The Flash [S03 : E13] with Sinhala Subtitles | ගෝරිල්ලෝ ඔයයි මමයි… [සිංහල උපසිරැසි සමඟ]

ඉතින් ගිය සතියේ ෆ්ලෑෂ් කොටස විකාශය වුනේ නැති නිසා කට්ටියට කතාව මතකද දන්නේ නෑ. ඊට කලින් සතියේ කොටස ගැන කතා කලොත් ඒකෙ ගොඩක් දුරට ප්‍රධාන චරිත ඉලක්ක කරලා කරපු කොටසක් කිවොත් හරියටම හරි. මොකද ඒ කොටසේදි ප්‍රධාන කතාවට පොඩි විවේකයක් දිලා ඒ වෙනුවට චරිත වල ගති ලක්ෂණ විස්තර කරලා ඒක ප්‍රධාන කතාවට ආයෙමත් එකතු කරපු එකනෙ කලේ. ෆ්ලෑෂ් පොයින්ට් එකෙන් තවත් දුෂ්ඨයෙක් ආපු එකත් එක්ක, අපිට ෆ්ලෑෂ් කතාවේ උප කතාවක් බලාගන්න පුලුවන් වුනා.

ඉතින් කලින් කොටස වොලියි ජෝටයි වෙන් වුන කොටසක් කිවොත් හරියටම හරි. ගොඩක් අය මේ ජෝ කියන චරිතයට ආදරය කරනවානේ. හැබැයි ඉතින් මේ සිසන් එකේ එයාගෙ චරිතය පොඩ්ඩක් විතර පැත්තකට දැම්මා වගේ දැනුනා. එයා නැති එක නෙවෙයි, දැන් එයාගෙන් ප්‍රධාන කතාවට ලොකු දායකත්වයක් ලැබෙන්නේ නෑ වගේ දැනෙනවා. අපි හැමෝම දන්නවානේ ගොඩ කාලයක් යනවා කියලා ජෝ ඇත්ත දැනගන්න, ඒ වගේම ඒක හැගීම්බර විදියටයි වෙන්නේ කියලා අපි දන්නවා. මොකද ජෝගෙ චරිතය කොයි තරම් නම් හැගීම්බරද කියලා අපි මේ කතාව පුරාවටම දැක්කානේ.

කතාවේ තවත් ප්‍රධාන චරිතයක් විදියට වොලි නම් කරන්න පුලුවන්. ඉතින් එයා මේ කොටසේදි ගොඩක් හොද විදියට එයාගේ හැකියාවන් පාවිච්චි කලා. වොලිගේ මේ වැඩත් එක්ක ගොඩක් අයට බෙරී ෆ්ලෑෂ් වුන මුල් කාලය, එහෙමත් නැත්නම් පලවෙනි සිසන් එකේ ෆ්ලෑෂ් හිටපු විදිය ගැන මතක් වෙන්න ඇති නේද? ඒ වුනාට ඉතින් වොලි නම් කිඩ් ෆ්ලෑෂ් වුන එක ගැන ගොඩක් සතුටු වෙනවා වගේම එයා ආසාවෙන් තව තවත් අභියෝග වලට මුහුණ දෙන්න උත්සහ කරනවා. කොහොම වුනත් එයාට පැවරෙන රාජකාරිය අනිවාර්යයෙන්ම එයා හොදට කරයි. හැබැයි ඉතින් එයාගේ හිත එක විදියකට තියෙන්නේ නැතිකම තමයි තියෙන එකම අවුල. මොනවා වුනත් එයා අර හතුරා හරහා ගියපු එක නම් නියමයි. මොකද එයා එතනදි දින්නා විතරක් නෙවෙයි එයා මුලු කොටස පුරාවට මහන්සි වුන ඉලක්කයට එයා ලගා වුනා. ඉතින් අනාගතයේදි අපිට බෙරීගේ හොද ඉගැන්විමක් එක්ක වොලිගේ ගොඩක් වැඩ කෑලි එහෙම බලාගන්න පුලුවන් වේවි.

ඉතින් ප්‍රධාන කතාවට වෙනස් විදියට ගියපු අනිත් කතාව විදියට අපිට කේට්ලන්ගෙයි ජුලියන්ගෙයි අතරේ ඇතිවෙන සම්බන්ධතාව ගන්න පුලුවන්. අපි හැමෝම දන්නවා මේ කතාවේදි කේට්ලන්ට ආදරය කියන මාතෘකාවේදි කිසිම වාසනාවක් නෑ කියලා. ඉතින් මේ සිසන් එක ගැන කවර කතාද? ඒත් ඉතින් මේ දේ ගොඩක් දුරට කරනවා ඇත්තේ ජුලියන්ව ෆ්ලෑෂ් ටිම් එකේ අනිත් අයත් එක්ක සම්බන්ධ කරන්න වෙන්න පුලුවන්. කලින් නම් කේට්ලන්ට සිස්කෝ හිටියාට පහුගිය සති කිපයේ සිස්කෝයි HR දෙන්නා එකතු වෙලා ගොඩක් වැඩ කලා මොකද වොලි ෆ්ලෑෂ් එක්ක එකතු වෙලා එලියේ වැඩ කරන්න ගියානේ. ඒ නිසා ජුලියන්ගෙයි කේට්ලන්ගෙයි අතරේ සම්බන්ධය තව තවත් වැඩි දියුණු වුනා මොකද එයාලා දෙන්නම තමන්ගේ බලයන් වලට බය වෙලා ඉන්න එකම ප්‍රශ්නයට මුහුණ දිලා ඉන්න නිසා.

සමස්ථයක් විදියට ගත්තම කලින් කොටසත් ෆ්ලෑෂ් කතාවේ සාමාන්‍ය කොටසක් වුනා. ඒ වුනත් ඒ කොටසේ ගොඩක් වැදගත් දේවල් අඩංගු වුනා මොකද කතාව ඉස්සරහට ගලාගෙන යන්න අවශ්‍ය පසුබිම සකසපු නිසා. ඉතින් අන්තිමේට අර ජෙසී පළවෙනි ලෝකයට ආපු එකෙන් අපිට ඊලග කොටසේ මොකක්ද වෙන්නේ කියලා පොඩි ඉගියක් ආවානේ. වෙන මොනවද ඉතින් ග්‍රොඩ් කියන ගෝරිල්ලාගෙන් වුන ප්‍රශ්නයක් තමයි. ඉතින් සතියක් කතාව නැතිව හිටපු එකේ පාඩුවක් නැතිවේවි කියලා හිතලා මේ සතියේ කොටස බලමු…. . . ^_^

මීලඟ උපසිරසියෙන් හමුවෙන තුරු ඔබට ජය… . . !

Due to copyright issues we don’t provide any torrent links.

The.Flash.2014.S03E13.HDTV.x264-LOL
The.Flash.2014.S03E13.HDTV.XviD-FUM
The.Flash.2014.S03E13.720p.HDTV.x265.ShAaNiG
The.Flash.2014.S03E13.720p.HDTV.X264-DIMENSION
The.Flash.2014.S03E13.720p.HDTV.HEVC.x265-RMTeam
The.Flash.2014.S03E13.720p.HDTV.2CH.x265.HEVC-PSA

ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “කවිඳු ගිම්හාන් (පැතුම්)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.