Stoker (2013) | අද්භූත ඥාතියා…[සිංහල උපසිරසි සමඟ]

සිනමාව අමුතුම ලෝකයක්, චිත්‍රපටයක් තුල අධ්‍යක්ෂකවරයාගේ හැකියාව හා දක්ෂතාව මත, හොඳ පිටපතක් ලැබුනහොත් ඕනෑම දෙයක් කල හැකී. මේ ලෝකයේ සුපිරි වීරයන් මැව්වා සේම සිනමාව සදා මතකයේ රැදෙන මනස විකෘති වූ මිනී මරුවන්ද ජීවමාන කොට ඇත. අපගේ සදා මතකයේ රැදෙන උදාහරණ Dr. Hannibal Lecter (The Silence of the Lambs (1991)), Norman Bates (Psycho (1960)) දක්වන්න පුලුවන්. මේ චරිත මේ වන විටත් බයිස්කෝප් අඩවිය ඔබ වෙත සමීප කොට අවසානයි. අද මගේ සූදානම තවත් එවන් ඝාතකයෙක් ඔබ වෙත ගෙන එන්න. ඇත්තටම ඝාතකයෙකුගේ මග යන තරුණියක් කිව්වොත් වඩා හරි.

2013 මාර්තු 01 වැනිදා බ්‍රිතාන්‍ය සිනමාශාල වලින් ප්‍රදර්ශනය ආරම්භවුන මෙම සලරුව IMDB මිටරයේ 7.4ක අගයක් ලබාගන්න තරම්ම හොද නිර්මාණයක් වෙලා තියනව. මිනිත්තු 99 පුරා දිවයන මෙය Drama | Mystery | Thriller යන කාණ්ඩයට අයත්වෙනව. අධ්‍යක්ෂණය Chan-wook Park. ඔහු තමයි Oldboy (2003), Lady Vengeance (2005), Thirst (2009) වැනි විශිෂ්ට සිනමා නිර්මාණයන්හි අධ්‍යක්ෂකවරයා වෙන්නෙත්. පිටපත නම් දෙන්නෙක් විසින් තමයි රචනා කරල තියෙන්නෙ, එක්කෙනෙක් බොහොම හොඳට දන්න කෙනෙක්. ඒ තමයි Wentworth Miller. අපි හැමෝම ඔහුව දන්නෙ Prison Break ටෙලි කතා මාලාවේ “මයිකල්” යන නමින්. මේ මුල්ම පිටපත් රචනය ඔහුගේ සාර්ථකත්වය පේනව නේද IMDB අගයෙන්ම. ඔහුගේ අනික් හවුල්කරුව වෙලා තියෙන්නෙ Erin Cressida Wilson. ඇයත් මේ Mystery | Thriller කාණ්ඩයන් වල දස්කම් දක්වන පිටපත් රචිකාවියක්.

දැන් ඉතින් අපිට පේන මූණු ටික. Mia Wasikowsk (Alice in Wonderland (2010), Lawless (2012), Jane Eyre (2011)), Nicole Kidman ( Moulin Rouge! (2001) , The Others (2001), Eyes Wide Shut (1999)), Matthew Goode ( Watchmen (2009), Match Point (2005), A Single Man (2009), The Lookout (2007)) වගේ සිනමාවේ බෝහොම වැඩ කරපු උදවිය තමයි ඉන්නෙ.

දැන් ගොඩක් කතා කලා, නම් ගම් කිව්වා හැරෙමු කතාව පැත්තට එහෙනම්. ඉන්ඩියා ඇය 18 හැවරිදි ගැහැණු ළමයෙක්. ඇය වෙනස් කෙනෙක්. අනික් අයට වඩා ඇස් පේනව, කණ් ඇහෙනව ඒ වගේම කිසිම කෙනෙක් තමන්ව අල්ලනවට කැමති නැහැ. මෙයාගෙ 18 වැනි උපන්දිනය දවසේ පියා මිය යනව වාහනය ඇතුලේ ඇතිවුන ගින්නකින්. ඇය අම්මව වඩා තාත්තට බොහොම සමීපයි. කොහොම හරි පියාගේ ආදාහන කටයුතු අවසාන වෙන දවසේ එනව කෙනෙක් මේ තරම් කාලයක් උන්නද කියලවත් නොදන්න කෙනෙක්. ඒ තමයි ඉන්ඩියේ පියා රිචඩ්ගේ සහෝදරය, චාලි. ඔහු අවසාන කටයුතු එහෙම නිම වෙලා ටික දවසක් මේ උදවිය එක්ක රැඳෙනව. නමුත් වටේ පිටේ මිනිස්සු අතුරුදහන් වෙනව. එක එක දේවල්. නමුත් මේ කිසිවක් එකපාර ඉන්ඩිගේ අම්ම දකින්නෙ නැහැ. ඒ වගේම මම කියන්නෙත් නැහැ. මොකද මේ වගේ විශිෂ්ට කතාවක් නිකම්ම කියල දාන එක වැඩක් නැහැ. මින් පසු ඉන්ඩිගේ ජීවිතය ගෙවෙන හැටි බලන්න කුතුහලය සපිරි මිනිත්තු 99 තියනව ඔයාලට. මොකද කොයි වගේ දෙයක් මෙහි මැවෙනවාද කියා මුලින්ම මම කිව්වනේ. 

ඊයේ රාත්‍රියෙ මෙහි හොද පිටපතක් ආව ගමන්ම මගේ අතට පත්කල විකියා සහෝදරයාට ස්තුතියි වන්ත වෙමින් මම යනවා. තවත් උපසිරැසක් එක්ක හමු වෙමු එහෙනම්.

760 MB (BR) කොපිය මෙතනින් බාගන්න

1.5 GB (BR) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.