The Bride of Habaek AKA Habaekui Shinboo (2017) [EP 14] Sinhala Subtitles | දිය දෙවියාගේ මනමාලිය…[සිංහල උපසිරසි සමඟ]

බී රියොම් ශින් සභාපතිතුමාව කවුරුවත් නැති තැනකට එක්කගෙන ගිහින් සටන් කරනවා. මේ දෙන්නා සටන් කරද්දි බී රියොම්ව බේරගන්න හිතාගෙන ජින් ගෝ මේ සටන මැද්දට පනිනවා. ඒකෙන් ජින් ගෝට බරපතල තුවාල සිද්දවෙනවා. මේ අතරෙ ශින්ස භාපතිතුමාට මතක් වෙනවා එයා පොඩිකාලෙ දේව අධිරාජ්‍යයේ ඉද්දි එයා අතින් මේ විදියට මැරුණ කෙනෙක් ගැන. එයා තමයි ජින් ගෝගෙ අනෙක් නිවුන් සහෝදරයා වුන මෝ ම්යොන්ග්.

දේව අධිරාජ්‍යයේ අවුරුදු 1200කට කලින් හබෙක් ආදරය කරපු නක් බින් නමැති ගැහැණු ළමයා හබෙක්ව පාවලා දුන්න නිසා ඒකට දඬුවම් ලැබෙයි කියලා බයේ එයා අහස් දේශයේ ගුහාවක හැංගිලා ඉන්නවා. ඒ ගුහාවෙම තමයි ශින් ජීවත් වෙන්නෙත්. බී රියොම් හබෙක්ට හොරෙන් එයාගෙ සහායකයා වුන මෝ ම්යොන්ග් එක්ක ගිහින් නක් බින්ව මුණගැහෙනවා. ඒ වෙලාවෙම අහස් දේශයේ පිරිසක් ඇවිත් හැංගිලා හිටපු නක් බින්ව අරගෙන යන්න උත්සාහ කරනවා. තමන්ට කරුණාවන්තව සලකපු නක් බින්ව එක්කගෙන යන්න හදනවා පොඩි ශින්ට දරාගන්න බැරිව එයා එයාගෙ බලය පාවිච්චි කරනවා. ඒ නිසාම මෝ ම්යොන්ග් මිය යනවා. ඒ හේතුව නිසයි බී රියොම් ඒ තරම් ශින් සභාපතිතුමාට වෛර කරන්නෙ. ඒ වගේම බී රියොම් විශ්වාස කරනවා මේ සිදුවීමට හබෙක් වුනත් වක්‍රව වගකියන්න ඕනෙ කියලා. ඒ නිසා බී රියොම් හබෙක්ටත් වෛර කරනවා.

මේ පහුගිය සිදුවීම මතක් වුන ශින් සභාපතිතුමා ගොවිපලේ ගබඩාවට ගිහින් හොඳටම දුකෙන් ඒ ගැන කල්පනා කරනවා. එයා ඒ සිදුවීම ගැන ගොඩක් පසුතැවෙනවා. මේ අතරෙ ජූ ගොල් රින් යූන් සු ආව පැහැරගෙන ශින් සභාපතිතුමා ළඟට එක්කගෙන යනවා. යූන් සු ආ සභාපතිතුමා ඉන්න තත්වය ගැන හිතලා එයාට අනුකම්පා කරලා එයාව සනසලා සභාපතිතුමාගෙ හිත හදනවා. මේ විදිහට යූන් සු ආ සභාපතිතුමාව සනසවද්දි සභාපතිතුමාට ඒ විදියටම එයාව සනසපු තවත් කෙනෙක්ව මතක් වෙනවා. ඒත් ඒ කවුද කියලා ශින් සභාපතිතුමාට මතක් වෙන්නෙ නෑ.

යූන් සු ආට කරදරයක් වුන බව දැනගන්න හබෙක් ඊළඟට මොනවා කරාවිද? ඒ වගේම ශින් සභාපතිතුමාගෙ පොඩි යාලුවා මින් හී ගැනත් ලොකු රහසක් මේ කොටසෙදි එළිවෙනවා වගේම හබෙක් යූන් සු ආත් එක්ක ඉර බහිනවා බලන්න පොඩි චාරිකාවකුත් යනවා. දැන් කතාව ඉවරවෙන්න ළං වෙලා නිසා කුතුහලයත් එන්න එන්න වැඩිවෙනවා.

15 කොටසෙන් හමුවෙමු.

 

 

 

 

Due to copyright issues, we do not provide any torrent links.

 

මෙම ලබා දී ඇති උපසිරැසි HDTV පිටපත් සඳහා අදාළ වේ.

 

Subtitle Contributor Rank

NEW MEMBER
JOINING DATE – 2017-05-12
SUBMAKER RATING BY ADMINS