The Last Ship [S02 : E01] | දිය-ගොඩ සටන්.. [සිංහල උපසිරසි සමඟ]

ඔන්න එහෙනං මමත් ඇතුලුව බොහෝමයක් බයිස්කෝප් රසික රසිකාවියන් පුන පුනා බලා සිටිය තවත් කතා මාලාවක දෙවැනි සමයට උපසිරැසි දෙන්න පටන් ගන්නයි මේ සූදානම් වෙන්නේ. ඇත්තටම කිව්වොත් කතාව නිකුත් වෙලා ටික දවසක් ගියත් අඩවියෙන් උපසිරැසි නිකුත් නොවුනු නිසා ඉවසලා බැරිම තැන, ඊ-මේල් එකක් දැම්මා කවුරුවත් මේකේ උපසිරැසි දෙන්නේ නැද්ද කියලා අහලා බලන්න. කොහොමහරි අපේ රොයිලි මහත්තයා ආපිට ඇහුවේ මට වැඩේ කරන්න පුළුවන්ද කියලා 🙂 . දැනට දෙන කතා මාලා දෙකේ උපසිරැසි දීම අහවරක් කරලා සද්ධ නැතුව අවුරුද්දක දෙකක විතර කාලයක් උපසිරැසි කෙරුවාවෙන් විරාමයක් ගන්න කියලා තමයි හිතාගෙන උන්නේ. ඒත් ඉතිං මේ වගේ පට්ට පතුරු කතාවක් උපසිරැසි නැතුව දුක් විඳින එක වාවන්න බැරි කමටද කොහේදෝ මටත් හොරා මගේ ඇඟිලි “අපෝ දෙන්නම්” කියලා රිප්ලයි එකක් යැව්වා. කොහොමත් සති දෙකක් විතර යනකං මැසෙන්ජර්ස් කතාවත් නැති නිසා නිදහසේ මේකට උපසිරැසි දෙන්න පුළුවන්.

කතාව ගැන මතක් කරන්න කියලා දෙයක් නෑ, කාටවත්ම අමතක නැතුව ඇති පලමු සමය අවසාන වුනේ කොහොමද කියලා. වෛරස් එකට බෙහෙත හැදුවා. කතාව අවසානයේ ඔලිම්පියා වල අය නැව අත්පත් කරගත්තා. කැප්ටන්ගේ පවුලේ අයව බේරගන්න ගියත් කැප්ටන්ට තමුන්ගේ බිරිඳව බේරගන්න බැරිවුනා. නමුත් තමුන්ගේ දරු දෙන්නා වගේම පියාව බේරගන්න හැකියාව ලැබුණා. මේ අතරේ නැවේ අයිතිය ග්‍රැන්ඩර්සන්‘ගේ භට කණ්ඩායම් විසින් අත්පත් කරගත්තා. ඒ වගේම නැව අත්පත් කරගන්නා අතරේ ඩොක්ටර් ක්වින්සිට වෙඩි වැදුනා කියලත් මතක ඇති. මේ අතරේ ග්‍රැන්ඩර්සන් විසින් ඩොක්ටර් රේචල් ස්කොට්ව ඔලිම්පියා වල හිර කරගෙන තමයි ඉන්නේ. නමුත් ඇය ග්‍රැන්ඩර්සන් වෙනුවෙන් ප්‍රතිකාරය හදන්න ප්‍රතික්ශේප කරනවා. ඒ වගේම ඇයට ප්‍රතිකාරය හදන්න ඕනේ වුනත්, පරීක්ශණ වලින් ලබාගත්තු මූල නියැදිය නැතිව ඩොක්ටර් ස්කොට්‘ට ප්‍රතිකාරය හදන්නත් බෑ. මේක නිසා අද කතාවේදී මූල නියැදිය හොයන්න කියලා නැව ඇතුලේ ලොකු කලබලයක් සිද්ධ වෙනවා.

අපි බලමු නේද කතාවේ ඉතුරු කොටස කොහොමද ගලාගෙන යන්නේ කියලා. මීලඟ කොටසින් හමුවෙන බලාපොරොත්තුවෙන්, මම අදට සමුගන්නවා.

ආයු -බෝ -වේවා !!!

329 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                      All Episodes                        Next Episode >>