අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

The Vanishing (2018) Aka Keepers Sinhala Subtitles | හුදෙකලා දිවයිනක ප්‍රෙහේළිකාවක පැටළුණු ජීවිත තුනක්…!! [සිංහල උපසිරසි සමඟ]

Rating: 9.0/10. From 30 votes.
Please wait...

ෆ්ලැනන් අයිල්ස් (Flannan Isles) කියන්නෙ 1895 – 1899 වර්ශ අතර තුර කාලයේදි උතුරු ප්‍රදීපාගාර මණ්ඩලය වෙනුවෙන් David Alan Stevenson නම් වූ ප්‍රදීපාගාර ඉදිකිරීම් ඉංජිනේරුවාගේ මූලිකත්වයෙන් ඉදිකරපු ප්‍රදීපාගාරයක්. මෙම ප්‍රදීපාගාරය පිහිටලා තියෙන්නෙ ෆ්ලැනන් අයිල්ස් එහෙමත් නැත්නම් Seven Hunters නමින් හඳුන්වන ස්කොට්ලන්තයට අයත් කුඩා දූපත් පන්තියක Eilean Mòr නමින් හඳුන්වන උස්බිමක් සහිත දූපතක. මෙම දූපත පිහිටලා තියෙන්නෙ ස්කොට්ලන්ත උතුරු වෙරළ තීරයෙන් කිලෝමීටර් 32ක් දුරිනුයි. ෆ්ලැනන් අයිල්ස් ප්‍රදීපාගාරය අඩි 75ක උසකින් යුතු වන අතර කිලෝ මීටර් 37ක් දුරට විහිදෙන සූර්‍ය බලයෙන් ක්‍රියාත්මක වන ආලෝක ධාරාවක් විහිදෙන ප්‍රදීපාගාර පහනක් සහිතයි. මේ ප්‍රදීපාගාරය ගැන බොහෝ දෙනෙක් විමසිලිමත් වුණේ 1900 වර්ශයේ, එනම් මීට අවුරුදු 119කට ඉහතදීයි. එයට හේතු වුණු කාරණාව ගැන අපි පොඩ්ඩක් මතක් කරගමු…

ෆ්ලැනන් අයිල්ස් /Seven Hunters දූපත්

ෆ්ලැනන් දිවයිනේ අභිරහස..
ෆ්ලැනන් අයිල්ස් ප්‍රදීපාගාරය ගැන එදා වගෙම අදත් බොහෝ දෙනෙකුගේ මතකයේ රැඳී ඇත්තේ එක් අභිරහස් සිදූවීමක් නිසාවෙනුයි. ඒ 1900 වර්ශයේදී මෙම ප්‍රදීපාගාරයේ බාරකරුවන් වශයෙන් සේවය කිරීම සඳහා Eilean Mòr දූපතට පැමිණි සේවකයින් තිදෙනෙක් කිසිදු හෝඩුවාවක් ඉතිරි නොකර අතුරුදහන් වීම පිළිබඳ සිදුවීම නිසායි. 1900 වසරේ දෙසැම්බර් 7 වැනිදා ප්‍රදීපාගාර බාරකරුවන් ලෙස සේවයේ නිරත තෝමස් මාර්ශල්, ජේම්ස් ඩුකට් සහ ඩොනල්ඩ් මැක්ආතර් යන තිදෙනා සති දෙකක සේවා මුරයක් සඳහා ෆ්ලැනන් අයිල්ස් ප්‍රදීපාගාරයට වාර්තා කරනවා. ඔවුන් සමඟ ප්‍රදීපාගාරයේ පාලකයා වශයෙන් කටයුතු කළ රොබට් මියුර්හෙඩ් නම් තැනැත්තාද Eilean Mòr දූපතට පැමිණෙන අතර ඔහු විසින් ප්‍රදීපාගාරයේ කටයුතු පිළිබඳව සහ බාරකරුවන්ට මුහුණ දීමට සිදුවන ගැටළුකාරී තත්වයන් ගැන ජේම්ස් ඩුකට් සමඟ සාකච්ඡා කිරීමෙන් අනතුරුව දූපතෙන් පිටවී යනවා…

ෆ්ලැනන් අයිල්ස් ප්‍රදීපාගාරය

මෙම ප්‍රදීපාගාරයේ කටයුතු පිළිබඳව ගොඩබිමේ සිට දුරේක්ෂක ආධාරයෙන් නිරන්තර සෝදිසි කිරීමක් සිදුකළ අතර එහි පරමාර්ථය වී තිබුණේ ප්‍රදීපාගාරයේ සිටින සේවකයින්ට අනතුරක් සිදු වූ අවස්ථාවක ඔවුන් විසින් උදව් ඉල්ලා කරනු ලබන නිරීක්ෂණය කර ඔවුන්ට සහය වීමට දූපතට ළඟාවීමයි. නමුත් අවාසනාවකට අධික මීදුම් තත්වයක් නිසා ගොඩබිමේ සිට ප්‍රදීපාගාරය නිරීක්ෂණය කිරීමේ කටයුත්තට මෙම කාල වකවානුවේ බාධාකාරී තත්වයක් ඇති වී තිබූ බව සඳහන්. දෙසැම්බර් 7 හා දෙසැම්බර් 12 යන දින දෙකේදී ගෙඩබිමට ප්‍රදීපාගාරය දිස්වී තිබූ අතර දෙසැම්බර් 15 ඒ ආසන්නයෙන් ගමන් කළ නැවකටද ප්‍රදීපාගාරය දිස්වී තිබුණා. නමුත් එම යාත්‍රාවේ පිරිසට ප්‍රදීපාගාරයේ ආලෝක ධාරාව නම් දැකගන්නට ලැබී තිබුණේ නැහැ. බාරකරුවන්ගේ සේවා මුරය අවසන් වූ පසු එනම් දෙසැම්බර් 29 වැනිදා වන තෙක් නැවත ප්‍රදීපාගාරය ගොඩබිමට දිස්වී තිබුණේ නැහැ. ප්‍රදීපාගාරයේ සේවය කළ පිරිසගේ සේවා මුරය හුවමාරු කර ගැනීමට අදාළ පිරිසත් දූපතේ සේවයේ නිරත පිරිස නැවත ගොඩබිම කරා රැගෙන ඒම පිණිසත් යාත්‍රා කිරීමට සූදානමින් තිබූ යාත්‍රාව දෙසැම්බර් 21 වැනිදා තෙක් ප්‍රමාද වූ අතර එයට හේතුව වී තිබුණේ අයහපත් කාළගුණික තත්වයයි…

Eilean Mòr දූපත

කොහොමින් හෝ අයහපත් කාළගුණික තත්වය පහව යෑමෙන් අනතුරුව බාරකරුවන් තිදෙනා රැගෙන යාමට SS Hesperus නම් නෞකාව Eilean Mòr දිවයින අසලට යාත්‍රා කරනවා. නෞකාවේ පිරිස බලාපොරොත්තු වූයේ ඔවුන්ගේ පැමිණීම ප්‍රදීපාගාරයේ සිටින පිරිස දැනගත් බව අඟවමින් කොඩියක් ඔසවනු ලබනු ඇති කියාත් යාත්‍රාවේ සිටි ප්‍රදීපාගාර සේවකයින් පිරිස රැගෙන යාමට දිවයිනෙන් කුඩා බෝට්ටුවක් දියත් කරනු ඇති කියාත් ය. නමුත් කොඩියක හෝ බෝට්ටුවක කිසිදු සළකුණක් ඔවුන්ට දක්නට නොලැබුණු අතර යාත්‍රාවේ සයිරන් නළා හඬට හෝ කිසිදු ප්‍රතිචාරයක් ප්‍රදීපාගාරයෙන් ලැබුණේද නැත.මෙම අසාමාන්‍ය තත්වය යටතේ SS Hesperus නෞකාවෙන් යාත්‍රිකයින් දෙදෙනෙක්, ප්‍රදීපාගාර සේවකයින් දෙදෙනෙක් හා භාණ්ඩ සහිත කුඩා යාත්‍රාවක් දිවයින බලා පිටත් වන්නේ කිසිදාක මෙවැනි සිදුවීමක් බලාපොරොත්තු නොවූ බව සිහිපත් කරමිනි…

තෝමස් මාර්ශල්, ජේම්ස් ඩුකට් සහ ඩොනල්ඩ් මැක්ආතර් (අනික් පුද්ගලයා ගැන පිළිබඳව සඳහනක් නැත.)

SS Hesperus නෞකාවෙන් දිවයිනට ළගාවූ පිරිසේ එක් අයෙක් වන Joseph Moore දිවයිනට ළගා වූ විගස ප්‍රදීපාගාරය බලා පිටත්වන්නේ බාරකරුවන් තිදෙනාට කුමක් සිදුවී ඇත්දැයි දැනගැනීමේ අපේක්ෂාවෙන් වුවද, ඔහු ප්‍රදීපාගාරයේ ප්‍රධාන දොර අසලට ගිය පසු එය අඟුලු දමා ඇති බව ඔහුට දක්නට ලැබෙනවා. දොර විවර කර ප්‍රදීපාගාරය ඇතුළට යන Joseph Moore හට එහි කිසිදු මිනිස් පුළුටක්වත් නොමැති බව දැකගන්නට ලැබෙනවා. තවද බිත්තියේ එල්ලා තිබූ ඔරලෝසුවේ වේලාවද නැවතී තිබූ අතර දින කීපයකින් ගිණි උඳුනද දල්වා නැති බවත් ඔහුට පෙනී යනවා. පසෙක තිබූ මේසයක් මත කිසිවෙකු හෝ හදිසියෙන් කෑමට පිළියෙල කර තිබූ ආහාර වේලක් දක්නට ලැබුණත් එයට අතක්වත් තබා තිබුණේද නැහැ. මේ අනුව බාරකරුවන් තිදෙනා හට සිදුවී ඇත්තේ කුමක් වුවත් එම සිදුවීම හදිසියේ සිදුවූ දෙයක් බව Joseph Moore වටහාගන්නවා. කෙසේ වෙතත් මේ සුළු හෝඩුවාවන් මඟින් බාරකරුවන් තිදෙනාට සිදුවූ දෙයක් පිළිබඳව නිර්ණය කරගැනීමටවත්, ඔවුන්ව සොයාගැනීමටවත් අපහසු බැවින් ප්‍රදීපාගාරය යළිත් ක්‍රියාකාරී තත්වයට පත්කිරීමෙන් අනතුරුව Joseph Moore ඇතුළු පිරිස දිවයිනෙන් පිටත්වී යනවා…

අතුරුදහන්වීම පිළිබඳව පුවත්පතක වාර්තා කර තිබූ ආකාරය

ෆ්ලැනන් අයිල්ස් ප්‍රදීපාගාර බාරකරුවන් තිදෙනා පිළිබඳව පසුව සිදුකළ විමර්ශනයකින් දෙසැම්බර් 14 වැනිදා Eilean Mòr දිවයිනට දරුණු කුණාටුවකින් බලපෑම් එල්ලවී ඇති බව සොයාගනු ලබනවා. බාරකරුවන් තිදෙනා ස්වභාවධර්මයා විසින් බිලිගත් බව ප්‍රදීපාගාරය බාරකරු වශයෙන් කටයුතු කළ රොබට් මියුර්හෙඩ් විසින් පැවසූ අතර ඔහුගේ අදහස වූයේ කුණාටුව පැවති අවස්ථාවේදී ප්‍රදීපාගාරයට සිදුවූ හානියක් පිළිසකර කිරීමට ගිය මේ බාරකරුවන් තිදෙනා සැඩ පහරකට අසුවී අත්ලාන්තික් සාගරයට ගසාගෙන ගොස් දියේ ගිලෙන්නට ඇති බවයි. ඔහුගේ මෙම අදහස බොහෝ දුරට සත්‍යයක් ලෙස සැලකුවත් මෙම බාරකරුවන් තිදෙනා පැහැරගැනීමකට ලක්වුණාද, පිටසක්වල ප්‍රහාරයකට ගොදුරු වූවාද නැතහොත් ඔවුන් වෙනත් කාල අවකාශයක සිරවී ඇත්ද ආදී වශයෙන් නොයෙක් සැකයන් පහළ වී තිබූ අතර කෙසේ වෙතත් අවුරුදු 119ක් ගතවී තිබුණද අද වනතුරාවට එම බාරකරුවන්ට සැබවින්ම සිදුවූයේ කුමක්ද යන්න නොවිසඳුණු අභිරහසක්ව පවතිනවා…

සත්‍ය කතාව සිනමාවට…

2019 වසරේ ජනවාරි මස හතරවැනිදා ප්‍රේක්ෂකයින් හමුවට ආ The Vanishing AKA Keepers සලරුව අධ්‍යක්ෂණය කර ඇත්තේ The Enfield Haunting (2015), The Killing (2007–2012), Taboo (2017– ) වැනි රූපවාහිනී කතාමාලාවන් අධක්ෂණය කළ Kristoffer Nyholm නම් අධ්‍යක්ෂකවරයා විසිනුයි. තිර පිටපත් නිර්මාණය Celyn Jones සහ Joe Bone දෙදෙනා විසින් සිදුකර තිබෙනවා. 1900 වසරේදී ෆ්ලැනන් අයිල්ස් ප්‍රදීපාගාරය හා සම්බන්ධ සත්‍ය කතාවක් පාදක කරගනිමින් නිපදවා ඇති මෙම සලරුවේ චරිත සඳහා 1900 වර්ශයේදී සැබෑවටම එම සිදුවීමට මුහුණ පෑ පුද්ගලයින්ගේ නම් ඒ අයුරින්ම යොදාගෙන තිබෙනවා. Geostorm (2017), Den of Thieves (2018) හා Hunter Killer (2018) යන සිනමාපට වලට රංගනයෙන් එක්වූ Gerard Butler ජේම්ස් ඩුකට් ලෙසත්, Peter Mullan තෝමස් මාර්ශල් ලෙසත්, Connor Swindells ඩොනල්ඩ් මැක්ආතර් ලෙසත් මෙම සලරුවට රංගනයෙන් දායක වී ඇති අතර IMDb දර්ශකයේ 5.9/10ක අගයකුත් Rotten Tomatoes දර්ශකයේ 78%ක මනාප ප්‍රතිශතයකුත් මෙම සලරුව හිමිකරගෙන තිබෙනවා.

සත්‍ය සිදුවීමට මුහුණ පෑ අයවලුන් ලෙස චිත්‍රපටයේ රංගනයට එක් වූ චරිත ත්‍රිත්වය

චිත්‍රපටයේ කතාව පටන්ගන්නෙ මෙහෙමයි, තෝමස් මාර්ශල්, ජේම්ස් ඩුකට් හ ඩොනල්ඩ් මැක්ආතර් කියන ප්‍රදීපාගාර බාරකරුවන් තුන්දෙනා හුදෙකලා දූපතක පිහිටා තියෙන ප්‍රදීපාගාරයේ සති හයක සේවා කාලයක් සඳහා වාර්තා කරනවා. මේ තුන්දෙනා දවස් කීපයක් රාජකාරි කරගෙන ඉන්න අතරෙ දවසක් ඩොනල්ඩ් දූපතේ බෑවුමක බෝට්ටුවක් වගෙම එක මනුස්සයෙක් වැටිලා ඉන්නවා දකිනවා. ඉතින් ඩොනල්ඩ් මේ සිද්දිය අනික් දෙන්නට කිව්වට පස්සෙ තෝමස් සිද්දවෙලා තියෙන්නෙ මොකක්ද කියල හොයල බලන්න තෝමස්ව බෑවුමේ පහළට යවනවා. පහළට ගිය තෝමස් හිතන්නෙ එතන වැටිලා ඉන්න හාදයා මැරිලා කියලයි. ඒ වගෙම ඒ කිට්ටුව තිබිලා ලොකු පෙට්ටියකුත් මිනිහා හොයාගන්නවා. ඉතින් මැරිච්ච එකා මැරිල නොවැ කියල මේ තුන්දෙනා එක්ක අර පෙට්ටගම උඩට අරගන්න හදනවා. ඒ එක්කම අර මැරිල වගේ උන්නු හාදයා නැඟිටලා ඩොනල්ඩ්ට පහරදෙනවා. මෙතනදි සිද්දවෙන රණ්ඩුවෙන් ඩොනල්ඩ්ගෙ අතින් ඒ හාදයා ඇත්තටම මැරුම් කනවා. ඊට පස්සෙ කට්ටිය එකතුවෙලා අර පෙට්ටගම ප්‍රදීපාගාරයට අරන් යනවා. ඉතින් ඔතනින් එහාට සිද්දවෙන්නෙ මොකක්ද කියන එක චිත්‍රපටය බලනකොට දැනගන්න ලැබෙයි…

One Word Spoken, Hinted, Or Suggested About This And We Are Dead…
★★Destiny Is All★★
★★සියල්ල දෛවයයි★★

 

 

Due to copyright issues, we do not provide any torrent link.

මෙම ලබා දී ඇති උපසිරසි වෙබ් WEB පිටපත්  සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ ඉසුරු සම්පත් සිරිසේන ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2016-07-13
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

34 thoughts on “The Vanishing (2018) Aka Keepers Sinhala Subtitles | හුදෙකලා දිවයිනක ප්‍රෙහේළිකාවක පැටළුණු ජීවිත තුනක්…!! [සිංහල උපසිරසි සමඟ]

  • Thank U Izuru brother & baiscope team for the sub, all the best to baiscope team…………

    Reply
  • සිංහල උපසිරසියට බොහොම ස්තුතියි.
    ජය වේවා!!!

    Reply
  • Thanks bicecopelk

    Reply
  • Brrip එකට update කරන්න.

    Reply
  • Thanks machan…

    Reply
  • ජයවේවා…

    Reply
  • thank you for the subtitle.

    Reply
  • ela saho thanks

    Reply
  • Niyamai Macho….Tks a lot..

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • පට්ට තැන්ක්ස්

    Reply
  • Thank U very much bro……

    Reply
  • Thanks for the sub

    Reply
  • THANKS………………

    Reply
  • thank you sahooooo

    Reply
  • උපසිරැසියට ගොඩක් ස්තුතියි …
    බුදු සරණයි – දෙවි පිහිටයි..!

    Reply
  • බොහොම ස්තූති සහෝ උපසිරසට..BR ආවම බලමු..බුදුසරණයි..ජය වේවා..!

    Reply
  • උපසිරැසියට තුති සහෝ…
    ජය ….!!!

    Reply
  • thanx sahoo..loku wistharayak…

    Reply
  • උපසිරැසියට බොහෝම ස්තුතියි සහෝ,
    ජයෙන් ජයම වේවා…!!

    Reply

Leave a Reply to Waruna Dasun Cancel reply

Your email address will not be published. Required fields are marked *