Something About 1% AKA 1%ui Eoddungut (2016) [E01] with Sinhala Subtitles | අහංකාරයාගේ ආදරය (150) [සිංහල උපසිරැසි සමඟ]

ආසාවට එක උපසිරැසියක් හදලා පටන් ගත්ත ගමන දැන් 150ක් වෙනකල්ම ඇවිත්. ඒ තරම් දුරක් එන්න මට පුලුවන් වුනේ ඒ හැම උපසිරැසියක්ම ආසාවෙන් බලපු ඒ ගැන අදහස් දක්වපු ඔයාලා හැමෝම නිසයි. ඒ වගේම බයිස්කෝප් ඇඩ්මින් මඩුල්ලටත් මම මේ අවස්ථාවේ ස්තුති කරනවා. මේ ගමන එන්න ඔවුන්ගෙන් ලැබුන උදව් බොහොමයි. ඕනෙම වෙලාවක ඉල්ලන ඕනෙම උදව්වක් ඇඩ්මින් මඩුල්ල බොහොම කැමැත්තෙන් ඉෂ්ඨ කරනවා. ඒකත් අපි වගේ ආධුනිකයන්ට ලොකු උදව්වක්. ඉතින් ඒ නිසා අපේ ඇඩ්මින් මඩුල්ලට ආයෙමත් ස්තුති කරන ගමන්ම ඉදිරියටත් ඒ වගේම ඒ උදව් ලබාදෙන්න කියලා ඉල්ලා සිටිනවා. ඒ උපසිරැසි වැඩි ගණනක්ම මම අරගෙන ආවේ කොරියන් කතාමයි. ඔයාලා හැමෝම ඒවට ගොඩක් කැමති වුනා. ඉතින් මමත් ආසාවෙන් ඒවා ඔයාලා වෙත ගෙනාවා. කොරියන් කතා නොබලන අය ඉංග්‍රීසි, දෙමල, හින්දි නිර්මාණ වලට උපසිරැසි ඉල්ලුවත් ඒ භාශාවන් වලට උපසිරැසි දෙන ගොඩක් අය ඉන්න නිසාත් මම කොරියන් නිර්මාණවලට කැමති නිසාත් නිතරම කොරියන් නිර්මාණම තෝරගත්තා. වෙලාවට උපසිරැසි කොටස දෙන්න ඇත්තටම මම ගොඩක් මහන්සි වෙනවා. සමහර වෙලාවට නම් ඉතින් ටිකක් පරක්කු වෙනවා තමයි. ඒත් උපරිම උත්සහයෙන් ඔයාලාට ඒ උපසිරැසි ටික වෙලාවට ගේන්න මම උත්සහ ගන්නවා. මොකද විකාශනය වෙන කතාවක් වුනාම එක කොටසක් එනකල් කොච්චර ආසාවෙන් බලන් ඉන්නවද කියලා මමත් අත්දැකීමෙන්ම දන්න නිසා. ඒත් පරක්කු වුනත් ඒ උපසිරැසි වෙනුවෙන් බලන් ඉලා ඒ වෙනුවෙන් හැමවෙලාවෙම අදහස් දක්වපු, ඒ වගේම අදහස් නොදැක්වුවත් ඒ උපසිරැසි බාගත කරගෙන ඒවා රසවිඳපු ඔයාලා හැමෝටම ගොඩක් ස්තූතියි. ඔයාලා හැමෝම නිසා මේ තරම් දුරක් ඔයාලා එක්ක එන්න පුලුවන් වුන එක ගැන මම ගොඩක් සතුටු වෙනවා. ඒ වගේම ඉදිරියටත් ඔයාලට ලස්සන කතා වලට උපසිරැසි අරගෙන මම එන්නම්. ඔයාලගෙ අදහසුත් ඒ වෙනුවෙන් දක්වලා මට ධෛර්යය ශක්තිය දෙන්න කියලා මම ඉල්ලා සිටිනවා.

ඔන්න මම ආයෙමත් ආවා. මේ වතාවෙ අරගෙන ආවෙත් කතාවක්මයි. ඒක ලස්සන ආදර කතාවක්. විනාඩි 30ක වගේ කාලයක් තමයි එක කොටසක තියෙන්නේ. mb ගාණත් අඩු නිසා ඔයාලට ගන්නත් ලේසියි . හොඳයි නේද?

මෙන්න මේකයි කතාව සාරාංශෙන් කියනව නම්. බොහොම අහංකාර මුරණ්ඩු ධනවත් තරුණයෙක් ඉන්නවා. එයා තමන්ගෙ ව්‍යාපාර ගැන විතරයි හිතන්නේ අනිත් බාහිර දේවල් ගැන ඒ තරම් තැකීමක් නැහැ. ඉතින් එයාගේ සීයා හිතනවා තමන්ගේ මේ අහංකාර මුරණ්ඩු මුණුබුරාව මට්ටු කරන විදිහක්. මෙහෙම ඉද්දි සීයට හමුවෙනවා තමන්ගේ මුණුබුරා වගේම මුරණ්ඩු ගෑණු ළමෙක්ව. හැබැයි එයා නම් අහංකාර නැහැ හරිම කරුණාවන්ත කෙනෙක්. ඉතින් සීයා හිතනවා තමන්ගෙ මුණුබුරාව මට්ටු කරන්න මෙයා තමයි හොඳම කෙනා කියලා.

1 කොටස

ලී ජේ ඉන් කියන්නේ හරිම මුරණ්ඩු අහංකාර තරුණයෙක් එයාට තව ටේ හා කියලා ඥාති සහෝදරයෙකුත් ඉන්නවා. මේ දේනනා තමයි කොරියාවේ ධනවත් ව්‍යාපාරයක් වුන එස්එච් සමූහයේ මුණුබුරන් දෙන්නා. මේ එස්එච් සමූහයේ සභාපතිතුමා, නැත්නම් මේ තරුණයන් දෙන්නගෙ සීයාගෙ සූදානම තමන්ගේ ව්‍යාපාර අනාගතයේ බාරදෙන්න සුදුසු කෙනාව හොයන්නයි. ඇත්තටම නම් සීය ගොඩක්ම කැමති තමන්ගේ ලොකු මුණුබුරා වුන ලී ජේ ඉන් ටයි. ඒක් ඔහුගේ මුරණ්ඩුකම නම් සීයටවත් මට්ටු කරන්න පුලුවන් එකක් නෙවෙයි. ඔන්න දවසක් සීයට හමුවෙනවා අපූරු ගෑණු ළමෙක්. එයා තමයි කිම් ඩා හයින්. එයා බාලාංශ තුරුතුමියක්. හරිම කරුණාවන්ත ලී ජේ ඉන් තරමටම මුරණ්ඩු කෙනෙක්. ඉතින් මේ ගෑණු ළමයව හමුවුනාම සීයා හිතනවා මෙයා තමයි මගේ මුණුබුරාව මට්ටු කරන්න පුලුවන්ම කෙනා කියලා. ඉතින් සීයා ඒ ගැන හොඳට හිතලා මෙන්න සැලසුමක් හදනවා…

හැමෝටම සුභ දවසක්! බුදු සරණයි!!

Due to copyright issues, we do not provide any torrent links.

One.Percent.Of.Anything.E01.161005.450p-BarosG-LIMO-NEXT

One.Percent.Of.Anything.E01.161005.720p-NEXT-PURE-Lopa-Town

One.Percent.Of.Anything.E01.161005.XviD-WITH-iPOP-BarosG-LIMO

මෙම ලබා දී ඇති උපසිරසි ඉහත පිටපත් සඳහා වලංගු වේ.

මේ ලබා දී ඇති සිංහල උපසිරැසි පිළිබද “කනිෂ්කා ගිහානි පෙරේරා” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

                                                          All Episodes                         Next Episodes>>