The Legend is Born IP man (2010) | නැවතත් අතීතයට… [සිංහල උපසිරැසි සමඟ]

මේක මගේ පළවෙනි උපසිරැසි නිර්මාණය. කාලෙක ඉඳන් මගේ හිතේ අදහසක් තිබුනා මමත් ෆිල්ම් එකකට සබ් දෙන්න ඕන කියල. හැමදාමත් බයිස්කෝප් සයිට් එකෙන් උපසිරැසි බාගත්තා විතරයි නේ. ඒත් සබ් දෙන්න තරම් හොඳ ෆිල්ම් එකක් ලැබුනේ නෑ, මොකද ඉතින් අලුත ආව හොඳ ෆිල්ම් ඔක්කොටම වගේ බයිස්කෝප් සෙට් එක සබ් දීල ඉවරනේ.. කොහොම හරි අයිඩියා එක හිතේ තියාගෙන ඉන්නකොටයි අහම්බෙන් වැඩේ සෙට් වුනේ උසස් පෙළත් ඉවර කරලා ගෙදර ඉන්න ගමන් ලඟදි තමයි මම Ip Man ෆිල්ම් තුන බැලුවේ. පළවෙනි එක බැලුවට පස්සේ මාර ෆිට්. ඉතින් ඒ ගැම්මටම ඉතුරු දෙකත් බැලුවා. තුන් වෙනි එක බලන්න ගන්නකොට තමයි දැක්කේ ඒකට සබ් දීල නෑ කියල. ඉතින් මට හිතුන මේකට සබ් දෙන්න ඕන කියල. ඔන්න ඔහොමයි වැඩේට එන්ටර් වුනේ. ඒත් කරගෙන යනකොට තමයි තේරුනේ වැඩේ තියන බරපතල කම. දවස් දෙකක් වැඩ කරලයි ඉවර කලේ. දැන් තමයි තේරෙන්නේ ෆිල්ම් එකක් බලන තරම් වැඩේ ලේසි නෑ කියලා.කොහොම වුනත් ලොකු අත්දැකීමකුත් ලබාගන්න පුළුවන් වුනා.පළවෙනි සබ් එක නිසා වැරදි අඩු පාඩු ඇති යාලුවනේ. ඒ ගැන මාව දැනුවත් කරන්න. මීළඟ නිර්මාණයේදී මට ඒවා හදාගන්න පුළුවන් වෙයි.

ෆිල්ම් එක ගැන විස්තරයක් විකියා සහෝ කලින් පළ කරලා තිබුන නේ. මමත් තව ටිකක් කියන්නම්. මුල් ෆිල්ම් දෙක බලපු හැමෝම දන්නවා Ip Man කියන්නේ කවුද කියලා. එයා තමයි ලෝකප්‍රකට බෲස් ලී ගෙ ගුරුතුමා. එහෙම කිව්වම ඉතින් මුල් කතා දෙක නොබලපු අයට වුනත් ෆිල්ම් එක ගැන ආයේ අහන්න දෙයක් නෑනේ. බෲස් ලී ගෙ හැටියට ගුරා කොහොම ඇතිද. මේකේ තියෙන්නේ Ip Man ගේ ජීවිත කතාව. ඔහු මුලින්ම Wing Chun සටන් පාසලට යන තැන ඉඳන් ඔහුගේ ජීවිතේ ගෙවුන හැටි,එයා සටන් පුහුණු වුන හැටි,ඔහුගේ සටන් කලාවට අලුත් දේවල් එකතු කරලා අලුත් නිර්මාණ කල හැටි, ඒ නිසාම ඔහු කරදර වලට මුහුණදුන්න විදිහ, එයාගේ බිරිඳව එයාට ලැබුන හැටි, මේ චිත්‍රපටියේ ලස්සනට පෙන්නලා තියනවා. ටිකක් විතර ආදර කතාවක් පැත්තටත් බරයි. Ip Man ට තියන ආදරේ වෙනුවෙන් ඔහුගේ පෙම්වතිය කැපකිරීම් ගොඩක් කරන හැටි ගැනත් මේකෙදි දකින්න පුළුවන්.(අද කාලේ දකින්න නොලැබෙන කැපකිරීම් :D)

මම නම් කියන්නේ මුල් චිතපටි දෙක නොබලපු අය ඒ දෙකත් බලලම මේක බැලුව නම් කතාව තෙරුම් ගන්න ලේසියි. එත් මේක විතරක් බැලුව කියලත් කතාවේ රසයට බාදාවක් නෑ.අනිවා හැමෝම බලන්න. දවස ගානේ අපිට ෆිල්ම් වල ටීවී සීරීස් වල සබ් දීලා කරන කැපකිරීමට බයිස්කෝප් සෙට් ඒකට මම ස්තුතිවන්ත වෙනවා.

මීට පෙර පළකල ලිපිය.

ඔන්න අද දෙන්නත් යන්නේ මැක්ෂා බයිස්කෝප් එකක්..කට්ටියම මේකෙ නම කිවුවා ගමන්ම දන්නවනේ..ඔන්න ගෙනාවා 3 වෙනි කථාවත්…මේ බයිස්කෝප් එකේ ප්‍රධාන චරිත ලෙස රඟපාන්නේ Dennis To, Yu-Hang To,සහ Siu-Wong Fan විසින්..කට්ටියම දැන් රේටින් ගැන උනන්දු නිසා රේටින් ගැනත් කිවුවොත් 6.9 ක් ලබා ගෙන තියෙනවා..කියන්න ඕන කට්ටියටම මේ බයිස්කෝප් එක බලන්න කලින් පළමුවෙනි කොටසයි දෙවන කොටසයි බලලා ඉන්න..නැත්තම් මේක තේරුම් ගන්න අමාරුවෙයි..කොහොමත් පිළිවලට බැලුවොත් තමයි ලස්සන..

මේකෙ කතාව පටන් ගන්නේ IP Man සටන් කලාව ඉගෙන ගන්න කාලය පසුබිම් කරගෙන..මතකද දන්නෑ පළමුවෙනි කතාව පටන් ගන්නකොට මොහු මාස්ටර් කෙනෙක් වෙලා සටන් උගන්වමින් තමයි ඉන්නේ..එතකොට මොහු විවාහ වෙලා දරුවන් පවා ඉන්නවා ඔබට මතක ඇති..මොහුට ආදරය කරන යුවතිය මුණ ගැහීම තියෙන්නේ මේ කතාව තුළ..එමෙන්ම Chan Wah-shun මාස්ටර් යටතේ සටන් ඉගෙන ගන්න හැටි.ඒ වෙනුවෙන් කරන කැප කිරීම්..තමන්ගෙම කියලා සටන් ශෛලියක් හදා ගන්නා හැටි. අසාධාරණය වෙනුවෙන් තමන් ඉගෙන ගත් සටන් කලාවෙන් ප්‍රයෝජන ගන්නා හැටි සේරම තියෙන්නේ මේ බයිස්කොප් එකේ තමා..ඔන්න වැඩිය කතාව ගැන මුකුත්ම කිවුවේ නෑ..මොකද බයිස්කෝප් එකේ රසය නැති වෙන නිසා..දෙවතාවක් නොහිතා අනිවා බා ගන්න…සුපිරි බයිස්කෝප් එකක්.. 🙂

මේ ලිපියේ සම්පූර්ණ අයිතිය විකියා සොහොයුරා සතු වන අතර උපුටාගැනීම් සියල්ලම ඔහුගේ අවසරය මතම සිදුවිය යුතුය..

600 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “පහන්සිත් ගුණතිලක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.