The Man From Nowhere (2010) – Sinhala Subtitles | ලොවක් අහිමි මිනිසා [සිංහල උපසිරැසි සමඟ]

උකස් බඩු කඩයක් දමාගෙන රහස් ජීවිතයක් ගතකරන හිටපු විශේෂ බලකා නියෝජිතයෙක් වන චා ටේ-සික් (CHA Tae-shik) ගේ පිටස්තර සමාජයත් එක්ක තියෙන එකම සම්බන්ධය වෙන්නේ සෝ-මි (So-Mi) කියන පුංචි ගැහැණු ළමයෙක්. ඇය ඔහුගේ අසල්වාසී දැරියක්. ඇගේ මව හ්යු-ජොන්ග් (Hyo-jeong) වැඩකරන්නේ මත්ද්‍රව්‍ය ජාවාරම්කාරයින් සමඟ. හ්යු-ජොන්ග් දිනක් මත්ද්‍රවය තොගයක් හොරෙන් ගේනවා තමන්ගේ ප්‍රධානීයාටවත් නොදන්වා. ඉතින් ජාවාරම්කාරයෝ ඇයගේ මේ හොරකම දැනගෙන ඇවිත් ඇයවත් ඇගේ දියණියව සෝ-මි වත් පැහැරගෙන යනවා. ජාවාරම් කල්ලිය චා ටේ-සික්ට පොරොන්දු වෙනවා ඔවුන් වෙනුවෙන් එක ගනුදෙනුවක් කලොත් ඒ දෙන්නා නිදහස් කරන බවට. නමුත් එය ජාවාරම්කාරයින් ඔවුන්ගේ ප්‍රධානියෙක්ව නැති කිරීමට කළ කුමන්ත්‍රණයක් බව පසුව ඔහුට දැනගන්න ලැබෙනවා. ඔහුට දුන් වාහනයේ පසුපස තිබිල හ්යු-ජොන්ග් ගේ සියළු අවයව ඉවත්කළ මළ සිරුර ඔහුට හමුවෙනවා. එයින් ඔහුට තේරුම් යනවා සෝ-මි ගේ ජීවිතයත් අනතුරේ බව. ඉතින් ඔහු තමන්ගේ ජීවිතය පරදුවට තියලා තමන්ගේ එකම හිතවතිය වන සෝ-මි ව බේරගන්න වෙහෙසනවා. සෝ-මි ගේ මවව මැරුවේ චා ටේ-සික් කියලා සැක කරන රහස් පොලිසිය ඔහුව හඹායනවා. රහස් පොලිසියෙනුත්, ජාවාරම් කාරයින්ගේනුත් ගැලවී චා ටේ-සික් ට සෝ-මි ව බේරගන්න හැකිවේවිද? මේ අතර සෝ-මි ගේ ඉරණම කුමක් වේවිද?

අවවාදයයි! සංවේදී දර්ශන ඇතුලත් බැවින් එවන් දර්ශන නැරැඹීමට නොහැකි කුඩා දරුවන් හෝ හදවත් රෝගීන් හෝ යම් අයෙක් වේ නම් මෙම චිත්‍රපටයේ එන එවන් දර්ශන නැරඹීමෙන් වලකින්න….