Thursday , May 19 2022
Breaking News

The Six Million Dollar Man (1973) Sinhala Subtitles | සයිබෝර්ග් මිනිසා [සිංහල උපසිරසි]

Rating: 10.0/10. From 3 votes.
Please wait...

ආයුබොවන් බයිස්කෝප් සිංහලෙන් යාළුවෝ හැමෝටම..

ඉස්සර කාලේ දැන් වගේ හැම ගෙදරකම ටීවී එකක් තිබ්බේ නෑ. කලාතුරකින් තමයි, එහෙමත් ගෙදරක ටීවී එකක් තිබ්බේ. තාත්තට තිබුනේ කළුසුදු රූපවාහිනියක් අඟල් 14. ඔරෙක්ස් තමයි බ්‍රෑන්ඩ් එක. ඒකටම වෙන් කරපු බැට්රියකුත් තිබ්බා. සති දෙකකට සැරයක් චාජ් කරන්නත් ඕනේ. ඒ කාලේ චැනල් ගොඩක් ඇත්තෙත් නෑ. අයිටීඑන් එක ඒරියල් එකටත් පේනවා. හැබැයි ජාතිකේ බලන්න ඇන්ටනාවක් කරකවන්නම ඕනේ. අනික චැනල් පටන් ගන්නෙත් හවස හතරට විතර. චැනල් එකේ තේමා ගීතයෙන් පටන් අරන්, කාටුන් (දැන් වගේ ඒවා නෙවෙයි ඉස්සර හරි ලස්සන කාටූන් තිබ්බා. රෝඩ්රනර්, වුඩී වුඩ්පැකර් වගේ), තව පිස්සු පූසා වගේ සිංහල හඬ කවපු කාටූන්, තෙරුවන් නමදිමු, ප්‍රවෘත්ති, ලස්සන ටෙලි නාට්‍ය, ලොටෝ දිනුම් ඇදීම්, සතියකට එකක් හෝ දෙකක් රෑට හොඳ චිත්‍රපටයක්, ඒ වගේ ඉස්සර රූපවාහිනිය හරිම ලස්සනයි. මේ සේරමත් එක්ක රෑ එකොලහ මාර වගේ වෙනකොට චැනල් එකත් නවත්තනවා.


මේ අතරේ හරි ලස්සන වැඩසටහන් එහෙමත් තිබ්බා. මතක හැටියට බොන්සොවර් කියලා ප්‍රංශ වැඩසටහනක්, ක්‍රීඩා වැඩසටහන්, සෙනසුරාදා ඉරිදට උදේට ආයුබෝවන් වැඩසටහන වගේ ගොඩක් රසවත් හරවත් දේවල් තිබුණා. අනික දැන් වගේ රූපවාහිනිය පැය කාලෙන් කාලෙට වෙලාව කියලා ඔරලෝසුවේ වැඩේ කරෙත් නෑ, රැදී ඉන්න අප සමඟ කියලා බඩවැල් වගේ වෙළඳ දැන්වීම් යන්නෙත් නෑ. ඉතින් මං මේ කිව්වේ ඒ කාලේ රූප පෙට්ටිය/ පිස්සු පෙට්ටිය කියලා හඳුන්වපු රූපවාහිනිය ගැනයි.


ඒ දවස් වල ගිය ජනප්‍රිය රූපවාහිනී කතා මාලාවක් තමයි The Six Million Dollar Man කියන්නේ. හදිසි අනතුරකින් කකුල් දෙකත් එක අතකුත් එක ඇහැකුත් අහිමිවෙන ස්ටීව් ඔස්ටින්ට ඩොලර් මිලියන හයක් වියදම් කර යාන්තික ශරීර කොටස් ටික හයි කරනවා. එමගින් ඔහුට වේගයෙන් දුවන්නත්, පනින්නත්, අතෙන් ඕනෑම බරක් උස්සන්නත්, ඇහෙන් ඈත දුර දකින්නත් පුළුවන් වෙනවා. එතැන් පටන් ඔහු වීර චරිතයක්, මිනිස් අවියක්. වෙඩි තියාගෙන යුද්ධ කරලා දිනන් බැරි සටන් ඉතා පහසුවෙන් ජය ගන්න ඔස්ටින්ට පුළුවන් වෙනවා. ඒ වගේම ඒ කාලේ ගිය තවත් මෙවැනිම කතා මාලාවක් තමයි Jaime Sommers රංඟනයෙන් දායක වුන The Bionic Woman. මේවා දැන් වගේ මෙගා විදිහට හැමදාම ගියේ නෑ. සතියකට දවසයි. ඒකත් හතට හෝ අටට. මහ රෑත් නෙවෙයි. ඒ දවස් වල මට මතකයි තාත්තා මේවා මඟාරින්නේ නෑ. පොඩි දවස් වල අපිත් අතරින් පතර මේවා බැලුවා.

අද මං උපසිරසිය අරගෙන ආවේ The Six Million Dollar Man රූපවාහිනී සිනමා නිර්මානයටයි. Martin Caidin විසින් 1972 රචනා කරපු Cyborg නම් විද්‍යා ප්‍රබන්ධ නවකතාව පාදක කරගෙන තමයි මේ චිත්‍රපටය වගේම රූපවාහිනී කතා මාලාව නිර්මාණය කරලා තියෙන්නේ. මෙය 1973 ප්‍රදර්ශනය වුන අතර රූපවාහිනී කතා මාලාව 1974 සිට 1978 දක්වා එපිසෝඩ් 90කට වැඩි ගාණක්, සීසන් 5ක් ප්‍රදර්ශණය කරලා තියනවා. ඒත් ලංකාවේ මේ කතා මාලාව පෙන්නුවේ 80 අග හා 90 මුල වගේ.
මෙහි ස්ටීව් ඔස්ටින් ලෙස Lee Majors, ජේන් මැනර්ස් ලෙස Barbara Anderson, ඩොක්ටර් රූඩි වෙල්ස් ලෙස Martin Balsam සහ ඔලිවර් ස්පෙන්සර් ලෙස Darren McGavin රංගනයෙන් දායක වෙනවා. නිෂ්පාදනය හා අධ්‍යක්ෂණය Richard Irving විසිනි. මෙහි IMDb අගය 7.0ක් වේ. එහෙනම් අදට මං ගිහින් එන්නම්. ආපහු දවසක මේ වගේම තවත් චිත්‍රපටයකට සිංහල උපසිරසියක් අරන් එනකන් ඔයාල හැමෝටම නිරෝගිමත් සුව දවසක් වේවා…

~ ජය වේවා ~

 

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2019-03-30
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Shark Bait (2022) AKA Jetski Sinhala Subtitles | බිහිසුණු ධවල මාරයා [සිංහල උපසිරසි]

ආයූබෝවන් යාළුවනේ, ඔන්න එහෙනම් වෙසක් නිවාඩුවෙන් උපරිම ප්‍රයෝජනය අරන් තවත් අළුත්ම ෆිල්ම් එකක් ඉක්මනටම අරන් …

Leave a Reply

Your email address will not be published.

12 comments

  1. බොහොම ස්තූතියි සිංහල උපසිරැසියට. ජය෴෴ 😛 😛

  2. Thanks for Sub!

  3. Buddhika Lakmal

    ♥♥☻☻…බොහෝම ස්තූතියි උපසිරැසියට…☺☺♥♥

  4. orex tv ekak thamai ape gedarath thibbe. thanks for subtitles.

  5. රොෂාන් සමීර ජයසිංහ සොයුර,
    ඔබේ මෙම සිංහල උපසිරසියටත් ස්තුතියි, මෙය මා දන්නා ෆිල්ම් එකක්. නමුත් නරඹලා නැහැ. බලන්න සබ් එක ඩවුන්ලෝඩ් කළා. ස්තුතියි ඔබේ වෙහෙසට!!!

  6. සබ් එකට බොහොම ස්තූතියි සහෝ….!
    මේ පාර ඔස්කාර් නොමිනේට් සෙට් එකට සබ් කරමුද…?

  7. Nightmare alley ekata sub denna plwnda

  8. Supun Kaushalya

    තෑන්ක්ස් සබ් එකට සහෝ

  9. 70 දශකයේ ඉපදුනු අයගේ රූපවාහිනියේ සොදුරු අතීතය නැවත මතක් කලාට බොහොම ස්තූතියි.

  10. උපසිරැසියට බොහොම ස්තූතියි සහෝ.

    පැරණි ෆිල්ම් දෙන එක නවත්තන්න එපා.
    දිගටම පැරණි ෆිල්ම් දෙන්න.

    පුලුවන් නම් මේ ෆිල්ම් collection එකටත් සබ් දෙන්න.

    Airport – 1970
    Airport 1975 – 1974
    Airport ’77 – 1977
    The Concorde…Airport ’79 – 1979

  11. … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!
    ඔබගේ සියලු කටයුතු සාර්ථක වේවා..!

  12. flatiners movie eke sinhala sub oonee

error: Alert: Content is protected !!