Star Wars: Visions (2021-) [S01 : E01/ E02/ E03] Sinhala Subtitles | දුර ඈත මන්දාකිණියක කතා [සිංහල උපසිරසි]

කොහොමද හැමෝටම. අවුරුදු පහටත් වැඩි කාලෙකට පස්සේ තමයි මේ විදියට සබ් එකක් අරන් ආවේ. සබ් කරන එකෙන් අයින් වෙලා හිටියත් මේ සීරිස් එක බලද්දී කවදාවත් නැතුව මේකට සබ් එකක් කරානම් කියල හිතුනා. ඉතින් එහෙමම වැඩ පටන් ගත්තා. නතර කරේ එපිසෝඩ් තුනක්ම සබ් කරලා. ඉතින් ඒ එපිසෝඩ් තුන තමයි මේ අරන් ආවේ. ඉතුරු එපිසෝඩ් හයත් ඉක්මනටම අරගෙන එන්නම්.

ඉතින් මේ සීරිස් එක ගැන ටිකක් කතා කරන්නම්. STAR WARS කියන දැවැන්ත විශ්වය ගැන කතා කරන්න යන්නේ නැහැ මම. ඔයා ස්ටාර් වෝර්ස් රසිකයෙක් නම් මේ යුනිවර්ස් එක ගැන දන්නවනේ. මේ දවස් වල යන THE BOOK OF BOBA FETT සීරීස් එකත් බලනවා ඇතිනේ ඔයාලා.

සීක්වල් ෆිල්ම් තුනෙන්, ඒ කියන්නේ EPISODE VII, VIII සහ IX තුනෙන් ලැබුණු දැවැන්ත රසික අප්‍රසාදය නිසා ස්ටාර් වෝර්ස් නම පහත වැටෙමින් තිබුණු කාලෙක ඩිස්නිලා ස්ටාර් වෝර්ස් නිර්මාණයක් කරන්න බාර දෙනවා Jon Favreau හට. ඉතින් එයා නිර්මාණය කරපු THE MANDALORIAN සීරිස් එක නිසා අද වැටෙමින් තිබුණු මේ යුනිවර්ස් එක පණ ගහලා ආවා. ඔයාලට මතක ඇති ටීවී සීරිස් එකක එදා මෙදාතුර ආපු අති සාර්ථකම එපිසෝඩ් එකක් තමයි දෙවෙනි සීසන් එකේ අවසන් එපිය. ඉතින් මේ සීරිස් එක නිසා ආපහු මේ යුනිවර්ස් එක හරි පාත් එකට වැටුණු නිසා ඩිස්නි ලා තවත් ස්ටාර් වෝර්ස් ප්‍රොජෙක්ට් ගණනාවක් නිවේදනය කරා. ඉත්න් එතනින් එකක් තමයි STAR WARS: VISIONS කියන්නේ.

2021 සැප්තැම්බර් 22 ඩිස්නි ප්ලස් ඔස්සේ නිකුත් වෙච්චි මේක කිහිප විදියකින් සුවිශේෂී සීරිස් එකක්.

01 මේක තමයි ස්ටාර් වෝර්ස් ඉතිහාසයේ පළවෙනි ANIME ප්‍රොජෙක්ට් එක. මේක ජපන් ස්ටුඩියෝ හතක් එකතු වෙලා කරපු සීරිස් එකක්. මේකත් එක්ක ස්ටාර් වෝර්ස් යුනිවර්ස් එක ෆිල්ම්, සීරිස්, ගේම්, කොමික් වගේ අංශ ගණනාවක ඉඳලා ඇනිමේ වලටත් පා තබනවා..

02 ඒ වගේම මේක ANTHOLOGY සීරිස් එකක්. ඒ කියන්නේ එක එපිසෝඩ් එකකින් එක කතාවක් විදියට, එකිනෙකට සම්බන්දයක් නැති එපිසෝඩ් එක්ක යන සීර්ස් එකක්.

03 ප්‍රධානම දේ තමයි මේක මේක ස්ටාර් වෝර්ස් NON-CANON සීරිස් එකක්. ඒ කියන්නේ මේක ස්ටාර් වෝර්ස් කතාවක් උනාට අපි දන්නා ස්ටාර් වෝර්ස් යුනිවර්ස් එකට සම්බන්දයක් නැති සීරිස් එකක්. (ෆිල්ම් 11, CLONE WAR, REBELS, BAD BATCH, THE MANDALORIAN, THE BOOK OF BOBA FETT, RESISTANCE තමයි CANON එහෙමත් නැත්නම් ස්ටාර් වෝර්ස් යුනිවර්ස් එකට අදාළ සිනමා සහ ටීවී නිර්මාණ ටික) ඉතින් විෂන් සීරිස් එකේ වෙන කිසිම දෙයක් ප්‍රධාන යුනිවර්ස් එකට බලපෑමක් වෙන්නේ නැහැ. (මේ විදියටම 2003 ආපු Star Wars: Clone Wars කියන සීරිස් එක මේ වෙද්දී NON-CANON සීර්ස් එකක් විදියට තියෙන කොට 2008 ආපු Star Wars: The Clone Wars සීරිස් එක CANON විදියට තියෙනවා.)

Lucasfilm හි මගපෙන්වීම යටතේ Kamikaze Douga, Studio Colorido, Geno Studio, Trigger, Kinema Citrus, Production I.G, සහ Science SARU කියන ස්ටුඩියෝ හත එකතු වෙලා තමයි මේ සීරිස් එක නිර්මාණය කරන්නේ. ඉතින් අපිට මේ සීර්ස් එකේ එපිසෝඩ් මේ එකිනෙකට වෙනස් ස්ටුඩියෝ වල එකිනෙකට වෙනස් ඇනිමේ ස්ටයිල් වලින් තමයි දකින්නේ ලැබෙන්නේ. සීරිස් එකේ එපිසෝඩ් නවය උඩ කිව්ව ස්ටුඩියෝ වලින් නිර්මාණය කරේ මේ විදියට

1. The Duel (Kamikaze Douga)
2. Tatooine Rhapsody (Studio Colorido)
3. The Twins (Studio Trigger)
4. The Village Bride (Kinema Citrus)
5. The Ninth Jedi (Production I.G)
6. T0-B1 (Science SARU)
7. The Elder (Studio Trigger)
8. Lop and Ochō (Geno Studio)
9. Akakiri (Science SARU)

ඉතින් ලොකුවට කතා කරන්න යන්නේ නැහැ. ස්ටාර් වෝර්ස් රසිකයෙක් නම් මේක මගහැරගන්න එපා. ඒ වගේම ඇනිමේ ස්ටයිල් එකෙන් මේ විශ්වය දකින එක වෙනස්ම අත්දැකීමක් ගෙනේවි ඔයාලට.

The Duel, Tatooine Rhapsody, The Twins කියන එපිසෝඩ් තුන තමයි අද අරගෙන ආවේ. පොඩි එපිසෝඩ් නිසා විස්තරයක් නොකිය ඉන්නම්. ඇනිමේ ස්ටුඩියෝ තුනක නිර්මාණය කරපු එපිසෝඩ් තුනක් නිසා ස්ටයිල් තුනක එපි තුනක් බලන්න පුළුවන් ඔයාලට.

ඒ වගේම සබ් කරේ මං ගාව තිබුණු  ඉංග්‍රීසි ඕඩියෝ තියෙන පිටපතට. ඉතින් ඔයාල සබ් එක්ක බලන්න ගන්නවනම් ඉංග්‍රීසි ඕඩියෝ තියෙන එක ගන්න. මොකද මම මේ සබ් එක ජපන් ඕඩියෝ තියෙන කොපි එකට ගැලපෙනවද කියල බැලුවේ නැහැ.

Due to copyright issues, we no longer provide any torrent links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

මේ ලබා දී ඇති සිංහල උපසිරැසි පිළිබද “තිසර නියෝ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2013-06-12
SUB MAKER RATING BY ADMINS