The Fate of the Furious (2017) with Sinhala Subtitles | දෙලොවකට මැදිවූ මාරක ධාවනයේ ඉරණම… [සිංහල උපසිරැසි සමඟ]

May 12, 2017 All, Featured Articles, MaxxA, Sinhala Subtitle, අමුතුයි, ඉංග්‍රීසි, එළ, ක්‍රියාදාම, චිත්‍රපටි, ත්‍රාසජනක, බලන්න, වික්‍රමාන්විත, ශාන් විමුක්ති, සිංහල උපසිරැසි 175 Comments 143,956 Views

Rate this item:1.002.003.004.005.006.007.008.009.0010.00Submit Rating

Rating: 8.3/10. From 284 votes.

Please wait...

ඔන්න එහෙනම් ගොඩ දෙනෙක් බලාපොරොත්තු උන තවත් චිත්‍රපටයක අටවෙනි සම්ප්‍රාප්තිය තමයි මේ සනිටුහන් කරන්නේ. මේ චිත්‍රපටය ගැන අටුවා ටීකා ටිප්පනි අවශ්‍ය නැහැ කියල හිතනවා. හැමෝම දන්නවා ෆාස්ට් ඇන්ඩ් ෆියුරියස් කියන්නේ මොකද්ද කියල. ඉතින් 2001 වසරේ ආරම්භ උන මේ චිත්‍රපට මාලාවට එකතු වෙන අටවැන්න තමයි The Fate of the Furious (2017) කියන්නේ. ඔයාලට මතක ඇති Furious 7 (2015) චිත්‍රපටය ලොකු පෙරලියක් කරලා ලෝකයේ වැඩිම ආදායම්ල බාගත් චිත්‍රපට අතර සයවැනි  ස්ථානයට හිමිකම් කියුවෙ මේ චිත්‍රපටයේ නම ඉදිරියේ ඩොලර් මිලියන 1516ක් සනිටුහන් කරගනිමින්.  නමුත් බොහෝ දෙනා පැවසුවේ පෝල් වෝකර් රඟපෑ අවසන් චිත්‍රපටය මෙය වූ නිසා බොහෝදෙනා චිත්‍රපටය නැරඹීම නිසා මෙවන් ආදායමක් ලබාගත් බවයි. හැබැයි ඒ කතාව මේ චිත්‍රපටය මගින් පුස්සක් බවට පත් කරලා තියෙනවා අද වෙනකොට ලැබී ඇති ආදායම් සලකා බැලුවම මාසයක් යන්නත් මත්තෙන් මේ චිත්‍රපටය ඩොලර් බිලියනය පසු කර ඇති අතර මේ වනවිට සමස්ත ආදායම ඩොලර් මිලියන 1163ක් ලබා ගනිමින් දැනට ලෝකයේ වැඩිම අදායම් ලබාගත් චිත්‍රපට ලැයිස්තුවේ 13 වෙනි ස්ථානය හිමිකරගෙන තිබෙනවා. මේ විස්තර බලනකොට ෆාස්ට් ඇන්ඩ් ෆියුරියස් ආදායම් ලැබීම අතින් නම් ඉතාමත් වේගවත් කියල දැන් තහවුරු කරලා අවසානයි. ඒ වගේම IMDb අගය වාර්තා වෙන්නේ 7.2 විදිහටයි.

 

එහෙනම් මම පොඩ්ඩක් යටගියාව මතක් කරලම පටන් ගන්නම්. කතා මාලාවක් වශයෙන් එකින් එකට සම්බන්ධයක් තියෙන නිසාවෙන් මම කියන්නම් හත්වෙනි චිත්‍රපටයේදී මොකද්ද උනේ කියල. මතකනේ ඔවන් ෂෝ සහ ඩෙකඩ් ෂෝ දෙන්නා. මල්ලි වෙනුවෙන් පලිගන්න ආපු ඩෙකඩ් ෂෝ එක්ක තමයි කලින් චිත්‍රපටයේදී ගැටුනේ. අවසානයේ මල්ලිට වගේම අයියට සිද්ධ උනෙත් බිත්ති හතරකට කොටු වෙන්න. ඉතින් අවසානයේ බ්‍රයන් කණ්ඩායමෙන් වෙන්වෙලා ගියා දකින්නත් ලැබුනා. මේ චිත්‍රපටය කියුබාව තුලදී රූගත කිරීම් සිදුකරලා තියෙනවා. කියුබාවට මෙවැනි චිත්‍රපට රූගත කිරීමක් සඳහා යොදාගත්තේ බොහොම කාලයකට පස්සේ. ඉතින් මුලින්ම ඔයාලට දැකගන්න ලැබෙයි කියුබාවේ දර්ශන පෙළක්. කතාව ආරම්භ වෙන්නේ ඩොම් සහ ලෙටි දෙන්නා මධුසමය වෙනුවෙන් කියුබාවේ කරන සංචාරයක් සමගින්. ඉතින් මේ සංචාරය අතරේදී ඩොම්ට කාන්තාවක් මුණ ගැහෙනවා. හැබැයි ඒ මුණ ගැසීම අහම්බෙන් සිද්ධ උන එකක් නෙමේ කියල දැනගන්න කොට ඩොමිනික් ටොරෙටෝ  මොන දේටත් කලින්  පවුල මුලින් කියන සංකල්පය දෙවිදිහකට බලපාන්න පටන් ගන්නවා. ඉතින් මෙදාපාර මුණ ගැහෙන සතුරා එසේ මෙසේ කෙනෙක් නෙමේ. ලෝකයේ ඉන්න දක්ෂම සයිබර් අපරාධකාරියක්. නමින් සයිපර්. ඉතින් ඩොමිනික් ටොරෙටෝ සහ කණ්ඩායම මේ අලුත් සතුරා සමඟ ගැටෙන්නේ කොහොමද බලන්න ඔයාලට ඉතුරු කරන්නම්. ඒ වගේම මේ චිත්‍රපටයේ අපට කලින් දකින්න නොලැබුන චරිත කීපයක් එකතු වෙනවා. ඒ චරිත ගැන නොකියා ඒ වෙනුවෙන් රංගනයේ යෙදෙන්නේ කවුද කියල කියන්නම්. ගේම්ස් ඔෆ් ත්‍රෝන්ස් කතා මාලාවේ  Kristofer Hivju, Scott Eastwood,  Charlize Theron තමයි අපිට අලුතෙන් මුණ ගැහෙන නළු නිලියන් වෙන්නේ. ඒ වගේම අන්තිමේ ඔයාලට අලුත් බ්‍රයන් කෙනෙකුත් මුණ ගැහේවි. මේ බ්‍රයන්ට නම් ඔයාලට ආස හිතෙනවා කියන කාරණය නොඅනුමානයි.

 

මේ චිත්‍රපට මාලාවේ හත්වැන්න අවසානයේ සහ පෝල් වොකර්ගේ නික්ම යාමත් සමඟ මේ චිත්‍රපටයේ ප්‍රධන නිෂ්පාදක වින් ඩීසල් ප්‍රකාශ කලා මේ කතා මාලාව තව චිත්‍රපට තුනකින් අවසන් වෙනබව. ඉතින් මේ තමයි ඒ චිත්‍රපට තුනේ පළමු වැන්න. ඒ වගේම දැනටමත් නමවෙනි චිත්‍රපටය සඳහා පෝස්ටර් පවා නිර්මාණය වෙලා තියෙනවා. ඊළඟ චිත්‍රපටයේදී මැට් ඩීමන් මේ කතා මාලාවට එකතු වෙන බවට පොඩි පොඩි ආරංචි එහෙම ලැබිලා තියෙනවා. ඉතින් කියන්න ඕනේ මේ චිත්‍රපට මාලාව ආදායම අතින් නම් පසුබෑමකට ලක්වෙලා නැති බව ඇත්තක් වෙලා නිෂ්පාදක වරයට සතුටු වෙන්න කාරනා තිබ්බට, සල්ලි දීල චිත්‍රපට බලන අපිටත් සතුටු වෙන්න කරුණු කාරණා තිබිලා චිත්‍රපටය ගොඩක් සාර්ථකයි කියල දෙපිරිසටම සතුටු වෙන්න පුළුවන් උනොත් එතන තමයි සාර්ථකත්වය රැඳී තියෙන්නේ. ඉතින් ඒ නිගමනය ගන්න ප්‍රේක්ෂක ඔයාලට ඉතිරි කරන්නම්. එහෙනම් නැවත හමුවෙමු. ජය !!!

ලිපිය:  ~ හසන්ත වික්‍රමරත්න ~

 

හෝව් හෝව්, මෙදා පොටේ සබ් එක ගෙනාවේ වෙනද ගෙන බුලට් එක නෙමේ, මේකේ සැබෑ හිමිකරුවා හසන්ත අයිය උනත් වැඩ අධික කාල සමයක් නිසා උපසිරස කරන්න විදියක් නැහැ කියල කිව්වා, කමක් නැහැ හෙමින් කරපන් කියල මේක කරවගන්න හැදුවත් වැඩේ හරිගියේ නැහැ, උබ කරහන් කියල දුන්නා. ඒ වගේම කියෙව්වම බලන්න හිතෙන ජාතියේ ලිපියකුත් ලියා දීලා ෆ්බ් ඔන්ලයින් එන එන සැරේට මේක කෝ කියල අහල වද දීලා වැඩේ ඉක්මන් කරවගත්තෙත් හසාම තමා, ඒ වගේම සෝදුපත් බලලත් දුන්නේ හසාමයි. එහෙනම් මේකේ ඉදිරි  ෆිල්ම් දෙකම හසා අරගෙන ඒවි මම විසිවුණා. 😀

 

 

 

Due to copyright issues, we do not provide any torrent links

The-Fate-of-the-Furious-2017-1080p-BR-All-releases

මෙම ලබා දී ඇති උපසිරැසි  සියලුම  පිටපත් සඳහා ගැලපේ.

සිංහල උපසිරැසි මෙතනින් බාගන්න

105845 downloads

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.