The Thin Red Line (1998) Sinhala Subtitles | සෑම මිනිසෙකුම සටන් කරනුයේ තමාගේම වූ සංග්‍රාමයකි. [සිංහල උපසිරසි සමඟ]

මගේ තුන්වෙනි නිර්මාණයත් අරන් බයිස්කෝප් අඩවියට එකතු වුණා. මේ චිත්‍රපටය ගැන මට කිව්වේ විකියා සහෝ. මං හිතන්නේ මම කලින් දුන්න The Platoon (1986) චිත්‍රපටය දැකල තමයි විකියා සහෝ හිතන්න ඇත්තේ මේක මට බාර දෙන්න. ඒ හා සමාන යුද්ධය හා බැඳුණු සංවේදී චිත්‍රපටයක් මේකත්. IMDB අගය 7.6 යි. 1999 හොඳම චිත්‍රපටය ඇතුළුව ඔස්කාර් සම්මාන 7කට නිර්දේශ වුණ විශිෂ්ට සිනමා සිත්තමක්.

මෙහි තේමාව දෙවන ලෝක යුද්ධයේ ඇමෙරිකානු හා ජපන් හමුදා අතර ඇතිවන ගැටුම. “විට්” නමැති ඇමෙරිකානු සෙබළෙක් වටා තමයි කතාව ගලායන්නේ. නමුත් මෙහි එක් විශේෂයක් තියෙනවා. හැම චිත්‍රපටයකම වගේ එක ප්‍රධාන චරිතයක් වටා ගෙතුණු කතාවක් නෙමෙයි. අවස්ථානුකුලව අදාළ ප්‍රධාන චරිත වෙනස් වෙනවා. ඒ වගේම විශාල පිරිසක් මෙහි වෙදගත් චරිතවලට පණ පොවනවා.

යුද්ධයක තිබෙන වේදනාකාරී විනාශයන් තාත්විකව තිරයටගෙනෙන්න මෙහි අධ්‍යක්ෂක වරයා සමත් වෙලා තියෙනවා. අපි කිසි දිනෙකදී අත් නොවිදින, යුද සෙබළුන්ට උරුම සංවේදී සිදුවීම් බොහොමයක් මේ තුළ අන්තර්ගත වෙලා තියෙනවා. තම ඛණ්ඩයේ සියල්ලන්ම මියගිය පසු උමතුව යන සෙබළුන්, තම ජීවිතය පරදුවට තබා මියයමින් සිටින තම සගයා වෙත ගොස් වතුර ටිකක් බොන්න දෙන සහෝදර සෙබළුන් ඔබේ හදවතට සංවේගයක් එකතු කරාවි. තම සහෝදර සෙබළුන් අනතුරේ හෙළන, ඉහළින් එන නියෝග පවා ප්‍රතික්ෂේප කර පසුව අණදීමෙන් ඉවත් කරන කණ්ඩායම් නායකයන් මෙන්ම ජීවිත ගැන නොහිතන, අරමුණ පමණක් සලකන අණ දෙන නිලධාරිනුත් මෙහි හමුවෙනවා.

හදවතට දැනෙන චිත්‍රපටයක්. හමුදා සෙබළෙකුගේ ජීවිතය මොන තරම් සංවේදී, වේදනාකාරී සිදුවීම් වලින් ගහනද කියා හොඳටම වැටහෙනවා මේ සිනමා සිත්තමෙන්. ඔබත් බලල අදහසක් දක්වන්න. ජය!

Due to copyright issues, we do not provide any torrent links.

මේ ලබා දී ඇති සිංහල උපසිරැසි පිළිබද “චමීර දිල්හාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.