Smiley Face Killers (2020) Sinhala Subtitle | මරු කැඳවන සිනහ මුහුණ [සිංහල උපසිරැසි සමඟ]

“1997 සිට, එක්සත් ජනපදයේ තරුණ උසස් අධ්‍යාපන ආයතන සිසුන් 150 කට වඩා, සැකසහිත තත්වයන් යටතේ දියේ ගිලී මියගොස් ඇත. සිදුවීම් වූ ස්ථාන අසල පින්තාරු කර තිබූ සළකුණු අනුව යමින්, මේ අනතුරු සැබවින්ම ශ්‍රේණි මිනීමැරුම් බවට සමහරු මත පළ කර ඇත. සමහරු මෙය නාගරික මිත්‍යාවකට වැඩි දෙයක් නොවන බවට තර්ක කළද, එසේ නොකරන අයද සිටිති.”

Smiley Face Killers කියන්නේ Tim Hunter අධ්‍යක්ෂණය කල, Bret Easton Ellis ලියපු, Ronen Rubinstein, Mia Serafino, Crispin Glover, Garrett Coffey වගේ අය රංගනයෙන් දායක වුණු Horror, Thriller කාණ්ඩ වලට අයිති සිනමා නිර්මාණයක්. මේක මේ අවුරුද්දේ දෙසැම්බර් 8 නිකුත්වෙන්න තමයි නියමිතව තිබුණේ. හැබැයි හදිස්සියේම මීට දවස් දෙකකට කලින් 2020 නොවැම්බර් 27 වෙනිදා නිකුත් වුණා. ඉතින් මේ දවස් දෙකට IMDB එකේ අරං තියන ලකුණු ප්‍රමාණය 3.8 ක්.

Smiley face murder theory කියන්නේ නිව්යෝක් වල විශ්‍රාමික පරීක්ෂක වරුන් වන Kevin Gannon, Anthony Duarte සහ අපරාධ නීතිය පිළිබඳ මහාචාර්ය, අපරාධ කල්ලි පිළිබඳ විශේෂඥ ආචාර්ය Lee Gilbertson කියන අය ගොඩනගපු සිද්ධාන්තයක්. එයාල කියන විදියට, 90 දශකයේ අවසාන භාගයේ සිට 2010 දක්වා වගේ ඇමරිකාවේ බටහිර ප්‍රාන්ත කිහිපයක, ජලයේ තිබිල සොයාගත් තරුණ පිරිමි මළසිරුරු, මරණ පරීක්ෂණ වලදී තීන්දු වුණු විදියට දියේ ගිලීමෙන් සිදුවුණ ඒවා නෙවෙයි, ඒවා දාම මිනීමරුවෙකුගේ හෝ කල්ලියක ගොදුරු බවට පත්වූ අයගෙ කියල.

Gannon ගේ පරීක්ෂණ අනුව මේ මැරුණු අයගෙන් බොහෝ දෙනෙක් අධ්‍යාපන පැත්තෙන් හෝ ක්‍රීඩාව පැත්තෙන් දක්ෂ අනිත් සිසුන් අතර ජනප්‍රිය අය. ඒ වගේම මේ සිද්ධි කීපයකම ඒ සිරුරු වතුරට දැම්ම කියල සලකන තැන් ආසන්නයේ සිනහ මුහුණක් ☺ ඇඳලා තිබීම නිසා මේවා Smiley face murders කියල ජනප්‍රිය වෙනවා. කොහොම වුණත් මේක ඉදිරිපත් කරපු අදහසක් මිසක්, ඇත්ත කියල තහවුරු වෙලා නෑ. සමහරු විශ්වාස කරන, තවත් අය ප්‍රතික්ෂේප කරන දෙයක්.

ඉතින් මේ සිනමා නිර්මාණයත් ඔය කියන කතාව පදනම් කරගෙන ගොඩනගපු එකක්. ඒ කියන්නේ කතාව ගැන දැන් අදහසක් ඇති. මාත් පොඩ්ඩක් කියන්නම්.

ජේක් කියන්නෙ කඩවසම් විශ්වවිද්‍යාල ශිෂ්‍යයෙක්. දක්ෂ පාපන්දු ක්‍රීඩකයෙක්. පිහිනීම බයිසිකල් පැදීම වගේ දේවලුත් කරනවා. හැබැයි මානසික අවපීඩනය නිසා හිටි ගමන් පිස්සු නටන්න, තරහ ගන්න පෙළඹෙන ගතියකුත් තියනවා. ඒ නිසා සමහර වෙලාවට මෙයා කියන දේවල් කෙල්ල වත්, යාළුවො වත් පිළිගන්නේ නෑ. ඉතින් මෙයාගෙ පස්සෙන් සුදු වෑන් එකක් එන්න ගන්නවා. ඔළුව වහගත්ත කෙනෙක් ඇවිත් කාමරේ සිනහ මුහුණු සළකුණු කරපු සිතියමක් තියල යනවා. ෆෝන් එකට නිර්නාමික මැසේජ් එනවා. “ජලයට ඔබව අවශ්‍යයි” කියල.

ඉතින් මොකද වෙන්නෙ කියල අරගෙනම බලන්න. එහෙනම් බයිස්කෝප් සෙට් එක ඇතුළු හැමෝටම කොරෝනා උවදුරින් තොර, සුවබර දිවියක් වේවා.

Due to copyright issues, we do not provide any torrent links.

මේ ලබා දී ඇති සිංහල උපසිරැසි පිළිබද “දිල්ෂාන් මධුරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2018-09-17
SUBMAKER RATING BY ADMINS