The Kings of Summer (2013) | වනාන්තරයේ තුන් යහළුවන්… [සිංහල උපසිරැසි සමඟ]

බයිස්කෝප් අඩවියේ ඉන්න ඔයාල ඔක්කොටම ආයුබෝවන්. මේ තමා මගේ කුලුදුල් සබ් එක. හැමදාම බයිස්කෝප් එකෙන් සබ් බාන නිසා මටත් හිතුන දවසක සබ් හදන වැඩේට එකතු වෙන්න. ඔන්න ඉතින් මමත් ඕගොල්ලන්ට හා හා පුරා කියල ගෙනාව පට්ටම ෆිල්ම් එකක්.

මේකේ නම THE KINGS OF SUMMER. මේ අවුරුද්දේ අගෝස්තු මාසේ අන්තිමට එළිදක්වපු කතාවක් තමයි මේ. මේ කතාව ගෙතිලා තියෙන්නේ යාළුවො තුන්දෙනෙක් වටා. කතාවේ ප්රතධානියා තමයි ජෝ ටෝයි. මෙයාගේ තාත්ත, එහෙමත් නැත්තන් ෆ්රෑනන්ක් නිතරම උත්සාහ කරන්නේ ජෝව පාලනය කරන්න. ඉතින් මේ ගැන කලකිරුණු, තවමත් නව යොවුන් වියේ ඉන්න ජෝ තමන්ගේ යාළුවා පැට්රිඋක් එක්ක වනාන්තරයක ජීවත් වෙන්න යනවා. එත් එක්කම මේගොල්ලන්ට එකතුවෙනවා හදිසියේම එකතුවෙච්ච අලුත් යාලුවෙක්, බියාජිඕ. බියාජිඕ ව හමුවෙන හැටි කතාවෙන්ම බලාගන්නකෝ. කොහොම කොහොම හරි වනාන්තරේට යන මේ කොල්ලෝ 3න් දෙනා වනාන්තරේ ඇතුලේ ගෙයක් හදාගෙන තමන්ට ඕනේ විදියට ජීවත් වෙන්න පටන් ගන්නවා. මේගොල්ලන්ට එන අභියෝග, ප්ර්ශ්න සියල්ලක්ම ඔයාලට කතාවේදී බලාගන්න පුළුවන්. කතාව ගැන ඇති. ඉතුරු ටික ඔයාලම බලන්නකෝ.

මේක හරිම විනෝද ජනක කතාවක්.. කතාව පුරා අඩන තැන්, හිනා වෙන තැන් පිරිලා. ඕගොල්ලන්ට පුරා මිනිත්තු 95ක් පුරා ආසාවෙන් බලන්න පුළුවන් කතාවක් මේක. කතාවේ ඇතුලේ ආදරෙත් ගෑවිලා තියෙනවා. ඒක ඉතින් කොහෙත් තියෙනවනේ? මේක නිකන් අපි ඔක්කොම ආස “මඩොල් දුව” කතාව වගේ නමුත් එකේ වගේ ගොඩබිමක් නම් නැහැ.මේ සබ් එක කරන්න මට ලොකු සහයෝගයක් දැක්වුවා අපේ සමීර කරුණාරත්න සහෝ. එයා නැත්තන් මේ ෆිල්ම් එකයි සබ් එකයි නැහැ. කොටින්ම කිව්වොත් මම සබ් දාන එක ගැන ඇහුවම; මෙහෙම ෆිල්ම් එකක් තියෙනවා ඒකට සබ් එකක් කරනවද කියල ඇහුවෙත්, මාව මේ ගැන උනන්දු කරෙත් අපේ සමීර සහෝ තමයි. මම කරන පලවෙනි එක නිසා සබ් එකේ අඩුපාඩු නං ඇති. ඒකට ඕගොල්ල මට සමාව දෙයි කියල හිතනවා. තවත් සබ් එකක් ගේන බලාපොරොත්තුවෙන් සමුගන්නන්.ඔයාලට ෆිල්ම් වලින්, සබ් වලින් අඩුවක් නැති අනාගතයක් ලැබේවායි කියල ප්‍රාර්ථනා කරනවා.

මේ ලබා දී ඇති සිංහල උපසිරැසි පිළිබද “සිතිර චිරත් හපුආරච්චි” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.