You dont have javascript enabled! Please download Google Chrome!
Sunday , October 20 2019
Breaking News
Home / All / Shadowhunters: The Mortal Instruments [S03 : E07] Sinhala Subtitles | සියළුම යක්ෂයින්ගේ මව! [සිංහල උපසිරැසි සමඟ]

Shadowhunters: The Mortal Instruments [S03 : E07] Sinhala Subtitles | සියළුම යක්ෂයින්ගේ මව! [සිංහල උපසිරැසි සමඟ]

Rating: 9.9/10. From 16 votes.
Please wait...

ආයුබෝවන් යාළුවනේ…! ඉතිං ඔන්න හත්වෙනි දිගහැරුම වෙනකොට කතාව බොහොම උණුසුම් මට්ටමකට ඇවිල්ල තියෙන්නෙ…

අද කතාව ගැන විස්තරයක් කියන්න කලින් මට හිතුණ මෙවර කතා සමයට පදනම් වෙලා තියෙන පුරාවෘතය ගැන ටිකක් හාර අවුස්සල ඔයාලටත් ඒ ගැන දැනගන්න පොඩ්ඩක් විස්තර කරන්න ඕනෙ කියල.. ඇත්තටම කිව්වොත් ඒක කතෝලික භක්තිකයින්, යුදෙව්වන්, බැබිලෝනියානුවන්, වගේම ඉස්ලාම් භක්තිකයන්ගෙ අතීත කතාවන් සම්බන්ධවෙලා තමයි ගොඩනැගිල තියෙන්නෙ.. හරි මෙහෙමයි පටන් ගන්නෙ.

මිහිතලයේ පළමු මිනිසා සහ ගැහැණිය.
ශුද්ධ වූ බයිබලයට අනුව දෙවියන් වහන්සේ ලෝකයේ සියලුම සතුන් මවල, ඒ සතුන්ට ජීවත් වෙන්න සුදුසු පරිසරයකුත් මැව්ව. මේ පරිසරය බයිබලයේ හඳුන්වල තියෙන්නෙ Garden of Eden නැත්නම් ඊඩන් උද්‍යානය කියල. මේ අතරෙ ඒ පරිසරයට අදාලව යම් අඩුවක් තියෙනව කියල දෙවියන්ට වැටහුණා.. ඒ තමයි මිනිසා.. ඔන්න ඉතින් දෙවියන් ඊඩන් උද්‍යානයෙන් පස් සහ දූවිලි එකතු කරල මිනිසා නිර්මාණය කරල ඔහුගේ නාසයට ජීවන හුස්ම පිම්බ කියල තමයි සඳහන් වෙන්නෙ. මෙසේ ඉපදුණු පළවෙනි මිනිසා “ආදම්” කියල නම් කළා.. ඉතින් ඊඩන් උද්‍යානයේ ආදම්ට දෙවියන් විසින් නියම කරල තිබුණ රාජකාරිය වුණේ සෑම සත්වයෙකුටම නම් තැබීම. ආදම් මේ වැඩේ අඩු පාඩුවක් නැතුව කරගෙන ගියා.. හැබැයි කාලයක් යනකොට ආදම් දැක්ක මේ සතුන් අතරෙ විශේෂත්වයක් කියල.. ඒ තමයි අලි, කොටි, සා, මුව ආදී වූ හැම සත්වයෙක්ම ජෝඩු නැත්නම් යුගළ වශයෙන් ආදරෙන් ජීවත් වෙනව කියන එක.. ඉතිං ඔන්න ආදම්ටත් ආදරය කියන හැඟීම සමඟ ගැහැණියක් නැති අඩුව දැනෙන්න ගත්ත.. දෙවියන් ආදම් දෙස බලාගෙන ඉඳල නියමිත කාලය පැමිණුනාට පස්සෙ ආදම්ගේ ශරීරයෙන් ලබා ගත් අස්ථියකින් ගැහැණියක් මැව්ව.. ඇය තමයි “ඒව” කියල කියන්නෙ.. ඒ අනුව බයිබලයේ සඳහන් පරිදි “ආදම්” සහ “ඒව” තමයි මිහිතලයේ පළමු මිනිසා සහ ගැහැණිය.. ඔවුන් අමරණීයයි.. මේ දෙදෙනාට සියලු සැප සම්පත් සහිත ඊඩන් උද්‍යානයේ ඕනෑම දෙයක් ආහාර විදියට ගන්න අවසර දීල තිබුණ එකම එක ගසක ගෙඩි හැර.. ඒ ගස “තහනම් ගස” කියල තමයි නම් කරල තිබුණෙ.. ඒ ගසේ ගෙඩි කන්න අවසර තිබුණෙ දෙවියන්ටම විතරයි.. වැරදීමකින් හරි මේ ගසේ ගෙඩි කන අය මැරෙනව කියල තමයි දෙවියන් කියල තිබුණෙ.. කොහොම හරි දවසක් සර්පයෙක් ඇවිල්ල ආදම් සහ ඒව දෙදෙනාට කියනව මේ ගසෙනුත් ගෙඩි කන්න කියල.. හැබැයි දෙවියන් සතුන්ට කතා කිරීමේ බලය ලබා දීල තිබුණෙ නෑ.. එහෙනම් කොහොමද සර්පයා කතා කළේ.. ඔන්න ඔතනින් තමයි අපේ සෙවනෙලි දඩයක්කාරයන්ගේ මේ කතා සමයේ කතා නායිකාව එළියට එන්නෙ.. ඒ ගැන කියන්නම් පස්සෙ. කොහොමහරි ආදම් සහ ඒව මේ තහනම් ගසේ ගෙඩි කනව.. මේකට කෝප වුණු දෙවියන් ආදම් සහ ඒව ඊඩන් උද්‍යානයෙන් පිටුවහල් කරනව.. ඊඩන් උද්‍යානයෙන් පිට තිබුණේ කටු සහිත රළු භූමියක්.. කොහොම හරි ආදම් සහ ඒව මේ රළු භූමියේ ජීවිතය ගැට ගහගෙන දරු මුණුබුරන් ලබල මිය යනව.. අමරණීය ලෙස නිර්මාණය කළත් මේ දෙදෙනා සහ ඉන් පසු උපන් දරු මුණුබුරන් ඒ කියන්නෙ නූතන මිනිසා දක්වා මිනිසුන් ඉපදී, ලෙඩවී, මැරෙන්න හේතුව තමයි ආදම්, ඒව දෙන්න තහනම් ගහේ ගෙඩි කාපු එක..

බයිබලයෙන් ගිළිහුණු කොටස.
උඩ විස්තරයේ විදියට ආදම් සහ ඒව තමයි මිහිතලයේ පළමු මිනිසා සහ ගැහැණිය.. හැබැයි බයිබලයෙන් මකා දැමුණු කොසටක් තියෙනව කියල යුදෙව්, සුමේරියන්, බැබිලෝනියන් සහ මුසල්මානු පුරාවෘත වල සටහන් වෙලා තියෙනව.. ඒ අනුව මිහිතලයේ පහළ වුණු මුල්ම ගැහැණිය “ඒව” නෙවෙයි.. මුල්ම ගැහැණිය “ලිලිත්.” දෙවියන් ඊඩන් උද්‍යානයෙන් ගත් පස් සහ දූවිලි වලින්, “ආදම් සහ ලිලිත්” මවල තියෙන්නෙ එකම වෙලාවෙ කියල තමයි මේ පුරාවෘත වල සටහන් වෙන්නෙ.. ඒ අනුව ලිලිත් කාලයත් සමඟ අතිශය බුද්ධිමත් කාන්තාවත් බවට පත් වුණා කියල සටහන් වෙනව.. මේ නිසා ආදම්ට ඕන වුණාලු ලිලිත් තමාට වඩා පහළ මට්ටමකින් තියාගන්න.. හැබැයි බුද්ධිමත් ලිලිත් ඒකට එකඟ නොවී ආදම්ට කිව්වලු දෙදෙනාම එකවර මැවූ නිසා ආදම්ට ඇගේ යටතේ ජීවත් වෙන්න කියල.. මේ තත්වය නිසා ආදම් දෙවියන්ට ආයාචනා කළාලු ලිලිත් එක්ක ඉන්න බෑ කියල.. දෙවියන් ලිලිත්ට කිව්වලු ආදම්ගෙ පහත් වැසියෙක් විදියට හිටියෙ නැත්නම්, ඊඩන් උද්‍යානයෙන් නෙරපා හරිනව කියල.. ලිලිත් දෙවියන්ට යටත් නොවී ඊඩන් උද්‍යානයෙන් පැනල ගියාලු.. ඔන්න ඊට පස්සෙ තමයිලු, ඊඩන් උද්‍යානයේ පස් සහ දූවිලි යොදා ගන්නෙ නැතුව, ආදම්ගේ අස්ථියකින් “ඒව” මැව්ව කියන්නෙ. එතකොට “ඒව” කියන්නෙ ආදම්ගේ ශරීරයේ කොටසකින් උපන් තැනැත්තියෙක් නිසා ආදම්ට එරෙහිව කවදාවත් නැගී සිටින්නෙ නෑ කියන කාරණාව ගැන දෙවියන්ට සහතික වෙන්න පුළුවන් වුණාලු..

සියළුම යක්ෂයින්ගේ මව.
මෙහෙම පැනල ගියපු “ලිලිත්”ට යන්න ඉතුරු වෙලා තිබුණෙ එකම තැනක් විතරයි.. ඒ යක්ෂයින් ලඟට.. මේ ලිලිත්ම තමයි ආදම් සහ ඒව දෙන්නට තහනම් ගසේ ගෙඩි කන්න කියල සර්පයා අතේ පණිවුඩය යැව්වෙ. ඒ නිසා තමයි දෙවියන් සතුන්ට කතා කරන්න බලය නොදුන්නත් සර්පයා කතා කළේ. ඒ යක්ෂයින්ගේ බලය මත.. පැනල ගියපු ලිලිත් ආර්ක් ඩීමන් (බලවත් යක්ෂයන් විශේෂයක්) කෙනෙක් වෙන සමේල් සමඟ එකතු වෙලා දරුවන් බිහි කරන්න වුණා කියල සටහන් වෙනව.. ආදම් මේ ගැන දෙවියන්ට පැමිණිලි කරාට පස්සෙ දෙවියන්, නියෝජිතයන් තුන් දෙනෙක් යැව්වලු ලිලිත් හමු වෙන්න.. ඇය එන්න කැමති වුණොත් ඊඩන් උද්‍යානයට රැගෙන එන්නත්, අකමැති වුණොත් ඇයට ශාප කරන්නත් මේ නියෝජිතයන්ට උපදෙස් දීල තිබුණලු. ලිලිත් ඊඩන් උද්‍යානයට එන්න කොහෙත්ම කැමති වෙලා නැහැ. ඊට හේතුව ඒ වෙනකොට ලිලිත් අතිශය බලවත් යක්ෂණියක් වෙලා සිටීම. කොහොම හරි ඒ අනුව දෙවියන් ලිලිත් මහ මුහුදේ ගිලී යන්නත්, සෑම දවසකම උපදින ඇගේ දරුවන් සියයක් මිය යන්නත් ඈට ශාප කළාලු. පුරාවෘතයට අනුව අදටත් ලිලිත්ගෙ දරුවන් සියයක් දවස ගාණෙ මිය යනවලු ඒ ශාපය නිසා.. ඒ වගේම ලිලිත් දෙවියන්ට පළි ගැසුවලු උපදින සෑම මනුෂ්‍ය දරුවෙකුටම තමන් වින කරන බවට.. ඒ අනුව පුරාවෘත වල සඳහන් වෙන්නෙ ලිලිත් දරුවන් පැහැරගෙන මරා දමන බවත්, ඔවුන් ලෙඩ කරවන්න කටයුතු කරනව කියල.. ඒ වගේම වඩාත්ම දරුණු තත්වය තමයි උපදින සෑම යක්ෂයෙකුගේම පාලන බලය ඈ සතු වීම සහ ඇය සියලු යක්ෂයින්ගේ මව වීමට තරම් අතිශය භීෂණකාරී බලයක් ඈ සතු වීම..

(Lilith (1892) by John Collier in Southport Atkinson Art Gallery)

ඇත්තටම උඩ කතාව මම කිව්වෙ දැන් අපේ කතාව පත් වෙලා තියෙන අන්තරායකාරී තත්වය අවබෝධ කර ගන්න පහසුවක් වෙන්න.. මම උඩින් කියපු කතාව අන්තර්ජාලයෙන් හොයල ගලප ගත්ත කතාවක්.. ඒ නිසා කතෝලික සහ මුස්ලිම් යාළුවො මේ කතාවෙ වැරදි හරි, නොගැලපීම් මොනව හරි තියෙනව නම් මට සමාව දෙන්න.. මොකද මම ශුද්ධ වූ බයිබලය හෝ ශුද්ධ වූ කුරාණය ගැන ලොකූ දැනුමක් තියෙන කෙනෙක් නෙවෙයි.

දැන් යමු පහුගිය කොටස පොඩ්ඩක් මතක් කර ගන්න.. “හයිඩි” සයිමන්ට මළ ඇණයක් වුණා දැක්කනෙ කලින් කොටසෙ.. කොහොමහරි ඒක බේරුමක් කර ගන්න සයිමන්ට පුළුවන් වෙනව. ඒ අතරෙ ජේස්ට මොකද වුණේ දැක්කනෙ. නිහඬ සහෝදර සැකරාය විස්තර ටිකක් අරගෙන ඇවිත් මැග්නස්ට දුන්න.. ඒ අතරෙ ක්ලැරී, සැකරායගෙන් දැන ගන්නව ජේස් නිහඬ නගරයට ගිහින් ප්‍රතිකාර අරගෙන නෑ, ජේස් තනිකරම බොරුවක් කරනව කියල.. ඒ හෝඩුවාව පස්සෙ යනකොට ක්ලැරී, මැගන්ස්, ලූක් මේ හැමෝටම දක ගන්න ලැබෙනව ජේස් ඔලීව භූතාවේශ කරන විදිය.. එතනින්, ජේස් තමයි මෙච්ච්ර කාලයක් බකමූණ වගේ මේ ඔක්කොම කළේ කියල හෙළි වෙනව. ඒ වගේම ඔලී අතුරුදහන් වෙනව..

අද කතාව තමයි දැනට මේ කතා සමයෙ විකාශය වුණු තීව්‍රම කොටස කියල කියන්න පුළුවන්.. ජේස් මොන තරම් වෙනස් වෙලාද කියල මේ කොටසින් බලා ගන්න පුළුවන්. ඒ වගේම ජොනතන් දැන් ආයෙම නැගිටින්න සූදානම් කියලත් පේනව. ඔන්න කයිල් කියන්නෙ කවුද කියල හරියටම විස්තර ඔක්කොම අද කොටසේ අඩංගු වෙනව.. ඒ වගේම මායගෙ මුළු ජීවිත කතාවම අද විස්තර ඇතුව බලා ගන්න පුළුවන්.. වඩාම වැදගත් වෙන්නෙ සයිමන්ගෙ බලය.. සයිමන්ගෙ බලය යක්ෂයින්ට බලපාන්නෙ මොන විදියටද? ඒකෙන් සයිමන් නිරාවරණය වෙන්නෙ මොන වගේ අනතුරකටද? උත්තර සෙවීම ඔබට බාරයි. ඊලඟ කොටසින් ඉක්මනට හමු වෙමු..

බයිස්කෝප්වාසීන්ට ජය වේවා….!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Previous BT1

All BT1

Next BT1

           

 

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Leave a Reply

14 comments

  1. Thanks
    …………good luck …………….

  2. බොහොම ස්තූතියි සිංහල උපසිරැසියට. ජය෴෴ 😛 😛

  3. බොහොම ස්තුතියි සුපිරි ලිපියක්

  4. බොහොම ස්තුතියි

  5. thank you….

  6. උපසිරැසියට ස්තූතියි. ලිපියත් හරිම වටිනවා. එක හුස්මට කියවගෙන ගියා.

  7. Udara Damith Dissanayaka

    තැන්ක්ස්තැන්ක්ස්

  8. නියමයි….සබ් එකට තැන්ක්ස්…
    තව කොටස් ටිකයි..

  9. sub eka digatama denna saho.. katawa nam dn patta.. thank you so much

  10. සිංහල උපසිරැසියට ස්තූතියි සහෝ
    ඊලග කොටසෙන් නැවත හමුවෙමු…
    ජය

  11. niayamai…thanks saho..sub ekata..digatama sub demu.jaya wewa……

  12. Thenks bro, fattai lipiyath

error: Alert: Content is protected !!