The Invisible (2007) Sinhala Subtitles | මරණයට පෙර..[සිංහල උපසිරැසි සමඟ]

කලින් මේක සිංහල උපසිරැසි නැතුව පළ කරලා තියෙනවා. අලුත් ඒවා දාන්න අලුත් ෆිල්ම් හම්බුනේ නෑ. තියෙන අලුත් ඒවා ඔක්කොටම උපසිරැසි දීලා තියෙනවා. ඒක නිසා සමාවෙන්න ඕනා ඒ ගැන.

මේ මම බයිස්කෝප් වෙබ් අඩවියට දෙන තුන්වෙනි උපසිරැසි නිර්මාණය. මේක ඇත්තටම Horror, Crime, Fantasy වලට වැටෙන ෆිල්ම් එකක්. IMDb වල 6.1ට මේ rate වෙලා තියෙනවා. අධ්‍යක්‍ෂණය කරලා තියෙන්නේ David S. Goyer. මෙයා තමයි හැමෝම දන්න Call of Duty Black Ops Video game මාලාව ලියලා තියෙන්නේ. ප්‍රධාන චරිතය රඟපාන්නේ Justin Chatwin. මෙයා එච්චර ජනප්‍රිය කෙනෙක් නම් නෙවෙයි. මෙයා රඟපාපු ජනප්‍රිය ෆිල්ම් නැති නිසා තමයි එහෙම කියන්නේ.

මේ කතාව ඇත්තටම හොල්මන් කතාවක් වගේ. ඒත් හොල්මන් නෙවෙයි. නික් කියලා කොල්ලෙක් තමයි ප්‍රධාන චරිතය වෙන්නේ. මෙයා කවි ලියන්න ගොඩක් දක්‍ෂයි. ඒත් එයාගෙ අම්මා ඒ ගැන වැඩි සැලකිල්ලක් දැක්වුවේ නෑ. එයා මෙයාගෙ එක කවියකවත් කියවලා තිබුනෙත් නෑ. නික්ට අම්මා කියන විදිහට ඉඳලා ඇති වෙලා. එයාගෙ තාත්තා එයාට වයස 13ක් වෙන කොට නැතිවෙලා. එයා තාත්තට ගොඩක් ආදරෙන් ඉඳලා තියෙනවා. එයාගෙ නැතිවීම එයාට දරාගන්න අමාරුවුනා. අම්මාත් එයා කැමති දේ කරන්න දෙන්නෙ නැති නිසා. නික් ලන්ඩන් වල ලේඛකයන්ගේ වැඩසටහනකට යන්න අම්මාට ‍හොරෙන් ටිකට් ගන්නවා. ඒත් එයාට යන්න වෙන්නේ නෑ. යන්න තියෙන දවසේ රෑ ප්‍රශ්නයක් නිසා එයා මැරෙන්නම ගුටි කනවා ඇනී නැමැති කෙල්ලෙක්ගෙන්. නික්ගෙ යාළුවෙක් නිසා තමයි මෙහෙම වෙන්නේ. නික් ආයෙත් නැගිටිනවා. එයා පාසලට යනවා. ඒත් කාටවත් එයාව ඇහෙන්නේ නෑ. එයාට දැනෙනවා එයා මැරිලා නැති බව. ඉතින් නික් එයාගෙ ජීවිතේ නැවත ලබා ගන්න කරන සෙල්ලම මේ ෆිල්ම් එකෙන් ලස්සනට පෙන්නනවා. නික් ගොඩක් වෙලාවට ඇනී ලඟ හිටියා, එයාට තියෙන ප්‍රශ්න ගැන නික්ට තේරෙනවා. නික්ට නැවත පණ එන හැටි, ඇනීට මොකද වෙන්නෙ කියලා මේ ෆිල්ම් එක බලලම දැන ගන්න.

මීට පෙර පළකල ලිපිය.

මනුස්සයෙක් මැරුණම මොකද වෙන්නේ? අහම්බෙන් බලන්න ලැබුනු, සෑහෙන්න රසවිඳපු චිත්‍රපටියක් අද හඳුන්වලා දෙන්න හිතුනා. සාර්ථක ස්විට්සර්ලන්ත චිත්‍රපටියක ප්‍රති-නිර්මාණයක් වන මෙය, මඟ නොහැරිය යුතු කතාවක්.

දක්ෂ සිසුවෙකු වන Nick, මවටත් නොකියා රචකයෙක් වීමේ සිහිනය හැබෑ කරගන්න ලන්ඩන් බලා යන්න සූදානම් වෙනවා. පියාගේ වියෝවෙන් පසුව, Nick සහ මව අතරේ ප්‍රශ්නත් ඇතිවෙමින් තිබුනා. ඔය අතරේ Nickගේ හොඳම මිත්‍රයා, පාසැලේදී හිරිහැර වලට ලක් වෙමින් ඉන්නවා. කතාව ඔහොම දිග හැරෙද්දී, අත්වැරදිමකින්, මිත්‍රයා යැයි සිතා Nick දරුණු පහරදීමකට ලක් වෙනවා. පසුදා උදෑසන, ඔහු අදෘශ්‍යමාන බව Nick වටහා ගන්නවා.

Nickට මොකද වුනේ? වැඩි විස්තර කිවුවොත් කතාවෙ අගය නැති වෙනවා. කතාවේ ඉතිරි ටික නම් කුතුහලයෙන් පිරිලා. එක හුස්මට බලන්න පුළුවන්. නව නළු, නිළි පිරිසකින් සමන්විත වුන මේ චිත්‍රපටිය තුල ත්‍රාසය එමටයි. කතාවේ අවසානයනම් කාටවත් හිතාගන්න බැහැ. සුපිරි නිර්මාණයක්.

Due to copyright issues, we do not provide any torrent links.

මෙම ලබා දී ඇති උපසිරසි DVD පිටපත් සඳහා ආදාළ වේ.

මේ ලබා දී ඇති සිංහල උපසිරැසි පිළිබද “දේශාන් කළුපහන” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2013-01-26