුම දේ කඩයිමට ලැබිලා තියෙන්නෙ.
    ඉදිරියට තව තවත් ස්කුබි-ඩූ චිත්‍රපට ගොඩක් නිකුත්වෙන නිසා තවත් වැඩ තියේවි ඉතිං.
    ඒවගේම ඉදිරියේදී The Man in the High Castle එකත් කරාවි කියලා හිතනවා.
    අධ්‍යාපන කටයුතු ටික හොදින් කරගන්න.
    මාවත් මතක් කලාට හුගක් ස්තුතියි! මේ උපසිරැසියටත් හුගක් ස්තුතියි.
    බ්ලුරේ පිටපතක් නිකුත් වුනාම මේකත් බලන්නම්කො. ජය!!!

    Reply
  • හදවතින්ම සුබ පතනවා පළවෙනි කඩයිම වෙනුවෙන් සොහාන්. ටිකක් පමා වුනා කමෙන්ටුවක් දාන්න සමාවෙයන්, මෙතනින් නවතින්නෙ නැතුව දිගටම පුළුවන් හැටියට ඇදගෙන 100 ටත් යමු එහෙනම්. ජයෙන් ජයම ප්‍රාර්ථනා කරන්නවා උබට.

    Reply
  • thanks……..!!!!!!!!!!!!!!!!

    Reply
  • ගොඩක් ස්තුති ඔයාට සහෝ. ජය වේවා!!!

    Reply
  • Thanks ……………….good luck …………………….

    Reply
  • jaya wewa.. Thank you !!!

    Reply
  • jaya wewa.. godak isthuthi

    Reply
  • උපසිරැසිය වෙනුවෙන් සුබ පැතුම් වගේම බොහොම ස්තූතියි සහෝ!✌❤
    ඔබටත් ඔබේ පවුලේ සැමටත් සියලු යහපත් පැතුම් ඉටුවේවා කියලා ප්‍රාර්ථනා කරනවා සහෝ! ✌
    ජය වේවා! ❤
    Scooby-Doo! Mystery Incorporated (2010–Tv Series)

    Reply
  • 50ට සුභ පැතුම් සොහානයා!! හිමින් හරි කමක් නෑ දිගු ගමනක් යමු.. පාර්ක් ගැනනම් ඉතින් උබත් ස්පෙශලිස්ට් කෙනෙක්නෙ. දන්නෝ දනිති ඒවා.. 🙂 එහෙනම් ජයවේවා කිව්වා ඔන්න..!!!

    Reply
  • සිංහල උපසිරැසට ස්තූතියි…..

    Reply
  • ප්‍රමාදවෙලා හරි ඔන්න මාත් සුබ පැතුම් එක් කරනවා සොහාන් මල්ලි. ඊලඟ කඩ ඉමටත් කොහොමහරි යමු කියලත් කියන ගමන්ම වෙනද වගේම බොහොම ස්තූතියි සිංහල උපසිරැසියටත්. ජය෴෴ 😛 😛

    Reply
  • සුභ පැතුම් සහෝදරයා 50 වෙනි උපසිරැසියට.. Good luck and wish you all the best

    PS:sorry for late bokkh

    Reply
  • පළමු කඩඉමට සුබපැතුම් මලේ…
    සයිට් එක නිසාම මුණගැසුනු තවත් සුහදශීලි මිත්‍රයෙක්. සුහද හමු වලදි වගේම සමාජ සත්කාර වලදිත් හමු වෙලා තියෙන එල කොල්ලෙක්. තවත් කඩඉම් පහු කරන්න හැකියාව ලැබේවා කියලා ප්‍රාර්ථනා කරන ගමන් පෞද්ගලික ජීවිතේ සියලු යහපත් කටයුත්තක්ම සාර්ථක වේවා කියලා ප්‍රාර්ථනා කරනවා. මේ උපසිරැසිටත් බොහොම තුති කිව්වා. දිගටම සබ් දෙමු ආ… ජය!

    Reply
    • Aiya maath sub daan kamati

      Reply
    • Congratulations Thank you bro

      Reply
  • කොන්ගැජුලේසන්ස් 50 වෙනි උපසිරසියට.
    ඉගෙනීම් වැඩත් එක්ක දැහැමින් සෙමින් ආව ගමනක්.තව අවුරුදු දෙකකින් බදින්නනේ ඉන්නේ.ඊට කලින් 100 ගහපන් භොඛ්ඛා..ගුඩ් ලක්

    Reply
  • බොහොම ස්තූතියි සහෝදරයා

    Reply
  • 50 වෙනි උපසිරැසියට සුභ පැතුම්
    ඉක්මනින් 100 වෙනි උපසිරැසියත් කරන්න හැකි වේවා
    සිංහල උපසිරැසියට බොහොම ස්තුතියි❤

    Reply
  • Thanks saho sub ekata.issarahatath karagena yamu.ilaga kadaimath ikmanatama karamu..all the best…

    Reply
  • Thanks and good luck!

    Reply
  • Digatama demu…! jaya wewa…!! Budu Saranai…!!!

    Reply
  • නියමයි..

    Reply
  • ජය වේවා මචං ..

    Reply
  • 50 වෙනි උපසිරස වෙනුවෙන් සුබ පැතුම් මල්ලි! සයිට් එකේ ස්කුබි ඩු වගේ දැන්. ඒ තරමට ස්කුබි ඩු ෆිල්ම් වලට උපසිරැසි සපයල ඇති. ඉදිරි වැඩ කටයුතු සාර්ථක වේවා කියන ගමන් 100 මීට වඩා ඉක්මනින් කරන්න ලැබේවා කියල පතනවා!

    Reply
    • නියමයි සහෝ

      Reply
  • 50hata suba pathanoo

    Reply
  • 50 වැනි උපසිරැසියට හදවතින්ම සුබපැතුම් සහෝ….
    ඒ වගේම ඊළග කඩයිමත් ඉක්මණින්ම පහිකරමු එහෙනම්….
    උපසිරැසියටත් බොහොම ස්තූතියි සහෝ

    Reply
  • පිලුම බලලම කමෙන්ට් එකක් දාන්න හිටියේ.
    පරක්කුවට සමාවෙන්න ඕන.
    පිලුම වගේම සබත් ඉතින් මැක්සා.
    ආයේ අමුතුවෙන් කියන්න දෙයක් නෑ ඒ ගැන.
    දැනෙන්න ඕන දේ තිතටම තිබ්බා.
    කොල්ලා ගැන කිව්වොත් ඉතින්,
    සයිට් එකෙන් හම්බුනු, ෆිට් එක වැඩිම හාදයෙක් වගේම
    අපේ හොස්ටල් එකේම නිහතමානි කොල්ලෙක්.
    ඉතින් මල්ලි,
    පලවෙනිම කඩඉමට හදවතින්ම සුබ පතනවා.
    තව තවත් කඩඉම් ගණනාවක් පහු කරන ගමන්
    ඉදිරියටත් එන ස්කුබි ඩු පිලුම් වලට වගකියන්න ලැබේවා කියලා පතනවා.
    ජයවේවා!!!

    Reply
  • ආවා..ඕන්න… ස්කූබි ඩූ!!!!
    ජය වේවා සොහාන් අයියේ…
    100ටත් ඉක්මනටම යමු හොඳේ…
    දැන් තමයි බලන්න හදන්නේ!! 🙂

    Reply
  • සබට තෑන්ක්ස් සහෝ..50වෙනි උපසිරැසියට සුභ පැතුම්❤️

    Reply
  • රට්ටු කියයි නොයෙක් කතා උබ හදපන් සබ්ටයිටල් පුතා !

    Reply
  • 50 වෙනි සිංහල උපසිරැසියට හදවතින්ම සුබ පතනවා.. !! තව කඩයිම් ඉස්සරහට එනවා නේ.. ඒවත් මේ වගේම සාර්ථක වෙන්න කියලා ප්‍රාර්ථනා කරනවා.. !! බොහොම ස්තුතියි සිංහල උපසිරැසියට .. ජය වේවා !!!

    Reply
    • සුභ පැතුම්….! සබ් හදපුවම අම්මගෙ මුත්තගෙ උදව් ඉන්න ගම ඉන්න රට නමෙ මුල් අකුරු වලින් කියවෙන තේරුමයි අනම් මනම් හැම දේම ඕකට දාන්නෙපා.එපා වෙනව…. ඔරිජිනල් සබ් එකේවත් නැති මගුල් ටිකක් දානව අපේ ලංකාවෙ සබ් හදන අය.හිතල හදනව නෙමෙයිනෙ.ඔයාලත් කරන්නෙ english එක අරන් ඕක translate කරන එකනෙ.ඒ හින්ද කරුණාකරල සබ් එකේ තියෙන්න ඕනි දෙබස් විතරයි.අහවල් කෙනාගෙ අහවල් දවසෙ වැස්ස වෙලාවෙ අමාරුවෙන් කරේ කිය කිය දාන්නෙපා.සබ් හදන හැමෝටම පොදුවේ කීවෙ මට හිතෙන දේ…. ජයවේවා,දිගටම යමූ….

      Reply
      • අනේ මේ එපානම් හිටපිය ගොන කතානැතුව

        Reply
      • උබ එහෙනම් ඔරිජිනල් එක දාලා බලපන්කෝ

        Reply
      • සිරා කථාව බන්. සබ ඒක කාලා. හරියට කරනවා නම් කරන්න ඕන.

        Reply
  • මුලින්ම ඔයාට සුභ පතනවා.අර විස්තරේ එක දෙයක් කිව්ව නම් හොදයි නේද.2002 රිලීස් උන Scooby Doo The Spooky Island Film එක ආයේ Remake කරා.ඒකේ තිවුන අනවශ්‍ය කොටස් කපා ඉවත් කර නැවත් රිලීස් කරා.මොනව නැතත් දිගටම සබ් දාන්න ගොඩක් පිරිසක් ඔයාගේ වටේ ඉන්නවා.Good Luck.

    Reply
  • Congratz and thank you

    Reply
  • 50 වෙනි උපසිරැසියට සුභපැතුම්! ඉක්මනටම 100ටත් යන්න හැකිවේවා කියලා පතනවා.

    Reply
  • Sohan aiya congratulation

    Reply
  • සුබ පැතුම් සොහාන් මලයො 50 වෙනි සබට. කල් ගිහින් හරි 50 ගැහුවනෙ 100 නම් වේගෙන් ගහමු ඈ
    අඩේ මැසෙජ් එකට රිප් කරන්න බැරි උනාට සොරි ඈ මේ ටිකේ fb බ්ලොක්
    සබ් එකට තෑන්ක්ස් ආ

    Reply
  • පළමු කඩයිමට සුභ පැතුම් මලයෝ
    හරිම හොඳ සුහදශීලී චරිතයක්
    කරන කියන සියලු දේ සර්වප්‍රකාරයෙන් සාර්ථක වෙන්නය කියල ප්‍රාර්ථනා කරනවා.
    දැන් ඉතිං නවතිනවා බොරු..ජය වේවා !!!!

    Reply
  • වැරදි සයිට් එකක කමෙන්ට් කරලා තියෙන්නෙ මං හිතන්නෙ.
    ගුගල් ට්‍රාන්ස්ලේට් සබ් තියෙන්නෙ වෙන සයිට් එකක.
    සයිට් එක හරියට බලල කමෙන්ට් දාන්න ආයේ මෙහෙම කමෙන්ට් දානකොට 🙂

    Reply
  • පලමු කඩයිමට සුභ පැතුම් සහ‌ෝදරයා…..ඉක්මනින්ම 100 කඩයිමටත් යන්න ලැබෙන්න කියලා පතනවා….ඒ වගේම උපසිරසියටත් ගොඩක් ස්තූතියි…..

    Reply
  • පළමු කඩයිමට සුභපැතුම් මලේ
    සයිට් එකේ ඉන්න බොහොම සුහදශීලි චරිතයක් 🙂
    මේ දේවල් වගේම අනෙකුත් වැඩ රාජකාරිත් සාර්ථකව කරගන්න ඉඩ ලැබේව කියල පතනවා.
    100 වැනි කඩයිම තමයි ඊළඟ පඩිය.

    Reply
  • 50වෙනි උපසිරැසියට සුබපැතුම් !!!!

    Reply
  • subapathum bro. jaya wewa.. thanks

    Reply
  • Enakm balan hitapu filumak.. thanx saho..& all the best !!!

    Reply
  • නියමයි…සබ් එකට තැන්ක්ස්…
    50 වෙනි උපසිරසියට සුබ පැතුම්!!!
    100ත් ඉක්මනටම ගහමු….
    එනකම් බලන් හිටපු ෆිල්ම් එකක්….

    Reply
  • සබ් එකට බොහොම ස්තූතියි සහෝ….!
    ඒ වගේම 50 වෙනි කඩඉමටත් සුබ පැතුම්….!
    මට බයිස්කෝප් ටීම් එකෙන් කියලා මුලින්ම හම්බ උනේ උඹව. ක්‍රිශාන් තමයි මටත් උඹව සෙට් කරල දුන්නේ. සබ් කරන මල්ලි කෙනෙක්, උබ සබ් එකක් කරනව නං මෙයාගෙන් සපෝට් එකක් ගනින් කියලා එදා ඉදලා අද වෙනකොට උඹ 50 ගහලා මමත් ළගදීම 50 ගහන්න බලන් ඉන්නවා. දිගටම සබ් කරමු ජය…!

    Reply
  • Thank u brother & wish u all the best <3

    Reply
  • ස්තුතියි සහෝ…

    Reply
  • 50 වෙනි උපසිරැසියට සුබ පැතුම් සොහාන් සහෝදරයා… මහන්සි වෙලා කරපු උපසිරැසියට බොහොම ස්තූතියි… ජය වේවා..

    Reply
  • 50* වැනි උපසිරසියට හදවතින්ම සුබ පතනවා සොහාන් මලේ..
    කරන කියන හැම වැඩ කටයුත්තක්ම සාර්ථක වේවා කියල පතනවා…
    ~~ඔබට ජය~~

    Reply
  • 50 වෙනි උපසිරැසියට බොහෝම ස්තුතියි සහෝ,
    ජයෙන් ජයම වේවා..!!

    Reply
  • උපසිරැසි වලට ස්තූතියි

    Reply
  • බොහෝම ස්තූතියි සහෝදරයා..
    50ට උණුසුම් සුබපැතුම්……………………
    100න් හමුවෙමූ……………………………………………!

    Reply
  • සේරම අයියලා අක්කලා නංගිලා අතරෙ දමින්ද අයියා කියලත් තියෙනව දැක්කම මාර සතුටුයි.දන්නවද මම නම් කරේ ෆිල්ම් 13 ක් වගේ.උඹ නැත්තම් ඒ ෆිල්ම් 7 න් 8 න් නවතින්නත් තිබුනා. විමා නැත්තම් ඒ ෆිල්ම් 3 න් 4 න් නවතින්නත් තිබුනා.සමහර මිනිස්සු එක්ක මළ පැනලා ඉද්දි උඹ තමයි මට වතුර බාල්දිය උස්සන් ආවෙ.ආදරෙයි සහෝදරයා උඹට.ඉස්සරහට පලයන්…

    ම,ද ග

    Reply
  • Thanks sub ekata supiri ela pluwanman Scooby-Doo! Mystery, Inc Hari A Pup Named Scooby-Doo me deken pluwanman series ekata sub dennko please thx

    Reply
  • 50 වෙනි උපසිරසට හදවතින සුභ පැතුම් සහෝ…තව තවත් ඉදිරියට උපසිරස කරන්න ලැබේවා වගේම ජීවිතේ හැම කටයුත්තක්ම සර්වප්‍රකාරයෙන්ම සාර්ථක වෙන්න කියලා හදවතින්ම ප්‍රාර්ථනා කරනවා…ෆිලුම නම් එනකම් බලන් හිටිය එකක්…එදා ඉදන් අද වෙනකම් ස්කූබු ඩූ ෆිල්ම් එකක් අතාඇරලා නෑ…ජය වේවා..!

    Reply
  • ඉදිරියටම යන්න සුබ පැතුම් සොහාන්! ආයෙමත් එකතු වෙලා සබ් කරමු වෙලාව තියනකොට

    සියළු වැඩ කටයුතු සාර්ථක වේවා! තෑන්ක්ස් සබ් එකට ස්කුබිඩූ නම් ඉතින් බලන්නම ඕනෙ.

    Reply
  • congratulations for 50th

    Reply
  • හරියට සබ් එක දෙනවා නම් දීපන්. කොලිටියට. google ට්‍රාන්ස්ලේටර් පාවිච්චි කරලා දෙන්නේ නැතුව.

    Reply
    • වැරදි සයිට් එකක කමෙන්ට් එක දාල තියෙන්නෙ
      බයිස්කෝප් එකේ ගුගල් ට්‍රාන්ස්ලේට් දෙන්නෙ නැහැ
      උතුර දකුණ මාරු කරගන්න එපා.
      වහාම අදාළ, නිවැරදි වෙබ් අඩවියට පිවිස මෙම කමෙන්ටුව දමන්න 🙂

      Reply
      • මං හිතන්නේ ගූගල් ට්‍රාන්ස්ලේට් සබ් දැකල දැකලම ගූගල් ට්‍රාන්ස්ලේට් නැති හොඳ සබ් එකක් දැක්කමත් ගූගල් ට්‍රාන්ස්ලේට් වගේ පේන පොරක් තමා Sonic කියන්නේ.

        Reply
      • පිස්සුද
        හැටිද
        සබ එක මරුනේ
        මොන්ගල්ධ

        Reply
  • ThnkQwwwwwww
    ThnkQwwwwwww

    Reply
  • Enakan balan hitiya ekak thanks bro sub ekta

    Reply
  • 50වැනි උපසිරසියට හෘදයාංගම සුබපැතුම්!
    වැඩිමනක්ම ස්කුබි ඩු ෆිල්ම්වලට සබ් දුන්න හාදයා..
    50 ගහන්නත් මේක තෝරගත්ත එක විශේෂයි එහෙනම්.
    අවුරුදු ගානක් තිස්සෙ ඉබි ගමනින් උනත් නොනැවතී ආව එක මදැයි..
    දැන් ඉතින් කැම්පස් නැති එකේ හනිකට 100 ගහලා දාමු නේද එහෙනම්?
    ලිපියේ මාවත් මතක් කොලාට තැන්කු. ඒ වගේම අන්වර්ථ නාම යෙදීම හෙළා දකිමි.
    එහෙමනම් මෙතනින් නොනැවතී තව ගොඩක් සබ් කරන්න ලැබේවා කියා පතනවා…
    ඔබට ජයෙන් ජය!

    Reply
  • නියමයි මචන් නියමයි….. ස්කූබි-ඩූ…… උණුසුම් සුභ පැතුම්.මල්ලි…100 ක් ගහමු ඔහොම්මම…… දිගටම උපසිරැසි දෙන්න කාලය ලැබේවා….ජය වේවා…. දෙවි පිහිටයි…..

    Reply
  • හුරේ
    ෆෙඩ්
    මල්ලි
    එල

    Reply
  • Ammo enakal balan hitiye thaq

    Reply
  • Thank you so much for the sub brother! congratulations for the big achievement!!! Keep it up !!!!

    Reply
  • කඩයිමට හදවතින්ම සුභපැතුම් සහෝ, ඉක්මනින්ම ඊලඟ කඩයිමටත් යමු…ඉදිරි වැඩකටයුතු සාර්ථක වේවා!

    ඒ වගේම සබ් එකටත් විස්තරයටත් බොහොම ස්තූතියි!

    Reply
  • ස්කූබි ෆිල්ම් ටිකට උපසිරසි ‍ගෙනාපු මල්ලිම මේකටත් උපසිරසි ලබාදුන්න එක ගැන සතුටුයි. 50 වෙනි උපසිරසියට හදවතින්ම සුභ පතනවා වගේම 50 කරන්න ලොකු කාලයක් ගියත් ගොඩක් ඉක්මණට ඊළඟ 50 කරන්න ලැබේවි. ස්තූතියි මේක දෙනකන් බලන් හිටියෙ. ❤️❤️

    Reply
  • උනුසුම් සුභපැතුම් මලේ !
    100 වැනි කඩඉමත් ඉක්මනින්ම පසු කරන්න ඔයාට ශක්තිය,ධෛර්ය සහ කාලය ලැබෙවා කියලා පතනවා

    Reply
  • 50ට ජය…
    Keep going pal..

    Reply
  • 50ට උනුසුම් සුබ පැතුම් බොක්ක. බයිස්කෝප් එක නිසා සෙට්වුන සුපිරිම සෙට් එකෙන් උඩින්ම ඉන්න එකෙක් තමා උබ. ඒ වගේම හැම ප්‍රශ්නෙකදිම ලගින් උන්නු කීප දෙනාගෙන් එකෙක්. ඉති ඉක්මනටම 100ටත් යමු. ජය වෙවා…

    Reply
  • නියමයි මල්ලී. සුබ පැතුම්. 50 ගහන්න ගොඩක් කල් ගත්තට සමහර දේවල් අඩු වයසින් කරලා තියෙනවා නේ. ලොල්. මම මේ exam ගැන කිව්වේ.
    ස්තූතියි මං ගැන ලිපියේ සඳහන් කරාට. 100 ටත් යමු ඔහොම.
    අනිවා බලනවා. ජය වේවා.!!!

    Reply
  • හෝ හෝ අපෙ සොහාන් අයියත් එහෙනම් සබ් 50ක් ගැහුවා එහෙනම්.. බොහෝම සතුටුයි. 50 වැනි උපසිරසියට උනුසුම් සුබපැතුම්. උඩදි මාවත් මතක් කලාට ස්තූතියි. ඔය ගැම්මෙන්ම 100 ට යමු. ජය වේවා.
    සබට තුති…

    Reply
    • සිංහල උපසිරැසියට ස්තූතියි
      50 වෙනි උපසිරැසි නිර්මාණයට සුභ පතනවා
      100 ත් ගහමු ගින්දර වගේ

      Reply
  • 50 වෙනි උපසිරසියට හදවතින්ම සුභ පතනවා…!!!

    … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

    Reply
  • Thanks brooo. Congratulations

    Reply
  • 50 වන කඩයිමට සුභපතනවා සොහාන් අයියේ!
    සමාවෙන්න ඕනේ පරක්කු උනාට.
    අපි දැන හඳුනගත්තෙත් ස්කූබි ඩූ හරහා කියලා
    කිව්වට වරදක් නෑ….
    ඉදිරි වැඩකටයුතු සියල්ලම සර්වප්‍රකාරයෙන්ම
    සාර්ථක වෙන්න කියලා ප්‍රාර්ථනා කරන ගමන්ම,
    ඊළඟ කඩයිමත් මෙවැනි සුපිරි ස්කුබී ඩූ ෆිලුමකින්ම
    තරණය කරන්න ලැබෙන්න කියලාත් ප්‍රාර්ථනා කරනවා!
    ජය වේවා…!

    Reply
  • සබ් වලට තෑන්ක්ස් බ්‍රො❤️50* වන කඩඉමට හදවතින්ම සුභපතනවා…

    Reply
  • මුලින්ම සමාවෙන්න ඕනි කමෙන්ට් කරන්න පුමාද වීම ගැන.මොකද මේ දවස් වල තියෙන අධික රාජකාරියත් එක්ක සයිට් එකට ඇවිත් යන්නත් වෙලාවක් නැ.ඇත්තටම මුලින්ම මාගේ සුභ පැතුම් එක්කරනවා මලේ පලවෙනි කඩඉම වෙනුවෙන්..ඒ වගේම කියන්න ඕනි ස්කුබි ෆීල්ම්නම් ඉතින් අපේ සොහාන් මලය එතන ඇති..ඉතින් ඔින වෙලාවක මලේ පොඩි උදව්වක් තියේ කරල දියන් කිව්වොත් නැ, බැ නොකියා හරිඅයියේ කරන්නම් කයල එක පයින් කැමති වෙන හිත හොද තවත් පොරක් කියන්න ඔිනි..ආ විශේෂයෙන් අර දුන්න cd වලට ස්තුතියි.සයිට් එකෙන් අදුර ගත්ත හිත හොද කොල්ලෙක්.ඉදිරියටක් මේ වැඩේ දිගටම කරගෙන යන්න අවස්ථාව ලැබෙන්න කියලා පුාර්ථනා කරනවා.සුභ ගමන් මගේ…මාවත් මතක්කරාට තුති..

    Reply
  • Congratulations & Thank you for subtitle

    Reply
  • Congratulations brother tank you for subtitle

    Reply
  • me dawaswala tathveth ekka ela me vede thnx oyta

    Reply
  • 50 වෙනි උපසිරසියට සුබ පතනවා බ්‍රෝ ඉක්මනින්ම 100වෙනි උපසිරසියෙනුත් මුණගැහෙන්න බලාපොරොත්තු වෙනවා බ්‍රෝ 🙂 🙂

    Reply
  • මලේ මගේ උණුසුම් සුබ පැතුම් 50 වෙනි කඩයිමට. සුබපතන්න පොඩ්ඩක් පරක්කු උනා ට සමාවෙන්න ඕනේ, රැ නිදි මරාගෙන ගැහුවා සබ් එකේ ප්‍රතිපලේ අද තියෙනවා. දෙන්නෙක් ම 50 කඩයිම සම්පුර්ණ කළා කියන්නේ ලොකු සතුටක්. කැම්පස් එකේ වැඩත් කරගෙන ඉක්මනටම 100 වෙනි කඩයිමත් සම්පුර්ණ කරන්න ශක්තිය ලැබෙන්න කියලා පාර්ථනා කරනවා. මෙහෙමම Tom and Jerry 2020 දෙමු දෙසැම්බර් මාසේ. ජය වේවා.

    Reply
  • thanks for the sub

    Reply
  • සුභපැතුම් මචන්…
    ඉක්මනින් 100ත් ගහමු කම්මැලි නැතුව.

    Reply
  • Thankssssssssssssssssssssssssss!!!!!!!!!!!!!!!!!!!!!!!!!!!!!!!!!!!!!

    Reply
  • සුබ පැතුම් සහෝ..ඒ වගේම ලිපියටත් සබ් එකටත් බොහොම ස්තූතියි..Shaggie කියල නම කොටන් හිටියත් මෙච්චර දෙයක් දන්නෑ

    Reply
  • 50 ට උණුසුම් සුබ පැතුම් මල්ලි.
    සියලු වැඩ කටයුතු සාර්ථක වේවා කියලත් ප්‍රාර්තනා කරනවා.
    ඉදිරි කඩයිම් වලට ඉක්මණින් යන්න ශක්තිය ධෛර්‍යය ලැබේවා කියලත් ප්‍රාර්තනා කරනවා.
    එ වගේම මාවත් මතක් කලාට ස්තූතියි.

    Reply
    • Congratulations for your achievement brother..keep going.and thanks for the sub.good luck

      Reply
  • පළමු කඩයිමට සුබ පැතුම්! ඉදිරි කඩයිම් වලට ඉක්මනින් යාමට හැකිවේවායි පතනවා!

    Reply
  • thanks bro
    mama iye idan balan hitiye sub eka danakan

    Reply
  • super bro
    mama iye idan balan hitiye sub eka denakan

    Reply
  • 50 ට සුබ පතනවා. මේ ටිකේ වැඩක් නැති ඒකෙ 100 ත් ගම්මට ගහමු.
    ස්තූතියි මාවත් මතක් කරාට.

    Reply
  • 50* වෙනි උපසිරසට සුභ පැතුම් සොහාන් සහෝ…
    ආවට ගියාට ෆිල්ම් නොකර උපසිරසත් එක්ක ෆට්ට ලිපියකුත් දෙන
    තවත් සුපිරි උපසිරසිකරුවෙක් කියලා හඳුන්වන්න පුලුවන් . . .
    කැම්පස් වැඩයි, අනිත් වැඩයි ඔක්කොම බැලන්ස් කරගෙන මේ ගහන ගේමට බොහෝම ස්තූතියි !
    50ට දෙන්නේ මොකක්ද කියලා ඇහුවම Scoob ! කිව්වම ඒක එනකන් ඇඟිලි ගැන ගැන හිටියේ
    ඕන් දැන් ඒකත් හරි !!
    ඉක්මනටම 100*ත් ගහමු කොල්ලෝ !!!
    ජය වේවා !!!

    Reply
  • Silver Class එකට මුලින්ම සුබ පතනව මල්ලි.❤ කාලය කොච්චර ගත වුණත්, අතහැරෙන්නෙ නැතුව බයිස්කෝප් එක්ක හිටපු එක තමයි වඩා වැදගත් වෙන්නෙ. දැන් ඉතිං කැම්පස් වල වැඩත් නැති එකේ මොකටද කල් මරන්නෙ, ගැම්මට 100 ගහල දාමු. මාවත් මතක් කළාට ගොඩක් ස්තූතියි වගේම ගොඩක් සතුටුයි. ආයෙ බයිස්කෝප් එකේ වැඩකදි මුණගැහෙමු. ❤ ජය වේවා..! ✌️

    Reply
  • අඩවියේ පළවෙනි කඩයිම නැත්නම් 50 වෙනි සිංහල උපසිරසියට මගේ උණුසුම් සුබ පැතුම්…
    ඔබටත් පවුලේ සැමටත් නිදුක් නිරෝගී චිර ජීවනයම අත්වේවා..
    දෙවන කඩයිම සර්වප්‍රකාරයෙන්ම සාර්ථකව පසුකරන්න දිරිය ශක්තිය වාසනාව ලැබේවා..
    ~ ජය වේවා ~

    Reply
  • පනස්වෙනි උපසිරසියට හෙවත් පලවෙනි කඩයිමට උණුසුම් සුභ පැතුම් අයියේ… සයිට් එකෙන් වගේම මුහුණු පොතෙන් හම්බවුන හොඳ සහෝදරයෙක්… පනහ කරන්න සෑහෙන කාලයක් ගියාට මොකද ඒවගෙනුත් වැඩියක්ම ස්කුබිගේ ඒවනේ කරලා තියෙන්නේ. ඉතින් සීය කඩයිමටත් ඉක්මනට යන්න ලැබෙන්න කියලා හදවතින්ම ප්‍රාර්ථනා කරනවා.. ලිපිය කියෙව්වා.මාවත් මතක් කලාට තෑන්ක්ස් ඈ.. නොදන්න කරුණු ටිකකුත් දැනගත්තා.. එහෙනම් සබ් එක ගත්තා.. ස්තූතියි වෙන්දා වගෙම උපසිරසියට.. ජය වේවා…❤️❤️

    Reply
  • Thankz very much bro….

    Reply
  • patta bro.. thanks

    Reply
  • 50ට උණුසුම් සුභ පැතුම්… ස්කූබිට සෑහෙන සේවයක් කරපු කෙනෙක්. ඒකට සාධාරණයක් ඉ⁣ටු වෙලා තියෙන වග ⁣පැහැදිලි වෙනවා ඔන්න 50දි… 100ත් ස්කූබිගෙන්ම ගහමු එහෙනම්…
    උපසිරස වැඩ වගේම අනිකුත් වැඩත් සාර්ථක කරගන්න අවශ්‍ය කාලය ලැබේවා කියලා පතනවා…
    ජය… ✌

    Reply
  • 50* වෙනි සිංහල උපසිරැසියට උණුසුම් සුබපැතුම් අයියේ
    අයියේ. සයිට් එකෙන් හම්බ වුණු නිහතමානි චරිතයක්. අපේ රසස්වාදය සදහාම ගොඩක් ඉක්මනින් සබ දුන්නට බොහොම තුති. දිගටම යමු 100*ටත්. නවතින්න එපා.ඉදිරි වැඩ කටයුතු සර්වප්‍රකාරයෙන්ම සාර්ථක වෙන්න කියල ප්‍රාර්ථනා කරනවා.

    Reply

Leave a Reply to ranathunga12345 Cancel reply

Your email address will not be published. Required fields are marked *