The Handmaid’s Tale [S03 : E01] Sinhala Subtitles | රාත්‍රිය [සිංහල උපසිරැසි සමඟ] (18+)

රතුවත ඇඳි කතුන්ගේ තෙවන සමයේ ඉරණම් කතාවත් එක්ක නැවත වරක් බයිස්කෝප් අඩවියේ වැඩ අල්ලන්න ලැබෙන්නේ අඩ වසරක නිහැඩියාවක් එක්කයි.. ඒ ගෙවුන කාලය හෑන්ඩ්මේඩ් වරියන්ගේ වගේම අපේ ජිවිතත් නොයෙක් හැල හැප්පීම් වලට ගෙන යන්නට ඇති…

සිංහල උපසිරැසිකරණයට අත්පොත් තියපු කාලයේ දැන හැදිනගත් සහෝදරයන් කිහිපදෙනෙක් සිටියා වුනත්, මේ වනවිට සහෝදරත්වයේ විශාල පවුරක් ගොඩනැගුනේ ඒ කාටත් නොදැනීමයි. ඕන දේකට බෑ නොකියන බයිස්කෝප් සහෝදර කැළ මතක් කරමින් කතා මාලාව පැත්තට හැරෙනවානම්,

මෙතෙක් විකාශනය වූ කතා සමයන් දෙක කොයි ආකාරයෙන් අවසන් වුනේ දැයි කියා නැවත් වරක් පවසන එක නිෂ්ඵල දෙයක් වේවි. මන්ද දෙවන සමය අවසානයේ මෙතෙක් සියලු කතාව සංශිප්තව ගෙනහැර පෑවා ඔබට මතක ඇති. මගහැරුන කෙනෙක් ඉන්නවානම් පහළින් ගිහින් මෙතෙක් සම්පූර්ණ කතාව පිලිබඳ අදහසක් ගන්නට පුළුවන්.

කතා මාලාවට අලුතින් එක්වන අලුත් ප්‍රේක්ෂකයෙක් නම් ඔබ, එක හුස්මට ආදරය, වෛරය, දයාව, කරුණාව, පලිගැනීම්, රාගය, ප්‍රචණ්ඩත්වය හා කුතුහලය අංශු මාත්‍රයකින්වත් නොඅඩු කතා මාලාවක් නරඹන්නට සූදානම් ඇති. මේක ඔබ බලපු නිකන්ම නිකම් කාටූන් කතා මාලාවක් නොවී හැමදාම මතකයේ රැදෙන, විටක හදවත් සලිත වී යන තවත් විටක ජීවිතය ගැන හිතන්නට යමක් ඉතිරිවන සම්භාව්‍ය ටෙලි කතා මාලාවක් වනවා නොඅනුමානයි. 2018 වසරේත් දෙවන සමය උදෙසා “ගෝල්ඩන් ග්ලෝබල්” සම්මානලාභී ටෙලි කතා මාලාවක් බලන්න සූදානම් වෙන්න කියන ගමන් අද කතාව පැත්තට හැරෙමු.

අද කොටසින්..,

“ජූන්” හෙවත් “ඔෆ්රෙඩ්”… අපේ කතා නායිකාවට මෙතෙක් ගිලීඩයෙන් පැන යාමට තිබූ සාර්ථකම අවස්ථාව මගහැර ගන්නේ, තම දැරුවන් කෙරෙහි ඇති අප්‍රතිහත ස්නේහය නිසාවෙන් කීවොත් මා නිවැරදියි. ඒ මගහැරුන අවස්ථාව කෙලෙස ආවරණය කරගන්නට හැකිවේවිද? එමිලිට භාර කෙරුණු තම සිඟිති දියණියට කුමක් වේවිද කියා දැනගන්න සුදානම් වෙමින්, වැඩිය කතා නොකර ඒ ගැන බලලම ඉමු. එහෙනම් ගිහින් එන්නම්. ඊළඟ කොටසින් හමුවනතුරු, ජය…!!! 😊👍

 

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මීට සති දෙකකට කලින් මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

 

Subtitle Contributor Rank

BRONZE MEMBER
JOINING DATE – 2018-03-30
SUBMAKER RATING BY ADMINS