අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

The Kid (1921) | සිනහව කඳුළ ‍රැඳි ජීවිතය… [සිංහල උපසිරසි සමඟ]

Rating: 9.7/10. From 3 votes.
Please wait...

The Kid (1921)

මිතුරනේ ඔන්න අද මේ විශේෂ දවසෙ මට අපේ විකියගෙන් බේරෙන්ඩ බැරුව ගියා එක විශේෂ හේතුවක් නිසා. මුල අමතක නොකරන එක අපේ පුරුද්දක් නිසා, සිනමාවේ මූලාරම්භය ගැනත් අමතක කරන්ඩම බෑ කියන එක කවුරුත් පිළිගනීවි. සිනමාව ඇරඹුණේ මුලින්ම වාර්තා චිත්‍රපට විදිහට නිමැවුණු කෙටි වාර්තාවන් සමගිනුයි. ලුමීයර් සොහොයුරන් විසින් අරඹපු ඒ වැඩේ ජෝජ් මේලියේ ලා එඩ්වින් S. පෝටර් ලා D.W. ග්‍රි‍ෆිත් ලා සෙර්ජි අයිසන්ස්ටයින් ලා විසින් තව දියුණු කරලා ඉදිරියට අරගෙන ආවෙ සිනමාවට නව නව ක්‍රමවේද එකතු කරමින්. ඒ අතරේ විවිධ සංස්කරන ක්‍රමවේද/ විවිධ දර්ශන උපක්‍රම/ විවිධ දෘශ්‍ය ප්‍රයෝග ඇතුලත්. මේවා තමයි සින්මාවේ ප්‍රාථමික පර්යේෂණයන් වුණේ. සිනමාව ළපටි අවධියේ ඔවුන් තමයි දුර ගමනක් යන්නට අවැසි පදනම සකස් කළේ.

ඒ අයුරින් සින්මාව සංවර්ධනය වෙමින් එනකොට තමයි වෘත්තාන්ත චිත්‍රපට කලාව බිහිවුණේ. මේ කාලේ ශබ්දය සිනමාවට බොහෝ සෙයින් දුරින් තිබුණු දෙයක් නිසා සියලූම සිනමාපට නිමැවුණේ ශබ්දයෙන් තොරව. ලොව ප්‍රථම කථා-නාද සිනමාපටය වූ The Jazz Singer 1927 වසරේදී Warner Bros. නිෂ්පාදනයක් ලෙසින් එළි දකින තුරා ලොව රජකළේ නිහඬ සිනමාව. ඔබ හිතන හැටියට ලොව ප්‍රථම සිනමා තරුව කවුරුන් වෙන්නට ඇද්ද? දන්නෙ නෑ! ලැජ්ජයි නේද? ඒ තමා අපි කොයිකවුරුත් නම කිවූ සැණින් හඳුනන සිනමා හාස්‍යයේ රජතුමා – චාලි චැප්ලින්. නිහඬ යුගයේ සිනමාවෙන් නැගී ආ ප්‍රථම තරුව වෙලා, ලෝකයේ ප්‍රථම සුපිරි සිනමා තරුව ලෙසින් කිරුළු පැළැන්දේ මෙතුමා තමා…

ඉතින් විකියගෙ බර බරේ වුණේ මුල අමතක නොකරන බවට කීවට විතරක් මදි, අපි ඒක ක්‍රියාවෙන්ම පෙන්නමු කියලයි. ඉතින් මේ සැණින් මේක මම සිංහල කළා. නිහඬ චිත්‍රපටිවල මොන දෙබස් ද සිංහලට ගන්වන්ඩ. නෑ, දෙබස් නොවෙයි. මේ නිහඬ සිනමා යුගයේදී ප්‍රේක්ෂක පහසුව තකා, රසවින්දනයට උදව්වක් වන්නට Intertitles නැතිනම් අතුරුසි‍රැසි යොදා ගැනුණා. ඒවායෙන් ඒ අදාල අවස්ථාවේ නෑසෙන දෙබස හෝ අවධාරණය කළ යුතු කරුණු ප්‍රේක්ෂකයා හට දැකගන්නට ඉඩ සැලසුවා. මම සිංහල කළේ අන්න ඒ ටික. පේළි 60යි තිබ්බෙ ඉතිං. අද වගේ දවසක ඒ ටික වුණත් සිංහල නොකර දෙන්ඩ නිකම් මොකද්ද වගේ හින්දා හැදුවා මිස. ගොඩට එකක් දාගන්ඩ කළා එහෙම නෙමි.

එහෙමනම් බලමු මේ චිත්‍රපටිය දිහා. මේක තමයි 1921 වර්ෂයේ නිකුත් වූ The Kid නමැති චිත්‍රපටිය. මෙහි දිගහැරෙන්නේ දිළිඳු බව නිසා මවක් තම දරුවා හැර දමා යාමෙන් පසු, ඉබාගාතේ යන පාදඩයෙකු සෙවණේ ඇති දැඩි වෙමින් ජීවිතේ ගෙවන අයුරු ගැන වන කතාවක්. චාලි චැප්ලින් විකට සිමාවේ රජු වුණාට ඔහු කළ නිර්මාණ සියල්ලක්ම යම් ගැඹුරු අරුතක් මතු කර දැක්වූ ඒවා. එකවර ඇසට නොගැසෙන සමාජයේ මතුපිට සමට යටින් තිබෙන නහරවැල් අතුණුබහන් ඇටමිදුලු දක්වා ඔහුගේ දයාබරිත බැල්ම යොමු කරන්නට ඔහු උපයෝගීකරගත්තේ සිනමාව. ඔහුගේ තිබෙන විශේෂත්වය තමා ඔහු Allrounder කෙනෙක් වීම. මේ චිත්‍රපටය ඇතුළුව IMDb Top 250 තුළ ලැයිස්තුගතව පවතින සිනමාපට 6කින් 5කම අධ්‍යක්ෂණය/ තිරරචනය/ ප්‍රධාන රංගනය/ නිෂ්පාදනය/ සංගීත නිර්මාණය/ සංස්කරණය යන සියල්ල ඔහුගේම දෑතින් සපිරුණු ඒවා. මෙහිත් ඒ වැඩ සේරම කරලා තියෙන්නේ ඔහු විසින්මයි.

මම මේකේ කථාව කියන්ඩ ගියේ නෑ. මොකද කිව්වොත් බලන්ඩ දෙයක් නෑ. නිහඬ චිත්‍රපටියක් නිසා භෂාවක් කතාකරන්ඩ බැරි අයෙකුට වුවත් වටහා ගත හැකියි. එහෙමනම් මෙය නරඹමින් බලන්න චැප්ලින් සමාජ දේහයේ ගැඹුරු අහුමුළු සියුම්ව ස්ප්ර්ශ අරන ආකාරය කඳුලත් සිනහවත් සමබර ලෙස හසුරුවමින්. එහෙමනම් ඔන්න අපි මුල අමතක නොකරන බව යළි වරක් සනාථ කළා. කලිනුත් කිව්වනේ… ලොව මුල්ම සිනමා යුගය/ මුල්ම සිනමා තරුව කියන ඒ මූලය මෙහි දැකගත හැකියි. එහෙමනම් නිහඬ එකක් කියලා අහක නොදා මේක රසවිඳින මෙන් ඉල්ලා සිටිනවා. මොකද අද ඩක්වාත් ප්‍රවීණ සහ විචාරක මතයන්ට අනුකූලව කියවෙන්නේ ලොව විශිෂ්ටතම සිනමා යුගය නිහඬ යුගය කියායි.

එහෙමනම් 1000න් 1000 ඉදිරියට යන්නට අපේ බයිස්කෝප් විබපළටත් ඒ හා බැඳුණු සගයින්ටත් සුබපැතුම් එක්කරන ගමන් මෙය රසවිඳින්නට ඔබට ආරාධනා කර සිටිනවා…

The Kid (1921) on IMDb

 

 

0697bc07ebc5914085c2a3bce646509086bf6265
cebcdaca4c2c06ab5f4aabd10ce9ab4b6b52ae82
ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

 

මේ ලබා දී ඇති සිංහල උපසිරැසි පිළිබද  “උදා”  සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය… 

***

50 thoughts on “The Kid (1921) | සිනහව කඳුළ ‍රැඳි ජීවිතය… [සිංහල උපසිරසි සමඟ]

  • Thank U Uda brother & baiscope team for the sub, All the best to baiscope team…….

    Reply
  • එළ එළ.. :coOL:
    සිංහල උපසිරැසි වලට බොහොමත්ම ස්තූතියි මිත්‍රයා.. 🙂
    දිගටම ෆිල්ම්ස් වලට උපසිරැසි දාන්න.. 😀
    ජයවේවා හැමෝටම.! [thumbsup]

    Reply
  • සෑහෙන් කාලෙකට පස්සේ ඔන්න ආයෙත් ආවා.වැඩ රාජකාරී බහුල උන නිසා කමෙනට් දාන්න බැරි උනා.සමාවෙන්න.ස්තූතියි සිංහල සබ් වලට.

    Reply
  • චැප්ලින්ගේ කතා ඔක්කොම සිංහල සමග දෙන්නකෝ උදා සහෝ, අපි උපසිරසි ගන්වනවට වඩා ඔබ වැනි කෙනෙක් මේ ටික දෙන එක තමයි ගොඩක් වටින්නේ,ඒ මොකද මම පුද්ගලිකවම ඔබගේ උපසිරසිවලට කැමති නිසා. අනික මේවගේ උපසිරසි ලයින් වැඩිය නැහැනේ, එහෙනම් කරමු නේද සහෝ,ජයමවේවා.

    Reply
  • chapmange film ekak hoya hoaya idiye.thanks

    Reply
  • Machan.puluwan nam great dictator danawada?suba pathum.

    Reply
  • සැමරුම වෙනුවෙන් හරි උදාගේ අත වැඩ කරපු එක වටිනවා.
    බොහොම ස්තූතියි උදා……

    Reply
  • Thanks උදා

    Reply
  • අප සියළුදෙනා වෙනුවෙන් කරන සේවය මම ඉතා ගෞරවයෙන් අගය කරනවා……….. බුදු සරණයි……………

    Reply
  • patta.. man kalin balapu movie ekak thama.. anith chaplin mvs walatath sub dhanda!!!!!!

    Reply
  • ඇත්තෙන්ම සහෝලා,

    මම හිතුවෙ නෑ නිහඩ ඒවට කිසිකෙනෙක් කැමති වෙයි කියලාවත්. හැබැයි මටනම් තවමත් සුපිරිම ෆිල්ම් තමයි මේවා. තව මේ වගේ අනගි නිර්මාණ තියෙනවා, එකම එක සද්දයක්වත් නැතිවුණත් හිනා කාලා පණ යන ඒවා. ඒ විතරක්යෑ. ලෝකෙ මුලින්ම ජනප්‍රිය වුණු හොරර්/ විදුපබැදි/ ඉන්ද්‍රජාලී චිත්‍රපටත් නිමැවුණේ නිහඩ යුගයේ.

    ජෝජ් මේලියේ ගැන මෑතක ආ චිත්‍රපටයක තිබුණා මම හිතන්නේ මතක ඇති. ජෝජ් මේලියේ තමා දෘශ්‍ය ප්‍රයෝග මුල්වරට භාවිතා කළේ. 1920-30 තරම් ඈතක! ඒ කිව්ව චිත්‍රපටයත් අපේ සයිට් එකෙන් සබ් දුන්නා Hugo (2011) තමයි ඒ චිත්‍රපටිය. එහි පෙන්වන්නේ මේලියේගේ චිත්‍රාගාරය ආශ්‍රිතව ගොඩනැගෙන කතාවක් තමයි. ඒක බැලුවානම් මේලියේ ගැන යම් අදහසක් ඇති. ඔහු තමා ලොව ප්‍රථම විද්‍යා ප්‍රබන්ධ සිනමාව හදන්නේ. ඉතින් ඔබ කැමතිනම් ඒ පැරණි සිනමාව ගැනත් දිගටම ගෙන එන්නට කටයුතු කළ හැකියි. ඒත් හැබැයි ඔබට ඕනෙද කියන එක කිව්වොත් තමයි.

    බොහොම තුති අද්දස් දැක්වූ සැමට! ජය!

    Reply
    • ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!
      ඕනෙ….!

      Reply
  • කියන්න වචන නෑ මචන් 1000 සැමරුම වෙනුවෙන් අපට දුන්න old classic ටිකට ගොඩාක් පිං ! මං සිනමාව ගැන හදාරනවා මේවා බලන්න අසාවෙන් හිටියා හොයාගන්න බැරිව හිටියේ. තව පුංචි ඉල්ලීමක් මන් DVD Player එකේ තමයි බලන්නේ. කොහොමද SUB file පාවිච්චි කරන්නේ කියල කාට හරි කියන්න පුලුවන්ද? ගොඩක් ස්තුතියි ! ජය!

    Reply
  • මෙන්න බොලේ වැඩක්. මේ දවස් වල උදාගෙන් උපසිරැසියක් ගත්තා කියන්නේ අදහන්න වටින වැඩක්. බොහොම ස්තූතියි උදා බයිස්කෝප් උපසිරැසි 1000 වෙනුවෙන් මේ දීපු සිංහල උපසිරැසියට. අනිවා මෙන්න බානවා. 😛 😛

    Reply
  • කාටත් ඉක්මනට අමතක වෙන තැන තමයි මුල කියන්නෙ.මුල අමතක උනාම ගහ කඩන් වැටෙනවා නොදැනිම.නිඩ චිත්‍ර පට යුගය නිසා තමයි අපට දැනට ලැබිලා තියෙන චිත්‍ර පට කලාව ලැබිලා තියෙන්නෙ.බය නැතුව මේකට අත ගහපු එකට ස්තූතියි මචං.තව තවත් බොහෝ දේ කරන්න ලැබේවා….සිනමාව කියවා අවසන් කල නොහැකි විෂයකි……………

    Reply
  • අන්තිමට ඉඳලා ඉඳල උදා සහොත් මේ ගෙනත් තියෙන්නේ පට්ට ෆිල්ම් එකක් ඉතින් මේකත් නොබලා කොහොමද ඔන්න සහශ්‍රයට දුන්න හැම ෆිල්ම් එකක්ම බාගත කර ගත්තා අපිට තව හොඳ සබ් ඕනේ ඉස්සරහටත්

    Reply
  • මේ වගේ වටිනා කියන ලස්සන ෆිල්ම් එකක් බලන්න පුළුවන් බයිස්කෝප් සිංහලෙන් සයිට් එකෙන්, උදාගෙ අතින්ම තමයි.මාරම එකක් තමයි උදා 1000 සැමරුමට දුන්නෙ.මේව බැලුවෙ නැත්තං වෙන ෆිල්ම් බලල වැඩකුත් නෑ.
    ජයවේවා.බොහෝ………………………………….ම ස්තූතියි…!

    Reply
  • වැඩේ කියන්නේ බන් උදා මම මේතාක් කාලෙකට චාර්ලි චැප්ලින්ගේ ෆිල්ම් එකක් බලලා නැහැ. ලජ්ජාවට කරුණක්. මේකෙන්ම පටන් ගන්නම් එහෙනම්.බැහැ බැහැ කියලා උඹත් එහෙනම් එකතු උනා වැඩේට. නියමයි නව ආරම්භය දිගටම කරගෙන යමු කියලා කියන ගමන් උපසිරසට ගොඩක් ස්තුති වන්ත වෙනවා!

    Reply
  • පට්ටනෙ සහෝ
    මේ සුවිශේෂි දිනයෙ අප වෙනුවෙන් උපසිරැසියක් ලබාදුන් ඔබට
    මාගෙ ප්‍රණාමය…
    ඔබට සදා ජය…

    Reply
  • නියමයි බන්.ela

    Reply
  • අන්තිමට උදා සහෝත් 1000ට පට්ට ෆිල්ම් එකක් ගෙනල්ලා තියෙන්නේ.. මේ ලඟදී මම චාලි චැප්ලින්ගෙ පරණ ෆිල්ම් එකක් බැලුවා.. පට්ට කොමඩි තියෙන්නේ.. ඒ දවස් වල තාක්ෂණයත් එක්ක මේ නිර්මාණ කරපු හැටි හිතාගන්නවත් බෑ. ඒ වගේම මේ වෙලාවේ තව දෙයක් කියන්න ඕන.. මේ බයිස්කෝප් අඩවියේ හොඳම කමෙන්ට් දාන කෙනා තේරුවොත් අනිවා අපේ උදා සහෝ අංක 1ට තේරෙනවා. ඒ වගේම තමයි මම හරිම කැමතියි අපේ උදා සහෝ උපසිරැසි දාන චිත්‍රපටි බලන්න. ඒ මොකද කියනවනම් ඒ චිත්‍රපටි ඔහේ අහුවෙන අහුවෙන පලියට දාන ඒවා නෙවෙයි. හොඳට තෝරලා බේරලා ගන්න ඒවා. මමත් ඔන්න මේක බාන්න ඕන ගොඩට දැම්මා. ස්තූතියි උදා සහෝ. ජයවේවා බයිස්කෝප්! 😉

    Reply
  • ඒළ ඒළ උදා..

    මුවි ඒක තිෙයන නිසා
    සබ ගත්තා සෙහා්

    ජය ෙව්වා

    Reply
  • අනික් උපසිරැස දුන්න උදවිය තරහා ගන්න එපා හොදේ….
    මේක තමා අද දුන්න් හොදම උපසිරැස….
    මොකද උදාගෙන් සබ් එක්ක ගන්නව කියන්නෙ ගලෙන් පට්ටයක් ගන්නවා වගේ වැඩක් නොව, එහෙව් එක කරපු විකියට උපසිරැස තව 1000ක් එකතු කර ගන්න එක කේජු කනවා වගේ වැඩක්… 😛 ඔන්න උදාතුමා මේ වැඩේ ආයේ navathvanna නවත්වන්නැපා ඉක්මනටම අර්ධ ශතකය වෙත යන්න සුභ පතනවා…! 😀 සබ් එකට බොහොම තුතී…!

    Reply
  • Thank you 🙂 🙂 🙂

    Reply
  • bohoma stuti saho… .
    wedi wediyen sub danna diriya lebewa.

    Reply
  • ජය වේවා…!!!!!

    බයිස්කෝප් සයිට් එක සදා අමරණීයයි!!!!!

    Reply
  • පට්ට පට්ට උදා මේවා තමා බන් ෆිල්ම්ස් කියන්නේ.. බලහන් සද්ද බද්ද නැතුව වෙන ට්‍රික්ස් කිසිම දෙයක් නැතිව රගපෑමෙන් විතරක් ලෝකේ හොල්ලපු ඒවා.

    මේක සුපිරි දුන්න එක

    Reply
  • ඕන්න්..බලන් හිටපු හාදයත් එකක් අරන් ඇවිල්ලා…මම මේ බැලුවේ නිහඬ බයිස්කෝප් එකක් නිසා නිහඩ කොමන්ටුවකුත් දැම්මා නම් හොදා කියලා,,,ඒත් කොහොමද බොලව් එහෙම කරන්නේ…ලයින් 60 ට තියා කීය තිබ්බත් මේකා නම් ගේන්නේ පට්ටම එව්වා…මේක නම් මම බළලා තියේ..සබ් එක විතරක් ගත්තම ප්‍රමාණවත්..ඉතින් උදා සහෝ ආයෙත් රාස්ස සාදේ වගේ එකක් ගේනකම් අපි බලන් ඉන්නේ….අමුතුම සබ් එක්ක බලන්න..එහෙනම් ජයම වේවා!!!!

    Reply
  • ada dawsa nam supirima dawasak…. 😀

    Reply
  • අනගි වැඩක් චාලිගේ අනික ඒවාත් දෙන්න,,,, හොදේ

    Reply
  • ane amme denawath kiyala mehemath deemath niyamai baiscope pissu hadila thiyenne dena vegeta thanks uda sahodaraya digatama sub denna shakthiya labeeva 😀

    Reply
  • නියමයි බන් උදා,
    මෙක බලන්නම ඕන
    මාතහල තියන්ව බ්න් මේ පුංචි රස්තියාදුකාරය එයාගෙ සුළු පියාගෙන් බයිසිකල් පැඩලයෙන් පහර කාපු හැටි, වීදියේ කඩ වලින් හොරකම් කරල බඩගින්න නිවාගත්තු හැටි ගැන, ලොවක් හිනස්සු නිහඩ මිනිසෙකුගේ ඒ මුහුන පි‍ටුපස හැංගිලා තියන කදුල, ගොඩක්දෙනෙක් තාම දන්නෙ නැතුව ඇති, හිනාවක වටිනාකම අදුනන්නෙ ඒ හිනාව අහිමි වෙච්ච ඈයො තමයි,
    ගොඩක් ස්තුතියි උදෝ මේ අරන් ආපු නිර්මාණයට, අපි දන්නව බන් උබට ගොඩ වැඩිකරගන්න දෙයක් නැතිබව 😀
    උබට ජය!

    Reply
  • patta pathuru macho supirma naluwek

    Reply
  • අනිත් ඒවා ටිකත් දියණ උදා..

    වටිනා වැඩක්!

    Reply
  • maxxa meyka dunna aka agaya karanawa. 😀

    Reply
  • සුපිරි සුපිරි චාලි කියන්නේ ලෝකේ හොල්ලපු නළුවෙක් නේ,

    Reply
  • පට්ටම ෆිල්ම්ස් මේවා මචං දිගටම දෙන්න,… ජය!

    Reply

Leave a Reply to amilatk Cancel reply

Your email address will not be published. Required fields are marked *