Superman Returns (2006) | වානේ මිනිසා නැවතත් [සිංහල උපසිරසි සමඟ]

සුපර්මෑන් චරිතය ලොවට දායාද කළ DC Comics’ලාගේ සුපුරුදු නිර්මාණ රටාවෙන් යුතුව 2006 වසරේදී තිරයට ආ මේ චිත්‍රපටය සුපර්මෑන් චිත්‍රපට මාලාවේ 5වන චිත්‍රපටයයි. මෙයට පෙර Superman (1978), Superman II (1980), Superman III (1983), Superman IV: The Quest for Peace (1987) එළිදක්වා තිබුණා. 2013 වසරේදී එළිදැක්වූ Man of Steel (2013) මෙහි 6වන නිර්මාණයයි. මේ නිර්මාණයේ අධ්‍යක්ෂකවරයා වන්නේ අපි කව්රුත් දන්න Bryan Singer. ( මොහු තමා Marvel ලාගේ X-Men (2000), X-Men 2 (2003) වගේම 2014 එන X-Men: Days of Future Past හි අධ්‍යක්ෂකවරයා වන්නේ ඔහුයි)

මේ චිත්‍රපටයෙහි කතාව ආරම්භ වන්නේ සුපර්මෑන් එක්වරම අතුරුදහන් වී වසර 5ක් ගෙවුණු පසුවයි. තාරකා විදුදරයන් සුපර්මෑන්ගේ මව් ලොව වන ක්‍රිප්ටන්හි සුන්බුන් සොයාගැනීමත් සමඟ ඒ ගැන සෙවීමට ගිය විට තමයි ඔහු අතුරුදන් වන්නේ. වසර 5ට පසු නැවත පෘතුවියට එන සුපර්මෑන්ට සිදුවී ඇති වෙනස්කම් දරාගත නොහැකි වේ. ඔහුගේ පෙම්වතිය වූ ලුයිස් වසර ගණනාවකින් ඔහුව නොදුටු නිසා රිචර්ඩ් නැමැත්තෙකු සමඟ විවාහ වී ඇත. ඇයට දැන් කුඩා පුතෙක් සිටී. නැවත පැමිණෙන සුපර්මෑන් නැවත ක්ලාක් කෙන්ට් සුපුරුදු ලෙස පුවත්පත් ආයතනයේ රැකියාවට පැමිණේ.නමුත් එහි වැඩකරන ලුයිස් ඔහුව දිගින් දිගටම මගහරීනු ලැබේ. ඒ අතර ලොව පුරා ගමන් ගනිමින් සුපර්මෑන් මිනිසුන්ට උදව් කිරීමේ යෙදේ. ඔහුට ප්‍රථමයෙන්ම සිදුවන්නේ ලුයිස්ව කඩ වැටෙන ගුවන් යානයකින් බේරා ගැනීමටයි.

මේ අතර සුපර්මෑන්ගේ ප්‍රධානම සතුරා වන ලෙක්ස් ලූතර් සුපර්මෑන්ගේ ආක්ටික් නිවසට ගොස් එහි ඇති පළිඟු මගින් ක්‍රිප්ටන් පිළිඹඳව ඉගෙන ගනී. ඔහුගේ උත්සාහය ක්‍රිප්ටන්හි භූමිය නැවත පෘතුවිය මත බිහි කර ලෝකය පාලනය කිරීමයි. කතාව වැඩිපුර කිව්වොත් රසයක් නෑනේ. ඒ නිසා බලලම කතාව රසවිඳින්න. ඉක්මනටම මේ දවස් වල උපසිරසි නිර්මාණය කරන ලෝකයේ හොඳම රූපවාහිනී කතා මාලාවක් සමඟ නැවත හමුවෙමු.

750 MB (BR) කොපිය මෙතනින් බාගන්න

2.50 GB (BR) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “තිසර නියෝ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.