Taxi No. 9 2 11: Nau Do Gyarah (2006) | ජීවිත වෙනස් කරන ටැක්සිය. [සිංහල උපසිරසි සමඟ]

හැමෝටම සුබ දවසක් වේවා. ඔන්න මම හා හා පුරා කියලා මගේ පළමුවෙනි උපසිරැසිය දෙන්නයි සුදානම් වෙන්නේ. මට චිත්‍රපටයකට සබ් එකක් කරන්න ලොකු ආශාවක් තිබ්බත්, මම ඉතිං A/L ඉවරෙවෙනකන්ම හිටියා සබ් එකක් කරන්න. කොහොමහරි මම මගේ පළමුවෙනි උපසිරැසිය හින්දි චිත්‍රපටයකින්ම පටන් ගන්න හිතුවා. ඉතින් මම මගේ ප්‍රියතම නළුවෙක් වන ජෝන් ඒබ්‍රහම් ඉන්න ෆිල්ම් එකකින්ම වැඩේට බැස්සා. කොහොම හරි සබ දාල ඉවර කරන්න දවස් පහක් විතර ගියා.පළමු උපසිරැසිය හින්ද වෙන්නැති.

මේ බයිස්කෝප් එක ගැන කිව්වොත් මේක 2006 දී තිරගත වුණු චිත්‍රපටියක්. ජෝන් ඒබ්‍රහම්, නානා පටේකර්, සොනාලි කුල්කර්නි මෙයට රංගනයෙන් දායක වෙලා තියනවා. ප්‍රියංකා චොප්රාත් පොඩි කොටසකට ඉන්නවා. ඒ වගේම සන්ජේ දත් හඩ දායකත්වය සපයලා තියනවා. මේ චිත්‍රපටිය අයිති වෙන්නේ Comedy, Drama, Thriller වර්ගීකරණයට. මේ චිත්‍රපටය imdb මීටරේ 7.3 කට කරකවලා තියනවා. ඒකෙන්ම පේනවනේ චිත්‍රපටය හොඳයි කියලා.

දැන් කතාව පැත්තට හැරුණොත්, රාගව් ශ්‍රාස්ත්‍රී (නානා පටේකර්) කියන්නේ මිනිස්සුන් එක්ක හැමවෙලාවේම වලි දාගන්න ටැක්සි ඩ්‍රයිවර් කෙනෙක්.මෙයා අවුරුදු 15 ක් ඇතුළත රස්සා 23 ක් කරලා තියනවා.එතකොට ජයේ මිටල් (ජෝන් ඒබ්‍රහම්) කියන්නේ සල්ලිකාර තාත්ත කෙනෙකුගේ නොසන්ඩාල පුත්‍රයෙක්. කොහොම හරි ජයේගේ මේ වැඩ හින්දම එයාගේ තාත්තා, එයා මැරුණට පස්සේ දේපල ඔක්කොම එයාගේ යාළුවෙකුට පවරනවා. ඉතින් මේකට නඩුවක් යනවා. මේ නඩුවට කලින් දවසේ ජයේගේ කාර් ඒක ඇක්සිඩන්ට් වෙනවා. ඒක නිසා ජයේ නඩුවට යන්න අහම්බෙන් වගේ තෝර ගන්නේ රාගව්ගේ ටැක්සිය. ඉතිං ඊටපස්සේ ලොකු ජරමරයක් වෙනවා. මම වැඩිදුර කතාව කියන්න යන්නේ නෑ. ඉතුරු ටික චිත්‍රපටියෙන්ම බලන්න. කොහොම හරි මම කාලෙකින් බලපු හොඳ චිත්‍රපටියක්. එහෙනං හැමෝටම සුබ දවසක්. තවත් උපසිරැසියකින් හමුවෙමු.

664 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “දිලිත දර්ශණ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.