The Place Beyond the Pines (2012) | අවි ගත්තෝ අවියෙන් ම නැසෙති [සිංහල උපසිරැසි සමඟ]

කතාවත් කෙටියෙන් කියන්නම් කෝ? ආ .. තව දෙයක්. මේ චිත්‍රපටය උපසිරැසි ගන්වන්න තෝරගත්තේ ඇයි කියලා කාටහරි හිතෙන්න පුලුවන්. අන්තර්ජාතික සිනමා දර්ශකයේ මේ චිත්‍රපටය ගැන හොයද්දි එක වචනයක් මගේ ඇහැ ගැටුනා. ඒ Stunt කියන එක. යතුරුපැදි ස්ටන්ට් ගැන අමුතුවෙන් කියන්න දෙයක් නැහැනේ? නේද? මටත් ඒ ආසාව හොඳටම තියනවා.

මේ කතාවේ ලූක් ග්ලැන්ටන් (Ryan Gosling) ඒ වගේ යතුරුපැදි ධාවකයෙක්. මෙයාගේ වැඩ ගැන ඔයාලට මේ සලරුවෙන් බලාගන්න මම ඉඩදෙනවා. මෙයා ඒ වැඩේට අමතරව බැංකු මංකොල්ල කනවා. හොරකම් වලට හුරුවෙන්නේ කොහොමද කියන එක ඔයාලා ම බලන්න. ඒත් හැමදාම හොරකම් කරන්න වෙන්නේ නැහැ නේ? මෙයා පොලීසියට අහුවෙනවා. පොලීසිය ලුහුබදිනකොට මෙයා මොකද කරන්නේ? පොලීසියට ලූක් අහුවේවි ද? නැත්නම් බේරෙයි ද කියලා අරන් ම බලන්නකෝ?

කතාවේ බොහොම ටිකයි මම කිව්වේ. ඒ වගේ ම මේකේ උපසිරැසිය ඉංග්‍රීසියෙන් තිබුනත් පරිවර්තනයේ දී තේරුම වෙනස් වුනා. ඒ නිසා මට මේක අහමින් තමා පරිවර්තනය කරන්න වුනේ. සමහර වචන එහෙමවත් පැහැදිලි ව ඇහුනේ නැහැ. මේ වෙද්දී අසනීප තත්වයෙන් හිටියත් ඔයාලා වෙනුවෙන් ම උපසිරැසිය අවසන් කලා. එහෙනම් හැමෝටම සුභ වෙසක් මංගල්‍යයක් ම වේවා ….. !