The Man with the Iron Fists (2012) Sinhala Subtitles | යකඩ අත් ඇති මිනිසා.. [සිංහල උපසිරැසි සමඟ]

අති බිහිසුණු, තියුනු සටන් ජවනිකා වලින් සපිරි පට්ට ෆිල්ම් එකක් අද මම ඔයලට අරගෙන ආව. නොවැම්බර් මාසෙ මුල තමයි මේක නිකුත් වෙලා තියෙන්නෙ. IMDb ලකුණු 6.3ක් ලැබිල තියනව. තනිකරම බිහිසුනු සටන් ඇතුලත් චිත්‍රපටයක් කිව්වොත් නිවැරදියි. මේක අධ්‍යක්ෂණය කරල තියෙන්නෙ RZA විසින්. මෙහි කතා රචනයද RZA සහ Eli Roth සමඟ එක්වී සිදුකර තිබෙනවා. මෙහි ප්‍රධාන චරිතයක්ද ඔහු රඟ දක්වනවා. තවත් විශේෂ නලුවෙක් ඉන්නව. කවුරුත් දන්න අපේ රෙස්ලින් ශූරයකු වන “බැටිස්ටා”. ඒ අතර විශිෂ්ට සිනමා කෘති කීපයකටම දායක වී ඇති Russell Crowe නම් ප්‍රවීන රංඟන ශිල්පියාද සුවිසේශී චරිතයක් රඟ දක්වනවා.

මෙහි කතාව ගෙතී ඇත්තේ චීනයේ ඉතා බිහිසුනු කණ්ඩායම් කීපයක් වෙසෙන, ඉතා දරුණු මිනිසුන් ජීවත් වන ගම්මානයක් වටා. හරියට පුංචි යුධ පිටියක් වගෙයි. මෙහි සිංහ සමාජය, වෘක සමාජය.. ආදී වශයෙන් කණ්ඩායම් කීපයක් සිටිනවා. මේ හැම කෙනෙක්ටම ආයුධ සපයන්න එකම කම්මල්කරුවෙක් සිටිනවා. කම්මල්කරුගේ චරිතයට රඟ පාන්නේ RZA. ඔහු ඉතා බිහිසුනු තියුණු ආයුධ සෑදීමට උපන් හපනෙක්. සිංහ සමාජයේ නායකයා වන්නේ Gold Lion(රන් සිංහයා)..දිනක් සිංහ සමාජයේ දෙවනියා වන Silver Lion(රිදී සිංහයා) Gold Lionව මරා නායකත්වය හිමිකර ගන්නවා. මේ පුවත සැල වූ Gold Lionගේ පුතා වන ‘සෙන් යී’ මිනීමරුවන්ගෙන් පලිගැනීමට මේ ගමට එනව. සෙන් යී ඇඳන් ඉන්නව සුවිසේශී ඇඳුමක්. ඒකෙ හැමතැනම තියුණු ආයුධ සවිකරල තියෙන්නෙ. ඒ නිසා මෙයා එක්ක සටන් කරන එක ඉතාම අසීරුයි. ගෑවුනත් විනාසයි.

එහිදී සෙන් යීගේ කරදරයෙන් බේරීමට Silver lion “පිත්තල ශරීරයක් ඇති මිනිසාව” යවනවා. පිත්තල ශරීරයක් ඇති මිනිසාට රඟ පාන්නෙ බැටිස්ටා.. එයාට කිසිම තියුණු ආයුධයකින් පහර දුන්නට හානියක් වෙන්නෑ. ඒ ඇයි කියල ඔයාලට මේක බලද්දි තේරෙයි. දැන් ඇතිනෙ විස්තර කිව්ව. තව රත්තරං සොරකම් කිරීමක්.. ආදී සිදුවීම් කීපයක්ම මේ කතාව තුල තියනව. ඒ දේවල් සහ යකඩ අත් ඇති මිනිසා කවුද කියල දැනගන්න ඕනෙ නම් ඉතින් චිත්‍රපටය බලන්නම වෙනව.

එහෙනම් මම ගිහින් එන්නම්.. ආයෙත් සුපිරි බයිස්කෝප් එකකින් හමුවෙමු. හැමෝටම ජය වේවා෴

Due to copyright issues, we do not provide any torrent links.

මෙම ලබා දී ඇති උපසිරැසි HDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිදුල KD සිල්වා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2011-11-30