Saturday , October 1 2022
Breaking News

Tamil Rockerz [S01 : E04] Sinhala Subtitles | මගේ අයියට මම තමයි කරන්නෙ. මෙහෙම තමයි කරන්නෙ. [සිංහල උපසිරසි]

Rating: 10.0/10. From 1 vote.
Please wait...

දයාලන් අවුරුදු 15කට පස්සෙ ඉන්දියාවට ආවා. චිත්‍රපටි කොල්ලකෑම් වැඩ ටික කරන්න විධිමත් වගේම පැතිරුණු සම්බන්ධතා තියෙන විදිහක් තමයි පේන්නෙ. ආන්ද්‍රා සීමා මායිම ආසන්නයේ ගොඩනැගිල්ලක් කුලියට අරගෙන මෙයාලගෙ මෙහෙයුම් කටයුතු කරගෙන යනවා. මේ වෙද්දි පැරිස් කෝනර් කඩවීදියේ අදිරඩි ස්ටාර්ගෙ රසිකයන් දම්මලා කලබලයක් කරන්නයි ACP රැද්‍රාගේ සැලැස්ම. මේ වෙනුවෙන් නිෂ්පාදක මදිඅලගන්ගේ වගේම ආදිත්‍යාගේ කළමණාකරු සත්‍යාගෙත් සහය ලබා ගන්නවා. සත්‍යා රසිකයින් හමුවෙලා මේ ටැමිල් රොකර්ස් ගැටළුව ගැන කියනවා. රසිකයින් “මගේ අයියට දෙයක් නම් අපි තමයි එන්නෙ. මගේ අයියට මම තමයි කරන්නෙ. මම නැතිව වෙන කවුද කරන්නෙ?” කියලා හොර සීඩී කාරයින්ට පාඩමක් උගන්වන්න හිතාගත්තා. කොහොම වුණත් මේ වෙද්දි නිෂ්පාදන මදී ගැන සැක පහල වෙමින් තියෙන්නෙ එයාම මේ චිත්‍රපටයට තියෙන ආකර්ෂණය, උනන්දුව වැඩි කරගන්න කරන උප්පරවැට්ටියක්ද කියලා. සත්‍යාගේ කතවෙන් පෙළඹවීමක් ලැබුණු ආදිත්‍යාගේ රසිකයින් එකට හමුවෙලා හොර සීඩී කඩ කාරයින්ට විරුද්ධව පියවරක් ගන්න කතා කරගන්නවා. ඉතින් එයාලගෙ අයියට කොහොම කරාවිද? නැත්නම් හොඳටම කරාවිද කියලා බලමු අපි.

මේ කතාවෙදි අදිරඩි ස්ටාර්ගෙ තාත්තා, එයාගේ පුතාට ආදිත්‍යා කියන නමින් කතා නොකර “අදිරඩි ස්ටාර්”/”අදිරඩි ස්ටාර් ආදිත්‍යා” කියලා කතා කරන්නෙ. ඒ වගේම අදිරඩි ස්ටාර් ගැන නිතරම වර්ණනා කරමින් පුරාජේරු කියවන තාත්තා කෙනෙක්. මේ ගැන ලංකාවේ නම් කිහිප දෙනෙක් හරි දන්නවා ඇති අධ්‍යක්ෂක S.A. චන්ද්‍රසේකර් තමන්ගෙ පුතා ගැන සඳහන් කරද්දි “තලපති”(හෝ තලපදි) විදිහට තමයි ආමන්ත්‍රණය කරන්නෙ. ඒ විදිහට බැලුවම පෙනෙනවා මේ කතා මාලාවට තලපති රසිකයන් දෝෂාරෝපණය කිරීම සාධාරණයි. ඒත් කතාව සැබෑ ජීවිතයෙන් වෙනස් වෙන්නෙ නළු විජයි, එයාගේ තාත්තගෙන් වෙන්වෙලා ජීවත් වෙන්නෙ. මේ කතාවෙදි නම් ආදිත්‍යාව තාමත් පාසල් යන ළමයෙක් වගේ බලාගන්නෙ ආදිත්‍යාගේ තාත්තා. සමහරවිට දන්නවා ඇති විජයි තමන්ගේම තාත්තට අධිකරණයේ නඩු පැවරුවා කියලා. ඒ ගැන සිංහල පුවත්පත්වලත් වාර්ථා කෙරුණා. හරි, ඒ කාරණාව පැත්තකින් තියමු. තලපදි රසිකයින් විජයිට “අයියා”(අන්නා) කියලා කතා කරන්නෙ.🐿️ මේ සීරීස් එක නම් ටිකක් ඕනෑවට යනවා වගේ තමයි. තවත් කාරණයක් තමයි ‘ගරුඬා’ නමින් කතාවක් අධ්‍යක්ෂක වෙට්‍රිමාරන්[Asuran (2019)] විජයිට ඉදිරිපත් කරනවා. ඒ ව්‍යාපෘතිය ඉස්සරහට වනවාද, නැද්ද කියන්න නම් බැහැ.

මේ කතාවෙදිත් ආදිත්‍යාගේ රසිකයින් එයාගේ අයියට ඒ තරම්ම බක්තියකින් ඉන්නෙ. මේ කතා මාලාවෙ කොටස්වලදි අහන්න පුළුවන් “මගේ අයියට මම තමයි කරන්නෙ.” කියලා වචන පේළියක්. ඔව් මේක විජයිගේ රසිකයන් කියාගන්නා දෙයක්. මේ අතරෙන් වඩාත්ම ඉස්මතු වෙලා පෙනෙන සිදුවීම තමයි Bigil (2019) චිත්‍රපටයේ සංගීත එලිදැක්ම(Audio Launch) වෙලාවෙදි එහි අධ්‍යක්ෂක ආට්ලි කරපු කතාව. ඒ කතාවෙදි ආට්ලි පුදුමාකාර උද්‍යෝගයකින් කතා කරන්නෙ. ඒ වගේම එයාගේ කතාවෙදි මෙහෙම සඳහන් කරනවා “මගේ අයියට මම තමයි කරන්නෙ. මෙහෙම තමයි කරන්නෙ. එහෙම එක විදිහක හැඟීමක්” අදහසක් තියෙන ප්‍රකාෂයක්. කොහොමින් කොහොම හරි මේක විජයිගෙ ප්‍රතිවිරුද්ධ නළුවාගේ රසිකයින් ඒ දවස්වලම ට්‍රෝල් කරන්න ගත්තා. චිත්‍රපටය නිකුත් වීමෙන් පස්සෙ මෙදා සැරේත් ආට්ලි චිත්‍රපටි කීපයක් කවලම් කරලා අයිසීන් දාලා බිගිල් හැදුවා කියලා දැනගත්තාම, “මූ ඇත්තටම කරානේ” කියලා තමයි විජයි රසිකයන් පවා කිව්වෙ. ආට්ලි චිත්‍රපටවලින් කොපි කිරීම ගැන ඒ දිනවලදී විශාල වශයෙන් විවාදයට ගැනුනා. ඒ වගේම බිගිල් චිත්‍රපටයේ වියදම සම්බන්ධයෙන් මාධ්‍යවල පළ වූ ප්‍රකාෂ නිසා මතභේදයන් ඇති වුණා. කතාවේ එන ගරුඬා චිත්‍රපටයේ වගේම බිගිල් චිත්‍රපටයේ වියදම සැබෑ වියදමට වඩා අධික අගයන් දක්වමින් රසිකයින් හා වෙනත් චිත්‍රපට තොරතුරු සපයන්නන් අතරේ පැතිරෙද්දී හැබෑම වියදම ඊට බොහෝ අඩුයි කියලා තහවුරු කරගනනවා. ඒ වගේම බිගිල් චිත්‍රපටයේ බොක්ස් ඔෆිස් ආදායම ඉ.රු. 300ක් විදිහට රසිකයින් බොරු ප්‍රචාර පතුරුවන්න ගත්තා. මේ ආරංචිවලින් වැඩියෙන්ම කැළඹීමකට පත් වුණේ නම් ඉන්දීය ආදායම් දෙපාර්තමේන්තුව. ඒ නිසාවෙන් තමයි විජයි Master (2021) චිත්‍රපටයේ රෑගත කිරීම් වල සිටිද්දීම, විජයිගේ ගෙදරට ආදායම් දෙපාර්තමේන්තුවෙන් වැටලීමක් කරන්නෙ. චිත්‍රපටයේ වියදම/බජට් එක කටකතාවල තිබුණ ප්‍රමාණයට වඩා අඩු වුණත්, චිත්‍රපටයේ බොක්ස් ඔෆිස් ආදයම අඩු වුණත් විජයි බිගිල් චිත්‍රපටය වෙනුවෙන් ඉ.රු. කෝටි 50ක් ගත්තා කියලා තහවුරු කරගන්නවා. කරන්න ගිහින්, හොඳට කරන්න ගිය රසිකයින් නිසා විජයි අමාරුවෙ වැටුණු තැනක් තමයි ඒ.

මගේ අයියට මම තමයි කරන්නෙ. මෙහෙම තමයි කරන්නෙ. (En Annanukku Naan Thaan Da Pannuven. Epadi Thaan Pannuven.) – අධ්‍යක්ෂක ආට්ලි, Bigil (2019) චිත්‍රපටයේ සංගීතය එලිදැක්මේදී.

කවුරු එදිරිව හිටියත් බය නොවුණ ටැමිල් රොකර්ස් එයාලගෙ කටයුතු අවසාන කලේ ඇයි?නැත්නම් මෙයාලව නීතියේ අතට හසු වුණාද? ඒ කතා කොහොම වුණත් ටැමිල් රොකර්ස්ලාට උන දේ ගැන වඩාත් විශ්වාස කරන්න පුළුවන් සිද්දියක් තියෙනවා. කොරෝනා ව්‍යවසනය නිසා රටවල්, ප්‍රන්ත ආදී විදිහට ලොක්ඩවුන් කරද්දි සිනමාවට ගෙනාව විසඳුමක් තමයි OTT(Over The Top) මාධ්‍යය. ඉන්දීය සිනමාව නිරෝධායන කාල සීමාවෙදි තිරගත කරන්න බැරිවුණ චිත්‍රපටවලට පිහිටක් වුණේ මේ OTT සේවා සපයන ආයතනයි. නිෂ්පාදකයින් මේ ආයතන වලට තමන්ගේ චිත්‍රපටය කිසියම් අගයකට විකුණා දමනවා. ඒ ආකාරයේ OTT විකාෂණ මාධ්‍යක් තමයි ඇමසන් ව්‍යාපාරයට අයත් Amazon Prime. සිනමාශාලාවල තිරගත වන චිත්‍රපටි විතරක් නෙවෙයි, OTT වල විකාෂණය කෙරෙන චිත්‍රපට, වෙබ් කතා මාලා පවා ටැමිල් රොකර්ස්ලා එයාලගෙ සයිට් එකෙන් නොමිලේ නැරඹීමේ පහසුකම සලසා දෙනවා. මේ ආකාරයට වෙද්දි ඇමසන් මේ ගැන අවදානයෙන් හිටියේ. ලෝකයේ ධනවත්ම සමාගමක් වුණ ඇමසන් මේ ගැන අන්තර්ජාතික මට්ටමින් විසඳුමක් හොයමින් හිටියා. ආරංචි හැටියට නම් ඒ විදිහට කරපු පැමිණිල්ලක් නිසා ICANN (Interest Corporation for Assign Names and Numbers) එකෙන් Tamilrockers කියන නමට ලියාපදිංචි වෙලා තියෙන ඔක්කොම Domain වලින් ටැමිල් රොකර්ස් වෙබ් අඩවිය අයින් කරලා දාලා තියෙනවා. මොකද එයාලා සැරින් සැරේට Domain එක වෙනස් කරමින් යනවා. (පලමු කොටසේ ලිපියෙන් ඒ ගැන කිව්වා මතක ඇති.) කොහොම වුණත් ටැමිල් රොකර්ස් ඉවරයි කියලා(තාවකාලිකව හෝ) තහවුරු කරගත්තෙ, ටැමිල් රොකර්ස්ගේ නිවුන් සහෝදරයෙක් වුණ 1TamilMV එකෙන් එයාලගේ ශීර්ෂයේ “දශකයක් පුරා කළ විශිෂ්ඨ සේවය වෙනුවෙන් TRට ස්තූතියි!”(Thanks to TR his wonderful service for a decade) යනුවෙන් පළකර තිබීම නිසායි. මේ පණිවිඩය නිසාවෙන් තමයි ටැමිල් රොකර්ස් ඉවර වුණා කියලා හැමෝම කතා කරන්න ගත්තෙ. ටැමිල් රොකර්ස් අවසානයටම වෙබ් අඩවියෙන් පිටකර තිබුණේ Putham Pudhu Kaalai (2020) චිත්‍රපටය. ඒ වගේම ඇමසන් ප්‍රයිම් ඔස්සේ විකාශනය වන පුතම් පුදු කාලෛ චිත්‍රපටියේ, නිකුත් වන(රිලීස්) දිනයේදීම මදි නොකියන්න පිටපත් ගණනාවක්ම පිට කරලම ටැමිල් රොකර්ස් එයාලගෙ කටයුතු නතර කරලා දැම්මෙ. ඉතින් ඇමසන් එකෙන් කරපු පැමිණිලි නිසා ටැමිල් රොකර්ස්ලගෙ වැඩ නතර වුණා කියන එකයි පිළිගන්නා කාරණාව. ඒ වගේම ටැමිල් රොකර්ස් අඩවියේ පාවිච්චි කරපු සමහර දෙමළ වචන බලද්දි ඒවායේ ලංකා දෙමළ හුරුවක් තිබුණු බවයි කියන්නෙ. ඒ විදිහට මේ ටැමිල් රොකර්ස් ලංකාවේ දෙමළ කෙනෙක් කරගෙන යනවා වෙන්න පුළුවන් කියලයි කියන්නේ.

තමිල්නාඩුවේදි නම් චිත්‍රපටික් බලන්න රු. 150 -200 ටිකට් එකකට වියදම් වුණත්, පොප්කෝන් වියදම්, රථගාල් කිරීමේ වියදම්, වෙනත් වියදම් එක්ක බලද්දි රු. 1000ක් විතර වියදම් වෙනවා කියලයි බොහෝ දෙනා කියන්නෙ. සමහර වෙලාවට ටිකට් එක විකුණන්නෙත් ටිකට් එකේ සඳහන් කරලා තියෙන මිලට වඩා වැඩි මුදලකට. ටිකට් ඉවරවුණු වෙලාවක නම් කළු කඩ මුදලට. ඒත් තමිල් රොකර්ස් දුප්පතාගේ හිතවතා විදිහට 250mb පිටපත් පවා ලබා දෙනවා. ඒ වගේම ලෝකයේම ප්‍රසිද්ධ සමහර කතා මාලා (උදා:- Game of Thrones) වෙනත් රටවල්වල වේලාසනින් නිකුත් වුණත් ඉන්දියාවේ නිකුත් වෙන්නේ පහුවෙලා. ටැමිල් රොකර්ස් තමන්ගේ රටේ මිනිස්සු වෙනුවෙන් ඒ කතා මාලා ඉක්මනින්ම ලබා දීමටත් කටයුතු කලා. කලින් කිව්වා වගේම ටැමිල් රොකර්ස්ලාට බහුතරයක් මිනිස්සුන්ගේ සහය ලැබුණේ ඔය විදියටයි.

මාධ්‍යවල තියෙන තොරතුරුවල සඳහන් වෙන්නෙ ටැමිල් රොකර්ස්ලාගේ ආරම්භය සිද්ද වෙන්නෙ 2003 වසරෙදි කොයම්බතූර්වල, ඩැනියල් රාජ් හා බාස්කර් කුමාර් යන දෙදෙනාගේ එකතුවෙන්. ඩැනියල් රාජ් චෙන්නායිවල සීඩී කඩයක් කරගෙන ගිය කෙනෙක්. ඒ වගේම ඩැනියල් නිෂ්පාදකයින්, මැදිහත්කරුවන්(Mediator), බෙදාහරින්නන් අතරෙ තැරැව්කාරයෙක් විදිහට රැකියාවක් කල කෙනෙක්. ඩැනියල් එයාගේ සම්බන්ධතාවල උදව්වෙන් චිත්‍රපට ලබා ගනන්වා. ඒ විදිහට තමයි ඩැනියල්, බාස්කර්ට සීඩී සපයන්නෙ. කලින් කිව්වා වගේම Sivaji (2007) චිත්‍රපටය මෙයාලට වාසනාව ගෙනාවා වගේම, මෙයාලගෙ ජීවිතයේ විශාල වෙනසකට මුල පිරුවා. දැඩි ඉල්ලුමක් තිබුණ නිසා සිවාජි චිත්‍රපටියේ සංගීත තැටි පවා මෙයාලා හොරට විකිණීම කලා. ඒ ගැන පලවෙනි ලිපියෙන් කිව්වනේ. සීඩි කඩ වැටලීම් එක්ක තවත් සීඩී කඩ කරගෙන යන්න බැහැ කියලා කතා කරගත්ත ඩැනියල්, බාස්කර්, සාමි කියන තුන්දෙනා එකතු වෙලා ටැමිල් රොකර්ස් වෙබ් අඩවිය නිර්මාණය කරනවා. ටැමිල් රොකර්ස්ලාගේ ආරම්භය විදිහට සැලකෙන කතාවක් තමයි මේක. පලමු කොටසෙ ලිපියෙන් මේ ගැන ගොඩක් විස්තර දක්වලා තිබුණා. මෙයාලා බාහිර පුද්ගලයන්ගෙන් ලැබෙන කැමරාවලින් රෙකෝඩ් කරපු වීඩියෝ කිසියම් මුදලක් ගෙවලා මිලදී ගන්නවා කියලත් සඳහන් වෙනවා. මෙයාලට HD පිටපත් ලැබෙන එක් ක්‍රමයක් නම්, අදාල චිත්‍රපටය නිකුත් කිරීමට කලින් විශේෂ පුද්ගලයින් වෙනුවෙන් පෙන්වන මංගල දර්ශනය(Premiere Show)අවස්ථාවේ, එම ස්ථානයේ වැඩ කරන අයගෙන් මුදල් ගෙවා පිටපතක්(කොපියක්) ලබා ගැනීමයි. සමහර අවස්ථාවල සංස්කරණය නොකළ චිත්‍රපටයම පවා මෙයාලට ලැබිලා තියෙනවා. තවත් අවස්ථවක චිත්‍රපටියකට මනා අවදානයක් ලැබිලා නැත්නම්, චිත්‍රපටය ඇත්තටම හොඳ නැත්නම්/ සවුත්තුයි නම් නිෂ්පාදන කණ්ඩායමෙන්ම වීඩියෝ කොටසක් ටැමිල් රොකර්ස්ලාට දීලා චිත්‍රපටයට විශාල වශයෙන් අවදානයක් හදලා දෙන්න කියලා ඉල්ලනවා. ඒ වගේම තරඟකාරී අවස්ථාවලදීත් ටැමිල් රොකර්ස් පිහිට කිහිප දෙනෙක්ට ලැබිලා තියෙනවා. කමල් හාසන්ගේ Uttama Villain (2015) චිත්‍රපටය HD 1080p පිටපතෙන් නිකුත් වෙන්නේ එම දිනවලම නිකුත් වූ චිත්‍රපටියක නිෂ්පාදකයෙක්ගේ සහයෙන් බවයි කියැවෙන්නෙ.

ටැමිල් රොකර්ස් නාමය වඩාත් ප්‍රචලිත වෙද්දි මෙයාලා නිෂ්පාදන ආයතනවලට අවවාද කිරීමටත්, අභියෝග එල්ල කිරීමටත් ගන්නවා. විජේගේ Sarkar (2018) නිකුත් වන දවසෙම ටැමිල් රොකර්ස්ලා, වෙබ් අඩවියෙන් පිට කරනවා කියලා ප්‍රසිද්ධියේ අවවාදයක් දුන්නා. ඒ විදිහටම එදා දවසෙදිම සර්කාර් චිත්‍රපටිය පිට කරනවා. 2.0 (2018) චිත්‍රපටයටත් මේ වගේ අවවාදයක් ලැබෙද්දි මැඩ්‍රාස් ශ්‍රේෂ්ඨාධිකරණයට කල පැමිණිල්ලකට අනුව ශ්‍රේෂ්ඨාධිකරණය විසින් අන්තර්ජාල සේවා ප්‍රතිපාදකයන් (ISP – Internet Service Provider) 37ක් සහ මංකොල්ලකෑම් සිදු කරන වෙබ් අඩවි 2000ක් අවහිර කරන ලෙසට නියෝගයක් නිකුත් කරනවා. ඒ වුණත් පලමු කොටසේ ලිපියේ කී පරිදි 2D සිනමාහල් වෙනුවෙන් කල 2D පිටපතෙන් කැමරාවක් මඟින් රෙකෝඩ් කල පිටපතක් එලියට දමනවා. කර්මාණ්තයේ නිෂ්පාදකයන්, අධ්‍යක්ෂකවරුන් ආදි අය මේ කොල්ලකෑම් ගැන කතා කලොත් තමන්ගෙ චිත්‍රපටියට මීට වඩා කෑමක් ලැබෙයි කියන බයට නිහඬවෙලා ඉන්නවා. ඒ වගේම ටැමිල් රොකර්ස් ආදී චිත්‍රපට මංකොල්ලකෑම් කරන වෙබ් අඩවි නිසා මෑත කාලයේ සිනමාවට පිහිටක් වුණ OTT මාධ්‍ය වලට විශාල ආදායම් ප්‍රමාණයක් නොලැබීම අහිමිව යනවා.

ඉතින් කලින් කිව්වා වගේම මේ කොටසටත් උපසිරැසි ලබා දෙන්නේ ඔෂධ ධනංජය සහෝදරයා. ඔයාලගෙ ස්තූතිය ඒ සහෝදරයාට හිමි විය යුතුයි. එහෙනම් 5 වැනි කොටසෙන් රවිඳු හේෂාන් සහෝදරයා ඔයාලව හමුවෙනවා. මේ කතා මාලාවේදී මම ඔයාලව 6 වැනි කොටසෙන් අවසන් වරට හමුවට එනවා. ඔයාලගෙ වටිනා අදහස් කමෙන්ට් එකකින් සඳහන් කරන්නත් අමතක කරන්න එපා. එහෙනම් බයිස්කෝප් එක්ක එකතුවෙලා ඉන්න ඔයාලා හැමෝටම ස්තූතියි!

බුදු සරණයි! දෙවි දේවතාවුන්ගේ රැකවරණයි!

 

 

Due to copyright issues, we do not provide any torrent links.

මෙම ලබා දී ඇති උපසිරසි WEBRip පිටපත සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ඔෂධ ධනංජය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2017-09-04
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Check Also

The Lord of the Rings: The Rings of Power [S01 : E05] Sinhala Subtitles | බෙදීම! [සිංහල උපසිරසි]

මේ එපිය නම් හොඳටම පමා වුණා 🙁 ඇත්තටම සමාවෙන්න ඕන මෙච්චර කාලයක් ගියාට මේක අරගෙන …

Leave a Reply

Your email address will not be published.

10 comments

  1. Supun Kaushalya

    තෑන්ක්ස් සබ් එකට

  2. ගොඩක්ම ස්තූතියි. …
    ඔබට සහ ඔබ පවුලේ සැමටත්
    මෙම වෙබ් අඩවියේ සියලුම  සොයුරු සොයුරියන්ටත්
    බුදු සරණයි – දෙවි පිහිටයි……..!

    ස්තූතිය ප්‍රකාශකිරීම සිංහල උපසිරසි ලබාගන්නා
    නියම සිංහලයන්ගේ සිරිතකි ……..!!

  3. ලිපියට රෙස්පෙට් මචං.. සෑහෙන්න විස්තර තියෙනවා…. මරු
    ♥♥☻☻…බොහෝම ස්තූතියි උපසිරැසියට…☺☺♥♥

  4. Sub akta thanks

  5. Ko bn criminal justice ithuru tika

  6. මේකට අරුන් විජේ නැතුව විශාල්ව ගන්න තිබ්බේ.
    මිනිහා නම් ගැලපෙනවා, ඇත්ත ජීවිතෙත් පයිරසි වලට එරෙහිව ගේමක් දෙන්න හදන නිසා.
    මේ බජාර් එකට මල්ලි.. ඇඩ්‍රස් නෑ

    • විෂාල් ටැමිල් රොකර්ස් අල්ලගන්නවා කියලා කියලම විහිළුවක් වෙලා ඉවරයි. මේ සීන් එක අල්ලලා විෂාල්ට ට්‍රෝල් කිරිල්ල බරපතළ විදිහටම ගියා.

  7. Thanks for sub

error: Alert: Content is protected !!