Friday , December 4 2020
Breaking News

The World in His Arms (1952) Sinhala Subtitles | බොස්ටන් මිනිසා [සිංහල උපසිරසි සමඟ]

Rating: 9.2/10. From 10 votes.
Please wait...

ආයුබෝවන්. නිරෝගිමත් සුබ දවසක් වේවා කියලා ප්‍රාර්ථනා කරනවා බයිස්කෝප් අඩවියේ සේරම යහළු යෙහෙලියන්ට. ඉතින් පැරණි බටහිර චිත්‍රපට වලට ප්‍රිය කරන මං වගේම ඔයාල වෙනුවෙන් පැරණි හොලිවුඩ් සිනමාවේ මං කැමතිම නළුවාගේ තවත් එක ලස්සන චිත්‍රපටයකට සිංහල සබ් අරගෙන ආවා. මේ මගේ 13 වන සිංහල උපසිරසිය. The World in His Arms 1952f.

Rex Ellingwood Beach විසින් රචිත නවකතාවක් පසුව Borden Chase හා එකතුව තිර පිටපතක් ලෙස රචනාකර Aaron Rosenberg විසින් නිෂ්පාදනය කල Raoul Walsh ගේ අධ්‍යක්ෂනයෙන් නිමවූ රුවල් නැව් වලින් මුහුදු ගමන් සහිත ත්‍රාසජනක චිත්‍රපටයක් තමයි The World in His Arms කියන්නේ. මෙහි බොස්ටන් මිනිසා හෙවත් ජොනතන් ක්ලාක් ලෙස Gregory Peck ද, මරීනා ලෙස Ann Blyth සහ පෘතුගී ලෙස Anthony Quinn එක්ක, ඩීකන් ලෙස John McIntire රංගනයන් ඉදිරිපත් කරනවා. තවද සෙමියොන් කුමාරයා ලෙස Carl Esmondද මැමී ලෙස Andrea King ද ඊට අමතරව Eugenie Leontovich, Hans Conried, and Sig Ruman ද චිත්‍රපටයේ රංගනයෙන් එකතු වෙනවා.

(Reynold Brown විසින් නිර්මාණය කල චිත්‍රපටයේ පළමු පෝස්ටරය.)

ග්‍රෙගරි පෙක් නම් අසහාය නළුවා ගැන අමුතුවෙන් කතා කරන්න ඕනේ නැහැනේ. මේ චිත්‍රපටයේත් ඔහුගේ හොද රංගණයක් බලාගන්න පුළුවන්. සීල් මසුන්ගේ හම් වෙළදාම් කරන රුසියානුවන්ට වෛර කරන බොස්ටන් මිනිසා, තම අනන්‍යතාවය සගවා ඔහුගෙන් සහය ලබා ගැනීමේ අරමුණින් ඔහුව ඇසුරු කරන මරීනා නම් රුසියානු වංශවත් කාන්තාවක් සමග පෙමින් බැදෙනවා. විවාහයට ඔන්න මෙන්න කියලා ඇගේ අත ගන්න බලන් ඉන්න සෙමියොන් කුමරු ඇයව බලහත්කාරයෙන් සිට්කා වලට අරන් යනවා. මරීනා චපල ස්ත්‍රියක යැයි සිතන කැප්ටන් ක්ලාක් ඇයව අමතක වෙන්න ඇරලා සුපුරුදු සීල් මසුන් දඩයමේ යද්දී රුසියානුවන්ට අහුවෙනවා. එහිදී ඔහුට නැවත මරීනා මුණ ගැසෙන අතර මරීනා ඔහු හමුවී සිදුවූ දේ කියනවා. මේ වන විට සෙමියොන් කුමරු බොස්ටන් මිනිහා සහ ඔහුගේ කණ්ඩායම එල්ලා මැරීමට නියමිතයි.

– මරීනාට, ක්ලාක්ව හිමි වෙයිද ?
– බොස්ටන් මිනිසා මරා දමයිද ?
– සෙමියොන් කුමරු මරීනාව විවාහ කර ගනීද ?

චිත්‍රපටියේ කතාව මං කියන එක හරි නැහැනේ. අනික මේ වගේ චිත්‍රපටියක. ඒක නිසා ඔයාලම බලන්න. 1952 ඔක්තෝබර් 9 වන දා තිරගත වුනු මෙම චිත්‍රපටය යුනිවර්සල් ඉන්ටර්නැෂනල් සමාගමේ බෙදාහැරීමක්. විනාඩි 104 ක කාලයක් දිවෙන මේ චිත්‍රපටය සංගීතවත් කරලා තියෙන්නේ Frank Skinner විසින්. කැමරා අධ්‍යක්ෂනය Russell Metty වන අතර සංස්කරණය Frank Gross. චිත්‍රපටයේ රචනයේ අමතර දෙබස් කණ්ඩ Horace McCoy විසින් රචනා කර ඇත. මේ වන විට මේ චිත්‍රපටය IMDb 6.9ක අගයක් ලබා ගැනීමට සමත් වෙලා තියනවා. චිත්‍රපටය ගැන පුංචි දෙයක් කියන්න ඕනේ. 1952 වගේ කාලේ මේ චිත්‍රපටයේ ඇතැම් දර්ශණ පුදුමාකාර විදියට සංසකරණය කරලා තියනවා. පරිගණක තාක්ෂනය චිත්‍රපට වලට යොදා නොගන්නා කාලෙක මේ විශේෂ ප්‍රයෝග බොහොම සියුම්ව පාවිච්චි කරලා තියනවා. ඔයාලත් හොදින් බලන්න, එතකොට ඔයාලටත් බලාගන්න පුලුවන් මං කියන දේ. අද නිල් පාට හෝ බොහෝවිට කොල පාට තිරයක රූපගත කර පරිගණක ආශ්‍රිතව දර්ශණ තල හදන කොට (අපි හදුන්වන්නේ Chroma key කියලා) ඒ දවස් වල මේ සියල්ලම 35mm පොසිටිව් පටියකින් කරනවා කිව්වම කොහොම ඇද්ද.

එහෙනම් අදට මම නවතින්නම්.. තවත් මේ වගේම ලස්සන චිත්‍රපටයකට සිංහල සබ් අරන් මං එන්නම්. එතෙක් ඔයාලා හැමෝටම සුවදායී නිරෝගිමත් සුබ දවසක් වේවා.

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසි Blu-Ray පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2019-03-30
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Banshee [S04 : E01] Sinhala Subtitles | හැමදේම වෙනස් වෙලා [සිංහල උපසිරසි සමඟ] (18+)

කොහොම හරි බැන්ෂී අන්තිම සීසන් එකටත් අපි ආවා. කලින් සීසන් තුන එක දිගට දුන්නා වගේම …

Leave a Reply

Your email address will not be published.

8 comments

  1. Thanks for sub!

  2. බොහොම ස්තූතියි. පැරණි ඉංග්‍රීසි චිත්‍රපට තව උපසිරැසි කරන්න.

  3. නියම film එකක්. Download කරගෙන බලන්න පාඩුවක් වෙන්නෑ.

  4. isuru srinath sjs

    බොහොම ස්තුතියි සිංහල උපසිරැසියට …ජය වේවා !!

  5. thanks..

  6. බොහොම ස්තූතියි සිංහල උපසිරැසියට. ජය෴෴ 😛 😛

  7. Hashan M. Priyadarshana

    බොහොම ස්තුතියි සබ් එකට 🙂 🙂 …
    පුළුවන් නම් Jason and the Argounauts (1963) එකටත් සබ් දෙන්න

  8. සබ් එකට බොහොම ස්තූතියි සහෝ….!

error: Alert: Content is protected !!