Sons of Ram (2012) – Sinhala Subtitles | රාම් ගේ පුත්‍රයන් [සිංහල උපසිරැසි සමඟ]

මේක අධ්‍යක්ෂණය කරලා තියෙන්නේ කුශාල් රුයියා කියල කෙනෙක්. මේකේ සීතාගේ චරිතය හඬ කැවීම් සඳහා ඉන්දියාවේ දක්ෂ ගායිකාවක් වන සුනිදි චවුහාන් එහෙමත් එකතු වෙලා තියෙනවා (අහල තියෙනවා නේද fanna ෆිල්ම් එකේ ‘මේරේ හාත් මේ..තේරා හාත් හෝ…’ සින්දුව. ඒක කියන්නේත් සෝනු නිගම් එක්ක මෙයා තමයි).

දැන් පොඩ්ඩක් කතාව ගැන කියන්නම්. මෙහෙමයි, මම රාමායනයේ මැදින් පටන් ගන්නම්. රාවණා ගෙන් සීතාව බේරාගත් පසු අයෝද්‍යා නගරයේ සිටින ජනයා සීතා ගැන සැක කිරීමට පටන් ගත් නිසා රාම් රජු සීතා කෙරෙහි ඇති ආලය පරිත්‍යාග කොට සීතාව වනවාසයට යවනවා. ඉන්පසු අයෝද්‍යා නගරය වෙත නරක කල දසාවක් උදා වෙනවා. ඒ වගේම රාම් හට නපුරු සිහින පෙනෙන්නටත් පටන් ගන්නවා. එයට විසදුමක් වශයෙන් රාම් ගේ පූජකවරයා පවසන්නේ අශ්වමෙධ් නම් යාගයක් පැවැත්විය යුතු බවත් එය සිදු කිරීමට ඔහුට නැවතත් විවාහ වීමට සිදු වන බවත්ය.යාගය සිදු කල පසු එමගින් අශ්වයෙක් මුදා හරින අතර එම අශ්වයා අතුරුදන් වීමකට ලක් වෙනවා. ඒ පිළිබද සොයා බැලීමට පැමිණෙන රාම් ගේ සොහොයුරු ශාත්රුගන් ගන් හට වනාන්තරයේදී කුඩා ළමුන් පිරිසකගෙන් ප්‍රහාරයක් එල්ල වෙනවා. ඒ වගේම අශ්වයාද ඔවුන් සතු බව රාම් රජු දැන ගන්නවා. කුඩා ළමුන් අතර ලව් ශ කුෂ් පිළිබද තමයි මෙම කතාව ගලාගෙන යන්නේ.

ඉතින් මේ ලව් කුෂ් කියන්නේ කවුරුන්ද? වාන්දෙවී නමින් පෙනී සිටින ඔවුන්ගේ මවගේ සැබෑ නම කුමක්ද? ඇයි මේ ලව් සහ කුෂ් රාම් රජුට එරෙහිව නැගී සිටින්නේ? රාම් රජු සහ මොවුන්ගේ ඇති සම්බන්දය කුමක්ද? මේ සටන අන්තිමේදී ජය ගන්නේ කවුරුන්ද? කියා දැන ගැනීමට ඉතින් චිත්‍රපටිය බලන්නම වෙනවා.

එහෙනම් ඉතින් ආයෙත් හින්දි එකකින්ම හම්බෙමු… ජය වේවා..!