Singam 2 (2013) | යුක්තියේ සිංහයා නැවතත් [සිංහල උපසිරැසි සමඟ]

ඔන්න කාලයකට පස්සේ මාත් සිංහල උපසිරසයක් දෙන්න හිතුවා ඔයාල වෙනුවන්. අද බයිස්කොප් අඩවියටත් සුවිශේෂී දිනයක් නිසා මගේ ගානේ කට්ටියටම පොඩි තෑග්ගක්.එහෙනම් මුලින්ම ඉස්තුති කරන්න ඕනේ අපේ උපසිරස නිර්මාණකරුවන්ට ඔවුන්ගේ මහන්සියේ ප්‍රථිපල තමා මේ තරම් දුර ගමනක් අපිට එන්න පාර පෙන්නුවේ. ඒ වගේ ප්‍රේක්ෂක ඔබත් අපේ දුකේදී මෙන්ම සැපේදී එක වගේ ලග හිටියා. ඉතින් හැමෝට බෙහෙවින් ඉස්තුතියි.

ඉතින් අද අරන් ආවේ අපේ කට්ටිය හුග දෙනෙක් බලන්න ආසාවෙන් උන්නු දමිල සිනමාපටයක්.නම දැක්ක ගමන් දන්නවානේ, මේකේ ප්‍රධාන චරිතයට පන පොවන්නේ අපි කවුරුත් දන්නා සුපිරි නළු සූර්යා විසින්. මෙහි පළමු කොටස අපේ අඩවියේ පල වී තිබුනත්, එය මෙහි හින්දි පිටපතයි,සුළු සුළු වෙනස් කම් තිබුනත් දමිල පිටපතට බෙහෙවින් සමානයි.පළමු කොටසේ අවසානයේ අපේ වීරයා ඔහුගේ සටනින් ජය ගන්නවා ඔබට මතක ඇති,පොඩි ගමක,පහල පොලිස් නිලධාරියෙක් වූ මොහු නීතිය අකුරට ක්‍රියාත්මක කරන අවංක නිලධාරියෙක්..වැඩේ කණපිට ගහන්නේ අනිත් හැම පොලිස්කාරයෙක් වගේම මොහු ගැනත් සිතුව එක් පාතාල නායකයෙක් නිසා.අවසානයේ අපේ වීරයා ජය ගන්නවා හැම බාධකයක්ම පරදලා

පළමු කොටස අවසානයේ ඇමති රහසේම මොහුව මුණ ගැසී එක් රහස්‍ය මෙහෙයුමක් බාර දෙනවා,ඒ මොහු පොලිස් සේවයනුත් අයින් වෙන බව ලෝකයාට අගවමින්,නමුත් මොහුගේ මෙහෙයුම දැන් තමයි පටන් ගන්නේ….දැන් සිංගම් පාසලක සිටින්නේ,කැඩෙට් කණ්ඩායමක් බාරව සහ පාසලේ විනය කටයුතු බාරව.මේ ඉන්නා ගමන් මොහු මේ දැන් රහසේ සොයන්නට ලක ලැහැස්ති වන්නේ ඉන්දියාවම හොල්ලන අපරාධකරුවන් ගැනයි..

අර කියනවත් වගේ යකාටවත් බය නැති,යුක්තිය වෙනුවෙන් ජීවිතය උනත් දෙන,මේ පොලිස් සිංහයාට මේ පාර ගනුදෙනු කරන්න තියෙන්නේ එසේ මෙසේ කෙනෙක් එක්ක නම් නෙමේ. මෙතැන් සිට ත්‍රාසය,කුතුහලය,සිනහව,ආදරය කැටි කර ගත් මේ සිනමා සිත්තම බලන්නට ඔබට බාරයි ජය වේවා!.

ප ලි – මෙම චිත්‍රපටයට මේ වෙනතුරුත් කිසිම උපසිරස ගොනුවක් අන්තර්ජාලයට නිකුත් වී නොමැති අතර,මෙම උපසිරස ගොනුව මෙම චිත්‍රපටයට  නිකුත් වන ලොව  පලවෙනි උපසිරසයි , එමෙන්ම  උපසිරස ගොනුව සම්පුර්ණයෙන්ම අප විසින් නිර්මාණය කරන ලද උපසිරසයක් වේ,වෙනත් රටක චිත්‍රපට ශාලාවකට නිකුත් වූ ඉංග්‍රීසි උපසිරසයක් ආධාර කරගෙන මෙය නිකුත් කොට ඇත

මේ ලබා දී ඇති සිංහල උපසිරැසි පිළිබද “විකියා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.