Thank God (2022) Sinhala Subtitles | දෙවියන්ට ස්තූතිවන්ත වේවා…!! [සිංහල උපසිරසි] (200*)

අපේ කතා නායකයා තමයි,
අයාන්, අයාන් කපූර්.
අදින් අවුරුදු 6කට කලින්, ඒ කියන්නේ, 2016 දි…
ඉඩ කඩම් වෙලෙඳාම් පිලිබඳ
ව්‍යාපාරයන් හි ඉදිරියෙන්ම සිටියා.
උදේ හවස කෝටි ගනනක ගනුදෙනු කලා.
හැබැයි පොඩි ප්‍රශ්නයක් තිබුනා.
සල්ලි ගනුදෙනු කරනකොට
මෙයාට වර්න අන්ධතාවය හැදෙනවා
මෙයාට එකම එක හීනයයි තිබුනේ.
ගොඩක් ගොඩක් සල්ලි හම්බ කරගෙන
සල්ලි වල වටිනාමක් නැති තැනට එන එක.
එයා එයාගේ හීනයට ආවා.
හැබැයි එදා රෑ ජනාධිපති මෝදි උන්නැහේ
1000 සහ 500 නෝට්ටු අවලංගු කලා.
ඊට පස්සේ,
ආර්‍යන්ගෙ වාසනාවයි,
දේපල අනුපාතිකයයි දෙකම,
බන්ජි පැනුමක් වගේ පහලට පැන්නා.
කෝටි ගානක ණය එයාගේ ඔලුවට කඩන් වැටුනා.
අයාන් බංකොලොත් වුනා.
ඒ අල්ලපනල්ලේ, හදිසියේම….
අයාන් ඇක්සිඩන්ට් වෙනවා.
ඇහැරෙන්නේ…

අපායේ.
එහේ යමදූතයා විතරයි නෙවෙයි,
දෙවියෝ, අප්සරාවනුත් ඉන්නවා.
ඉතින් අයාන්ට ජීවත් වෙන්න නම්,
තරඟයකට ඉන්න ඕනේ.
හරියට අපේ චැනල් වල යන
ගේම් ශෝ එකක් වගේ.
(අපිත් අපායෙන්ලුනෙ කොපි කරලා තියෙන්නේ)

ඉතින් මේ තරඟෙන් දිනලා
අයාන්ට ආයේ ජීවත් වෙන්න පුලුවන් වෙයිද කියලා බලන්න
යමු කට්ටියම අපායේ!

මේ අවුරුද්දෙ ඔක්තෝබර් 25 වෙනිදා දිවාලියට සමගාමීව තිරගත වීම ආරම්බ කරපු මේ චිත්‍රපටිය අධ්‍යක්ශනය කරන්නේ Indra Kumar. රංගනයෙන් දායක වෙන්නේ අජේ දෙව්ගන්, සිද්දාර්ත් මල්හෝත්‍රා සහ රාකුල් ප්‍රීත් සිං, ඒ වගේම නෝරා ෆටේහි ආරාධිත රංගනයකින් දායක වෙනවා. IMDb අගය 6.1 ක් ගත්තත් මිශ්‍ර ප්‍රතිචාර ලැබුනු මේ චිත්‍රපටිය ආදායම් වාර්තා අතින් නම් අසාර්තක වුනු චිත්‍රපටියක්.

ඒත් ගීත වලින් නම් අපිටත් පොඩි නෑකමක් තියෙනවා. යොහානි ගායනා කරපු ‘මැණිකේ මගේ හිතේ’ ගීතය සහ එහි හින්දි වර්ශන් එක මේ චිත්‍රපටියේ තියෙනවා. සංගීත අධ්‍යක්ශනය කරන්නේ Tanishk Bagchi, Rochak Kohli සහ Chamath Sangeeth. ගීත ගායනයෙන් යොහානි, Jubin Nautiyal, Surya Ragunnathan Anand Raaj Anand, Arijit Singh සහ Eklavya දායක වෙනවා.

ඉතින් මගේ 200 වෙනි උපසිරැසියත් අරගෙන ආවා. ඒ කියන්නේ බයිස්කෝප් පවුලත් එක්ක ආපු ගමනේ හතරවෙනි සංධිස්තානය පහු කරන්නයි මේ හදන්නේ. 2014 අවුරුද්දේ ඔක්තෝබර් 6 වෙනිදා Yeh Dillagi චිත්‍රපටියෙන් පටන් අරන් හින්දි, දමිල, තෙලුගු, මලයාලම් සහ ඉංග්‍රීසි චිත්‍රපටි වගේම කතා මාලා කිහිපයකටත් දායක වෙන්න අවස්තාව ලැබුනා.

ඉතින් මේ ගමනට මට උදව් උපකාර කල සියලු දෙනාටම ස්තූතිවන්ත වෙන්න ඕනේ. නම් වශයෙන් මතක් කරන්න ගියොත් මග ඇරෙන නිසා එකින් එක මතක් කරන්නේ නෑ. ඉතින් ඇඩ්මින් මඩුල්ල වගේම බයිස්කෝප් පවුලේ සහෝදර සහෝදරියෝ සියලු දෙනාම ආදරයෙන් මතක් කරනවා.

ඒ වගේම අපේ උපසිරැසි ගැන්වීම් වලට හැමදාම වචනෙකින් හරි කමෙන්ටුවක් දාගෙන යන ඔයාලා හැමෝමවත් ආදරයෙන් මතක් කරනවා. මොකද ඔයාලගේ ප්‍රතිචාරය අපිට ගොඩක් වටිනවා. ඉතින් ගිහින් එන්නම්. තවත් උපසිරැසියකින් ඉක්මනින්ම හමු වෙමු.

Due to copyright issues, we do not provide any torrent link

මෙම උපසිරැසි සියලුම HD පිටපත් සඳහා වලංගු වේ.

මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරිට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

PLATINUM MEMBER
JOINING DATE – 2014-10-06
SUB-MAKER RATING BY ADMINS