Talvar (2015) with Sinhala Subtitles | නීතිය අපරාධකාරයෙකු වූ කල්හි. [සිංහල උපසිරැසි සමග]

“දිනය 2008 මැයි 16 වෙනිදා. ඒ වෛද්‍ය තල්වාර් නිවස. වෙලාව උදේ 6ට විතර ඇති. නුපුර් තල්වාර් ඇහැරුනේ කවුදෝ දොරට ගහන සද්දයක් ඇහිලයි. ගෙදර වැඩට ඉන්න භාරතී උදේ පාන්දරම ඇවිදින්. නුපුර් ගිහින් නිදිමතේම දොර අරින්න හැදුවා. ඒත් දොර එළියෙන් අගුලු දාලයි තිබ්බේ. ගෙදර වැඩට ඉන්න හේම්රාජ් දොරත් අගුලු දාගෙනම කිරි ගේන්න ගිහින් වගේ. නිදිමතේම නුපුර්, හේම්රාජ්ට කෝල් එකක් ගත්තා. හේම්රාජ් කෝල් එක ඉස්සුවට කවුරුත් කතා නොකරම කට් කරා. “ඔයා පොඩ්ඩක් පැත්තකින් වාඩිවෙලා ඉන්නවද” නුපුර් බැරිම තැන භාරතීට කිව්වා. ඒත් භාරතී වැඩි වෙලා ඉන්න කැමති වුනේ නෑ.”නෝනා, ඔයාලා ගාව තව යතුරක් තියෙනවා නේද, ඒක එලියට විසි කරන්න. මං ඒකෙන් ඇතුලට එන්නම්”. භාරතී යෝජනා කරා. නුපුර් ඒ කිව්ව විදිහටම යතුර එලියට දාලා ආපහු කාමරේට යන්න ගියා. යතුරත් අරන් භාරති කොහොමහරි ගේ ඇතුලට ආවා. තමන්ගේ වැඩ ටික කරන්න පටන් ගත්තා විතරයි භාරතීට ඇහුනේ නුපුර් නෝනාගේ මර ලතෝනියක්. භාරතී අඩියට දෙකට සද්දය ඇහුනු පැත්තට දුවලා ගියා. සද්දේ ඇහුනේ ආරුෂි පොඩි බේබිගේ කාමරෙන්. කාමරේට ගිය භාරතී දැක්කේ, ගල් ගැහිලා මොකක්හරි දෙයක් දිහා බලාගෙන ඉන්න රාජේෂ් මහත්තයාවයි නුපුර් නෝනාවයි. දැකපු දෙයින් භාරතීට උඩට ගත්ත හුස්ම පහලට දාගන්න බැරිවුණා. ඇඳ මැදට වෙන්න ආරුෂි බේබි ලේ විලක් උඩ වැටිලා හිටියා. එයාගේ බෙල්ල මොකකින්දෝ කපාගෙන ගිහින් තිබ්බා’

කතාව ටිකක් හුරුපුරුදුයි වගේද? ඒ තමා 2008දී ඉන්දියාවම සසල කරපු “නොයිඩා ද්විත්ව මිනීමැරුම” වෛද්‍ය යුවලකගේ අවුරුදු 14ක් වයස එකම දුවව නිදි ඇඳේදීම කපලා කොටලා මරලා ගිහින්. සමහර අයට එහෙම කියද්දී මේ අවුරුද්දේ මුල නිදහස් වෙච්ච තව බොලිවුඩ් සලරුවක් මතෙකට එනවා ඇති. ඔව් ඒ Rahasya (2015). ඒ සලරුවටත් පාදක වුනේ මේ කතා වස්තුවම තමයි. අධ්‍යක්ෂක Meghna Gulzar ඒ සිදුවීමම පාදක කරගෙන Talvar (2015) නිදහස් කරා පහුගිය ඔක්තෝම්බර් දෙවැනිදා. හාහා එහෙම කියලා Rahasya (2015) බලපු අය Talvar (2015) නොබලා ඉන්න යනවා නම් අන්න ඔයාට වැරදුනා. ඔයා කොච්චර උත්සාක කරත් මේ සලරූ දෙකේ සමානකමක් නම් හොයාගන්න බැරිවෙයි. Rahasya සලරුවේ කතාව ඉදිරිපත් කරලා තිබුනේ එකම කෝණයකින්. මං ඒකේ කතාව කියන්න යන්නේ නෑ. බලලා නැත්තම් ඒකත් අනිවාර්යෙන්ම අරන් බලන්න. Talvar බලන ඔයාට මේ නොයිඩා ද්විත්ව මිනීමැරුම දිහා අලුත් විදිහකට බලන්න පුළුවන් වෙයි. කිසිම පැත්තකට පක්ෂ නොවී සමබරව කරුණු ඉදිරිපත් කරලා තියෙනවා. අවසානයේදී ඔයාට පොඩි කම්පනයක් දැනෙන එක නම් වලක්වන්න බෑ. අනිවාර්යෙන්ම කුතුහලයෙන් රස විඳින්න පුළුවන් සලරුවක් කියලා ඉහලින්ම නිර්දේශ කරනවා.

ජාත්‍යන්තර සිනමා දර්ශකයේ 8.6ක අගයක් දිනාගෙනම ඉර්ෆාන් ඛාන්, කොන්කොනා සෙන් ෂර්මා, නීරජ් වගේ දක්ෂ පිරිසකගේ දායකත්වයෙන් වගේම තාබුගේ ආරාධිත රංගනයෙන් Talvar ප්‍රේක්ෂකයාගේ ඇස් විවර කරන්නට ඇවිත් තියෙනවා. අද නොයිඩා ද්විත්ව මිනීමැරුම් සිද්ධිය යන්නේ මොන අතටද කියලා මං කියන්න යන්නේ නැහැ. ඒත් මතුපිටින් දකින දේ හැමතිස්සෙම නිවැරදි දේ වෙන්නත් පුළුවන්, නොවෙන්නත් පුළුවන්. සලරුව බලලා නිකන්ම ඉන්න එපා. ඒ ගැන ටිකක් කියවලා බලන්න. අනිවාර්යෙන්ම ඔයාට එහෙම හිතෙයි. අර මොකකදෝ කියනවා වගේ බලා සැනසෙන්නට නොව, බලා විමසන්නට!!

 

 

749 MB (720p.x265.HEVC.BRRip) කොපිය මෙතනින් බාගන්න

BACF2072E158F316D726B4E6F194CEC8C683791F

Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

සිංහල උපසිරැසි මෙතනින් බාගන්න

13671 downloads

 

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.