අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

The Dragon Prince [S04 : E03] Sinhala Subtitles | ක්ෂේඩියාවෙන් අනතුරු ඇඟවීමක්… [සිංහල උපසිරසි]

Rating: 10.0/10. From 7 votes.
Please wait...

මකර කුමරුගේ කතාවේ, හතරවෙනි කතා සමයේ තුන්වෙනි එපියටත් ඔයාලව පිළිගන්නවා. ඉතින් මේ සීරීස් එක බලන අයම විතරයි දන්නේ මේකේ තියෙන සුපිරිබව කොහොමද කියලා. එහෙනම් කලින් එපියේ මොකද උනේ කියල අපි බලමු.

තවමත් නපුර අවසන් වෙලා නෑ. විරෙන් ඇත්තටම තාම පණ පිටින් ඉන්නවා කියන්නේ ඉදිරියේදී තවත් ව්‍යසනකාරී ආපදාවන්ට ක්ෂේඩියාව මුහුණ දෙන්න ඉඩ තියෙනවා කියන එක. ස්ටෝර්ම් ස්පය’ මුදුණෙන් පහළට වැටිලා මියගිය විරෙන්ව, ක්ලෝඩියා නැවත ජීවිතයට අරගෙන. හැබැයි මේ මායාව වලංගු වෙන්නේ දවස් 30කට පමණයි. ඉතින් ක්ලෝඩියා දැන් උත්සහ කරන්නේ “ඇරවෝස්ව” නිදහස් කරලා මේ මායාව ස්ථිර කරගන්න. හැබැයි මේ ඇරවෝස්ව හිර කරලා තියෙන්නේ කොහෙද කියන ඇත්තටම ප්‍රහෙළිකාවක්. කවුරුත් ඒ ගැන හරියටම දන්නේ නෑ. එතකොට අර කෝෂයෙන් එළියට එනවා කියන ජීවීයා “පිළිතුරු ඇති තැනැත්තා ළඟට රැගෙන යනවා” කියල තමා කියන්නේ. කොහොමහරි මේ කෝෂය විවර කරගන්න විරෙන්ගේ යෂ්ඨිය ඕනේ කරනවා. අන්තිම සටන උණු වෙලාවේදී, විරෙන් යෂ්ඨිය ස්ටෝර්ම් ස්පය’ මුදුනෙම දාලා ආවා. ඉතින් ඒ යෂ්ඨිය ආපහු ලබා ගැනීමේ බලාපොරොත්තුවෙන් විරෙන් ක්ලෝඩියා සහ අර අර්ත්බ්ලඩ් එල්ෆ් කොලුවා “ටෙරී” මේ දැවැන්ත ස්ටෝර්ම් ස්පය’ නැවත තරණය කරනවා. හැබැයි විරෙන්ට කලින් වතාවේ පහළට වැටිලා මැරෙන්න වුණු නිසා, හිතේ තියෙන ඒ කම්පනය සහ බය තවම පහවෙලා නෑ.

ඒ වගේම අපි “සිම්”, නැත්නම් “ඇසිමොන්ඩියස්ව” ඔන්න ආයෙත් දැක්කා. ඉතින් කලින් කතා සමයන් වලදී හිටපු ඒ පොඩි මකර පැංචා දැන් ටිකක් ලොකුවෙලා. ඒ වගේම ස්කයිවින්ග් එල්ෆ්ලගේ මේජ්වරයා “අයිබිස්” තමා සිම්ව රැක බලා ගන්නේ. ඉතින් මකර රැජිණ සහ ඇසිමොන්ඩියස්, කටෝලිස්වල චාරිකාවට පිටත් වෙලා ගියා. ඉතින් මකර රැජිණගේ මේ කටෝලිස් සංචාරය ක්ෂේඩියාව හා මිනිස් රාජධානී අතර සාමය ක්‍රමයෙන් වර්ධනය වෙමින් පවතින බවට කියන්න පුලුවන් කාරණයක්. ඒ වගේම කැලම් ළඟ තමා දැන් ඇරවෝස්ගේ මායාකාරී කැඩපත තියෙන්නේ. ක්ෂේඩියාවෙන් එවපු පරිවර්තන ග්‍රන්ථය ආධාරයෙන් කැලම්, කැඩපතේ කැටයම් කරලා තියෙන රූන්ස් ටික පරිවර්තනය කර ගන්නවා.

” In darkness, gaze upon the fallen star.”
මේ තමා කැලම්ට ලැබුණු පරිවර්තනය. මේ ඇරවෝස් ගැනම වෙන්න ඕනා කියන්නෙත්. මොකද ඔහු “ස්ටාර්ටච් එල්ෆ්” කෙනෙක් නිසා. ඔන්න ඉතින් අපිට “රෙයිලා” ආයෙත් දැකගන්න පුලුවන් උනා. කතාවේ ඉන්න චරිත අතරින්, බොහොමයක් දෙනාගේ අවධානය දිනාගත්, ආකර්ෂණීයම චරිතය තමා රෙයිලා. ඇය මූන්ෂැඩෝ එල්ෆ්වරියක්. ඉතින් රෙයිලා එකපාරටම කොහෙදෝ ඉ‍ඳලා ඇවිල්ලා. ඉතින් ඇත්තටම ඇය කොහෙද ගියේ? අපි ඒ ගැනත් බලමු. 2020 වර්ෂයේදී මේ සීරීස් එකට සමගාමීව ග්‍රැපිල් නවල් එකක් රිලීස් වෙනවා. තුන්වෙනි සීසන් එක සහ හතරවෙනි සීසන් එක අතර වෙන සිදුවීම් ටිකක් තමා මේ ග්‍රැපික් නවල් එකේ තියෙන්නේ. මේක කියවපු අය ඉන්නවා නම් සිද්ධිය ගැන දන්නවා.

ඉතින් අනිත් අයටත් දැනගන්න මම කෙටියෙන් විස්තරේ කියන්නම්. ස්ටෝර්ම් ස්පය’ පාමුල සිදුවුණු අර මහා යුද්ධය මතක ඇතිනේ. විරෙන්, “සිම්ගේ” බලය උරාගන්න මොහොතෙදී, රෙයිලා එකවරම විරෙන්ව කන්දෙන් පහළට තල්ලු කරනවා. කැලම් රෙයිලව බේරගත්තත්, විරෙන් පහළට වැටෙනවා. ඉතින් විරෙන් මියගියා නම් මළ සිරුර හමුවෙන්න ඕනනේ. මුළු යුධ භූමියම පරීක්ෂා කළත් සන්ෆයර් එල්ෆ්ල්ට විරෙන්ගේ මළ සිරුර හමුවුනේ නෑ. මොකද ඒ වෙනකොටත් ක්ලෝඩියා විරෙන්ව හොයාගෙන තිබුණු නිසා. ඉතින් විරෙන් තවමත් මැරිලා නෑ කියන දේ ගැන රෙයිලා ගොඩක් වදවුණා. මොකද ඔහු ජීවත් වෙනවා කියන්නේ තවමත් නපුර පවතිනවා කියන දේ නිසා. ඉතින් ඇයට ඕනේ වුණා විරෙන් ඇත්තටම මියගිහිල්ලා කියන දේ තහවුරු කරගන්න. මේ නිසා රෙයිලා කැලම්ගේ උදව් ඇතිව, ලූජේන් ජීවත් වෙන තැන පිහිටි “මූන් නෙක්සස්” එක හරහා “මළවුන්ගේ ලොවට” ද්වාරයක් විවර කරගන්නවා. ඇය අපේක්ෂා කළේ මළවුන්ගේ ලොවට ගිහින්, විරෙන් ඇත්තටම එහෙ ඉන්නවා නම්, ඔහු මැරිලා කියන කාරණය තහවුරු කරගන්න. ඇයට එහිදී විරෙන්ව මුණ ගැහෙනවා. හැබැයි ඔහු මියගිහින් කියලා පෙනෙන්න තිබුණේ නෑ.



– රෙයිලට විරෙන්ව හමුවුණු මොහොත –

ඉතින් මේ නිසා විරෙන් තවමත් ජීවත් වෙනවා කියලා සැක කරපු රෙයිලා, හැමෝටම රහසින් පිටත් වෙනවා. අඩුගානේ කැලම්ටත් නොකියම. ඒ විරෙන්ව හොයාගෙන මේ නපුර අවසන් කිරීමේ අදහසින්. ඉතින් ඇය වසර දෙකකට පසු මේ ගවේෂණය අවසන් කරලයි නැවත කටෝලිස් වලට පැමිණිලා ඉන්නේ. ඉතින් ඔන්න ආදරවන්තයෝ දෙදෙනා නැවත හමුවෙලා. කැලම් රෙයිලට මොනවගේ ප්‍රතිචාරයක් දෙයිද? විරෙන් ආපහු යෂ්ඨිය ලබා ගනීද? එහෙනම් මේ ප්‍රශ්නත් එක්ක අද කොටසත් බලලම ඉන්න.

 

 

 

 

Due to copyright issues, we do not provide any torrent links.

මෙම උපසිරැසිය WEB පිටපත් සඳහා වලංගු වේ.

මේ ලබා දී ඇති සිංහල උපසිරැසි පිළිබද “පවිත් විජේසූරිය ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2022-03-16
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

All BT1

2 thoughts on “The Dragon Prince [S04 : E03] Sinhala Subtitles | ක්ෂේඩියාවෙන් අනතුරු ඇඟවීමක්… [සිංහල උපසිරසි]

  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • චෙන්සො මැන් ep 10 ඔනි ඉක්මනට බොසා ‍

    Reply

Leave a Reply

Your email address will not be published. Required fields are marked *