Seventh Son (2014) | හත් වැන්නාගේ හත් වෙනි පුත්‍රයා… [සිංහල උපසිරැසි සමඟ]

හලෝ හලෝ… කොහොමෙයි කොහොමෙයි. අයියලා, අක්කලා, නංගිලා, මල්ලිලා, නැන්දලා, මාමලා ඔයාලා ඔක්කොටොම කොහොමෙයි. හොඳින් ඉන්නවා නේද?? 🙂  🙂  🙂  ඔන්න සෑහෙන කාලෙකට පස්සේ උපසිරැසියක් අරගෙන එන්න තමයි මේ හදන්නේ.  Action, Adventure, Fantasy ක් වන Seventh Son නිකුත් වෙලා තියෙන්නේ පෙබරවාරි හය වැනිදා.  Sergey Bodrov ගේ අධ්‍යක්ෂණයක්. Jeff Bridges, Ben Barnes, Julianne Moore රංගනයෙන් දායක වෙනව.

මාස්ටර් ග්‍රෙගරි කියන්නේ මායාකරුවන් දඩයමේ යෙදෙන්නෙක්. ඔහු වසර සියගණනකට කලින් මායා ලෝකයේ රැජිණ වුන, මදර් මැලන්කින් ව පොළොව යට සිර කරනවා. වසර ගණනාවකට පසුව එළඹෙන එක් දිනයකදී මැලන්කින් ට බලය ලැබිලා සිර කුටියෙන් බේරිලා එයාගේ නිජබිම වූ කඳුකරයට යනවා. පස්සේ එයාගේ සඟයන් එක්ක එකතු වෙලා මාස්ටර් ග්‍රෙගරි ගෙන් පළිගැනීමේ චේතනාව තමයි තියෙන්නේ. මේ අතරේ මාස්ටර් ග්‍රෙගරි, මැලන්කින් ට එරෙහිව සටන් කරනවා. කලින් ගෝලය මැරුණු නිසා අළුත් කෙනෙක් හොයාගෙන යනවා. ඔහු තමයි තෝමස් වෝඩ්. ඔහු හරිම කැමැත්තෙන් ග්‍රෙගරි එක්ක එකතු වෙනවා. මැලන්කින් ගේ සහෝදරියගේ දුව එක්කලා මේ තෝමස් සම්බන්දයක් ඇති කරගන්න නිසා මේ මායාකාර දඩයම ලෙහෙසි වෙන්නේ නැහැ, ලොකු අභියෝග වලට මුහුණ දෙන්න වෙනවා. ඉතුරු හරිය ඔයාලම බලන්නකෝ එහෙනම්.

විශේෂයෙන්ම කියන්න ඕනේ, මේ ෆිල්ම් එකට නිවැරදි ඉංග්‍රීසි උපසිරැසියක් තවමත් නිකුත් වෙලා නැහැ. අසා ලිවීමක් තමයි කළේ. සමහර අමාරු තැන්වලදී හැමදාම වගේ හසන්ත අයියා තමයි උදව්වට ආවේ. ඒකට ස්තුතියි ඈ…. 🙂  🙂  🙂

නතර වෙන්න කලින් කියන්න ඕනේ, “ඉස්සර නම් මාව මතක අය දන්නවා ඇති මම ඉක්මණින් සෑහෙන්න සබ් කළා කියලා.  දැන් නම් කරන්නේ නැති තරම්. ඒකට එක් හේතුවක් තමයි ඔයාලගේ අදහස් දැක්වීම් දැන් දැන් සෑහෙන්න අඩුවෙලා තියෙන එක. මට නම් හිතෙන්නේ මේ උපසිරැසිකරණය කියන එක සාමාන්‍යකරණයට ලක් වෙලා නිසයි එහෙම වෙලා තියෙන්නේ කියලා. උපසිරැසිකරණයේ යෙදෙන්නන් ට තියෙන එකම ඇගයීම තමයි ඔයාලගේ වටිනා අදහස්. ඒ අදහස් වලින් තමයි එයාලව දිරිමත් වෙන්නේ තව තව සබ් කරන්න. දහස් ගණන් වලින් බාගත කරගත්තත් ඉතා සීමිත පිරිසක් තමයි හැමදාම අදහස් දක්වන්නේ. එසේ නොවෙනවා නම් උපසිරැසිකරුවන්ගේ  මේ  අසීරු කර්තව්‍ය ඉක්මණටම නතර වේවි. නතර කරාවී.  ඒ නිසා තවත් එක මොහොතක් නතර වෙලා අපේ උපසිරැසිකරුවන් දිරිගන්වන්න උදව් වෙන්න කියලා අවසාන වශයෙන් ඉල්ලා සිටිනවා.”

                                                                      හැමෝටම ජයෙන් ජය. සුබ දවසක්!!!

මේ ලබා දී ඇති සිංහල උපසිරැසි පිළිබද “සමීර චතුරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.