Wednesday , February 1 2023

The Dragon Prince [S04 : E09] Sinhala Subtitles | අවසානයක් නොවුණ අවසානය.. [සිංහල උපසිරසි]

Rating: 7.8/10. From 4 votes.
Please wait...

මකර කුමරුගේ කතා මාලාවේ හතරවෙනි කතා සමයේ අවසන් කොටස සමඟයි ඔයා මේ එකතු වෙන්නේ.

ඉතින් කලින් කොටස ගැන බැලුවොත්, කරීම් දැන් ජනායීට අභියෝග කරනවා ද්වන්ත සටනකට. ඒක ඇවිල්ලා සන්ෆයර් එල්ෆ්ලා අතර චාරිත්‍රයක් විදිහට එන සටනක්. “බ්ලඩ් ඇන්ඩ් ඈෂ්” නැත්නම් “රෝයල් බ්ලඩ් චැලේන්ජ්” විදිහටත් මේ ද්වන්තය හඳුන්වනවා. කරීම් බලාපොරොත්තු වෙන්නේ ජනායී මේ අභියෝගය ප්‍රතික්ෂේප කරයි කියලා. ඉතින් එහෙම උනාම ඇය ශක්තිමත් නායිකාවක් නෙමේ කියලා ඇය රැජිණ වෙන්න සුදුසු නෑ කියලා සික්ස් හෝන්ස් විසින් තීරණය කරයි කියලයි කරීම් විශ්වාස කරන්නේ. ඉතින් අද කොටසින් මේ ද්වන්තයට ජනායී කොහොමද මුහුණ දෙන්නේ කියලා අපි බලාගමු.

ඒ එක්කම කැලම් ඇතුළු පිරිස දැන් රෙක්ස් ඉග්නියස් අභියස ඉන්නේ. ඔවුන් ඇරවෝස්ගේ සිරකුටිය තියෙන්නේ කොහෙද කියලා ප්‍රෙහෙළිකාව විසඳන්න යනකොටම ක්ලෝඩියා එතනට ආවා. ඇය නිදි මායාවක් කරලා රෙක්ස් ඉග්නියස්ව පවා නිද්‍රාශීලී කළා. ඉතින් එතනින් පස්සේ මොකද වෙන්නේ කියලා මේ අවසන් කොටසින් බලාගන්න.

ඉතින් ඔන්න ද ඩ්‍රැගන් ප්‍රින්ස් හතරවෙනි කතා සමයත් මේ විදිහට අවසන් වෙනවා. කලින් කතා සමයන් එක්ක බලනකොට මේක ටිකක් උද්වේගකර බවින් අඩුයි වගේ මට දැනුනේ. නමුත් ඉදිරියට වෙන්න නියමිත සිදුවීම් රැසකටම ශක්තිමත් අඩිතාලමක් හතරවෙනි කතා සමයෙන් ලබා දුන්නා කියන එක නම් හොඳටම පැහැදිලියි. ඉතින් ඇරවෝස් ඉදිරියේදී නිදහස් වෙනවා නම්, නිසැකවම ක්ෂේඩියාවට එරෙහිව ඔහු සිය අ‍ඳුර පතුරවනවාම තමයි. නමුත් ඒක ක්ෂේඩියාවට පමණක් සීමාවෙයි කියලා කියන්න බෑ. මිනිස් රාජධානිවලටත් ඔහුගේ බලපෑමට නිසැකවම මුහුණ දෙන්න වේවී. ඉතින් එවැනි ව්‍යසනකාරී තත්ත්වයකදී මිනිසුන් හා එල්ෆ්වරුන් එක්ව නැඟී සිටීවී කියලා අපිට හිතන්න පුළුවන්. මොකද දැන් ක්ෂේඩියාව හා මිනිස් රාජධානි අතර සාමය ක්‍රමයෙන් වර්ධනය වෙනවා කියලා පේනවා. නමුත් කටෝලිස් පමණක් පෙන්වපු නිසා අනිත් රාජධානිවල තත්ත්වය කොහොමද කියලා කියන්න බෑ. ඩුරේන් නම් නිසැකවම සහය දෙයි කියලා හිතන්න පුලුවන්. ඒත් නියොලැන්ඩියා, ඩෙල් බාර් සහ එවෙනියර් වල තත්ත්වය තවම අවිනිශ්චිතයි.

ඒ වගේම ඇරවෝස්ගේ නපුරට එරෙහිව ක්ෂේඩියාව පාර්ශවය වෙනුවෙන් සටන් වඳින හොඳින් සංවිධානය වූ හමුදාවක අවශ්‍යතාවත් දැන් පවතිනවා. ඉතින් දැනට දැකපු දේවල් අනුව “සන්ෆයර් එල්ෆ්වරුන්ට” එවැනි සංවිධානාත්මක හමුදාවක් ඉන්නවා කියල පේනවා. නමුත් ලක්ස් ඕරියාවල බිඳ වැටීම නිසා ඔවුන් ටිකක් දැන් වැටිලා වගේ පේන්නේ. නමුත් ජනායී සිය ජනතාව නිර්භීතව මෙහෙයවාවී කියලා අපිට මේ කතා සමයෙන් ඉඟි ලබා දුන්නා.

ඒ වගේම තමයි ක්ෂේඩියාවට දැන් මේජ්වරුන්ගේ අවශ්‍යතාවත් තදින්ම පවතිනවා. ඇරවෝස් කියන්නේ බලගතු මේජ්වරයෙක් නිසා ඔහුව අභිබවා යන්න හැකියාව ඇති මේජ්වරුන් ක්ෂේඩියාවට අවශ්‍ය වෙනවා. ඉතින් ඒකයි මම කිව්වේ “අයිබිස්” ගේ අහිමී වීම ක්ෂේඩියාවට වුනු බලවත් පාඩුවක් කියලා. නමුත් අපිට විශේෂ මේජ් කෙනෙක් ඉන්නවා කියලා අමතක කරන්න හොඳ නෑ. ඒ තමා කැලම්. කැලම් තමා ආදී මායාවන් කරන පළමු මිනිස් මේජ්වරයා වෙන්නේ. ඉතින් කැලම් ඉදිරියට කැපී පෙනෙන වැඩ කොටසක් කරයි කියලා අපිට හිතන්න පුලුවන්. නමුත් ගැටළුව තමා ඇරවෝස් ඉලක්ක කරන්නෙත් මේජ්වරුන් වීම. මතකනේ ඔහු වරක් කැලම්ට ආවේශවුණු විදිහ. ඉතින් ඇරවෝස් ඒකම ආයෙත් නොකරාවී කියලා අපිට කියන්න බෑ. කොහොමවුනත් මේ කතා මාලාවේ ඉදිරිය නම් තීරණාත්මකයි. බලමු අපි මොකද වෙන්නේ කියලා.

ඒ වගේම මේ වෙනකොට නිර්මාණය වෙලා තියෙන ෆෑන් තියරියක් ගැනත් ඔයාලට කියන්න ඕනේ. ඒ තමා මේ කැලම්ට ආදී මායාවන් කරන හැකියාව කොහොමද ආවේ කියන එක. ඇත්තටම ඒක ප්‍රෙහෙළිකාවක්. කිසිම මායාකාරී හැකිවක් නැති මනුස්සයෙක් විදිහට ඉපදුණු කැලම් කොහොමද ආදී මායාවන් කරන්නේ? ඔයා දැන් කියයි “ස්කයි ආකේනම්”(ආකාශ ගුප්ත චින්තාව) අවබෝධ කරගත් නිසා කියලා. ඒත් ඒක අමුතුයි කියලා හිතෙන්නේ නැද්ද? ඒ අවබෝධය ලබා ගැනීමම. කැලම්ට ඇත්තටම ආදී මායාවත් එක්ක සම්බන්ධයක් තියෙනවා වෙන්න බැරිද? තව විදිහකට කිව්වොත් ක්ෂේඩියාව එක්ක සම්බන්ධයක්? අපි කැලම්ගේ අම්මා ගැන බැලුවොත්, ඇය තමා සරායී රැජිණ. ඇය නම් සාමාන්‍ය මනුස්සයෙක් බවටත් කිසිම මායාකාරී හැකියාවක් නැතිබවත් විශ්වාසයි. නමුත් කැලම්ගේ පියා? ඔන්න ප්‍රශ්නය. මේ සීරීස් එකේ කොතනකවත් කැලම්ගේ පියා ගැන සඳහනක් නෑ. ඔහු මියගියාද? ජීවත් වෙනවද? මොකද කළේ? මොනාද උනේ? කිසිම තොරතුරක් නෑ. ඒක අමුතුයි කියලා හිතෙන්නෙ නැද්ද? හරියට නිකන් ඒක ඉදිරියට හෙළි කරන්න තියෙන දෙයක් වගේ. දැන් මම මේ වටින් ගොඩින් කියන්න හදන්නේ මොකක්ද කියලා ඔයාට තේරෙන්වා ඇති. තියරිය තමයි කැලම්ගේ තාත්තා එල්ෆ් කෙනෙක් වෙන්න පුලුවන් කියන එක. නිකම්ම එල්ෆ්කෙනෙක් නෙමේ මේජ්වරයෙක් කියන එක. එහෙම උනොත් නම් කැලම්ට මායාවත් එක්ක සම්බන්ධයක් තියෙනවා කියලා පේනවා. මොකද මේ කතාවෙදී ලිංගිකත්වය සහ වර්ගය විවාහයකට අදාල නෑ කියලා පේනවා. නමුත් මේක අහක දාන්න පුලුවන් තර්කත් ඉදිරිපත් කරන්න පුලුවන්. දැනට එහෙනම් මේ තියරියත් ඔලුවේ තියාගෙන ඉන්න.

ඉතින් පස්වෙනි කතා සමයක් ගැන නම් තවම තොරතුරක් නෑ. සීසන් 7ක්ම තහවුරු වෙලා තියෙන එකේ අපිට වදවෙන්න දේකුත් නෑනේ. එහෙනම් 5වෙනි සීසන් එකත් ආව දවසක සබ් ගේන බලාපොරොත්තුවෙන් මම මකර කුමරගේ කතාවට සමුදෙනවා. හැමෝටම ජය වේවා එහෙනම්. 😊

 

 

 

 

Due to copyright issues, we do not provide any torrent links.

මෙම උපසිරැසිය WEB පිටපත් සඳහා වලංගු වේ.

මේ ලබා දී ඇති සිංහල උපසිරැසි පිළිබද “පවිත් විජේසූරිය ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2022-03-16
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

All BT1

Check Also

ද ග්‍රේට් ඉන්ඩියන් මර්ඩර් (2022-) [S01: E08] Sinhala Subtitles | ඇත්ත සහ බොරුව [සිංහල උපසිරැසි]

ඉතින් හැමෝම වෙද්දි එකතු වෙලා ඉන්නේ Disney Hotstar වෙතින් එලි දැක්වුණු The Great Indian Murder …

Leave a Reply

Your email address will not be published.

One comment

  1. H.a.i. Dissanayaka

    ස්තූතී සබ් එකට…
    ඊලග සීසන් එකෙන් හම්බවෙමු

error: Alert: Content is protected !!