The Walking Dead [S02 : E13] | ගොවිපලේ අවසානය… [සිංහල උපසිරැසි සමඟ]

ඇවිදින මලමිනී සමඟ මම රැඳෙන අවසාන කොටසත් රැගෙන සුපුරුදු විදියටම ආවා ඔන්න. හිතුවට වැඩිය ටිකක් පරක්කු වුනා මේක දෙන්න. ඒත් මම හිතන්නේ නැහැ යාළුවො තරහා වෙලා ඇතියි කියලා. කොහොමහරි කමක් නෑ වැඩි කතා නැතිවම කියලා ඉන්නම් ගියවර කොටස ගැන කෙටියෙන්.

රැන්ඩල්ව මරා දැමිය යුතුයි කියන දැඩි මතයේ හිටපු ෂේන් ඉතාම කපටි විදියට රැන්ඩල්ව අරගෙන යනවා කැලෑවට. කැලෑවෙදි රැන්ඩල්ව මරලා දාලා තමන්ගේ නහයත් බොරුවට කඩාගෙන ෂේන් යනවා ආපහු තමන්ගේ පිරිස හොයාගෙන. එයාලට සෑහෙන බොරු තොගයක් කීවට පස්සේ, රික් තීරණය කරනවා රැන්ඩල්ව හොයාගෙන යන්න. කැලෑව තුළට රැන්ඩල්ව සොයාගෙන යන ග්ලෙන්ට සහ ඩෙරිල්ට හමුවෙනවා, හපා කෑමකට ලක් නොවී ඇවිදින මලමිනියක් බවට පත්වුනු රැන්ඩල්ව. ඒ අනුව ඩෙරිල් තේරුම්ගන්නවා රැන්ඩල්ව ෂේන් ඝාතනය කළ බව. රික් සමඟ කැලෑවට යන ෂේන්ගේ අරමුණ තමන්ව ඝාතනය කිරීම බව රික්ට තේරුම් යනවා. එතනදී සිදුවන බහින්බස් වීමත් පරණ තරහත් හේතු කරගෙන රික් අතින් තමන්ගේ හොඳම යහළුවා මිය යනවා. ඒ ක්ෂණිකව ඇවිදින මල මිනියක් බවට පත්වන ෂේන්ව නැවත මරලා දාන්නේ කාල්.

එහෙම අවසන් වුන ගියවර කොටස අවසානයේ විශාල ඇවිදින මලමිනී රැළක්ම ගොවිපළ වෙත ඇදී එනවා ඔයාලා දකින්න ඇති. ඒ රැළ එන්නේ ගොවිපලේ නිවස පැත්තට බව තේරුම්ගන්නා රික්, කාල් සමඟ ධාන්‍ය ගබඩාව වෙත යනවා සැඟවෙන්න. නමුත් නිවස වෙත යන ඒ රැළ වැළැක්විය යුතු නිසාත් ධාන්‍ය ගබඩාව වෙත එන ඇවිදින්නන් විනාශ කිරීම උදෙසාත් රික් විසින් ධාන්‍ය ගබඩාවට ගිනි තබනවා. ඒ අතර නිවසේ සිටි අනෙක් පිරිස උපරිම උත්සාහයක් දරනවා ඇවිදින මල මිනී රැළ ගොවිපළෙන් පන්නා දමන්න. බලන්න ඒ උත්සාය සාර්ථක වෙයිද කියලා. මම නවතිනවා. ජයම වේවා…! එලස්ස්ස්…

ටොරන්ට් එක තුල සියලුම කොටස් ඇතුලත් වෙනවා. එයින් අවැසි කොටස පමණක් ඔබට බාගත කරගන්න පුළුවන්. එයට උපදෙස් සිංහලෙන්ම මෙතන තියනවා.

මේ ලබා දී ඇති සිංහල උපසිරැසි පිළිබද “යශෝධ ශ්‍රීමාල් අතුරැලියගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< previous Episode                      All Episodes                        3rd Season >>