The Adventures of Sherlock Holmes [S01 : E06] Sinhala Subtitles | තිත් වැටුණු පටිය [සිංහල උපසිරැසි සමඟ]

ෂර්ලොක් හෝම්ස් පළමු කතා මාලාවේ අවසාන කොටසට කලින් කොටස තමයි අද මම ඔයාලට මේ දෙන්න යන්නෙ… මුලින්ම හැමෝම සමාවෙන්න ඕනෙ මේක දෙන්න මෙච්චර පරක්කු වුන එකට. ඒත් ඉතින් මෙහෙමවත් මේක දෙන්න ලැබුන එක ලොකු දෙයක්. මොකද මේක කරන්න වෙලාවක් තිබුනෙම නෑ මේ ටිකේ. අනිත් එක මේක අනිත් ඒව වගේ ඉක්මනට කරන්න අමාරුයි. අද කාලෙ ඉංග්‍රීසි චිත්‍රපටවල භාවිතා වන භාෂාවට වඩා වෙනස්ම භාෂා විලාශයක් තමයි මේ කතා මාලාවෙ තියෙන්නෙ. වෙලාව ලැබුනු දවස්වල තවත් හොඳ චිත්‍රපටි කීපයක් ආපු නිසා ඒව ටික මුලින්ම දීල හිටියොත් හොඳයි කියල හිතුන නිසා තමයි මේක කරන්න පරක්කු වුනේ. කොටින්ම කියනව නම් මම මේ වෙනකන් බලල තියෙන්නෙ මම සබ් දාපු ෆිල්ම් විතරයි. අනිත් ඒව ඩවුන්ලෝඩ් කරන් තිබුනට තාම එකක් වත් බලන්න ලැබුනෙ නෑ.. හරි එහෙනම් දැන් අද කතාව දිහාට හැරෙමු!

සුපුරුදු පරිදි මේ වතාවෙත් ෂර්ලොක් හෝම්ස්ගෙන් උදව් ඉල්ලගෙන කෙනෙක් එනව. මේ වතාවෙ එයාව හොයන් එන්නෙ තරුණ ගෑනු ළමයෙක්. එයා තමන්ගෙ සුළුපියා එක්ක තමයි ජීවත් වෙන්නෙ. එයාගෙ අක්කා හදිසියේම තමන්ගෙ ගෙදරදිම අභිරහස් ලෙස මරණයට පත් වෙලා. ඒත් මරණ පරීක්ෂණයෙන් මරණයට හේතුව පිළිබඳ පැහැදිලි පිළිතුරක් ලැබිල නෑ. මේ තරුණියගෙ අක්ක මැරෙන්න කලින් එයාට කියල තියනව හුඟක් දවස් වල රෑට එයාට ඇහෙන විසිල් සද්දයක් ගැන. කොහොම හරි අක්කගෙ මරණෙන් පස්සෙ මේ විසිල් සද්දෙම දවසක් එයාටත් ඇහෙනව. මේ සිද්දියෙන් මෙයා හොඳටම කලබල වෙලා පහුවදා පාන්දරම ෂර්ලොක් හෝම්ස්ව හොයාගෙන එනව. මේ ගෑනු ළමයගෙ සුළු පියා හුඟක් සැර පරුෂ කෙනෙක්. එයාගෙ දුව හෝම්ස් ගාවට ආව කියල දැනගෙන මෙයා හෝම්ස්ගෙ ගෙදරට ඇවිත් සද්දෙකුත් දාල යනව එයාලගෙ ප්‍රශ්න වලට මැදිහත් වෙන්න එපා කියල. ඒත් මේ දේවල් වලින් හෝම්ස් සැලෙන්නෑ. හෝම්ස් වැඩේට බහිනව. හැබැයි මෙදා පාර හෝම්ස් වැඩේට බහින්නෙ සිතේ යම් චකිතයකුත් එක්ක. මොකද මේ තරුණියගෙ පියා මීට කලින් මිනිහෙක්ව මරල හිරේ යන්න ගිහින් අනූ නමයෙන් බේරිච්ච කෙනෙක්. ඔයාලම බලන්නකො හෝම්ස් කොහොමද මේ අභිරහස හෙලි කර ගන්නෙ කියල…

එහෙනම් මම ගිහින් එන්නම්.. අවසාන කොටස සමඟින් ආයෙත් දවසක හමුවෙමු. හැමෝටම ජය වේවා෴

Due to copyright issues, we do not provide any torrent link.

මේ ලබා දී ඇති සිංහල උපසිරැසි පිළිබද “දිදුල KD සිල්වා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
SILVER MEMBER
JOINING DATE – 2011-11-30