The Shape of Water (2017) Sinhala Subtitles | හැඳිනීමි, ස්වරූපය ප්‍රේමයේ! [සිංහල උපසිරසි සමඟ](18+)

කෙටි නිහැඩියාවකට පස්සේ මම අරගෙන ආවේ 2017 වර්ෂයේ නිකුත් වුන, Imdb දර්ශකය 8.1 ක් දිනා ගන්න සමත් වුන, මෑතකදි පැවති Golden Globe සම්මාන උළෙලේ Best Motion Picture, Best Supporting Actor in Motion Picture, Best Director of a Motion Picture, Best Original Score, Best Screenplay of a Motion Picture කියන සම්මාන පහට නිර්දේශ වුන, සම්මාන ද්විත්වයකට අපූරුවට වග කියන්න සමත් වුන ඇමරිකානු, අඳුරු ෆැන්ටසියක්!

Best Director of a Motion Picture සම්මානය Shape of the water අධ්‍යක්ෂණය කළ Guillermo del Toro ට හිමි වුනා වගේම, Best Original Score සදහා Golden Globe සම්මානය දිනා ගන්නත් මේ සලරුව සමත් වුනා.

Sally Howkins ගේ අතිශය සියුම් භාව ප්‍රකාශනයන්ගෙනුත්, Octavia Spencer ගේ කටකාර රංගනයෙනුත් හදවත ස්පර්ශ කරන Shape of the water හුදෙක් සුරංගනා කතාන්තරයක් ම නොවෙයි, එය ඔබට කියා දේවි ආදරයේ සැබෑ ස්වරූපය!

කතාවට පාදක වෙලා තියෙන්නේ 1962 වසරේ බැල්ටිමෝර් හි අධි ආරක්ෂාවක් යටතේ තියෙන රජයේ පර්යේෂණාගාරෙක, පිරිසිදු කිරීමේ සේවිකාවක් විදියට රැකියාව කරන එලයිසා කියන යුවතියත්, එක් දිනකදී ඇගේ ජීවිතයම වෙනස් කරමින්, පර්යේෂණාගාරයට රැගෙන එන් අපූර්ව සත්ත්වයෙකුත් වටා. මීට වඩා කතාව ගැන මම කියන්න යන්නේ නෑ, ආදරයෙන් ආරාධනා කරනවා මේ සලරුව හදවතින්ම විඳින්න කියලා.

පුද්ගලිකව මේ සලරුවට උපසිරැසි නිර්මාණය මට අභියෝගයක් වුනා. චමල් කැළුම් අතපත්තු සොයුරාටත්, මේ චිත්‍රපටය මට වෙන් කරලා දීලා, පූර්ණ සහයෝගය දුන්න හසන්ත වික්‍රමරත්න සොයුරාටත් බොහොම පින් කියන්න ඕන. අඩුපාඩු ඇති, ඒ නිසා සමාව අවසර!

එහෙමනම් මේ ලිපියේ අවසානය සනිටුහන් කරන්නෙ අද මම නම් නෙවෙයි, මේ කතාන්තරයේ කතා නායිකාව, එලයිසා!

”ප්‍රේමය, පරිවර්තනය වීමක් නොවෙයි, එය පිළිගැනීමක් සහ අවබෝධ කර ගැනීමක්.
ඔහු මා දිහා බලා ඉද්දි, ඔහු මා දිහා බලා ඉන්න විදියට..
ඔහු දන්නෙ නැහැ මගේ අඩුපාඩුව, එහෙමත් නැත්නම් මම කොහොමද අසම්පූර්ණ වෙන්නෙ කියලා!
මම කවුද?
මම මගේ කට හොලවනවා, හරියට ඔහු වගේ.
මට කටහඩක් නෑ, හරියට ඔහු වගේ.
ඔහු මාව දකින්නෙ මාව විදියට, හරියට මං මාව දකිනවා වගේ.
ඔහු සතුටුයි, මාව දකින්න, හැම වෙලාවෙම, හැම දවසකම.
ඒ වගේම දැන් මට එක්කෝ ඔහුව බේරගන්න පුලුවන්.. නැත්නම් ඔහුට මැරෙන්න ඉඩ දෙන්න පුලුවන්.
මම නැවතත් කියනවා, ප්‍රේමය, පරිවර්තනය වීමක් නොවෙයි, එය පිළිගැනීමක් සහ අවබෝධ කර ගැනීමක්.
ඒ නිසයි අපි සදහටම ප්‍රේමයෙන් බැඳුනේ, ඔහු මනුෂ්‍යයෙක් නොවුනත්!”

ආයුබෝවන්!

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “හෙළිලි හේමමාලි” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2017-02-02
SUBMAKER RATING BY ADMINS