අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

The Purple Plain (1954) Sinhala Subtitles | දඹතැන්න [සිංහල උපසිරසි සමඟ]

Rating: 9.9/10. From 14 votes.
Please wait...

ආයුබෝවන් යහළු යෙහෙලියො හැමෝටම.. ඔන්න මම අදත් ලස්සන පැරණි බටහිර චිත්‍රපටියකට සිංහල සබ් අරන් ආවා. මේ මගේ 9 වෙනි සිංහල උපසිරැසිය වන අතර මම මේ මාසයේ ඔයාලට අරගෙන එන 3 වෙනි සිංහල උපසිරැසියයි.

The Purple Plain හෙවත් දඹතැන්න.

මේ චිත්‍රපටයේ රගපාන්නේ පෞද්ගලිකව මම ආස කරන නලුවෙක්. Gregory Peck. අඩි හයාමාරක් විතර උස හැරුනත් ඇවිද්දත් නළු කමට ඒ දේවල් කරන හොද ගැඹුරු කටහඩක් තියන නලුවෙක්. Moby Dick, Guns of Nevaron, Meckenna’s Gold, The Omen වගේ අතිශය ජනප්‍රිය වුනු චිත්‍රපට වල රගපෑ ප්‍රතිභාසම්පන්න නලුවෙක්.

ඒ කාලේ ඩේලිනිව්ස් පත්තරේ උප කතෘ කෙනෙක් විදියට හිටපු ප්‍රෙමිල් රත්නායක මහතා මෙ නලුවා ගැන මෙහෙම කියලා තියනවා. දැකුම්කළුකමත්, රගපෑමේ දක්ෂතාවයත් මෙන්ම මිහිරි කටහඩක් නළුවෙකුට අවශ්‍ය මේ සියල්ලම ඇති හොලිවුඩයේ එකම සිනමා තරුව ග්‍රෙගරි පෙක් යැයි කීමට පුළුවන. ඇත්තටම මේ නළුවා කටහඩ විෂයක් විදියට හදාරපු නළුවෙක්.

මේ චිත්‍රපටය ගැන කතා කරන කොට අපේ රට ගැන කතා නොකරම බැහැ. ඒ මේ චිත්‍රපටය සම්පූර්ණයෙන්ම රූගත කරල තියෙන්නේ ලංකාවේ. හරියටම කියනවනම් සීගිරිය පැත්තේ.

ඉතින් ඔන්න ග්‍රෙගරි පෙක් ලංකාවට එනවා The Purple Plain චිත්‍රපටයේ රූපගතකිරීම් වලට. ඒ 1954. ඒ එනකොට කොළඹ රීගල් සිනමා හලේ ඔහු රගපෑ The Million Pound Note චිත්‍රපටය තිරගත වෙනවලු. සිලෝන් තියටර්ස් අධිපති චිත්තම්පලම් ඒ. ගාඩ්නර්ගේ ඇරයුමින් 1954 පෙබරවාරි 18 වෙනිදා ග්‍රෙගරි පෙක් තමා රගපෑ චිත්‍රපටය බලන්න රීගල් එකට ගිහින්. ඒ වෙනකොට ලංකාවේ හිටිය විශාල ග්‍රෙගරි පෙක් රසික රසිකාවියන් රැසක් මැද්දේ උණුසුම් ලෙස පිළිගත්ත ග්‍රෙගරි පෙක් ට මල් මාලයක් දාලා තියෙන්නේ සුජාතා ජයවර්ධනය.


සුජාතා ජයවර්ධන යනු Star Over India නම් ජර්මන් චිත්‍රපටයක රගපෑ ශ්‍රී ලාංකිය නිලියකි. පසුව ඇය දෙලොවක් අතර චිත්‍රපටයේ වින්සන්ට් සේරසිංහ ගේ බිරිද ලෙස රගපෑවාය.

1954 ජනවාරි 05 වනදා ග්‍රෙගරි පෙක් ලංකාවට ඒමට නියමිතව සිටියත් ඔහු එදින ඇවිත් නැහැ. මේ නිසා රත්මලාන ගුවන් තොටුපලේ උදේ ඉදන් ගිණී කාස්ටක අවුවේ තරුණ තරුණියන් බලාගෙන ඉදලා බලාපොරොත්තු සුන් කරගෙන ගිහිල්ලා. නමුත් ජනවාරි 06 වෙනිදා ග්‍රෙගරි පෙක් ලංකාවට ඇවිත්. ඒ උදේ 8.15 ට පමණ. ඒ වෙන කොට ඔහු එන මග බලාගෙන හිටිය තරුණියන්ගෙන් පළමුව තරුණියකගේ පෑන අරන් ග්‍රෙගරි පෙක් සමරු අත්සන ලබා දී ඇයගේ පෑන වෙනත් තරුණියකට දීලා. තම පෑන ආපහු නොදුන්නා කියලා නෝක්කාඩුව ග්‍රෙගරි පෙක්ට අහන්න ලැබෙන්නේ සීගිරියේ රූගත කිරීම් අතරතුරයි. ඔහු වහාම ඇයට ලිපියක් යවලා පෑනේ වර්ගය දන්වලා එවන්න කියලා. ඒ අනුව ග්‍රෙගරි පෙක් සී. පෙරේරා නම් තරුණියකට පාකර් 51 පෑනක් යවා ඇත. මේ පුවත 1954 ජනවාරි 10 ඉරිදා ලංකාදීපයේ පලවන්නේ ග්‍රෙගරි පෙක්ගෙන් දැරියකට පෑනක් යනුවෙනුයි.

ග්‍රෙගරි පෙක් කොළඹ සිටි කාලයේ නවාතැන් ගෙ ඇත්තේ ගෝල්ෆේස් හෝටලේය. ග්‍රෙගරි පෙක් පිටත් වූ පසු එවකට කොළඹ සිටි ධනවත් තරුණියන් හෝටලේ කළමණාකරු හමුවී ග්‍රෙගරි පෙක් සිටි කාමරය බැලීමට අවසර ඉල්ලා ඇත. එහි ගිය ඇතැම් තරුණියන් ග්‍රෙගරි පෙක් නිදා සිටි ඇදෙහි බෙඩ් ශීට් එක පවා සිපගත් බව ආචාර්ය ලෙස්ටර් ජෙම්ස් පීරිස් මහතා වරෙක පවසා ඇත.

The Purple Plain නවකතාව රචනා කර ඇත්තේ H. E. Bates විසිනි. ඒ 1946 දීය. ගුවන් නියමුවකු ලෙස ඉන්දියාවටත් බුරුමයටත් පැමිණෙන බේට්ස් ඔහු ලද යුධ අත්දැකීම් ඇසුරින් මේ නවකතාව ලියා ඇත. බේට්ස් විසින් රචනා කල The Purple Plain නවකතාව දඹතැන්න නමින් අනුලා ද සිල්වා නම් අපේ ජ්‍යේෂ්ඨ පත්‍ර කලාවේදිනියක් අතින් සිංහලයට පරිවර්ථනය කර ඇත.

මෙහි අධ්‍යක්ෂ Robert Parrish හා නිෂ්පාදක John Bryan ඇතුළු 50ක පමණ පිරිසක් The Purple Plain චිත්‍රපටය වෙනුවෙන් ලංකාවට පැමින ඇත. ඔවුන් සීගිරිය ප්‍රදේශයේ සිනමා ගම්මාණයක් ඉදිකරලා. ශ්‍රී ලංකාවේ සියළුම සම්බන්ධිකරණ කටයුතු කරලා තියෙන්නේ සිලෝන් ටුවර්ස් අධිපති පී.ඒ. එදිරිවීර මහතායි. සිලෝන් ටුවර්ස් සමාගම The Purple Plain චිත්‍රපටයේ ඉදිකිරීම් සදහා 300 ක පමණ පිරිසක් සහභාගී කරගත් බව ඉරිදා ලංකාදීපයේ ධර්මසිරි ජයකොඩි මහතා ලියූ විශේෂාංගයක සදහන්ව ඇත. වැඩිදුරටත් ඒ ලිපියේ සදහන්ව තිබුනේ පොල් ගහක් පළාතකවත් නොතිබුනු ඒ දර්ශණ තලයේ පොල් ගස් පවා සිටවූ බවය. රූපගත කිරීම් අතර තුරේදී ග්‍රෙගරි පෙක් ට හෙම්බිරිස්සාවක් හැදිලා එදිරිවීර මහතා ඔහුට කොත්තමල්ලි තැම්බූ වතුර දී ඇත. එයින් සුව වූ ග්‍රෙගරි පෙක් ආපසු යන විට කොත්තමල්ලි ලොකු මල්ලක් රැගෙන ගිය බව ද සදහන් වේ.

The Purple Plain චිත්‍රපටයේ ග්‍රෙගරි පෙක් එක්වන්නේ බිල් ෆොරෙස්ටර් නම් ගුවන් නියමුවෙකුගේ චරිතයටයි. ෆොරෙස්ටර් යනු තම බිරිද අහිමි වූවාට පසු තම ජීවිතය පවා නොසලකන මුරන්ඩු පුද්ගලයෙක්. කදවුරේ වෛද්‍ය වරයා දිනක් මොහුව ජීප් රථයේ නංවාගෙන එම ගමේ රවුමක් එක්ක යන්නේ මොහුට ලබාදෙන සහනයක් ලෙසයි. මෙහිදී ඔහුට සුහද පවුලක් හමුවන අතර එහි සිටි ඇනා නම් තරුණියක් හා පෙමින් බැදෙනවා. ඒ අතර ඔහු යන ගුවන් ගමනක් අතර තුර සිදුවන අනතුරකින් වනයේ අතරමංව දිවි බේරාගන්නා ෆොරෙස්ටර් තම ගමන් සගයාත් සමග නැවත කදවුරට එනවා.

The Purple Plain නම් යුධ, ක්‍රියාදාම චිත්‍රපටයේ සාරාංශය එයයි.

මෙහි ඇනා ලෙස එක්වන්නේ බුරුම ජාතික බෞද්ධ නිලියක් වන වින් මින් තාන්ය. ලංකාවට පැමිණෙන ඇය පළමුව කැළණිය රජ මහා විහාරය වැදපුදාගෙන ඇති අතර වසර කීපයකට පසු ඇය දසසිල් මාතාවක් ලෙස පැවදි වී ඇත. මේ ඇයගේ එකම චිත්‍රපට රංගනයයි.
චිත්‍රපටයේ රූප රාමු තුලින් ඔයාලට පැරණි ශ්‍රී ලංකාව, ගෙවල් දොරවල් බලාගන්න පුළුවන්. එක් තැනෙක සීගිරිය ගල ද පැහැදිලිව දක්නට තියනවා. චිත්‍රපටයේ වැඩි කොටසක් සීගිරිය අවට රූගත කල අතර ඉතා සුලු කොටසක් Bridge on the River Kwai චිත්‍රපටය රූගත කල කිතුල්ගල ප්‍රදේශයේ කැළණි ගග ආශ්‍රිතව රූපගත කර ඇත.

The Purple Plain 1954 සැප්තැම්බර් 14 වන දා තිරගත වීම ආරම්භ කර ඇත.

ඉතින් අදට මම නවතින්නම්. තවත් මේ වගේම ලස්සන චිත්‍රපටයකට සිංහල උපසිරැසි අරන් මං එන්නම්. එතෙක් ඔයාලට සුබ දවසක්..

~ ලංකාව දෙවියන්ගේ මල් උයනක් – ග්‍රෙගරි පෙක් ~

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2019-03-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

14 thoughts on “The Purple Plain (1954) Sinhala Subtitles | දඹතැන්න [සිංහල උපසිරසි සමඟ]

  • උපසිරැසියට ස්තුතියි.

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • Stars Over India nowe Stars Over Colombo film eka
    thanks saho sub ekata

    Reply
  • මෙහි අදහස් දක්වා ඇති Shamal Manojan සොයුරාගේ යෝජනාව මමත් අනුමත කරනවා. ඒ මන්ද මා ළඟත් ලොව මහා සිනමාකරු ලෙස විරුදාවලි ලත් “ඇල්ෆඩ් හිච්කොක්” ශ්‍රීමතානන්ගේ සියලු සිනමාපටවල වීඩියෝ මා ළඟ තිබෙනවා. ඒ වගේම
    මෙහි සිංහල උපසිරසි නිකුත් වූ එම සිනමාපට එකින් එක නරඹනවා. ඔබ මේ කරනා මෙහෙය ඉතාමත්ම අනර්ඝයි. වත්මන් සිනමා නිෂ්පාදනවල ඇත්තේ පරිඝනක මායාවන්ම පමණයි. ඒ නිසා ඒවා බැලීමට රුචිකත්වයක් එන්නේ නැහැ. එම නිසා කලාත්මක පැරණි සිනමාපට අප අගය කරන්න ඕන. මා පුද්ගලිකවම එවන් රසිකයෙක්. ඔබට ස්තුතියි!!!

    Reply
  • thq bro .puvvnm mekta th denna

    Little Monsters
    2019

    Reply
  • ගොඩක් ස්තූතියි මෙම උපසිරැසියට. හැකිතරම් පැරණි ඉංග්‍රීසි චිත්‍රපට සඳහා උපසිරැසි ලබාදෙන මෙන් ඉල්ලා සිටිමි.

    හැකිනම් ඇල්ෆඩ් හිච්කොක්ගේ මෙතෙක් උපසිරැසි නොකළ චිත්‍රපට සඳහා උපසිරැසි ලබාදෙන මෙන් ඉල්ලමි.

    Reply
    • අනෙක් උපසිරැසි කරුවන් කරන උපසිරැසි සියයක වටිනාකම මෙම පැරණි එක් චිත්‍රපටයක තියෙනව.

      Reply
  • රොෂාන් ශමීර සොයුර,
    ඔබ මීට පෙර සිංහල සබ් ලබා දුන් The 39 steps (1935) සිනමාපටයද මා විසින් නැරඹුවා. එයට ගොඩක් ස්තුතියි! මෙම සිනමාපටයද ඔබේ සබ් සමඟ අනිවාර්යයෙන් නරඹනවා. මෙම වෙබ් එකේ සබ් කරනා සියගණනක් අතර ඔබේ සුවිශේෂ කෙනෙක්. ඒ මන්ද පැරණි වටිනා සිනමාපට සඳහා සබ් කරනා එකම තැනැත්තා ඔබයි. මීට පෙර එවන් අය තිදෙනෙක් පමණ සිටියත් දැන් ඒ අය සබ් කරන්නේ නැහැ වගේ. ඔබේ මෙම වටිනා මෙහෙයට මාගේ ප්‍රණාමය!!! (හැකිනම් 1960 වර්ෂයේ තිරගත වූ Spartacus සිනමාපටයට සිංහල උපසිරසි ලබාදෙන්න) ස්තුතියි!

    Reply
    • Spartacus මමත් බලපු ලස්සන චිත්‍ර පටයක්.ස්ටැන්ලි කුබ්‍රික් 1960දී හදපු මේ චිත්‍ර පටයේ ස්පාර්ටකස් ගේ චරිතය රගපෑ කර්ක් ඩග්ලස් අවුරුදු 103ක් ආයු වලදා මේ මස 5 වෙනිදා මියගියා

      Reply
  • බොහොම ස්තුතියි බ්‍රෝ සබ් එකට 🙂 🙂 …
    ජය වේවා.!

    Reply

Leave a Reply to Shamal manojan Cancel reply

Your email address will not be published. Required fields are marked *