The Lost World Jurassic Park (1997) Sinhala Subtitles | නොනැසුන දැවැන්තයන්..[සිංහල උපසිරැසි සමඟ]

ඔන්න ඉතින් ජුරාසික් පාක් චිත්‍රපටි ත්‍රිත්වයේ දෙවෙනි චිත්‍රපටියත් සිංහල උපසිරැසි සමගින් මම ඔයාලට ගෙනාවා. මේ චිත්‍රපටියත් ඔයාලා ගොඩක් දෙනෙක් බලලා ඇති. මේක IMDB 6.3/10 ක රේටින් අගයක් ලබාගෙන තියෙන චිත්‍රපටියක්. පළවෙනි එක වගේම ත්‍රාසජනකයි. ලෝක ප්‍රසිද්ධ අධ්‍යක්ෂකවරයෙකු වන ස්ටීවන් ස්පිල්බර්ග් මහතා තමයි මේ චිත්‍රපටියත් අධ්‍යක්ෂණය කරලා තියෙන්නේ. ත්‍රිමාන සජීවීකරණ ප්‍රයෝග වලින් පරිපූර්ණ මේ චිත්‍රපටිය එක දිගටම බලන් ඉන්න පුළුවන් සුපිරි චිත්‍රපටියක් කියලා බලපු අය දන්නව ඇතිනේ..

මතක් වෙන්නත් එක්ක කතාව ටිකක් කියනවනම්. මුලින්ම නිවාඩුවක් ගත කරන්න දූපතකට යන පවුලක සිටින පුංචි ගෑනු ලමයෙකුට ඒ දිවයිනේ හිටිය ඩයිනොසෝර පැටවු වගයක් පහර දෙනවා.. (ඒ දිවයිනේ තමයි වසර හතරකට පෙර ජුරාසික් උයනට ගෙනාපු ඩයිනොසෝරයන් ඉපැද්දීම සහ බෝ කිරීම කරලා තියෙන්නේ..) මේ සිද්ධිය ගැන මාධ්‍ය වලින් ප්‍රසිද්ධ උන නිසා ජුරාසික් උයනේ නිර්මාතෘවරයා වන හැමන්ඩ් මහත්තයගෙ ආරාධනය පිට ආචාර්ය මැල්කම් සහ තවත් තිදෙනෙක් දිවයිනකට යනවා ඩයිනොසෝරයන් ගැන පර්යේශණ වාර්තාවක් හදන්න.. මෙයාලා මේ පර්යේෂණ වාර්තාවට අදාල තොරතුරු එක්රැස් කරන අතරෙදි මේ දිවයිනට තවත් ආයුධ සන්නද්ධ පිරිසක් ගොඩ බහිනවා. එයාලා එන්නේ හැමන්ඩ් මහත්තයගෙ බෑනත් එක්කයි. මේ වෙනකොට හැමන්ඩ් මහත්තයගෙ සමාගම පාලනය කරන්නේ ඒ බෑනා විසින්. මේ දිවයිනේ ඉන්න ඩයිනොසෝරයන් අල්ලගෙන ගිහින් සාන්ත දියේගෝ නගරයේ අළුත් ඩයිනොසෝර උද්‍යානයක් හදන එක තමයි මෙයාලගෙ පරමාර්ථය. ඉතින් මෙයාලා හැම වර්ගෙකින්ම වගේ ඩයිනොසෝරයන් අල්ලගන්නවා. හැබැයි අපේ ආචාර්ය මැල්කම්ගේ කණ්ඩායම මේකට කැමති නැහැ. මෙයාලා හදන්නේ අර අල්ලගත්ත ඩයිනොසෝරයන් නිදහස් කරලා දාන්න…

ඔවුන්ට ඒ සත්තු නිදහස් කරන්න ඉඩ ලැබේවිද? වඳින්න ගිය දේවාලේ ඉහේ කඩන් වැටේවිද? ඩයිනොසෝරයන් මිනිස්සුන්ගෙ පස්සෙන් පන්නාවිද? අන්තිමේදි ඩයිනොසෝරයන් දිනාවිද? පණ බේරගෙන දිවයිනෙන් පිට වෙන්න පුළුවන් වෙන්නේ කාටද? අළුත් ජුරාසික් උද්‍යානයක් සාන්ත දියෙගෝ නගරයේ හදාවිද? කියලා චිත්‍රපටිය බලලම දැනගන්න.

තුන්වෙනි කොටසටත් ඉකිමනින්ම උපසිරැසි ලබා දෙනවා කියලා මතක් කරන්නත් ඕන..

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/06/14